قوتابخانەی شەھیدانی ئازادی بنەرەتی تێکەلاو

24/08/2026

بِسْمِ اللَّـهِ الرَّحْمَـٰنِ الرَّحِيمِ

("وَمَا أَرْسَلْنَاكَ إِلَّا رَحْمَةً لِّلْعَالَمِينَ")
‏
‏‎یادی لە دایك بوونی پێشەوای مرۆڤایەتی سەروەرمان ‏‎پێغەمبەر(محمد) ﷺ پیرۆزبێت
🌹اللَّهُم صَلِّی عَلَی مُحَمَّد وَ عَلَی آلِ سَیِّدِنَا مُحَمَّد🌹

15/08/2026

05/08/2026

پرسەنامە و سەرەخۆشی

﷽
﴿إِنَّا لِلَّٰهِ وَإِنَّا إِلَيْهِ رَاجِعُونَ﴾

بە داخ و پەژارەیەکی زۆرەوە هەواڵی کۆچی دوایی باوکی بەڕێزان مامۆستا مەهاباد مستەفا و مامۆستا شلێر مستەفا مامۆستایانی قوتابخانەکەمانمان پێگەیشت.

بەم بۆنە خەمناکەوە، بە ناوی ستافی کارگێڕی و سەرجەم مامۆستایان و فەرمانبەرانی قوتابخانەی شەهیدانی ئازادی بنەڕەتی تێکەڵاو پرسە و سەرەخۆشی خۆمان ئاراستەی بنەماڵە بەڕێزەکەیان و بەتایبەت هەردوو مامۆستای خۆشەویست دەکەین.

لە خودای گەورە و میهرەبان داواکارین کۆچکردوو بە بەهەشتی بەرینی خۆی شاد بکات و سەبر و ئارامی بە خانەوادە و کەسوکاریان ببەخشێت.

خوای گەورە جێگای بەهەشت بکات.

ستافی کارگێڕی و مامۆستایان و فەرمانبەرانی
قوتابخانەی شەهیدانی ئازادی 5/8/2026

23/07/2026

ئاگاداری گرنگ بۆ دایک و باوکان و قوتابیانی خۆشەویست..

بە پێی ڕێنمایی وەزارەتی پەروەردە، تکایە بۆ دەستپێکردنی ساڵی خوێندنی ٢٠٢٦–٢٠٢٧ جلوبەرگی فەرمی قوتابیان بەم شێوەیە ئامادە بکرێت:

🔹 پۆلەکانی (١–٦)

👦 کوڕان:

تیشێرتی ماڕۆنی
پانتۆڵی نیلی
لوگۆی وەزارەتی پەروەردە لەسەر تیشێرت.

👧 کچان:

تیشێرتی ماڕۆنی
تەنوورەی نیلی
لوگۆی وەزارەتی پەروەردە لەسەر تیشێرت.

پۆلەکانی (٧-٨-٩)👧 کچان:

تیشێرتی نیلی
تەنوورەی درێژی ڕەساسی
لوگۆی وەزارەتی پەروەردە لەسەر تیشێرت.

🔹 لەچکەی قوتابیان پێویستە یەک ڕەنگ بێت و نیلی بێت.

🔹 کۆلۆنی (جۆرابی) قوتابیان هەروەها پێویستە نیلی و یەک ڕەنگ بێت.

راگەیاندنی قوتابخانەی شهیدانی ئازادی بنەڕەتی تێکەلاو.
2026/7/23

15/07/2026

ئاگاداری

قوتابخانەی شەهیدانی ئازادی بنەڕەتی تێکەڵاو

سڵاو و ڕێزی ئێمە بۆ دایک و باوکانی خۆشەویست...

ئاگادارتان دەکەینەوە کە ئەمڕۆ چوارشەممە ڕێکەوتی ١٥ / ٧ / ٢٠٢٦ یەکەم ڕۆژی تۆمارکردن و وەرگرتنی منداڵان و قوتابیانە بۆ ساڵی نوێی خوێندنی ٢٠٢٦ - ٢٠٢٧

تەنها ئەم خاڵانەی خوارەوە پەیوەندی بە قوتابخانەکەمانەوە هەیە (پۆلی ١ تا ٩):

١- وەرگرتنی قوتابی لە (قۆناغی یەکەمی باخچە) یاخود (پۆلی یەکەم).
✓ وەرگرتن بەپێی شوێنی جوگرافیای قوتابخانە دەبێت.
✓ دڵنیابوونەوە لەوەی قوتابی ساڵی ڕابردوو لە باخچە بووە یاخود نا.
✓ پڕکردنەوەی فایل و فۆڕمی بنکەی تەندروستی.
✓ هێنانی کارتی نیشتیمانی ئەسڵی قوتابی. ئەگەر کارتی نیشتیمانی نەبوو پێویستە سەردانی پەروەردە (هۆبەی یاسایی) بکات بۆ پڕکردنەوەی بەڵێننامە.

٢- سەبارەت بە وێنەی قوتابی:
دەبێت ٤ وێنەی نوێ بۆ قوتابخانە بهێنرێت و دەبێت وێنەکە نوێ بێت لەم قۆناغانەدا:
✓ لە قۆناغی یەکەمی باخچە
✓ لە قۆناغی باخچە بۆ پۆلی یەکەمی بنەڕەتی
✓ لە پۆلی ٦ ی بنەڕەتی بۆ پۆلی ٧ ی بنەڕەتی

٣- تێبینی زۆر گرنگ:
لە ئێستادا نابێت هیچ منداڵێکی قۆناغی یەکەمی باخچە و قوتابی پۆلی یەکەم لە سیستەم تۆمار بکرێت، چونکە تا ئێستا ئاست گۆڕین نەکراوە بۆ قوتابیان.

لەگەڵ ڕێزدا...

بەڕێوەبەری قوتابخانە
شەهراز صالح عبدالجبار

قوتابخانەی شەهیدانی ئازادی بنەڕەتی تێکەڵاو
١٥ / ٧ / ٢٠٢٦

12/07/2026

ئاگاداری

بەڕێز دایکان و باوکانی خۆشەویستی قوتابیانی پۆلی یەکەم

ئاگادارتان دەکەینەوە کە دەستەی کارگێڕی قوتابخانەکەمان لەمڕۆوە لەبەرواری12/7/2026تاکو 19/8/2026، لەڕۆژانی یەکشەممە و چوارشەممەی هەر هەفتەیەک تەرخان دەکات بۆ ناونوسکردنی قوتابیانی پۆلی یەکەم. وەهەر کارێکی تری پەروەردە ،ئاگاداربە بەپێی شوێنی جوگرافیای وەردەگرین لەگەڵ ڕێزو سوپاس مان بۆهەمووتان

کات: 9:00 بەیانی - 12:00 نیوەڕۆ
شوێن: ژووری کارگێڕی قوتابخانە
راگەیاندنی قوتابخانەی شەھیدانی ئازادی بنەرەتی تێکەلاو
12/7/2026

04/07/2026

📢،،ئاگاداری ،،
بەرواری 5/7/2026
قوتابیانی خۆشەویست و کەسوکاری بەڕێز،
ئاگادارتان دەکەینەوە کە ئەنجامی کۆتایی وەرزی یەکەم خۆلی دووەم+وەرزی دووەم، خۆلی دووەم ڕۆژی یەک شەممە کاتژمێر ٢:٣٠ی پاشنیوەڕۆ لە قوتابخانە ڕادەگەیەنرێت.
تکایە لە کاتی دیاریکراودا ئامادەبن بۆ وەرگرتنەوەی ئەنجامەکانی کارت وکوتایی
لەگەڵ ڕێزدا.
راگەیاندنی
کارگێڕی قوتابخانەی شەھیدانی ئازادی بنەرەتی تێکەلاو

27/06/2026

بۆ/ دەستەی کارگێڕی، ئەندامان و خۆبەخشانی ڕێکخراوی وار بۆ ژینگەپارێزی
بابەت/ پیرۆزبایی ١٣ ساڵەی دامەزراندن

بەبۆنەی ١٣ـەمین ساڵیادی دامەزراندنی ڕێکخراوی واری خەمخۆری ژینگە، بە ناوی خۆم و گشت مامۆستایان و قوتابیانی قوتابخانەی شەهیدانی ئازادی بنەڕەتی تێکەڵاو، جوانترین پیرۆزبایی و دەستخۆشیتان ئاراستە دەکەین.

١٣ ساڵە "وار" بووەتە سیمبولی خۆبەخشی و خزمەتکردن بە سروشت و نیشتمان. ئێمە لە نزیکەوە شایەتی کاریگەرییە گەورەکانی ئێوەین لەناو قوتابخانەکاندا. هەر نەمامێک کە بە دەستی ئێوە و قوتابیانمان چێنراوە، وانەیەکی زیندوو بووە بۆ خۆشەویستی خاک. هەر سیمینارێک کە پێشکەشتان کردووە دەربارەی **پاراستنی نیشتمان، پیس نەکردنی ژینگە، و بەفیڕۆ نەدانی ئاو**، تۆوێکی هۆشیاری بووە کە ئێستا لە مێشکی سەدان قوتابیدا سەوز بووە. ئێمە وەک قوتابخانەی شەهیدانی ئازادی، شانازی دەکەین کە هاوبەشی ئێوە بووین و بەڵێن دەدەین هاوبەش و پاڵپشتی هەمیشەیی پەیامە پیرۆزەکەتان بین.

هیوادارین ١٣ ساڵی داهاتووتان پڕ بێت لە نەمامی زیاتر، سیمیناری زیاتر، و نەوەیەکی ژینگەدۆستتر.

سەربەرزین پێتانەوە.
لەگەڵ ڕێز و پێزانینی بێپایاندا
شهرازصالح عبدالجبار
بەڕێوەبەری قوتابخانەی شەهیدانی ئازادی بنەڕەتی تێکەڵاو
٢٧ی حوزەیرانی ٢٠٢٦