پەیمانگای سۆمای ناحکومی soma private institute

سەردانی سەرپەرشتیاری پەروەردەیی بۆ پەیمانگە

ئەمڕۆ دووشەممە ڕێکەوتی 18\5\2026، خۆشحاڵ بووین بە پێشوازیکردن لە سەرپەرشتیاری پەروەردەیی پەیمانگەکەمان بەڕێز "مامۆستا ئازاد ئیسماعیل".

مەبەست لە سەردانەکەی بەڕێزیان، لە نزیکەوە ئاگاداربوون و چاودێریکردنی
چۆنیەتی بەڕێوەچوونی پڕۆسەی تاقیکردنەوەکان لە پەیمانگەکەمان بوو.

لە میانی سەردانەکەیدا، بەڕێزیان چەند ڕێنمایی و تێبینییەکی گرنگیان پێشکەشکردین بە مەبەستی زیاتر بەرەوپێشبردن و سەرخستنی پڕۆسەی پەروەردە و فێرکردن.

سەردانی بۆردی دامەزراوەی شەهید بۆ پەیمانگەی سۆما

ئەمڕۆ یەکشەممە رێکەوتی ١١/٥/٢٠٢٦، ​خۆشحاڵ بووین بە سەردانی بەڕێز "د. فەرهاد حەمەد" ئەندامی بۆردی دامەزراوەی شەهید بۆ پەیمانگەکەمان.

مەبەست لە سەردانەکەی بەڕێزیان، لەنزیکەوە ئاگاداربوون لە چۆنیەتی بەڕێوەچوونی کارەکان و پڕۆسەی زانستی و کارگێڕی بوو.

​لە میانی سەردانەکەیدا، بەڕێزیان چەند سەرنج و ڕێنماییەکی گرنگیان خستەڕوو، کە دەبنە پاڵنەرێکی بەهێز بۆ بەرەوپێشچوونی زیاتر و باشتر بەڕێوەچوونی کارەکانمان لە داهاتوودا.

پێویستە بگوترێ، پەیمانگەی سۆما بەشێکە لە دامەزراوەی شەهید بۆ پەروەردە و خوێندنی باڵا، کە گەورەترین دامەزراوەی کەرتی تایبەتە لە بواری پەروەردە و خوێندنی باڵا.

بە هیوای سەرکەوتن بۆ هەموو قوتابییە ئازیزەکانمان

​ئەمڕۆ ڕێکەوتی ١٠ی ٥ی ٢٠٢٦، پڕۆسەی تاقیکردنەوە تیۆرییەکانی کۆتایی ساڵی خوێندن لە کەشێکی ئارام و ڕێکخراودا بەڕێوەچوو

ئەلبومی دووەمی وێنەی دەرچووانی پەیمانگەی سۆما 🎓

​پیرۆزە لە سەرجەم دەرچووانمان، هیوای سەرکەوتنی بەردەوام و داهاتوویەکی گەش بۆ هەموولایەک دەخوازین.

ڕۆژە مەزنەکە گەیشت... ئەو ڕۆژەی هەموومان بە پەرۆشەوە چاوەڕێمان دەکرد

​"یەکەمین چرای سۆما، ڕووناکیی ڕێگای سبەینێمانە
​قوتابییە ئازیزەکانمان...
ئەمڕۆ بە دڵێکی پڕ لە شانازییەوە سەیری سەرکەوتنتان دەکەین. لە ناخەوە پیرۆزبایی ئەم قۆناغە گرنگەی ژیانتان لێ دەکەین، کە بوونە بەردی بناغە و یەکەمین خولی دەرچووانی پەیمانگەکەی خۆتان؛ پەیمانگەی سۆما.

​ئێوە بۆ ئێمە تەنیا کۆمەڵێک قوتابی نەبوون، بەڵکو ئەو پێشەنگە بوێرەن کە بوونە هەوێنی گۆڕانکارییەکی گەورە لە کۆمەڵگەکەماندا.

ماندووبوون و شەونخوونیتان بەرهەمی هێنا، ئێستاش کاتی ئەوەیە ئەو زانستەی لێرە فێری بوون، بیخەنە خزمەتی کۆمەڵگە.

​هیوادارین کاروانی داهاتووتان پڕ بێت لە دەستکەوتی گەورەتر و داهێنانی نوێ. دڵنیاین لە هەر شوێنێک بن، ناو و درەوشاوەیی سۆما لەگەڵ خۆتان دەبەن.

​با ئەم ڕووناکییە هەمیشە درەوشاوە بێت

یەکەمین چرای سۆما، ڕووناکی ڕێگای
سبەینێمانە

بەوپەڕی شانازییەوە ڕایدەگەیەنین کە بڕیارە لە ڕۆژی 6\5\2026، مەراسیمی یەکەمین خولی دەرچوونی قوتابییانی قۆناغی پێنجەم لە پەیمانگەی سۆما بەڕێوەبچێت.

ئەم ڕۆژە چاوەڕوانکراوە، بەرهەمی پێنج ساڵ کارکردنی بێ وەستان و ماندووبوونە. بە پەرۆشەوەین بۆ ئەوەی یەکەمین کاروانی سۆما بە سەرکەوتوویی بۆ خزمەتکردنی نیشتیمان بەڕێبکەین.

ساتێکی مێژوویی و پڕ لە شانازی لە ڕێگایە

ڕێکەوت: 6\5\2026
شوێن:باخچەی پەیمانگە