باخچەو قوتابخانەی سنکێ

12/08/2026

پۆشاکی فەرمی قوتابخانە بۆ ساڵی نوێی خوێندن

​قوتابیانی خۆشەویست و دایک و باوکی بەڕێز، لە( باخچە و قوتابخانەی سنکێ ) ڕەنگی پۆشاکی فەرمی بۆ هەرسێ قۆناغی خوێندن دیاریکراوە و بەم شێوەیەی خوارەوەیە:

​ قۆناغی باخچە: تیشێرتی پرتەقاڵی لەگەڵ پانتۆڵی نیلی.

قۆناغی بنەڕەتی: (پۆلی ١ بۆ ٦) تیشێرت یان کراسی مارۆنی لەگەڵ پانتۆڵی نیلی.

قۆناغی ناوەندی: (پۆلی٧ بۆ ٩)تیشێرت یان کراسی نیلی تۆخ لەگەڵ پانتۆڵی خۆڵەمێشی (رەساسی).

​هیوادارین ساڵێکی پڕ لە زانست و سەرکەوتن بێت بۆ هەموو لایەک.

08/08/2026

جلو بەرگی قوتابیان و خوێندکاران بۆ ساڵی خوێندنی 2026 - 2027 بەم شێوەیە ئەبێت ...

23/07/2026

ئاگاداری دایکان و باوکانی خۆشەویست دەکەین ئەوانەی منداڵی لەدایکبوی 2020 -2021_2022 یان هەیە سەردانی باخچەو قوتابخانەکەمان بکەن بۆ تۆمارکردنیان ئەم پێداویستیان لەگەڵ خۆیان بهێنن 1_ کارتی نیشتمانی منداڵەکەو دایکی و باوکی عەسڵی کۆپی 2_ کارتی زانیاری عەسڵی و کۆپی 3_ فۆڕمی خۆران عەسڵی و کۆپی 4_ دوو وێنەی منداڵەکە 5_ گروپی خوێن 6_ ژمارەی مۆبایلی دایکو باوک تکایە لەزوترین کاتدا سەردان بکەن...

19/07/2026

دایکان و باوکانی به‌ڕێز..

ئه‌گه‌ر ئه‌زانی منداڵه‌که‌ت پێویستی به‌م خ*له‌ هه‌یه‌، ئه‌وا تا ڕۆژی ٣ شەممە له‌ ناوه‌ندی خوێندنه‌که‌ی ناوی تۆمار بکه‌ن..
خ*لی به‌هێزکردنه‌که‌ له‌ سنووره‌کانی خۆتاندا ده‌بێت، خ*له‌که‌ بێ به‌رامبه‌ر ده‌بێت و په‌روه‌رده‌که‌تان وه‌ک ئه‌رکی سه‌رشانی مامۆستای بۆ دابین ده‌کات و پێداویستییه‌کانیشی له‌ئه‌ستۆ ده‌گرێت، ته‌نها ئه‌وه‌ی له‌سه‌ر ئێوه‌ ده‌بێت ئه‌وه‌یه‌ ئه‌رک بکێشن و بیان هێنن...

13/07/2026

09/07/2026

هاوین پشووی منداڵە نەک وەرزی درێژکردنەوەی قوتابخانە!

​لەم ساڵانەی دواییدا لەگەڵ هاتنی وەرزی هاویندا، حاڵەتێکی بەرچاو دووبارە دەبێتەوە؛ بە تەواوبوونی ساڵی خوێندن، زۆرێک لە دایک و باوکان لەجیاتی ئەوەی ڕێگا بە منداڵەکانیان بدەن بچنە ناو کەشی پشوودان و یارییەوە، ڕاستەوخۆ ناویان لە خ*ل و بەرنامەی فێربوونی بەردەوامدا تۆمار دەکەن! زۆرجار ئەم هەنگاوە بە نییەتێکی باش و بە هیوای دڵنیابوون لە داهاتووی منداڵەکە دادەنرێت، بەڵام پرسیارە سەرەکییەکە لێرەدا ئەوەیە:

- ​ئایا دەبێت هەموو تەمەنی منداڵ بکرێتە کاتی فێربوونی زۆرەملێ؟
​هاوین تەنها وەرزێک نییە کە تێیدا دەرگای قوتابخانەکان دابخرێن، بەڵکو ماوەیەکی زێڕینە بۆ ئەوەی مێشک، دەروون و جەستەی منداڵ دووبارە خۆیان ڕێکبخەنەوە. پشوودان تەنها بەفیڕۆدانی کات نییە، بەڵکو قۆناغێکی بنەڕەتییە بۆ گەشەکردنێکی تەندروست.

- ​زانست و توێژینەوەکان چی دەڵێن؟
​توێژینەوە پەروەردەییەکان نیشان دەدەن کاتێک منداڵ دەرفەتی یاریی ئازاد، حەوانەوە و کاتی بێ فشار وەردەگرێت، توانای داهێنان، چارەسەرکردنی کێشەکان و ئارامیی دەروونی بە شێوەیەکی بەرچاو زیاد دەکات.

​منداڵ تەنها لە پشتی مێز و لەناو چواردیواردا فێر نابێت، زۆرجار لە پیاسەیەکی ئێواران لە یاریی لەگەڵ هاوڕێیان، لە گفتوگۆیەکی گەرمی خێزانی و لە تێڕامانی سروشتدا، شتانێک فێر دەبێت کە هیچ کتێبێک پێی نابەخشێت.

- ​ئایا خ*ل و کۆرسەکان هەمیشە خراپن؟
​نەخێر، مەبەستەکە ئەوە نییە کە خ*لەکان خراپن. بەڵام کاتێک هاوین دەبێتە درێژکراوەی مەکتەب و منداڵ بەردەوام لەژێر فشاری هۆرمۆنەکانی سترێس و فێربوونی تونددا دەمێنێتەوە، ئامانجی بنەڕەتیی پشوو لەدەست دەچێت.

- ​ئەگەر خ*لیش هەڵدەبژێرن، با بەم مەرجانە بێت:
​با بە تەواوی بە ئارەزوو و حەزی خودی منداڵەکە بێت.
​خ*لەکە مۆسیقا، وەرزش، وێنەکێشان یان هەر چالاکییەکی پڕ لە چێژ بێت.
​ئامانج لێی دڵخۆشبوونی بێت، نەک زیادکردنی بارگرانی و ئەرکی خوێندن.

- ​پەیامێکی کورت بۆ دایک و باوکان:
​منداڵ پڕۆژەیەکی بازرگانی نییە بۆ بەرهەمهێنان، بەڵکو مرۆڤێکە و پێویستی بە گەشەکردنێکی سروشتی هەیە.

با​ڕێگا بدەین منداڵەکانمان لە هاویندا چێژ لە پشووەکانیان ببینن، یاری بکەن و یادەوەری جوان دروست بکەن، بۆ ئەوەی بە وزەیەکی نوێ و مێشکێکی ئارامەوە بگەڕێنەوە بۆ سەر کورسی خوێندن؛ چونکە تەمەنی منداڵی تەنها یەکجار دێت و هەرگیز دووبارە نابێتەوە!

شنۆ حەسەن
مامۆستا

15/06/2026

تاقیکردنەوەی خ*لی دوەم پۆلە ناکۆتاکان دەست خۆشی بۆ مامۆستایان و هیوای سەرکەوتن بۆ قوتابیە خۆشەویستەکان ئەخوازین

11/06/2026

قوتابییانی خۆشەویست و دایبابانی بەڕێز ئاگادار دەکەینەوە کە تاقیکردنەوەکانی خ*لی دووەم بۆ ساڵی خوێندنی ٢٠٢٥ - ٢٠٢٦ بەپێی ئەم خشتەیەی خوارەوە بەڕێوەدەچێت:

23/05/2026

ئەمڕۆ شەممە ٢٠٢٦/٥/٢٣ پێدانەوەی نمرەی کۆتایی ساڵ بەقوتابیە خۆشەویستەکان وێڕای دەست خۆشی بۆ مامۆستایان و لیژنەکان کە زۆر دڵسۆزانە ئەرکەکانیان جێ بە جێ کردووە دەست خۆشی لە قوتابیان و کەس و کاریان دەکەین کە زۆر بە پەرۆشەوە هاووکارو پشتیوانیان بون خوای کەورە پاداشتی هەوڵ و ماندوبونی هەموان بداتەوە.....

22/05/2026

ئاگاداری قوتابیە خۆشەویستەکان دەکەین بەیانی شەممە ڕێکەوتی ٢٠٢٦⁄٥⁄٢٣ کاتژمێر (١٠) ی سەر لەبەیانی سەردانی قوتابخانە بکەن بۆ وەرگرتنەوەی کارتەکانتان بەھیوای سەرکەوتن بۆ ھەموان .......