راگەیاندنی کۆلێژی تەکنیکی شەقڵاوە

  • Home
  • Iraq
  • Shaqlawah
  • راگەیاندنی کۆلێژی تەکنیکی شەقڵاوە

راگەیاندنی کۆلێژی تەکنیکی شەقڵاوە سڵاو هاوڕێیان...
ئێمە وەکو راگەیاندنی كولێژ ئەو پەیجەمان داناوە ئامانجمان ئەوەیە بیکەین بە پردێکی بەهێز لە نێوان قوتابیان و كۆلێژ...

کورتەیەک دەربارەى دامەزراندنى پەیمانگەى تەکنیکى شەقلاوە

بەخشینى زانست بە قوتابیان ودەرچوانیان لە پەیمانگەى تەکنیکى شەقلاوە دەستکەوتێکى گەورەیە بۆ شارى شەقلاوە ودانیشتوانەکەى وپێویستێکى سەردەمى مۆدێرن وبەرەو پێش بردنى زانست وسوود مەندى خەڵکى شەقلاوە بوو بۆ تەواو کردنى خوێندن ودەستکەوتێکى گەورە بۆ قوتابیە هەژارەکان و کەم دەرامەتەکان کەنەیان دەتوانی درێژە بە خوێندنى خۆیان بدەن دوور لە ماڵوە. بۆیە بە پێ بریارى ئەنجوومەنى فێرکردنى باڵا ژمارە (٥) لە ٢٨/٨/١٩٩٧ ولە گەڵ دەست بە کاربوونى کابینى سێ یەمى حکومەتى هەرێمێ کوردستان لە ژێر چاودێرى شەهید (سامى عبدالرحمان) ئەم دیاریە پێشکەش بە شەقلاوە کرا.وپەیمانگە یەکەم ساڵى خوێندنى لە ناو باڵاخانەى پەیمانگەى تەکنیکى هەولێر دەستى بە وەرگرتنى قوتبیان کرد کە ژمارەیان (٢٧) قوتابیى بوو بە کردنەوەى بەشى کارگێرى ئوتێل وگەشت وگوزار. وە لە ٢٥-٩-١٩٩٩ پەیمانگە بۆ ساڵى دووەم ١٩٩٩-٢٠٠٠ گواستراوە بۆ شەقلاوە.

23/05/2026

ڕۆژێکی پڕ لە شانازی بۆ دەرچووانی بەشی پەرستاری

بە دڵخۆشییەکی زۆرەوە دیمەنەکانی دەرچووانی بەشی پەرستاری لە کۆلێژەکەمان بڵاودەکەینەوە، کە بە پەرۆشی و ئومێدەوە سەیری داهاتوویەکی پڕ لە دەستکەوت دەکەن.
ئێمە لە کۆلێژەکەمان شانازی بە هەموو یەکێک لە ئێوە دەکەین. هیوادارین لە کاروانی نوێی ژیانتان و لە خزمەتکردنی نەخۆشەکاندا، نموونەی دڵسۆزی و پیشەیی بن.
ڕاگەیاندنی کۆلێژی تەکنیکی شەقڵاوە

23/05/2026

قوتابیانى بەشى بیناکارى ئەزموونی پراکتیکی خۆیان بە ڤیدیۆ دۆکیۆمێنت دەکەن

قوتابیانی بەشی بیناکاری لە کۆلێژەکەمان، بەمەبەستی بەرزنرخاندنی ئەو هەوڵ و ماندووبوونەی لە ماوەی ئەمساڵی خوێندندا لە تاقیگە و وۆکشۆپەکاندا کێشاویانە، پارچە ڤیدیۆیەکی ناوازەیان ئامادە کردووە.
ئەم ڤیدیۆیە بریتییە لە دۆکیۆمێنتکردنی ساتە پڕ لە زانیاری و وانە پراکتیکییەکانیان، کە تێیدا چەندین لایەنی هونەری و ئەندازیاریی ئەو پیشەیەیان نمایش کردووە کە لە ماوەی خوێندتى کۆلێژ فێریان بوون.
جێگەی دەستخۆشییە بۆ ئەم بەهرەمەندانە کە بەم شێوەیە سەرنجیان خستووەتە سەر گرنگی خوێندنی پراکتیکی و داهێنان لە بواری بیناکاریدا. هیوای سەرکەوتنی بەردەوام بۆ هەموویان دەخوازین و هیوادارین لە داهاتوودا ببینە ئەندازیاری داهێنەر و خزمەتکاری وڵاتەکەمان.
ڕاگەیاندنی کۆلێژی تەکنیکی شەقڵاو

22/05/2026

کۆتایی هاتنی کۆلێژ جوانترین بیرەوەریە لەبەر ئەوەی دەسپێکی سەرەتایەکی نوێیە
"قوتابی ئازیز، ئەو زانستەی کۆت کردووەتەوە، بۆ ماڵ ئاوای لە زانست نیە ، بەڵکو بۆ ڕۆژانی داهاتووی ژیان بەکاری بهێنە.

ڕاگەیاندنی کۆلێژی تەکنیکی شەقڵاوە

بە پێشکەشکردنی سوپاسنامە، قوتابیانی بەشی پڕۆتۆکۆڵ و شیاندنی دبلۆماسی ڕێز لە مامۆستایانیان دەنێنلە دەستپێشخەرییەکی هاوشان...
21/05/2026

بە پێشکەشکردنی سوپاسنامە، قوتابیانی بەشی پڕۆتۆکۆڵ و شیاندنی دبلۆماسی ڕێز لە مامۆستایانیان دەنێن
لە دەستپێشخەرییەکی هاوشان لەگەڵ پسپۆڕییەکەیاندا، قوتابیانی قۆناغی دووەمی خوێندنى بەیانیان لە بەشی پڕۆتۆکۆڵ و شیاندنی دبلۆماسی، بە بۆنەی کۆتایی هاتنی ساڵی خوێندنی (٢٠٢٥-٢٠٢٦) نامەیەکی پڕ لە وەفایان ئاراستەی مامۆستایانیان کرد.
ئەمڕۆ پێنجشەممە، ڕێکەوتی ٢١ی ئایاری ٢٠٢٦، قوتابیانی بەشەکە بە بۆنەی تەواوبوونی ساڵی خوێندنیان، سوپاسنامە و قەڵغانى ڕێزلێنانیان پێشکەش بە سەرۆکی بەش، بڕیاردەر و سەرجەم مامۆستایانی بەشەکەیان کرد؛ ئەمەش وەک پێزانینێک بۆ ئەو پێشەکەوتنە زانستی و ئەکادیمییەی لە ماوەی خوێندنیاندا پێیان بەخشراوە.
لای خۆیانەوە، سەرۆکایەتی بەش و مامۆستایان دەستخۆشی و پێزانینی زۆریان بۆ ئەم هەستە بەرزەی قوتابییان دەربڕی و هیوای داهاتوویەکی گەش و سەرکەوتنیان لە کایەی دبلۆماسی و کارگێڕیدا بۆ خواستن.
ڕاگەیاندنی کۆلێژی تەکنیکی شەقڵاوە

دەستپێشخەرییەکی ناوازەی قوتابیانی بەشی گەشتیاری بۆ کۆلێژەکەیانلە دەستپێشخەرییەکی ناوازە و پڕ لە مانادا، قوتابیانی بەشی گ...
21/05/2026

دەستپێشخەرییەکی ناوازەی قوتابیانی بەشی گەشتیاری بۆ کۆلێژەکەیان

لە دەستپێشخەرییەکی ناوازە و پڕ لە مانادا، قوتابیانی بەشی گەشتیاری لە کۆلێژەکەمان، دوای تەواوکردنی تاقیکردنەوەکانی کۆتایی ساڵ و پێش ماڵاواییکردنیان لە تەمەنی خوێندنی زانکۆیی، هەڵسان بە چاندنی چەندین نەمامی جوان لە باخچەی کۆلێژدا، ئەمەش وەک هێمایەک بۆ دەربڕینی ڕێز، وەفا و پێزانین بەرامبەر بەو ناوەندەی تێیدا پێگەیشتوون.
ئەم چالاکییە ژینگە دۆستییە بە ئامادەبوون و بەشداریی بەڕێزان ڕاگری کۆلێژ، سەرۆکی بەشی گەشتیاری و بەرپرسی لێژنەی قوتابیانی ئێوارانی کۆلێژ بەڕێوەچوو، کە تێیدا دەستخۆشی لە هۆشیاری و دڵسۆزیی قوتابییان کرا. هیواخوازین ئەم جۆرە دەستپێشخەرییە بەرزانە ببنە کلتوورێکی بەردەوام و لە داهاتووشدا لە تەواوی ناوەندەکانی خوێندندا دووبارە ببنەوە.
ڕاگەیاندنی کۆلێژی تەکنیکی شەقڵاوە

19/05/2026

کۆتا پەیامی دەستەی مامۆستایانی بەشی IT ئاراستەی قوتابیانی دەرچوو دەکرێت
مامۆستایان جەخت لەوە دەکەنەوە کە فێربوونی ڕاستەقینە ، لەدوای وەرگرتنی بڕوانامە دەست پێدەکات ، داواکارن قوتابیان هەمیشە لە نوێبوونەوە دا بن.

ڕاگەیاندنی کۆلێژی تەکنیکی شەقڵاوە

دەستکەوتێکی زانستی نوێ بۆ کۆلێژی تەکنیکی شەقڵاوە لە بواری تەکنەلۆژیای نانۆبە ناوی ڕاگرایەتی کۆلێژی تەکنیکی شەقڵاوە، گەرم...
14/05/2026

دەستکەوتێکی زانستی نوێ بۆ کۆلێژی تەکنیکی شەقڵاوە لە بواری تەکنەلۆژیای نانۆ

بە ناوی ڕاگرایەتی کۆلێژی تەکنیکی شەقڵاوە، گەرمترین پیرۆزبایی ئاراستەی بەڕێز(مامۆستا زرار محمدطاهر) سەرۆکی بەشی کۆنترۆڵی جۆری خۆراک دەکەین بەبۆنەی بڵاوکردنەوەی توێژینەوەیەکی زانستی نوێ لە گۆڤارێکی جیهانی ئاستبەرز.
توێژینەوەکە بە ناونیشانی: ‏(Eco-Engineered Gold Nanoparticles as Dual-Functional Nanoplatforms for Microbial Inhibition and Organic Dyes Photodegradation)
لە گۆڤاری زانستی نێودەوڵەتی (BioNanoscience) بڵاوکراوەتەوە، کە خاوەنی ئیمپاکت فاکتەری (3.2)ـە. ئەم کارە ئەکادیمییە هەنگاوێکی گرنگە لە بواری بەکارهێنانی تەکنەلۆژیای نانۆ بۆ پاککردنەوەی ژینگە لە پاشماوە کیمیاییەکان.
دەستخۆشی لە ماندووبوونی بەڕێزیان دەکەین و هیوای سەرکەوتنی بەردەوامی بۆ دەخوازین لە کاروانە زانستییەکەیدا، بە ئاراستەی خزمەتکردنی زیاتری کۆلێژ و زانکۆکەمان.
ڕاگەیاندنی کۆلێژی تەکنیکی شەقڵاوە

رۆژی چوارشەممە ٢٠٢٦/٥/١٣. قەزای مێرگەسۆر …ڕاگری کۆلێژەکەمان بەڕێز پ.ی.د (عبدالخالق نادر قادر )لەپەیمانگەی تەکنیکی مێرگەس...
14/05/2026

رۆژی چوارشەممە ٢٠٢٦/٥/١٣.
قەزای مێرگەسۆر …
ڕاگری کۆلێژەکەمان بەڕێز پ.ی.د (عبدالخالق نادر قادر )لەپەیمانگەی تەکنیکی مێرگەسۆر وەکو پانێڵیست بەشداری کرد ،لە هەڵسەنگاندن و شیکاری کتێبی (ڕەوشی کارگێڕی دەڤەری بارزان لەتوێی بەڵگەنامەکاندا ١٨٥٠-٢٠٢٤)کە لەنووسینی بەڕێز (ڕەواج حاجی) بوو ..
بەڕێز ڕاگر بە شەش تەوەری جیاواز شیکاریان بۆ کتێبەکە کرد(قۆناغەکانی کارگێڕی لەسەردەمە جیاوازەکاندا،بەستنەوەی ناوەرۆکی کتێبەکە بەبیردۆزە کارگێڕیەکان،سەرکردایەتی لە دەڤەری بارزان لەروانگەی نوسەر،بەرێوەبردنی ستراتیجی، یەکەمین دەستوری کارگێری شێخ عەبدولسەلامی بارزانی ،بەستنەوەی ناوەرۆکی کتێبەکە لەگەڵ کارنامەی کابینەی ٩ی حکومەتی هەرێمی کورستان).

ڕاگەیاندنی کۆلێژی تەکنیکی شەقڵاوە

سەردانی سەرۆکی زانکۆی پۆلی تەکنیکی هەولێر و ڕاگری کۆلێژی تەکنیکی شەقڵاوە و سەرۆک لێژنەی ئەزموونەکان بۆ هۆلەکانی تاقیکرد...
11/05/2026

سەردانی سەرۆکی زانکۆی پۆلی تەکنیکی هەولێر و ڕاگری کۆلێژی تەکنیکی شەقڵاوە و سەرۆک لێژنەی ئەزموونەکان بۆ هۆلەکانی تاقیکردنەوە

ڕێکەوتی ٢٠٢٦/٥/١١ بەڕێز سەرۆکی زانکۆی پۆلی تەکنیکی هەولێر پ.د ( ادریس محمد طاهر هەرکی )وبەڕێز ڕاگری کۆلێژ پ.ی.د (عبدالخالق نادر قادر) و بەڕێز سەرۆک لێژنەی ئەزموونەکان مامۆستا ( محمد جمال محمد)
سەردانی هۆڵەکانی تاقیکردنەوەکانی کۆتا وەرزی بەهارە خولی یەکەم قۆناغی ( دووەم و چوارەم)ی کۆلێژی تەکنیکی شەقڵاوەیان کرد ، لە نزیکەوە ئاگاداری چۆنیەتی بەڕێوەچوونی تاقیکردنەوەکان بوون، هیوای سەرکەوتنیان بۆ گشت قوتابیان خواست.

ڕاگەیاندنی کۆلێژی تەکنیکی شەقڵاوە

سەردانی ڕاگری کۆلێژ و سەرۆک لێژنەی ئەزموونەکان بۆ هۆڵەکانی تاقیکردنەوە ڕێکەوتی ٢٠٢٦/٥/١٠ سەردانی بەڕێزان ڕاگری کۆلێژ و س...
10/05/2026

سەردانی ڕاگری کۆلێژ و سەرۆک لێژنەی ئەزموونەکان بۆ هۆڵەکانی تاقیکردنەوە
ڕێکەوتی ٢٠٢٦/٥/١٠ سەردانی بەڕێزان ڕاگری کۆلێژ و سەرۆک لێژنەی ئەزموونەکان بۆ هۆڵەکانی تاقیکردنەوە کۆتا وەرزی بەهارە ، وەرزی دووەم خولی یەکەم قۆناغی ( یەکەم و سێییەم )ی بەیانیان و ئێواران
بەمەبەستی ئاگادار بوون لە چۆنیەتی بەڕێوەچوونی تاقیکردنەوەکان و شێوازی پرسیارەکان و ڕێنمای دان بە قوتابیان لەبارەی ئامادەبوونیان لەکاتی خۆی.
هیوای سەرکەوتنیان خواست بۆ گشت قوتابیان .

ڕاگەیاندنی کۆلێژی تەکنیکی شەقڵاوە

بەشداری کارای قوتابیانی کۆلێژی تەکنیکی شەقڵاوە لە شەشەمین کۆنفرانسی زانستی قوتابیانئەمڕۆ پێنجشەممە ٢٠٢٦/٥/٧، قوتابیانی س...
07/05/2026

بەشداری کارای قوتابیانی کۆلێژی تەکنیکی شەقڵاوە لە شەشەمین کۆنفرانسی زانستی قوتابیان

ئەمڕۆ پێنجشەممە ٢٠٢٦/٥/٧، قوتابیانی سەرجەم بەشە زانستییەکانی کۆلێژی تەکنیکی شەقڵاوە بەشدارییان کرد لە شەشەمین کۆنفرانسی زانستی قوتابیان لە زانکۆی پۆلیتەکنیکی هەولێر بەڕێوەچوو کە لە ژێر دروشمی (بیرۆکەکانمان داهاتوو دەخەمڵێنن).
کۆنفرانسەکە لە کەمپی یەکی زانکۆمان سازکرا ، کە تێیدا چەندین وتار و بڕگەی جۆراوجۆر پێشکەش کران، لەوانە:
• وتاری بەڕێز پ.د. ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر.
• وتاری بەڕێز پ.ی.د. بۆتان مەجید ئاسنگەر، سەرۆکی لیژنەی باڵای کۆنفرانس و یاریدەدەری سەرۆکی زانکۆ بۆ کاروباری زانستی.
قوتابیانی ئێمە لە پاڵ قوتابیانی تری زانکۆکەمان، بە جۆش و خرۆشەوە بەشدارییان لە سێشنە (Session) زانستییە پسپۆڕییەکاندا کرد. کۆنفرانسەکە بە دابەشکردنی بڕوانامەی ڕێزلێنان لەلایەن سەرۆکی زانکۆوە بەسەر بەشداربوواندا کۆتایی پێهات.
دەستخۆشی لە هەموو ئەو قوتابییە ئازیزانە دەکەین کە بەشدارییان کرد و هیوای سەرکەوتنی بەردەوامیان بۆ دەخوازین لە کاروانی زانستییاندا.
ڕاگەیاندنی کۆلێژی تەکنیکی شەقڵاوە

Address

Shaqlawa-sarmaidan
Shaqlawah
44005

Website

Alerts

Be the first to know and let us send you an email when راگەیاندنی کۆلێژی تەکنیکی شەقڵاوە posts news and promotions. Your email address will not be used for any other purpose, and you can unsubscribe at any time.

Contact The School

Send a message to راگەیاندنی کۆلێژی تەکنیکی شەقڵاوە:

Shortcuts

Share

Category