University of Raparin زانکۆی ڕاپەڕین

  • Home
  • Iraq
  • Rania
  • University of Raparin زانکۆی ڕاپەڕین

University of Raparin زانکۆی ڕاپەڕین پەیجی فەرمی زانکۆی ڕاپەڕین لە تۆڕی کۆمەڵایەتی فەیسبووک
Official Page of University of Raparin

زانكۆی راپەڕین، زانكۆیەكی حكومیەو لەساڵی ٢٠١٠ لەلایەن حكومەتی هەرێمی كوردستانەوە دامەزراوە

بەبۆنەی بەشکۆوەڕاگرتنی یادی لەدایکبوونی رابەری مرۆڤایەتی حەزرەتی محەممەد (دروودی خوای لەسەر بێت)، گەرمترین پیرۆزبایی ئاڕ...
24/08/2026

بەبۆنەی بەشکۆوەڕاگرتنی یادی لەدایکبوونی رابەری مرۆڤایەتی حەزرەتی محەممەد (دروودی خوای لەسەر بێت)، گەرمترین پیرۆزبایی ئاڕاستەی مامۆستایان، فەرمانبەران، خوێندکارانی ئازیزی زانکۆمان و سەرجەم موسڵمانانی کوردستان و جیهان دەکەین.

لە پەروەردگاری میهرەبان داواکارین ئەم یادە پیرۆزە ببێتە مایەی خێر و بەرەکەت، بەهێزبوونی گیانی لێبوردەیی و تەبایی، هەوێنی پەرەپێدانی زیاتری گەشەی زانستی و ئەکادیمی، و بەدیهاتنی ئاشتی و سەقامگیریی بەردەوام بۆ گەلەکەمان.

سەرۆکایەتی زانکۆی راپەڕین

وەزارەتى خوێندنى باڵا و توێژینەوەى زانستى:"ئامادەکارییەکان بۆ پێشوازیکردن لە ساڵى نوێى خوێندن دەستپێکردوەو پرۆسەى خوێندن...
24/08/2026

وەزارەتى خوێندنى باڵا و توێژینەوەى زانستى:

"ئامادەکارییەکان بۆ پێشوازیکردن لە ساڵى نوێى خوێندن دەستپێکردوەو پرۆسەى خوێندن لە زانکۆ و پەیمانگەکانى هەرێمى کوردستان لە (9/1) بەدواوە بەپێى رۆژمێرى زانکۆیی زانکۆکان، بەپلان و بەرنامەی گونجاو دەستپێدەکاتەوە".

کتێبخانەکانی زانکۆی راپەڕین و ژمارەک زانکۆی دیکەی هەرێم بە سەرچاوەی یاسایی دەوڵەمەند دەکرێنلە رێورەسمێکدا بە ئامادەبوونی...
19/08/2026

کتێبخانەکانی زانکۆی راپەڕین و ژمارەک زانکۆی دیکەی هەرێم بە سەرچاوەی یاسایی دەوڵەمەند دەکرێن

لە رێورەسمێکدا بە ئامادەبوونی پ.ی.د پەیمان رەمەزان ئەحمەد، سەرۆکی زانکۆی راپەڕین، رێکخراوی گەشەپێدانی مەدەنیەت (CDO) بە هاوبەشی لەگەڵ (International Law Book Facility) و (Africa House London)، بڕی 243 کتێبی یاسایی بەخشییە زانکۆکانی راپەڕین، سۆران و گەرمیان.

رێورەسمەکە لە 19 / 8 / 2026 لە شاری سلێمانی بەڕێوەچوو، تێیدا دکتۆر هەڤاڵ ئەبوبەکر، پارێزگاری سلێمانی، ئازاد محەمەد ئەمین، ئەندامی پەرلەمانی کوردستان، سەرۆکی زانکۆکانی راپەڕین و سۆران، هەروەها یاریدەدەری سەرۆکی زانکۆی گەرمیان و نوێنەری وەزارەتی خوێندنی باڵا ئامادە بوون و کتێبەکان پێشکەش بە زانکۆکان کران.

لە لای خۆیانەوە، لۆرا مەکگیتی و ریچارد سمیدیگۆ کە بە شێوەی ئۆنلاین بەشدارییان کرد، جەختیان لەوە کردەوە کە ئەم دەستپێشخەرییە خزمەت بە پێگەیاندنی خوێندکاران دەکات وەک داکۆکیکار، دادوەر و راوێژکاری یاسایی. هەروەها رۆژە محەمەد، بەرێوەبەری پرۆژەکانی رێکخراوی (CDO)، ئاماژەی بەوەدا کە پڕۆژەکە وەک پردێکی زانستیی لە نێوان شانشینی یەکگرتوو و هەرێمی کوردستان کاردەکات بۆ ئاڵوگۆڕی شارەزایی و پەرەپێدانی پەیوەندییەکان.

هەروەک، سەرۆکی زانکۆی ڕاپەڕین لە وتەیەکدا سوپاسی ڕێکخراوەکەی کرد بۆ ڕەخساندنی ئەم دەرفەتە و بەخشینی ئەو کتێبە گرنگانە وەک سەرچاوەی زانستیی نێودەوڵەتی بە زانکۆی ڕاپەڕین.

19/08/2026

ڤیدیۆ؛ کردنەوەی هۆڵی”د.بەهزاد” لە کۆلێژی پەرستاریی زانکۆی راپەڕین

لەرێورەسمێکدا لەکۆلێژی پەرستاریی زانکۆی راپەڕین، بەبۆنەی یەکەمین ساڵیادی کۆچی دوایی ئەکادیمیی و راگری پێشووتری کۆلێژەکە و پزیشکی بەنێوبانگ ‘د.بەهزاد وسو حەمەد بەگ’، کۆلێژی پەرستاریی زانکۆی راپەڕین هۆڵێکی گرنگی ئەکادیمیی کردەوە کە بۆ گفتوگۆی خوێندکارانی خوێندنی باڵا تەرخانکراوە.

بەشی “دیجیتاڵ میدیا و بازاڕسازی” لە زانکۆی راپەڕین کرایەوەلە چوارچێوەی پلانی ستراتیژیی گەشەپێدان و فراوانکردنی زانکۆدا، ...
19/08/2026

بەشی “دیجیتاڵ میدیا و بازاڕسازی” لە زانکۆی راپەڕین کرایەوە

لە چوارچێوەی پلانی ستراتیژیی گەشەپێدان و فراوانکردنی زانکۆدا، زانکۆی راپەڕین کردنەوەی بەشی دیجیتاڵ میدیا و بازاڕسازی لە کۆلێژی کارگێڕی و دارایی بۆ ساڵی خوێندنی 2026-2027 رادەگەیەنێت.

ئەم هەنگاوە دوای ئەوە هات کە لەسەر بنەمای نووسراوی فەرمی وەزارەتی خوێندنی باڵا و توێژینەوەی زانستیی حکومەتی هەرێمی کوردستان، دەزگای سەرپەرشتی و دڵنیایی جۆری و بەرێوەبەرایەتی دڵنیایی جۆری و متمانەبەخشین، بە ژمارە 13782 لە رێکەوتی 19/8/2026، رەزامەندی درا بە کردنەوەی بەشەکە بە سیستەمی بۆڵۆنیا لە کۆلێژی کارگێڕی و دارایی لە شاری رانیە بۆ ساڵی خوێندنی 2026-2027.

دەرچووانی ئازیزی پۆلی 12ی ئامادەیی دەتوانن بەپێی رێنماییە دیاریکراوەکان داواکاری بۆ ئەم بەشە پێشکەش بکەن.

بەڕێوەچونی چالاکیی چواردەیەمی پڕۆژەی "هاوینی ئەکادیمیی خوێندکاران" لە کەمپەسی قەڵادزێسەنتەری راوێژکاری دەروونیی و کۆمەڵا...
18/08/2026

بەڕێوەچونی چالاکیی چواردەیەمی پڕۆژەی "هاوینی ئەکادیمیی خوێندکاران" لە کەمپەسی قەڵادزێ

سەنتەری راوێژکاری دەروونیی و کۆمەڵایەتی و سەنتەری گەشەپێدان بۆ کار، بەهاوبەشیی کۆمەڵەی خوێندکارانی کوردستان، خولێکی تایبەتیان لە کەمپەسی قەڵادزێی زانکۆی راپەڕین بۆ خوێندکاران بەڕێوە برد.

خولەکە کە لەژێر ناونیشانی "مێشکی خوێندکار؛ نهێنییە زانستییەکانی فێربوون و بەهێزبوونی یادگە" لەلایەن م.هەڤاڵ عەلی (راهێنەری شارەزاییەکانی فێربوون)ـەوە پێشکەش کرا، تێیدا تیشکی خستەسەر چۆنیەتیی وەگرتنی زانیاری لەلایەن مێشکەوە، هۆکارەکانی لەبیرچوونەوە، هەروەها رێکارە زانستییەکان بۆ بەهێزکردنی یادەوەریی درێژخایەن.

لە چوارچێوەی پڕۆژەی “ هاوینی ئەکادیمی خوێندکاران “ کە لەلایەن زانکۆی ڕاپەڕین و کۆمەڵەی خوێندکارانی کوردستان بەڕێوەدەچێت،...
18/08/2026

لە چوارچێوەی پڕۆژەی “ هاوینی ئەکادیمی خوێندکاران “ کە لەلایەن زانکۆی ڕاپەڕین و کۆمەڵەی خوێندکارانی کوردستان بەڕێوەدەچێت، کۆرسێکی یەک ڕۆژە لەژێر ناونیشانی “ خۆئامادەکردن، پێشکەشکردن و وەرگرتنی سکۆلەرشیپ لە زانکۆ جیهانییەکان” بۆ بەڕێز ( پ.د.ئاراز ڕەمەزان - بەڕێوەبەری پەیوەندییە نێودەوڵەتییەکانی زانکۆی ڕاپەڕین ) ڕێکخرا.

کۆرسێکی فریاگوزاری سەرەتایی لە “ ڕانیە “ دەکرێتەوە …لە چوارچێوەی پڕۆژەی "هاوینی ئەکادیمی خوێندکاران" کە لەلایەن زانکۆی ڕ...
17/08/2026

کۆرسێکی فریاگوزاری سەرەتایی لە “ ڕانیە “ دەکرێتەوە …

لە چوارچێوەی پڕۆژەی "هاوینی ئەکادیمی خوێندکاران" کە لەلایەن زانکۆی ڕاپەڕین و کۆمەڵەی خوێندکارانی کوردستان بەڕێوەدەچێت، کۆرسی "بنەماکانی فریاگوزاری سەرەتایی" لەلایەن ڕاهێنەر یوسف حەمید هادی، پێشکەشدەکرێت.

ڕێکەوتی: 19\8\2026
کـــــــــــات: 2:00 بۆ 6:00 پاشنیوەڕۆ
شـــــــوێن: زانکۆی ڕاپەڕین-کەمپەسی ڕانیە.

بۆ تۆمارکردنی ناو و بەشداریپێکردن، تکایە لە رێگەی ئەم لینکەی خوارەوە فۆڕمەکە پڕ بکەرەوە :
https://forms.gle/QKtgJeLVcQ926owZ6

Address

Main Street
Rania
46012

Telephone

+9647502659191

Website

Alerts

Be the first to know and let us send you an email when University of Raparin زانکۆی ڕاپەڕین posts news and promotions. Your email address will not be used for any other purpose, and you can unsubscribe at any time.

Contact The School

Send a message to University of Raparin زانکۆی ڕاپەڕین:

Shortcuts

Share

Category