21/09/2024
اهلا وسهلا بالعام الدراسي الجديد
#رسالة ..للآباء والامهات @الجميع
الى أولياء الأمور وبالخصوص ممن لديهم تلاميذ في الصف الاول الأبتدائي(تسجيل جديد) (نحجي باللهجة العامية) …
#اولاً من تشترين صدرية للطفلة اختاري صدرية مريحه وطويلة مونص رجليه طالعة
#ثانياً من تشتري حذاء👟 اجل الله مسامعكم لا تشتريها ام القيطان اشتري فلات مريح للطفلة لان تتعثر بالقيطان وتوگع🤸♂️
#ثالثاً الملابس تكون على قياس الطفلة لا كبار وتتبهذل ولا صغار وتتضايق بيهم… ??🦯
#رابعاً من تطلع الصبح حاولي ايتها الأم🤦♀️ تريگيه🍳🥛 للطفلة لأن راح تبقى للظهر بالمدرسه وتتحرك وتلعب وتركض اكيد تجوع الريوك صحي وضروري…
وخلي تاخذ وياهه اكل صحي مثلا فواكه متتلف وسريعه بالاكل
#خامساً الجنطة🎒 شوية صغيره وحطوا بيهه بس كتب ودفاتر الجدول حتى تصير خفيفه وبطل المي🍶 لا تخلونه بالجنطة الكتب تتنگع🌧 خلي البطل بيده وبشريط…
#سادساً تجليد الكتب والدفاتر مو كلهن نفس اللون لأن الطفل بعد مايعرف الدفتر من الكتاب خلي القراءة ودفترها نفس اللون والرياضيات ودفترها نفس اللون حتى يميزهن لأن الطفل يطلع الكتب كلها يتأخر ويروح وقت الدرس📖
#سابعاً ضروري رقم تليفون☎️ ولي أمر الطالب تخلونه بالجنطة بكارت والأفضل يكتب مع الأسم على كل دفتر… أو تخلون الرقم عند الادارة
#ثامناً اوصيكم بنظافة🚿 الشعر الاظافر والمتابعةاليومية… 🧼
#تاسعاً النوم مبكراً لاتدعوهم يسهرون على الموبايل 📲اتمنى لطلابنا عاما دراسيا مميزا بتعاونكم
