Shingal Technical Institute پەیمانگەها تەکنیکى یا شنگال المعهد التقني شنكال

24/05/2026

ل رێکەفتــ 24/5/2026ــی، هوبا دلنيا جورى ل پەيمانگەها تەكنيكى يا شنگال د چالاكييەكێ دا دوو سمينار بو ماموستايێن پەيمانگەهێ ساز كرن.
* سمينار لژێر ناڤ و نیشان ("احتساب القدم والاجازات لموظفي الخدمة المدنیة") ژلایێ (پ. د. احمد نوح طە) هاتییە گوتن.
* سمينار لژێر ناڤ و نیشان ("التضخم واثرە علی النمو الاقتصادي") ژلایێ (م. محمدامین سعید محمدامین) هاتییە گوتن.
#ڕاگەھاندنا پەیمانگەھا تەکنیکی یا شنگال

23/05/2026

ئاگەهداری
لژێر چاڤدێریا "پ. د. ئــاری عــادل" سەرۆکا زانکۆیا پۆلیتەکنیک دهۆک، رێڤەبەریا گەشەپێدانا کاری دێ پیشانگەها دەلیڤێن کاری ل ئاڤاهیێ سەرۆکاتیا زانکۆیێ ڤەکەت ل روژا ئێک شەمبی رێکەفتی 24/5/2026 ل دەمژمێر 10 سپێدێ هەتا 6 ئێڤاری.

23/05/2026

ئـــــاگــــەهـــــداری!
ئەڤرو رێکەفتـ 23/5/2026 ـێ ئەنجامێن ئەزموونێن دووماهیکا سمستەرێ دووێ وچارێ (خولا ئێكێ) 2025-2026 هاتنه ڕاگەھاندن، قوناغا ئێکێ و دووێ خواندنا سپێدەھیان و ئێڤاران.
ھیڤیا سەرکەفتنێ بۆ ھەمی قوتابییان دخازين.

"نەرازیبوون":
ئاگەهداریا قوتابییێن قوناغا ئێکێ و دووێ دکەین، ئەوێن "نەرازیبوون" (اعتراض) ل سەر ئەنجامێن سمستەرێ دووێ وچارێ (2025-2026) هەین:
دشیێن سەرەدانا هۆبا دارایی بکەن ژ بۆ پڕکرنا فۆرما نەرازیبوونێ، ئەو فورمە رادەستی بەشێ خو بکەن.

دەستپێدکەت: 24/5/2026
دووماهیک ژڤان: 25/5/2026

ئەنجامێن نەرازیبوونێ ل رێکەفتـ 1/6/2026 ـێ دێ هێنە ڕاگەهاندن.

لێژنا ئەزموونان
ڕاگەهاندنا پەیمامگەها تەکنیکی یا شنگال

21/05/2026

20/05/2026

18/05/2026

12/05/2026

ب هەلکەفتا سالڤەگەڕا (٣٣) سالیا دامەزراندنا بنگەهێ لالش یێ ڕەوشەنبیری و جڤاکی، ب ناڤێ ڕاگریا پەیمانگەها تەکنیکی یا شنگال، گەرمترین پیرۆزباهییێن خۆ ئاراستەی سەرۆک، ئەندامێن دەستەیا بلندا کارگێڕی، و سەرجەم کادر و دڵسۆزێن ڤی بنگەهی دکەین.

بنگەهێ لالش د مێژوویا خەبات و کارێ خۆ دا، خودان ڕۆڵەکێ دیار و کاریگەر بوویە د پێشکێشکرنا خزمەتێن هێژا یێن زانستی، ئەکادیمی و کولتووری دا، و پێشەنگ بوویە د پاراستنا ڕەسەناتیا جڤاکی دا.

د ڤێ هەلکەفتا بەڕێز دا، دەستخۆشیێ ل بزاڤ و ماندیبوونا وان یا بەردەوام دکەین، و هیڤیا سەرکەفتنێ و پێشڤەچوونا پتر بۆ کاروانێ وان دخوازین.

12/5/2026

#راگەهاندنا پەیمانگەها تەکنیکی یا شنگال

12/05/2026

سەرەدانا لژنەیا بلندا ئەزموونان یا زانکۆیا پۆلیتەکنیکی یا دهۆک بۆ پەیمانگەهێ

ب مەرەما دووڤچوون و ژ نێزیک ئاگاداربوون ل سەر چەوانیا ڕێڤەچوونا پرۆسەیا ئەزموونان، ئەڤرۆ سێشەمبی ڕێکەفتی 2026/5/12، لژنەیا بلندا ئەزموونان ل سەرۆکاتیا زانکۆیا پۆلیتەکنیکی یا دهۆک، کو پێکهاتبوو ژ بەڕێزان (پ. هـ. د. نژدڤان عبدالجواد ککو، د. دلشیر احمد محمد، د. سوار عبدالسلام زبير)، سەرەدانا پەیمانگەها تەکنیکی یا شنگال کر. ژ لایێ خۆ ڤە، بەڕێز (پ. هـ. د. گیلان باپیر احمد) ڕاگرێ پەیمانگەهێ، دگەل لژنەیا ئەزموونان، پێشوازیەکا گەرم ل شاندا مێهڤان کر.

د سەرەدانەکێ دا بۆ هۆلێن تاقیکرنان و پشکێن جودا جودا یێن پەیمانگەهێ، لژنەیا بلندا ئەزموونان ژ نێزیک چاڤدێڕیا جێبەجێکرنا ڕێنمایی و پێوەرێن ئەکادیمی و دابینکرنا ژینگەکا گونجای و ئارام بۆ قوتابیان ل دەمێ ئەنجامدانا ئەزموونان کر.

ل دوماهیا سەرەدانێ, لژنەیێ سەرنج و تێبینیێن خۆ ل سەر دۆسیەیێن ئەزموونان تۆمارکرن و خۆشحاڵیا خۆ بەرامبەر پابەندبوونا ب بڕیار و ڕێنماییێن سەرۆکاتیا زانکۆیێ دەربڕی. هەروەسا، دەستخۆشی ل ڕاگریا پەیمانگەهێ، ستافێ ئەکادیمی و کارگێڕی، و لژنا ئەزموونان کر بۆ بەردەوامبوونێ ب ڤی ئاستێ ڕێکخستن و بەرپرسیاریەتیێ، و هیڤیا سەرکەفتنێ و پاشەڕۆژەکا گەش بۆ قوتابیێن خۆشتڤی خواست.
#ڕاگەھاندنا پەیمانگەھا تەکنیکی یا شنگال

06/05/2026

سەرەدانا ڕاگریا پەیمانگەهێ بۆ هۆلێن ئەزموونێن دووماهیکا سەمستەرێ دووێ و چارێ

ئەڤرۆرێکەفتێ 6/5/2026 ئەزموونێن تیۆری یێن دووماهیکا سەمستەرێ دووێ و چارێ (خولا ئێکێ) ل پەیمانگەها تەکنیکی یا شنگال دەستپێکرن، ب مەبەستا ژ نێزیک ئاگەهداربوون ژ چەوانیا بڕێڤەچوونا ئەزموونان، هێژا (پ. هـ. د. گیلان باپیر احمد) ڕاگرێ پەیمانگەهێ ب هەڤالینیا هێژا (م. هـ. ارشد سعید دیرو) هاریکارێ ڕاگری و لژنەیا ئەزموونان، سەرەدانا هۆلێن ئەزموونان ل پشکێن جودا جودا یێن پەیمانگەهێ کرن.

د ئەڤێ سەرەدانێ دا، ڕاگرێ پەیمانگەهێ دەستخۆشی ل لژنەیا ئەزموونان و چاڤدێرێن هۆلان کر بۆ ڕێکخستنا کاران ب شێوەیەکێ زانستی و ب رێکوپێکی. هەروەسا ژ نێزیک ئاگەهداربوو ژ تێبینی و پێدڤیێن قوتابیان ب مەبەستا دابینکرنا ژینگەیەکا گونجای بۆ ئەنجامدانا ئەزموونان ب باشترین شێوە.

د دووماهیێ دا، هیڤیا سەرکەفتنێ بۆ هەمی قوتابیێن خۆ یێن خۆشتڤی دخوازین د ئەزموونێن وان دا.

#راگەهاندنا پەیمانگەها تەکنیکی یا شنگال

03/05/2026

ئەزموونێن پراکتیکی ل پەیمانگەها تەکنیکی یا شنگال دەستپێکرن

ئەڤرۆ 3/5/2026، ب ئامادەبوونا ڕێزدار (پ. هـ. د. گیلان باپیر احمد) ڕاگرێ پەیمانگەهێ دگەل ڕێزدار (م. هـ. ارشد سعید دیرو) هاریکارێ ڕاگری، ئەزموونێن پراکتیکی یێن خولا ئێکێ دەستپێکرن. ڕاگری سەرەدانا تاقیگەهان کر و دەستخۆشی ل مامۆستایان کر و هیڤیا سەرکەفتنێ بۆ هەمی قوتابیان خواست.
#ڕاگەھاندنا _ پەیمانگەھا _تەکنیکی _یا شنگال

30/04/2026

پەیمانگەها تەکینکی یا شنگال
قوتابیێن دەرچووی بەشێ کارگێری تەندروستی
قوتابیێن دەرچووی بەشێ ژمێریاری
2026 - 2025