پەیمانگەی تەکنیکی مێرگەسۆر

17/08/2026

بەسووپاسەوە، راپۆرتی کەناڵی تۆری میدیایی کوردستان تیڤی لەسەر پانێلێکی زانستی پەیمانگەی تەکنیکی مێرگەسۆر لەژێر ناونیشانی” گرین مارکێتینگ لەسەردەمی ژێری دەستکردا “ بۆ ژمارەیەک لە خاوەن مارکێت و بازرگانەکان لە ١٦/٨/٢٠٢٦ بەرێوەچوو.

17/08/2026

ڕاگری پەیمانگەی تەکنیکی مێرگەسۆر پێشوازی لە بەڕێوەبەری گشتیی تەندروستی ئیدارەی سەربەخۆی سۆران کرد

ئەمڕۆ دووشەممە، ڕێکەوتی ١٧ی ئابی ٢٠٢٦، لە پێناو بەهێزکردنی پەیوەندییەکانی نێوان ناوەندە ئەکادیمییەکان و دامەزراوە تەندروستییەکان، بەڕێز پ.ی.د. طالب محمد شریف عمر، ڕاگری پەیمانگەی تەکنیکی مێرگەسۆر، پێشوازی لە بەڕێز د.کامەران مەلا محمد بەڕێوەبەری گشتیی تەندروستیی ئیدارەی سەربەخۆی سۆرانی کرد.

لەم سەردانە گفتوگۆ لەسەر پەرەپێدانی ئاستی هاوکاریی هاوبەش کرا، بە تایبەتی لە بوارەکانی هۆشیاری تەندروستی و ڕاهێنانی مەیدانی قوتابییانی بەشە تەندروستی و دەرمانسازییەکان، سازدانی چالاکی و خولی زانستیی هاوبەش، و سوودوەرگرتن لە توانای ئەکادیمیی پەیمانگە بۆ خزمەتکردنی کەرتی تەندروستیی ناوچەکە.

لە کۆتایی سەردانەکە بەیاوەری ڕاگری پەیمانگە، سەردانی تاقیگەکانی پرستاری و دەرمانسازیی گیاییانکردو، هەردوولا جەختیان لەسەر بەردەوامیی هەماهەنگییەکان کردەوە لە پێناو بەرزکردنەوەی ئاستی خزمەتگوزارییە تەندروستی و زانستییەکانی پەیمانگەی تەکنیکی مێرگەسۆر کردەوە.

ڕاگەیاندنی پەیمانگەی تەکنیکی مێرگەسۆر

17/08/2026

دەقی وتاری بەرێز پرۆفیسۆری یاریدەدەر دکتۆر ( طالب محمدشریف عومەر) ڕاگری پەیمانگەی تەکنیکی مێرگەسۆر، کەلە پانێلێکی زانستی لە ژێر ناونیشانی ”مارکێتینگی سەوز: تێکەڵکردنی ژیریی دەستکرد لە کارامەییی ڕۆژانەی بازاڕگەریدا” پێشکەشیکرد لە پەیمانگەی تەکنیکی مێرگەسۆر.

16/08/2026

16/08/2026

لە پەیمانگەی تەکنیکی مێرگەسۆر پەنێڵێکی زانستی لەسەر "مارکێتینگی سەوز و ژیریی دەستکرد" بەڕێوەچوو

ئەمڕۆ یەکشەممە، ڕێکەوتی ١٦ی ئابی ٢٠٢٦، لە چوارچێوەی هەوڵە بەردەوامەکان بۆ بەدیهێنانی ئەرکی سێیەمی زانکۆ لە خزمەتکردنی کۆمەڵگە و بەهێزکردنی توانستەکان، پەیمانگەی تەکنیکی مێرگەسۆر پەنێڵێکی زانستی لە ژێر ناونیشانی "مارکێتینگی سەوز: تێکەڵکردنی ژیریی دەستکرد لە کارامەییی ڕۆژانەی بازاڕگەریدا" لە هۆڵی کۆنفرانسی پەیمانگە بەڕێوەبرد.

ئەم چالاکییە ئەکادیمییە بە ئامادەبوونی بەڕێز پ.ی.د. بۆتان مەجید ئاسنگەر، نوێنەری سەرۆکی زانکۆ، لەگەڵ بەشداریکردنی بەرفراوانی مامۆستایان، فەرمانبەران، بەرپرسانی ئیداریی ناوچەکە، خاوەنکاران و کاسپکارانی دەڤەرەکە ئەنجامدرا.

لە دەستپێکی مەراسیمەکەدا، وتاری بەخێرهاتن لەلایەن بەڕێز پ.ی.د. طالب محمد شریف عمر، ڕاگری پەیمانگەی تەکنیکی مێرگەسۆر پێشکەشکرا.
دواتر نوێنەری سەرۆکی زانکۆ وتارێکی پێشکەشکردو تیشکی خستە سەرگرینگی ئەم بابەتە هەنووکەیە کە خزمەتی کرداری دەکات بە خاوەنکارو ژینگەی کوردستان.

پاشان بە بەڕێوەبەری. پانێل پ.ی.د. سابر صادق (لە زانکۆی سۆران) و بە بەشداریی چەندین پسپۆڕ و شارەزا بەڕێوەچوو:
پ.ی.د. نەبەز نەوزاد (زانکۆی لبنانی فەرەنسی): پێشکەشکردنی تەوەری "چۆنێتیی پێشخستنی بزنس و بازاڕگەریی سەردەم".
م. ی نەرمین مەلازادە حکیم (لە دەزگای خێرخوازیی بارزانی): تیشکخستنەسەر "چۆن سود لە ژیریی دەستکرد و تەکنەلۆجیا وەربگیرێت بۆ پێشخستنی بازاڕگەریی سەردەم".
م. هەندرێن غازی (لە دامەزراوەی کوردستان فاوەندیشن): پێشکەشکردنی تەوەری "پێچانەوە و پاکێجینگی دۆستی ژینگە".

ئەم چالاکییە ئامانجییەتی زانیاریی پراکتیکی دەربارەی مارکێتینگی سەوز و بەکارهێنانی ئامرازەکانی ژیریی دەستکرد (AI) پێشکەش بە خاوەن بزنس، مارکێتە ناوخۆیییەکان و خاوەنکارە بچووکەکان بکات. ئەمەش بە مەبەستی بەرزکردنەوەی کارایی بەڕێوەبردن، باشترکردنی خزمەتگوزاریی بەشداربووان، و بڵاوکردنەوەی هۆشیاریی بەردەوامی (Sustainability) لە ڕێگەی کەمکردنەوەی پاشماوە بازرگانییەکان و پاراستنی ژینگەی دەڤەرەکە.

لە کۆتایی پانێلەکەدا، دوای گفتوگۆو پرسیار و وەڵام، بڕوانامەی بەشداریپێکردن پێشکەش بە پەنێڵیستەکان کرا.

هەروەها وەک پێزانینێک بۆ ماندووبوون و دڵسۆزییان لە ئەنجامدانی ئەرکەکانیان زیاتر لە توانای ئاسایی خۆیان، بڕوانامەی ڕێزلێنان بەخشرا بە کۆمەڵێک لە فەرمانبەرانی دڵسۆزی پەیمانگەکە.

ڕاگەیاندنی پەیمانگەی تەکنیکی مێرگەسۆر

14/08/2026

📢 پانێڵێکی ڕاهێنانی پراکتیکی لە پەیمانگەی تەکنیکی مێرگەسۆر

لە چوارچێوەی گرنگیدان بە گواستنەوەی زانست و تواناسازی کۆمەڵگا، بەشی کارگێڕی لە پەیمانگەی تەکنیکی مێرگەسۆر پانێڵێکی ڕاهێنانی پراکتیکی بە ناونیشانی:
«Green Marketing in the Age of Artificial Intelligence »
ڕێکدەخات؛ کە تێیدا باس لە بنەماکانی مارکێتینگی سەوز، بازرگانیی بەرپرسیار بەرامبەر ژینگە، پاکێجینگی بەردەوام، کەمکردنەوەی پاشماوە و بەکارهێنانی ئامرازەکانی ژیری دەستکرد (AI) لە کار و بازرگانیی ڕۆژانە دەکرێت.

ڕێکەوت: یەکشەممە، 16ی ئاب 2026
کات: 10:00ی بەیانی
شوێن: پەیمانگەی تەکنیکی مێرگەسۆر – هۆڵی کۆنفرانس

لە ئەم پانێلەدا کۆمەڵێک بابەتی پەیوەندیدار بە بازاڕگەریی سەوز و بەکارهێنانی تەکنەلۆجیا و ژیری دەستکرد لە بەرەوپێشبردنی کاروبارە ناوخۆییەکان کەم کردنەوەی پاشماوەکان لەسەر ژینگە دەخرێنە بەرباس و گفتوگۆ.

14/08/2026

واژووکردنی یاداشتی تێگەیشتن لەگەل کەرتی تایبەت بۆ رەخساندنی هەڵی کار بۆ دەرچووانی پەیمانگەی تەکنیکی مێرگەسۆر

14/08/2026

پەیمانگەی تەکنیکی مێرگەسۆر و گروپی کۆمپانیاکانی قۆبهان ڕێککەوتننامەیەکی هاوکاریی زانستی و ڕەخساندنی هەڵی کاریان واژۆ کرد

دوێنێ پێنجشەممە، ڕێکەوتی ١٣ی ئابی ٢٠٢٦، لە چوارچێوەی هەوڵە بەردەوامەکانی پەیمانگە بۆ بەهێزکردنی پەیوەندیی نێوان ناوەندە ئەکادیمییەکان و کەرتی تایبەت، هەروەها بە ئامانجی پشتیوانیکردنی قوتابییان و دەرچووان، ڕێککەوتننامەیەکی هاوکاریی زانستی و ڕەخساندنی هەڵی کار لە نێوان پەیمانگەی تەکنیکی مێرگەسۆر و گروپی کۆمپانیاکانی قۆبهان بۆ دەرمانسازیی بە فەرمی واژۆ کرا.

مەراسیمی واژۆکردنی ڕێککەوتننامەکە بە ئامادەبوونی بەڕێزان پ.ی.د. طالب محمدشریف عمر ڕاگری پەیمانگەی تەکنیکی مێرگەسۆر و، دڵگەش ڕەمەزان بەڕێوەبەری گروپی کۆمپانیاکانی قۆبهان بەرێوەچوو.

تەوەر و ئامانجە سەرەکییەکانی ڕێککەوتننامەکە:
١- ڕەخساندنی هەلی کار: گرنگیدان بە دامەزراندن و دابینکردنی هەلی کاری گونجاو بۆ دەرچووە دیار و شایستەکان، بەپێی پێداویستی و مەرجەکانی کەرتی کار،

٢- ڕاهێنانی مەیدانی (پڕاکتیکی): دابینکردنی دەرفەتی ڕاهێنانی مەیدانی بۆ قوتابییانی بەشی دەرمانسازیی گیایی لە دامەزراوە و کۆمپانیاکانی سەر بە گروپەکەدا.

٣- پشتیوانی لە توێژینەوە: هاوکاریکردن و پشتیوانیکردن لە پڕۆژەی دەرچوون و توێژینەوە زانستییەکانی پەیوەست بە دەرمانسازیی گیایی.

٤- ئاڵوگۆڕی ئەزموون: بەهێزکردنی ئاڵوگۆڕی زانیاری و ئەزموونی ئەکادیمی و پیشەیی لە نێوان هەردوولادا بۆ هاوتەریبکردنی پرۆسەی خوێندن لەگەڵ پێداویستییەکانی بازاڕ.

شایانی باسە، ئەم هەنگاوە دوای سەردانێکی فەرمی بەرێز ڕاگری پەیمانگە بەیاوەری سەرۆک بەشی پرستاری و بەشێک لە مامۆستایانی بەشی دەرمانسازیی گیایی پەیمانگە بۆ پیشانگای تەندروستی( میدیکۆ)، وەک بەشێک لە ڕوئیا و ستراتیژیی پەیمانگەی تەکنیکی مێرگەسۆر بۆ ئامادەکردنی قوتابییان بەرەو بازاڕی کار و دۆزینەوەی هەڵی کارو بەستنەوەی توێژینەوە زانستییەکان بە کەرتی بەرهەمهێنان.

ڕاگەیاندنی پەیمانگەی تەکنیکی مێرگەسۆر

11/08/2026

بەشداریکردنی کارای پەیمانگەی تەکنیکی مێرگەسۆر لە وۆرک شۆپێکی تایبەت بە داتابەیسی بـۆلـۆنـا

ڕۆژی دووشەممـە ١١ــی ئابی ٢٠٢٦ بە ئامادەبوونی پ.ی.د.بۆتان مجید ئاسنگەر ی.سەرۆکی زانکۆ بۆ کاروباری زانستی وخوێندنی باڵا و سەرجـەم سـەرۆک بەشە زانستیەکانی پەیمانگەی تەکنیکی مێرگەسۆر و کۆلێژی تەکنیکی سۆران و پەیمانگەی تەکنیکی چۆمان و ئەدمینی سیستەمی بۆڵۆنـا وۆرکشۆپێک بە ناونیشانی(دوایین گۆڕانکاری و ئەرکی سەرۆکی بەش لە داتابەیسی بۆڵۆنا) لە کۆلێژی تەکنیکی شەقڵاوە بەڕێوەچوو.

ئامانـج لە وۆرک شۆپەکە پێدانی ڕێنمایی بوو سەبارەت بە چۆنیەتی ئامادەکردنی خشتەی حصری ئەلیکترۆنی و شێوازی دابەشکردنی ستاف و مۆدیولەکان و گروپەکانی تیۆری و پراکتیکی و پۆست و لیژنەکان لە سیستەمی پڕۆگرامـی بەشەکانـدا.

راگەیاندنی پەیمانگەی تەکنیکی مێرگەسۆر