پشکا زمانێ کوردی ل سالا (1994) سەر ب کولیژا ئاداب زانکویا دهوک هاتیە ڤەکرن. سیستەمێ خواندنێ ل ئەڤێ پشکێ چوار سالن و ل دویماهیێ قوتابی باوەرناما (بەکەلوریوس) ب زمان و ئەدەبێ کوردی وەردگرن. دەرچوویێن ئەڤێ پشکێ وەک ڤەکۆلەر یان فەرمانبەر ل دام و دەزگەهێن حکومی و هەروەسان وەک ماموستایێن زمان و ئەدەبێ کوردی ل رێڤەبەریێن سەر ب وەزارەتا پەروەردێ دهێنە دامەزراندن. هەتا سالا (2002) ئەڤ پشکە یا بەردەوام بوو.
ل سالا (2002 هەتا 2005) ناڤێ کولیژێ بۆ کولیژا پەروەردە هاتە گوهارتن. ل سالا (2005) جارەکادی ناڤێ وێ بۆ کولیژا ئاداب. ل سالا (2008) سیستەمێ خواندنا بلند بۆ (سیستەمێ سکولان سەر ب فەکۆلتیان) هاتە گوهارتن و ناڤێ کولیژێ بوویە (فەکولتیا زانستێن مروڤایەتی - سکولا ئاداب). ل سالا (2014) سیستەم ڤەگەریا بۆ (سیستەمێ کولیژان) و ناڤێ کولیژێ بوویە (کولیژا زانستێن مروڤایەتی). هەتا نوکە ئەڤ پشکە ل سەر کارێن خو یا بەردەوامە. سالانە خولێن (بەکەلوریوسێ) دەردکەت. کو سەرجەم خولێن بەکەلوریوسێ گەهشتینە (24) خولێن دەرچوونێ. هەروەسا سەبارەت خولێن خواندنا بلند (8) خولێن (ماستەرێ) ب هەردوو پسپوریێن (ئەدەب و زمان) لێ دەرچووینە و دەربارەی (دکتورایێ) دوو خولێن پسپوریا (ئەدەب) و خولەکا پسپوریا (زمان) دەرچووینە.
