Penjwen learning Program

Penjwen learning Program "ئێمە لە ڕێگەی ئەزموون و هەوڵدانەوە فێردەبین و گەشە دەکەین"
ئامانجمان گەشەی پەروەردە و فێرکردنە لەسەرجەم ئاست و بوارەکاندا ..

پڕۆژەی (پێنجوێن شاری فێربوون)
پڕۆژەیەکی قازانج نەویستە، کار دەکات بۆ پێشخستن و گەشەپێدانی سەرجەم بوارەکانی پەروەردە و فێرکردن.

23/08/2026

سیمیناری «دروستکردنی براندی تاکەکەسی» بە سەرکەوتوویی لە ماوەکانی ڕابردوودا بەڕێوەچوو! ✨ براندی تاکەکەسی تەنها پیشاندانی لایەنە درەوشاوەکان نییە، بەڵکو هونەری دروستکردنی پەیوەندییەکی ڕاستەقینەیە؛ لەم کۆبوونەوەیەدا بە وردی تیشکمان خستە سەر بنیاتنانی متمانەی پۆڵایین لە ڕێگەی ڕاستگۆیی، وەڕێخستنی ڕەخنەی بنیاتنەر وەک هەوێنی گەشەکردن، و گۆڕینی ئەزموونە ناکامەکان بۆ پردی گەیشتن بە لوتکە. سوپاس بۆ ئامادەبوون و بەشداریی دەوڵەمەندانەی سەرجەم ئامادەبووان! 👏💫

#پەروەردە #فێربوون #تەندروستی #ژینگە

ڕێکخراوی ملەکەوە* و مەردەکانی "نیشتمانی دایک"نووسین: دکتۆر بەهمەن تاهیر نەریمانکۆمەڵێک مرۆڤی جوان، لەخۆبوردە و مەرد، شەی...
23/08/2026

ڕێکخراوی ملەکەوە* و مەردەکانی "نیشتمانی دایک"
نووسین: دکتۆر بەهمەن تاهیر نەریمان
کۆمەڵێک مرۆڤی جوان، لەخۆبوردە و مەرد، شەیدا و دڵسۆزی ڕاستەقینەی خاک و نیشتمان، ڕێکخراوێکیان درووستکردووە، لە هەر شوێنێک جەرگی دارستان و پوشوپاوەنی نیشتمان بسووتێ، لە هەر جێیەک دەستێکی وێرانکەر دڵی دارێک بکات بە ڕەژوو، کەوێکی نیشتمان لە قاسپە و خوێندن بکات، ئەمان کاری تایبەتیی خۆیان دەوەستێنن و دەچن دڵی "سروشتەکەی خۆیان" لە سوتان ڕزگاردەکەن، کەوباڕەکانی نیشتمان، لە سوتماککردن دەپارێزن.
دەڵێم "سروشتەکەی خۆیان" چونکە مرۆڤی وەک ئەمان ڕاستگۆ خاوەنی ڕاستەقینەی نیشتمان و زێدی خۆیانن، ئەمان ڕاستگۆیانە بڕوایان بەوە هەیە نیشتمان دایکە، شەرەفە، شیری سروشتی پێداون، بۆیە ئەمانیش دەیپارێزن.
نیشتمان تەنها ڕووتەختێک نییە ڕووداوەکانی لەسەر ڕووبدات، بەڵکو "بەشێکی زیندووە لە مێژووی ڕۆحیی و کۆمەڵایەتیی مرۆڤ. دارستانەکان، کێڵگەکان و شاخەکان بەڵگەنامەی مێژوویی پێکەوەیی مرۆڤ و نیشتمانن. کاتێک جەرگی دارستانێک دەسووتێت، تەنها دار نابیتە خەڵووز، بەڵکو لاپەڕەیەک لە بیرەوەریی و ناسنامەی کۆمەڵایەتیی زێد و نیشتمان و خەڵکەکەی لەناودەچێت. سروشت و جوگرافیای ناوچەیەک لە ماوەیەکی زۆر درێژدا دروستبووە؛ دارێک کە سەدان ساڵە تۆوی خۆی لە سکی نیشتماندا چاندووە، بەشێکە لە سەقامگیریی ژیان، بەشێکە لە ناسنامە، بەشێکە لە هاوسەنگیی ژینگەیی و ڕۆحیی. تێکدانی ئەم سروشتە تێکدانی ئەو هاوسەنگییە مێژووییەیە کە خەڵکەکەی لەگەڵ خاکدا دروستیانکردووە. ڕێکخراوی ملەکەوە مەردی وەک (کاک ئالان و کاک بێسوتن)ـی تیابوو کە گیانیان سوتا تا نیشتمان نەسوتێت!
لای ئەندامانی ڕێکخراوی ملەکەوە نیشتمان ئامرازی پارەوپولکۆکردنەوە نییە، تا دزیی تێدابکەن، نیشتمان دایکە، ناتوانن بیفرۆشن و پارەی پێمۆڵبکەن، لافی ئەوەش لێبدەن ئەمان پارێزەری نیشتمانن. نیشتمانفرۆشەکان ساختەچییەکانن کە بەناوی ئاوەدانکردنەوەی نیشتمانەوە، سروشتمان بۆ دەشێوێنن، وێرانیدەکەن، دەیکەن بە ڤیلا و کۆشک و تەلار و باڵەخانە، ئینجا دەیفرۆشن بە داگیرکەر و دواتریش دەڵێن ئێمەین نیشتمان ئاوەداندەکەینەوە، دایکفرۆشەکان ئەمانەن، شەرەففرۆشەکان نیشتمانفرۆشەکانن!
لای مەردەکانی ڕێکخراوی ملەکەوە، نیشتمان بەڕاستی دایکە، نە مەمکی سروشتەکەی دەسووتێنرێت، نە لێدەگەڕێن بسووتێنرێت، نە دەیفرۆشن، ئەمانن دایکپارێزی ڕاستەقینە، ئەمانن شیری دایکی خۆیان و شیری دایکی نیشتمانیان پێحەڵاڵە، ساختەچییە دایکفرۆشەکان کە دایکی نیشتمانیان فرۆشت، بەها(ڕەوشت و ئاکار)ـی خۆشیان فرۆشتووە، چونکە مرۆڤ کە گەشتە دایکفرۆشی گەشتووەتە شەرەففرۆشیش.
لای ئازیزیانی ڕێکخراوی ملەکەوە، خاک و نیشتمان تەنها شوێنێکی ئاسایی نییە بۆ ژیان و گوزەران، بەڵکو پەیوەندییەکی قووڵی ڕۆحییە، نیشتمان تەنها خانوویەکی مادیی نییە تێیدا بتشارێتەوە و لەسەرماو گەرما بتپارێزێت، نیشتمان ماڵە، بەشێکە لە بوونی خۆت، تۆش بەشێکی لە بوونی ئەو، نیشتمان پەیوەندیی قووڵی خاک و مرۆڤە، پەیوەندیی ڕۆحیی ئاو و مرۆڤە، ئاو ژیانە و خاک سەرچاوەی ژیانە، خاک و ئاو و هەوا بنچینەی ژیانن، نیشتمان مانگایەک نییە دایدۆشیت، نیشتمان خۆی ئەشقە و سەرچاوی ئەشقە، نەک تەنها جێی ئەشق بێت. نیشتمان ئامێز و خۆشەویستییە، نیشتمان دڵئارامی و بەخشنەیی و خۆشەویستییە.
لای مرۆڤی کورد، کاتێک ژیانی پێکەوەیی و هاریکاریی چێدەبێت کە دوو توخمی وەک (ئاو+ دان) پێکەوە کۆببنەوە، ئەگەر هاتوو (ئاو) هەبێت، ئیتر (دان و دانەوێڵە)ـش دەبێت، کە "ئاو و دان" کۆبوونەوە، ئینجا مرۆڤەکان دەتوانن لە شوێنێکدا کۆببنەوە بۆ ئەوەی "ئاوەدانی" درووستبکەن و سکونەتبکەن. ئازیزەکانی ڕێکخراوی ملەکەوە ئەو جۆرە مرۆڤانەن (ئاو) و (دان)ـی وڵات دەپارێزن تا "ئاوەدانی"ـشمانن بپارێزن.
لە هیچدا ئێرەیینەبەم، ئێرەی بە ئەندامانی ڕێکخراوی ملکەوە دەبەم، لە دڵسۆزیی، لەخۆبوردەیی، ڕاستگۆیی، شەرەفی نیشتمانی دایکپارێزی، ئێرەییان پێدەبەم، ئێرەیی بە جوانیی ئەم مرۆڤە مەزنانە دەبەم، ئێرەیی بە ڕۆحی درەوشاوە و درخشانیان دەبەم، ئێرەیی بە مەزنییان دەبەم، تکایە بمکەن بە بەشێک لەو گەوەرەییەی ئێوەی تێدا دەژین، تکایە بمکەن بە ئەندام لای خۆتان!
سەرنج:
*ڕێکخراوی ملەکەوە ڕێکخراوێکی کۆمەڵگەی مەدەنییە، کۆمەڵێک خۆبەخش، لە پێنجوێن، بۆ پاراستنی ژینگە، دایانمەزراندووە.
وێنەکە هی هەردوو شەهیدی ژینگە کاک بێستوون و کاک ئالانە.

#پەروەردە #فێربوون #تەندروستی #ژینگە

22/08/2026

سەرکردە پێویستە بتوانێت چارەسەری کێشەکانبکات.

#پەروەردە #فێربوون #تەندروستی #ژینگە

🚀(خ*لی بزنس لە پەیجدا) خ*لی تایبەت بە پەرەپێدانی بزنس لە سۆشیاڵ میدیا لەلایەن پڕۆگرامی پێنجوێ شاری فێربوونەوە(تایبەت بە...
21/08/2026

🚀(خ*لی بزنس لە پەیجدا)
خ*لی تایبەت بە پەرەپێدانی بزنس لە سۆشیاڵ میدیا لەلایەن پڕۆگرامی پێنجوێ شاری فێربوونەوە
(تایبەت بە خاوەن پەیج و بزنسکاران) بێ بەرانبەر دەکرێتەوە.
دەتەوێت پەیجەکەت بکەیتە سەرچاوەی سەرەکیی داهات و ڕۆژانە فرۆشێکی بەرز تۆمار بکەیت؟ ئەم خ*لە کردارییە ڕێک بۆ تۆ ئامادەکراوە!
📚 تەوەرە سەرەکییەکانی خ*لەکە:
📝 کۆنتێنت مارکێتینگ: فێربوونی تەکنیکەکانی دروستکردنی پۆستی سەرنجڕاکێش کە ڕاستەوخۆ کڕیار بەلای خۆیدا ڕادەکێشێت.
🤖 نهێنییەکانی ئەلگۆریتم: تێگەیشتن لە سیستەمی کارکردنی سۆشیاڵ میدیا بۆ بەرزکردنەوەی ئاستی بینەر (Reach) بەبێ بەفیڕۆدانی بڕێکی زۆر پارە.
💬 وەڵامدانەوەی پرۆفێشناڵ: فێربوونی هونەری وەڵامدانەوەی نامە و کۆمێنتەکان بۆ گۆڕینی بینەر بۆ کڕیاری هەمیشەیی.
🎯 کەمپینی فرۆشتن: دروستکردن و بەڕێوەبردنی ڕیکلامی ئامانجدار بە شێوازێکی زانستی بۆ زیاترکردنی قازانج.
📌 زانیاری و وردەکارییەکانی خ*ل:
🎯 ئامانجدار: تایبەت بە خاوەن پەیج، بزنسە بچووک و ناوەندەکان
⏱️ ماوەی خ*ل: ١٢ کاتژمێر (٣ ڕۆژ – ڕۆژانە ٤ کاتژمێر)
⏰ کات: ١:٣٠ی دوانیوەڕۆ تا ٥:٣٠ی ئێوارە
📍 شوێن: پێنجوێن
🗓 ڕێکەوت: سێشەممە، چوارشەممە، پێنجشەممە (٢٥ - ٢٦ - ٢٧ی ٨ی ٢٠٢٦)
📥 ڕێگاکانی ناوتۆمارکردن:
🔗 فۆڕمی ئۆنلاین: کلیک لەم بەستەرە بکە بۆ پڕکردنەوەی فۆڕم (https://forms.gle/qceobizaw5pcNVYA8)
📞 پەیوەندی بە تەلەفۆن:
٠٧٧٠٦٠١٠٤٠٤
٠٧٥٠٦٠١٠٤٠٤
@کارسازی شادمان

21/08/2026

مامۆستا کێیە؟

#پەروەردە #فێربوون #تەندروستی #ژینگە

20/08/2026

دووگیانی خانمان دەکرێت بە سێ قۆناغەوە.

#پەروەردە #فێربوون #تەندروستی #ژینگە

20/08/2026

خ*لی فێربوونی میوزیک ئامێری( پیانۆ - دەف).

#پەروەردە #فێربوون #تەندروستی #ژینگە

20/08/2026

چەند جۆر کەسایەتی هەیە؟

#پەروەردە #فێربوون #تەندروستی #ژینگە

19/08/2026

دکتۆر ئالودەی چییە؟

#پەروەردە #فێربوون #تەندروستی #ژینگە

19/08/2026

باشترین شوێن بۆ کارکردن شارۆچکە بچوکەکانە!

#پەروەردە #فێربوون #تەندروستی #ژینگە

Address

کتێبخانەی گشتی پێنجوێن
Penjwin
46001

Telephone

07501574446

Website

Alerts

Be the first to know and let us send you an email when Penjwen learning Program posts news and promotions. Your email address will not be used for any other purpose, and you can unsubscribe at any time.

Shortcuts

Share

Category