09/09/2026
دەزگای روانگە قۆناغی یەکەمی پڕۆژەی دابینکردنی وزەی خۆری لە گوندی هاودیان راگەیاند
بە ئامادەبوونی قەداسەتی پاتریەرک مار ئاوای سێیەم، پاتریەرکی کەنیسەی ڕۆژهەڵاتی ئاشووری لە جیهان، سەرۆک و دامەزرێنەری دەزگای روانگە بەڕێز (ادریس نێچیرڤان بارزانی)، مامۆستایانی ئایینیی ناوچەکە، بەرپرسانی حكومی و حزبی، دانیشتووانی بەڕێزی گوندەکە، رێوڕەسمی راگەیاندنی قۆناغی یەکەمی پڕۆژەی دابینکردنی تەزووی کارەبا لەڕێگەی وزەی خۆر بەڕێوەچوو.
لەم قۆناغەدا، بێجگە لە دابینکردنی کارەبای بەردەوام بۆ گەڕەکی کریستیانەکانی گوندی هاودیان، تەزووی کارەبا بۆ قوتابخانەی گوندەکە، سێ مزگەوت، کەنیسە، هۆڵی بۆنەکان، هۆڵی پرسەی ئافرەتان و بنکەی تەندروستی دابینکراوە.
هاوکات لە چوارچێوەی پڕۆژەکەدا، کارەکانی نۆژەنکردنەوەی تەواو بۆ مزگەوت، قوتابخانە و هۆڵی پرسەی ئافرەتانی گوندەکە بە سەرکەوتوویی ئەنجامدران.
ئیدارەی سەربەخۆی سۆران - گوندی هاودیان
٢٠٢٦/٩/٩
