بەڕێوەبەرایەتی گشتی پەروەردەی سۆران

  • Home
  • Iraq
  • Soran
  • بەڕێوەبەرایەتی گشتی پەروەردەی سۆران

بەڕێوەبەرایەتی گشتی پەروەردەی سۆران بەڕێوەبەرایەتی گشتی پەروەردەی سۆران، پێکدێت لە پەروەردەکانی (ناوەندی سۆران، مێرگەسۆر،رواندز،چۆمان)

پرسەنامەبەداخ و پەژارەیەکی زۆرەوە هەواڵی کۆچی دوایی مامۆستا (خدر عبداللە خدر) مامۆستای گرێبەست لە قوتابخانەی(ئامادەیی گۆ...
11/08/2026

پرسەنامە
بەداخ و پەژارەیەکی زۆرەوە هەواڵی کۆچی دوایی مامۆستا (خدر عبداللە خدر) مامۆستای گرێبەست لە قوتابخانەی(ئامادەیی گۆڤاری زانستی کوڕان ) لە سنوری بەڕێوەبەرایەتی گشتی پەروەردەی سۆرانمان پێگەیشت

بەم بۆنە خەمناکەوە بەناوی بەڕێز بەڕێوەبەری گشتی پەروەردەی سۆران و تەواوی کارمەندان و پەروەردەکارانی سنورەکەمان پرسەو سەرەخۆشی خۆمان ئاڕاستەی بنەماڵەو کەس و کاری بەڕێزیان دەکەین ،
لەیەزدانی مەزن داواکارین کۆچکردوو بەبەهەشتی بەرینی خۆی شاد بکاو سەبوریش بۆ خانەوادەکەی دەخوازین.
‌‎إِنَّا لِلَّـــهِ وَإِنَّا إِلَيْـــهِ رَاجِـــعُونَ.

ڕاگەیاندنی بەڕێوەبەرایەتی گشتی پەروەردەی سۆران
١١ی ئاب ٢٠٢٦
‌‎

بەڕێوەبەری گشتی پەروەردەی سۆران ڕێز و سوپاس ئاڕاستەی بەشی پۆلیسی فریاکەوتنی سۆرانی کردچوارشەممە ٢٠٢٦/٨/٥ بەڕێوەبەری گشتی...
05/08/2026

بەڕێوەبەری گشتی پەروەردەی سۆران ڕێز و سوپاس ئاڕاستەی بەشی پۆلیسی فریاکەوتنی سۆرانی کرد

چوارشەممە ٢٠٢٦/٨/٥ بەڕێوەبەری گشتی پەروەردەی سۆران (ایڤان جانی کۆربل) بە یاوەری شاندێک سەردانی بەشی پۆلیسی فریاکەوتنی سۆرانی کرد و لەلایەن بەڕێز مقدم (نەشوان سعید حاجی )بەڕێوەبەری بەشی پۆلیسی فریاکەوتن پێشوازی لێکرا.

بەڕێوەبەری گشتی پەروەردەی سۆران ڕێز و سوپاسی خۆی ئاڕاستەی بەڕێوەبەر و کارمەندانی پۆلیسی فریاکەوتن کرد، لە هەمبەر ماندووبوون و جێبەجێکردنی ئەرکەکانیان بەتایبەت لە کاتی گواستنەوەی سۆما وبەرگەی پرسیارەکانی تاقیکردنەوەکانی پۆلی دوانزەهەمی ئامادەیی و تاقیکردنەوەی نیشتمانی پۆلی نۆیەمی بنەڕەتی.

لە سەردانێکیتریدا بۆ نەخۆشخانەی ئاشتی فێرکاری، بەیاوەری
بەڕێوەبەری نەخۆشخانە(د.حمرین مینە)، مامۆستا (فخری حمد احمد)فەرمانبەر لەنێو دیوانی بەڕێوەبەرایەتی گشتی پەروەردەی سۆرانی بەسەرکردەوە، کەوا باری تەندروستی تێکچووە، و هیوای خێراچاکبوونەوە و سەلامەتی و سەرکەوتنی بۆ خواست.

ڕاگەیاندنی بەڕێوەبەرایەتی گشتی پەروەردەی سۆران
٥ی ئاب ٢٠٢٦

پەیامێکی پیرۆزبایی لە بەڕێوەبەری گشتی پەروەردەی سۆرانەوەلە بیست و یەکەمین ساڵیادی دامەزراندنی دەزگای خێرخوازی بارزانییدا...
04/08/2026

پەیامێکی پیرۆزبایی لە بەڕێوەبەری گشتی پەروەردەی سۆرانەوە

لە بیست و یەکەمین ساڵیادی دامەزراندنی دەزگای خێرخوازی بارزانییدا، پیرۆزبایی خۆم ئاڕاستەی سەرۆکی دەزگا و ئەندامانی دەستەی کارگێڕی و تەواوی کارمەندانی دەزگاکە دەکەم.

دەزگای خێرخوازی بارزانی، هەر لە سەرەتای دروستبوونی تا ئەمڕۆ، هەمیشە پەناگە و سەکۆیەک بووە بۆ پەنابەران، لێقەوماوان، هەژاران، هۆکاری زەردەخەنەی هەزاران خێزان و منداڵانی بێ باوک و دایک بووە، هەروەها ڕۆڵێکی گرنگ و بەرچاوی هەبووە لە هاوکاریکردن و پێشخستنی کەرتی پەروەردە لە هەرێمی کوردستان بە گشتی و لە سنووری بەڕێوەبەرایەتی گشتی پەروەردەی سۆران بە تایبەتی.. بۆیە دەزگای خێرخوازی بارزانی، خاوەن پێگەیەکی گرنگ و دیارە لە نێو کۆمەڵگەکەمان.

پێزانینی زۆرم هەیە بۆ ماندووبوون و قوربانیدانی ئەم دەزگایە و کارمەندانی، کە لەپێناوی خزمەتکردن و مرۆڤایەتیدا، هەمیشە ئامادە و گیان لەسەر دەستن، بۆیە جێگای شانازین بۆ هەموو لایەک.

دووبارە ساڵیادی دامەزراندنتان لێ پیرۆز دەکەم و هیوای پێشکەوتنی بەردەوام و سەرکەوتنی زیاترتان بۆ دەخوازم .

ایڤان جانی کوربیل
بەڕێوەبەری گشتی پەروەردەی سۆران(بە وەکالەت)
٤ی ئاب ٢٠٢٦

شاندێکی باڵای بەڕێوەبەرایەتی گشتی پەروەردەی سۆران بەشداری لە چوارەمین کۆڕبەندی کوردستان دەکەنپێنجشەممە ٢٠٢٦/٧/٣٠ بە سەرپ...
31/07/2026

شاندێکی باڵای بەڕێوەبەرایەتی گشتی پەروەردەی سۆران بەشداری لە چوارەمین کۆڕبەندی کوردستان دەکەن

پێنجشەممە ٢٠٢٦/٧/٣٠ بە سەرپەرشتی وەزیری پەروەردەی حکومەتی هەرێمی کوردستان (د.ئالان حمە سعید)و بەئامادەبوونی ئەندامانی ئەنجومەنی وەزارەتی پەروەردە و بەڕێوەبەری گشتی پەروەردەی سۆران(بە وەکالەت)،(ایڤان جانی کۆربیل) و جێگری بەڕێوەبەری گشتی پەروەردەی سۆران و بەڕێوەبەرانی پەروەردەی قەزاکانی(سۆران، مێرگەسۆر، چۆمان و ڕواندز)بەشداریان لە چوارەمین کۆنفرانسی پەروەردەی لە شاری هەولیر کرد.
کۆڕبەندەکە بۆماوەی دوو ڕۆژ بەردەوامی دەبێت و کۆمەڵێک بڕگە و بابەتی گرنگ کە پەیوەستن بە پڕۆسەی پەروەردە و فێرکردن باسیان لێوە دەکرێت.

هەروەها لە کۆڕبەندەکەدا پلاتفۆرمی دیجیتاڵی کارلێککارانەی “قوتابخانەکەم" لەلایەن بەڕێز وەزیری پەروەردەی حکومەتی هەرێمی کوردستان راگەیێنرا.

ڕاگەیاندنی بەڕێوەبەرایەتی گشتی پەروەردەی سۆران
٣١ی تەمووزی ٢٠٢٦

بەڕێوەبەری گشتی پەروەردەی سۆران بەشداری لە هەڵمەتی ڕووبەڕووبوونەوەی شێرپەنجە دەکاتدووشەممە، ڕێکەوتی ٢٠٢٦/٧/٢٧ بە ئامادەب...
27/07/2026

بەڕێوەبەری گشتی پەروەردەی سۆران بەشداری لە هەڵمەتی ڕووبەڕووبوونەوەی شێرپەنجە دەکات

دووشەممە، ڕێکەوتی ٢٠٢٦/٧/٢٧ بە ئامادەبوونی بەڕێزان “د. سامان بەرزنجی” وەزیری تەندروستی حکومەتی هەرێمی کوردستان و “هەلگۆرد شێخ نجیب” سەرپەرشتیاری ئیدارەی سەربەخۆی سۆران و ”بڵند اسماعیل” بەرپرسی لقی ١٠ی پارتی دیموکراتی کوردستان و “د. شێروان شریف قرطاس” سەرۆکی زانکۆی سۆران و “موسا ئەحمد” سەرۆکی دەزگای خێرخوازی بارزانی و “ایڤان جانی کوربیل” بەڕێوەبەری گشتی پەروەردەی سۆران و بەرپرسانی حکومی و حزبی، هەڵمەتێکی گەورەی ڕووبەڕووبوونەوەی شێرپەنجە لە زانکۆی سۆران ئەنجامدرا.
شایەنی باسە هەڵمەتەکە بە هاوبەشی لە نێوان زانکۆی سۆران و دەزگای خێرخوازی بارزانی بوو لەژێر ناونیشانی (بەیەکەوە بەرەو کۆمەڵگایەکی دوور لە شێرپەنجە "هۆشیاری، توێژینەوە، هیوا").

سەرەتای ڕێوڕەسمەکە، بە وتاری بەخێرهێنان و سروودی نیشتمانی دەستی پێکرد، پاشان ڤیدیۆیەکی ئاگاداری ڕاگەیاندنی هەڵمەتی رووبەڕووبوونەوەی شێرپەنجە نمایشکرا.
لە درێژەی کارنامەی چالاکییەکەدا و لەدوای وتاری لایەنە پەیوەندیدارەکان، سیمینارێک سەبارەت بە خستنەڕووی پلانی هەڵمەتەکە لە ماوەی ساڵێکدا پێشکەش کرا، کە تیایدا ئامانج و نەخشەرێگای کارکردن بۆ هۆشیارکردنەوەی کۆمەڵگا ڕوونکرایەوە.
لە کۆتایی مەڕاسیمەکەشدا، یاداشتنامەیەکی لێکتێگەیشتن لە نێوان لایەنە پەیوەندیدارەکاندا واژووکرا بە مەبەستی هاوکاریی بەردەوام و خزمەتکردنی زیاتری کەرتی تەندروستی و هاوڵاتیانی دەڤەرەکەمان.

ڕاگەیاندنی بەڕێوەبەرایەتی گشتی پەروەردەی سۆران
٢٧ی تەمووز ٢٠٢٦

مەڕاسیمی ڕاگەیاندنی پڕۆسەی (زانستخوازی بەردەوام -هەگبەی مامۆستا) بەڕێوەچووپێنجشەممە، ڕێکەوتی ٢٣ی ٧ی ٢٠٢٦ :د. "ئالان حمەس...
23/07/2026

مەڕاسیمی ڕاگەیاندنی پڕۆسەی (زانستخوازی بەردەوام -هەگبەی مامۆستا) بەڕێوەچوو

پێنجشەممە، ڕێکەوتی ٢٣ی ٧ی ٢٠٢٦ :
د. "ئالان حمەسعید صالح" وەزیری پەروەردەی حکومەتی هەرێمی کوردستان، ​بەشداربوو لە مەراسیمی ڕاگەیاندنی پڕۆسەی (زانستخوازیی بەردەوام - هەگبەی مامۆستا) بۆ ساڵی خوێندنی (٢٠٢٥ - ٢٠٢٦). کە بەڵگەنامەی ڕێزلێنانی بەخشییە (٩٦) ناوەندی خوێندن و (٣٣) مامۆستا کە لە پلەبەندی یەکەم تاوەکو پلەبەندی دەیەمیان لەسەر ئاستی هەرێمی کوردستان بەدەستهێنابوو، هەروەها بەخشینی ڕێز و سوپاس بە نووسراوی فەرمی بە ١,٦١٩ مامۆستای بەشداربوو لەگەڵ (٩٥) سەرپەرشتیاری پەروەردەیی کە پاڵپشتی پڕۆسەکە بوون،

شایەنی باسە بەسەرپەرشتی و بەشداری ڕاستەوخۆی “ایڤان جانی کۆربیڵ” بەڕێوەبەری گشتی پەروەردەی سۆران (بەوەکالەت) و بەڕێوەبەری دڵنیایی جۆری و سەرپەرشتیکردنی پەروەردەی سۆران و بەڕێوەبەری (٢)دوو لە قوتابخانەکانی سنوری بەڕێوەبەرایەتی گشتی پەروەردەی سۆران بەشداریانکرد

هەروەها لە کۆی ئەم (٩٦)قوتابخانانەی بەڵگەنامەی ڕێزلێنانیان پێبەخشرا هەردوو قوتابخانەکانی (ئامادەیی گۆڤاری زانستی کوڕان و ئامادەیی باڵەکایەتی وێژەیی کوڕان )لە سنورەکەمان وەک لە باشترینەکانی هەرێمی کوردستان بەڵگەنامەی ڕێزلێنانیان پێبەخشرا لە چوارچێوەی پڕۆسەی(زانستخوازیی بەردەوام-هەگبەی مامۆستا)
بەئامانجی ئاشناکردنی زیاتری قوتابخانەکانی سنورەکەمان و بەشداریکردنی زیاتریان لە پڕۆسەکە بە ئامانجی پێشخستنی زیاتری پەروەردە و فێرکردن.

ڕاگەیاندنی بەڕێوەبەرایەتی گشتی پەروەردەی سۆران
٢٣ی تەمووز ٢٠٢٦

بەڕێوەبەری گشتی پەروەردەی سۆران خولی شیاندن بەسەر دەکاتەوەئەمڕۆ سێشەممە ڕێکەوتی ٢٠٢٦/٧/٢١ “ایڤان جانی کۆربیل”بەڕێوەبەری ...
21/07/2026

بەڕێوەبەری گشتی پەروەردەی سۆران خولی شیاندن بەسەر دەکاتەوە

ئەمڕۆ سێشەممە ڕێکەوتی ٢٠٢٦/٧/٢١ “ایڤان جانی کۆربیل”بەڕێوەبەری گشتی پەروەردەی سۆران (بەوەکالەت) بە یاوەری بەڕێوەبەری ڕاهێنان و پەرەپێدانی پەروەردەیی لە بەڕێوەبەرایەتی گشتی پەروەردەی سۆران ،خولی شیاندنی مامۆستایانی پەروەردەی (چۆمان ،مێرگەسۆر) بەسەر کردەوە
بۆ لەنزیکەوە ئاگاداربوون لە چۆنیەتی بەڕێوەچوونی خولەکە و دیدەنی کردن و پاڵپشتی زیاتر بۆ گرنگی دان بە خولەکە

لە وتەیەکدا ئاماژەی بە گرنگی و پێویستی ئەم خولە بۆ مامۆستایان و پەروەردەکاران کرد و بە هەنگاوی هەرە گرنگ و پێویست وەسف کرد بۆ بەرەو پێشوەچوونی زیاتری پڕۆسەی پەروەردە لە ئایندە و ئامادەیی هەموو جۆرە پاڵپشتی و هاوکاریەکیشی دەربڕی و سوپاسی بەشداربووان و سەرپەرشتیارانی خولەکەی کرد.

ڕاگەیاندنی بەڕێوەبەرایەتی گشتی پەروەردەی سۆران
٢١ی تەمووز ٢٠٢٦

بەڕێوەبەری گشتی پەروەردەی سۆران یەکەی دڵنیایی جۆری وسەرپەرشتیکردنی پەروەردەی سۆران بەسەر دەکاتەوەئەمڕۆ دووشەممە ڕێکەوتی ...
20/07/2026

بەڕێوەبەری گشتی پەروەردەی سۆران یەکەی دڵنیایی جۆری وسەرپەرشتیکردنی پەروەردەی سۆران بەسەر دەکاتەوە

ئەمڕۆ دووشەممە ڕێکەوتی ٢٠٢٦/٧/٢٠ “ایڤان جانی کۆربیل”بەڕێوەبەری گشتی پەروەردەی سۆران (بەوەکالەت) یەکەی دڵنیایی جۆری و سەرپەرشتیکردنی پەروەردەی سۆرانی بەسەر کردەوە و لەلایەن (اکڕەم احمد ڕشید)سەرپەرشتیاری یەکەمی پەروەردە و ستافی سەرپەرشتیاران پێشوازی لێکرا

لە دانیشتنێکدا گفتوگۆ لەبارەی ڕەوشی پەروەردە و چۆنیەتیی بەهێزکردنی ڕۆڵی سەرپەرشتیاران لە بەرزکردنەوەی ئاستی زانستی و پەروەردەیی قوتابخانەکان کرا

لە دڕێژەی گفتوگۆکاندا بەڕێوەبەری گشتی پەروەردەی سۆران جەختی لەسەر پێویستی هەماهەنگی بەردەوام لەنێوان یەکە و هەر دوو بەڕێوبەرایەتی پەروەردەی قەزا و بەڕێوەبەرایەتی دڵنیایی جۆریی و سەرپەرشتیکردنی پەروەردەیی سۆران بۆ چارەسەرکردنی ئاستەنگەکان و بەرەوپێشبردنی پرۆسەی پەروەردە کردەوە.

ڕاگەیاندنی بەڕێوەبەرایەتی گشتی پەروەردەی سۆران
٢٠ی تەمووز ٢٠٢٦

کۆبوونەوەیەکی تایبەت بە ئاماددەکارییەکانی ساڵی نوێی خوێندن ئەنجامدرائەمڕۆ چوارشەممە، ڕێکەوتی ٢٠٢٦/٧/١٥، بەڕێز “ایڤان جان...
15/07/2026

کۆبوونەوەیەکی تایبەت بە ئاماددەکارییەکانی ساڵی نوێی خوێندن ئەنجامدرا

ئەمڕۆ چوارشەممە، ڕێکەوتی ٢٠٢٦/٧/١٥، بەڕێز “ایڤان جانی کوربیل” بەڕێوەبەری گشتی پەروەردەی سۆران (بەوەکالەت)، لەگەڵ بەڕێوەبەری پەروەردەی قەزاکانی: (ناوەندی سۆران، مێرگەسۆر، ڕواندز و چۆمان) کۆبووەوە،
لە کۆبوونەوەکەدا، تاوتوێی خاڵەکانی کۆبوونەوەی (١١ی٧ی٢٠٢٦) ئەنجومەنی وەزارەتی پەروەردە کرا، کە تایبەت بوون بە ڕێنمایی و ڕاسپاردەکانی ساڵی نوێی خوێندن و بابەتەکانی ڕێکخستنەوەی میلاکات و پڕۆژەی بونیادنانی تواناکان و زانستخوازی و خۆئامادەکردن بۆ ساڵی تازەی خوێند،

لە بەشێکی تری کۆبوونەوەکەدا، بەڕێز بەڕێوەبەری گشتی، لە پێداویستی و کەموکوڕیەکانی پەروەردەی قەزاکانی پرسی وەک ئامادەکارییەک بۆ باشترکردنی پڕۆسەی پەروەردە و فێرکردن لە سنووری بەڕێوەبەرایەتی گشتی پەروەردەی سۆران.

ڕاگەیاندنی بەڕێوەبەرایەتی گشتی پەروەردەی سۆران
١٥ی تەمووزی ٢٠٢٦

ڕێککارەکانی پێدانی مۆڵەتی بێموچە بۆ ساڵی خوێندنی (٢٠٢٦-٢٠٢٧)
12/07/2026

ڕێککارەکانی پێدانی مۆڵەتی بێموچە بۆ ساڵی خوێندنی (٢٠٢٦-٢٠٢٧)

Address

Soran

Website

Alerts

Be the first to know and let us send you an email when بەڕێوەبەرایەتی گشتی پەروەردەی سۆران posts news and promotions. Your email address will not be used for any other purpose, and you can unsubscribe at any time.

Shortcuts

Share

Category