ئامادەیی شەهید ئارام

ئەحمەد موختار جاف دەفەرموێت
جەژنی قوربان ساڵی جارێ خەڵکی قوربانی ئەکەن
من بۆ وەتەن ڕۆژی سەد جار ڕوحم بە قوربان ئەکەم

بە ناوی دەستەی کارگێڕییەوە پیرۆزبایی لە تەواوی مامۆستایان و خوێندکاران و فەرمانبەرانی ئامادەییەکەمان دەکەین داواکارین لە خوای گەورە ئەمساڵیش وەکو ساڵانی پێشوو بکاتە ساڵی سەرکەوتن بۆ خوێندکارانی ئامادەییەکەمان

کارگێڕی ئامادەیی شەهید ئارام ..

ناوی خوێندکارانی بەشداربوو لە تاقیکردنەوەی ئەزموونە گشتیەکان بۆ ساڵی خوێندنی ٢٠٢٥-٢٠٢٦

🔴 هەر خوێندکارێک شوێنی ئەنجامدانی تاقیکردنەوەکانی بۆ دیاری نەکراوە بە زوترین کات ئاگادارمان بکاتەوە

کارگێڕی ئامادەیی شەهید ئارام ....

ڕێکەوتی ٢٠٢٦/٥/١٤ خەڵاتی ڕێزلێنانی ئامادەیی شەهید ئاراممان بەخشی بە بەڕێز دکتۆر نزار شێخ ئەحمەد
بەڕێزیان ئەرکی نۆژانکردنەوەو بۆیە کردنی بەشی پشتەوەی خوێندنگاکەمانیان لە ئەستۆ گرت ئەمەش وایکرد سیمایەکی جوانتر بە خوێندنگاکەمان ببەخشێت
سوپاس گوزارین نمونەی زۆر بێت

کارگێڕی ئامادەیی شەهید ئارام ...

ئەمڕۆ سێشەممە ٢٨ی نیسان، بەڕێز مامۆستا محەممەد ئەحمەد ئیبراهیم، بەڕێوەبەری گشتیی پەروەردەی گەرمیان بە هاوڕێیەتی بەڕێز مامۆستا عوسمان عەلی، بەڕێوەبەری سەرپەرشتیاریی پەروەردەیی دڵنیایی جۆری و مامۆستا سامان عومەر، بەڕێوەبەری خوێندنی ناحکومی و مامۆستا عەباس عادل لە بەشی تاقیكردنەوەكان سەردانیان کردین.

لە سەردانەکەدا بەڕێز بەڕێوەبەری گشتی پەروەردەی گەرمیان سوپاسی بەڕێوەبەر و مامۆستایانی ئامادەییەکەی کردین بەهۆی ئەوەی لە کوردستان بەگشتی و گەرمیان بە تایبەتی ناوبانگێکی باشمان هەیە ساڵانە ئەنجامی باش بە دەست دەهێنین.

هەروەها سوپاسی کردین کە توانیومانە ژینگەیەکی سەوز و تایبەت بە ژینگەی خوێندنگاکەمان ببەخشین.

دواتریش سەردانی تاقیگەی زیندە و فیزیا و کیمیای کرد و بەڵێنیدا هەرچی لە توانیاندا هەبێت هاوکاریمان بکەن.
وەهەروەها پاڵپشتی خۆی بۆ دەستەی کارگێڕی ئامادەییەکەمان دەربڕی بۆ هەر بڕیارێک کە پەیوەندی بە بەرژەوەندی گشتی ئامادەییەکەمانەوە هەبێت
لای خۆشیەوە مامۆستا سیروان بەڕێوەبەری
ئامادەیی شەهید ئارام سوپاسی کردن و خۆشحاڵی خۆی بە سەردانەکەیان دەربڕی . ..

پرسەو سەرەخۆشی خۆمان ئاراستەی بەڕێز مامۆستا احمد عبداللە مامۆستا لە ئامادەییەکەمان دەکەین بە بۆنەی کۆچی دوایی بەدرییە عبدااللە خوشکی بەڕێزیان لە ناخی دڵەوە هاوخەمی خۆمان دەردەبڕین بۆ ئەو کۆستە داواکارین لە خوای گەورە کۆچکردوو بە بەهەشتی بەرینی خۆی شاد کاو سەبوری ئارامی بە خێزان و خانەوادەکەیان ببەخشێت

کارگێڕی ئامادەیی شەهید ئارام ...