قوتابخانەی زەیـتـــونی بنەڕەتی شــــــەقڵاوە

ئەمڕۆ بەڕێز مامۆستا (ئاراز زین الدین مولود ) یاریدەدەری بەڕێوەبەری سەرپەرشتیکردنی پەروەردەی هەولێر سەردانی قوتابخانەکەمانی کرد بە مەبەستی بەدواداچوون بۆ کارەکانی قوتابخانە و ئامادەکاری بۆ ئەزموونەکانی کۆتایی ساڵ
لەگەڵ بەڕێوەبەر گفتوگۆو ڕاگۆڕینەویان ئەنجام دا و دەست خۆشی لە بەڕێوەبەر و دەستەی کارگێڕی و مامۆستایانی قوتابخانە کرد بۆ ئەنجام دانی کارەکان بە دڵسۆزانە و هەندێ پێشنیار و بیرو بۆچوونی خستە ڕوو
بۆ زیاتر سەرخستنی پڕۆسەی خوێندن لە قوتابخانەکەمان.
دەست خۆشی لێ دەکەین و هەمیشە سەرکەوتوو بن.

بە ناوی بەڕێوەبەر و دەستەی کارگێڕی و مامۆستا و فەرمانبەرانی قوتابخانەکەمان پرسەو سەرەخۆشی ئاراستەی بنەماڵەی مامۆستای بەڕێز سەرپەرشتیاری پەروەردەیی (سەرمەند صابر) دەکەین بەهۆی کۆچی دوایی دايكى بەڕێزیان، خوای گەورە سەبووریان بدات و کۆچکردووش بە بەهەشتی بەرین شاد بکات.

بە ناوی بەڕێوەبەر و دەستەی کارگێڕی و سەرجەم مامۆستا و فەرمانبەرانی قوتابخانەکەمان پرسەو سەرەخۆشی ئاراستەی بنەماڵەی مامۆستای بەڕێزی قوتابخانەکەمان (فردۆس غازی) دەکەین بەهۆی کۆچی دوایی مامۆژنی بەڕێزیان، خوای گەورە سەبووریان بدات و کۆچکردووش بە بەهەشتی بەرین شاد بکات.

خشتەی ئەزموونەکانی کۆتایی ساڵ
60 نمرە
وەرزی دووەم ــ خولـی یەکەم
پۆلی نـــۆیەم

ڕاگەیەندراوێکی هاوبەش لە هەردوو وەزارەتی (خوێندنی باڵا و تویژینەوەی زانستی) و وەزارەتی (پەروەردە) , بڕیارماندا بە:
​دەستپێکردنەوەی دەوامی سەرجەم ناوەندەکانی خوێندنی حکومی و ناحکومی وتایبەت لە هەرێمی کوردستان لەناو پۆل وکەمپەسەکان ، لە ڕۆژی یەکشەممەوە ڕێککەوتی ١٢ی ٤ ی ٢٠٢٦.

وەزارەتی پەروەردە

١٠ ی ٤ ی ٢٠٢٦

بۆ ئەو قوتابخانانەی تا ئێستا ناتوانن داخیلی سیستەمی ئی پەروەردەبن:
قوتابخانەکان دەتوانن بە ڕێگای ئەم لینکەی خوارەوە داخلی ئی پەروەردە بن .

https://dms.e-parwarda.com/

ڕاگەیەندراوێک لە وەزارەتی پەروەردەوە:

🔴 پاش ئەنجامدانی کۆبوونەوەیەکی تایبەت بە پرۆسەی خوێندن ، بڕیاردرا بە ڕاگرتنی دەوام لە دووشەممە ٣٠ ی ٣ ی ٢٠٢٦ وە ، بە شێوەی ئامادەبوون، لە ناو هەموو ناوەندەکانی خوێندنی حکومی و ناحکومی ونێودەوڵەتی لە هەرێمی کوردستان ، تا ئەوکاتەی بەفەرمی ئاگادار دەکرێنەوە پرۆسەی دەوامکردنی ناو پۆل لە هەموو ناوەندەکانی خوێندن ئەنجامنادرێت.

🔵قوتابخانە حکومییەکان بەشێوەی خوێندنی ئەلیکترۆنی و دیجیتاڵی دەتوانن سوود لە خزمەتگوزارییەکانی پلاتفۆرمی ( ئی-وانە) و پلاتفۆرمی ( قوتابخانەکەم ) وەربگرن ، یان سوود لە گروپە ئەلیکترۆنییەکانی قوتابخانەکان وەردەگرن بۆ پێدانی ئەرکی ماڵەوە لەلایەن مامۆستایان بەشێوەی ڕۆژانە وێڕای پەخشکردنی وانەکانی هەموو قۆناغەکانی خوێندن لە هەرسێ (تەلەفزیۆنی پەروەردەیی ) هەولێر و سلێمانی و دهۆک کە لەهەموو شارو شارۆچکەکانی کوردستان پەخشیان هەیە .
وەزارەتی پەروەردە
٢٩ ی ٣ ی ٢٠٢٦

پرۆسەى خوێندن بەشێوازی ئۆنلاین و دیجیتاڵی بەردەوام دەبێت

لەبەر ڕۆشنایی کۆبوونەوەی هاوبەشی وەزارەتە پەیوەندیدارەکان لە ڕۆژی ٢٩ـی ٣ـی ٢٠٢٦، حکومەتی هەرێم بڕیاری دا لەم قۆناغەدا، پرۆسەى خوێندن بەشێوازی ئامادەبوونی ناو پۆل ڕادەگیرێت لە سەرجەم ناوەندەکانی خوێندنی پەروەردە و خوێندنی باڵا لە هەرێمی کوردستان، بۆ هەموو قۆناغەکان، و خوێندن تەنیا بەشێوازی ئۆنلاین و دیجیتاڵیی بەردەوام دەبێت.
هەردوو وەزارەتی پەروەردە و وەزارەتی خوێندنی باڵا و توێژینەوەى زانستی ڕاسپێردران بە وەرگرتنی ڕێکاری پێویست بۆ جێبەجێکردنی ئەم بڕیارە، تایبەت بە شێوازی ئۆنلاین و دیجیتاڵی.