Mahwi school - قوتابخانەی مەحوی

#سوپاس و پێزانین ..

#بە شانازییەوە ئەمڕۆ 2026/6/6 سەرۆکی ئەنجومەنی قوتابخانە مامۆستا( دەشتی مغدید محمد ) سوپاس و پێزانینی خۆی ئاراستەی هەر یەک لە مامۆستایان ( گرین خالد سوار ) و ( ئاشنا خورشید عثمان ) دەکات ، کە لە ماوەی کارکردنیان وەک ڕابەری پۆل ، بە لێهاتوویی و دڵسۆزی و هەستی بەرپرسیارییەتی .. سەرکەوتنیان لە بەڕێوەبردنی پۆل و دروستکردنی کەشێکی گونجاو بۆ فێربوون بە دەست هێنا، هۆکاری ئەوە بوو کە ئەم پێزانینەیان پێ بدرێت ..

#هیوادارین هەمیشە بە هەمان ڕۆحی کارکردن و دڵسۆزی ، بەردەوام بن لە خزمەتکردنی پەروەردە و گەشەپێدانی نەوەی داهاتوو ..

#پیرۆزباییان لێ دەکەین و سەرکەوتنی زیاتر بۆ هەردووکیان دەخوازین ..

#ڕاگەیاندنی قوتابخانە.. 🌻

#ڕۆژی جیهانی منداڵان پیرۆز بێت ..
#منداڵان گەورەترین خەون و جوانترین هیوای داهاتوون .. هەر پێکەنینێکیان نوورێکە بۆ ژیان و هەر هەنگاوێکیان سەرەتای چیرۆکێکی نوێیە .. لە ڕۆژی جیهانی منداڵاندا، پێویستە هەموومان هاوکار بین بۆ پاراستنی مافەکانیان، دابینکردنی پەروەردەی باش و دروستکردنی ژینگەیەکی ئارام و پڕ لە خۆشەویستی بۆیان ..

#با داهاتوویەکی گەشتر بۆ هەموو منداڵێک دروست بکەین، چونکە ئەوان بنەمای سبەینێی ئەم جیهانەن ..

#ڕۆژی جیهانی منداڵان پیرۆز بێت لە هەموو منداڵانی جیهان ..

« #ڕاگەیاندنی قوتابخانە ..🌻

#بە دڵێکی پڕ لە شانازی و خۆشحاڵی، پیرۆزبایی گەرم و بێسنوور ئاراستەی قوتابی ئازیز ( ڕۆشنا ڕۆژگار قادر ) دەکەین بە بۆنەی دەرچوونی لە پۆلی نۆیەم بە پلەی یەکەم لە قوتابخانەی مەحوی ناحکومی – خوێندنی کوردی ..

#ئەم سەرکەوتنە بەرهەمی ماندووبوون، هەوڵدان، پابەندبوون و ئیرادەی بەهێزی تۆیە. هیوادارین ئەم دەستکەوتە سەرەتای سەرکەوتنەکانی زیاتر بێت لە قۆناغەکانی داهاتووی ژیان و خوێندنەوەدا..

#لە خودای گەورە داوادەکەین هەمیشە سەرکەوتوو و سەربەرز بیت و بەردەوام لە گەیشتن بە ئامانجە بەرزەکانت ..

#جارێکی تر، هەزاران پیرۆزبایی بۆ تۆ و خێزانە بەڕێزەکەت ، لەگەڵ باشترین ئارەزووەکان بۆ داهاتوویەکی درەوشاوە ..

#ڕاگەیاندنی قوتابخانە ..🌻

#بە هەستێکی پڕ لە شانازی و سوپاسەوە، کارگێڕی و لیژنەی چاڵاکی قوتابخانەی مەحوی بە پێویستی زانی سوپاسی ئەو چوار قوتابییە خۆشەویستانە بکات کە لە ماوەی ئەم ساڵی خوێندنەدا ، بە دڵسۆزی و خەمخۆرییەکی بەرز ، گرنگییەکی زۆریان بە پرۆسەی پەروەردە دا و بەردەوام بوون لە ئامادەکردن و پێشکەشکردنی چەندین بەرنامەی پەروەردەیی و هۆشیاری‌بەخش ..

#ئەم هەوڵ و ماندووبوونەیان تەنها نیشانەی زیرەکی و چاڵاکییان نەبوو، بەڵکو وێنەیەکی جوانی هاوکاری، بەرپرسیاریەتی و خزمەتکردنی کۆمەڵگەی قوتابییان پیشاندا ..

#هیوادارم هەمیشە لە ڕێگای سەرکەوتن و داهێناندا بدرەوشێنەوە و ببنە مایەی شانازی بۆ قوتابخانە و کۆمەڵگەکەیان. سوپاس بۆ هەموو ئەو هەوڵ و متمانەیەی کە خستتانە خزمەتی زانست و پەروەردە ..

#ڕاگەیاندنی قوتابخانە ..🌻

#کات کەمی ماوە چاوەڕوانی چیت ..؟

#هاوینێکی پڕ لە زانیاری، یاری و گەشت بۆ منداڵەکەت ..!😍
​ #دایکان و باوکانی بەڕێز ..
#ناوتۆمارکردن بۆ خولی هاوینەی ئاڵتوونی منداڵان لە قوتابخانەی مەحوی ناحکومی خوێندنی کوردی دەستی پێکرد ..

#تا شوێن ماوە پەلە بکەن و پشووی ئەم هاوینە بۆ منداڵەکەت بکە بە هەلی زێڕین ..

​ #ڕێکەوتی دەستپێکردن:
چوارشەممە ، ١ / ٧ / ٢٠٢٦

#ماوەی خولەکە: ٢ مانگی تەواو (لەگەڵ بەخشینی بڕوانامە) ..

#ڕاگەیاندنی قوتابخانە ..🌻

#وێنەی گوڵە ژیر و نازدارەکانی بازنەی یەکەمی پۆلەکانی ( یەکەم ، دووەم ، سێیەم ) قوتابخانەی مەحوی ناحکومی لە ڕۆژی بەخشینی بڕوانامەی کۆتایی دەرچوون ..

#هەمیشە هیوا و ئۆمێدمان بە توانای خوێندکارەکانمانە ..
#ڕاگەیاندنی قوتابخانە ..🌻

🎓 مژده‌ 🎓

#ناونووسکردن بۆ ساڵی خوێندنی ٢٠٢٦-٢٠٢٧ لە قوتابخانەی مەحوی ناحکومی خوێندنی کوردی کراوەتەوە بۆ پۆلەکانی ( ۱ تا ٩ )ی بنەرەتی ..

#پەیوەندی بکەن: ٠٧٥١٤٥٩٩٥٠٠ _ ٠۷٥۱٤٥۹۹۸٠٠

#ناونیشان : ۱۲٠م سەروو نەخۆشخانەی رۆژئاوا ..

#ڕاگەیاندنی قوتابخانە ..🌻

#دڵ خۆشی گوڵە نازدارەکانی پۆلی دووەم و سێیەمی خێزانی مەحوی لە سەفرەی بەهارەی قوتابخانەکەمان ..

#ڕاگەیاندنی قوتابخانە ..🌻

#لە سەردەمی ئێستادا، کۆمپیوتەر تەنها ئامرازێکی تەکنەلۆجی نییە، بەڵکوو بووە بە بەشێکی گرنگی ژیانی ڕۆژانەی ئێمە. بۆ قوتابیانی قوتابخانە، کۆمپیوتەر دەکرێت بێت بە هۆکارێکی سەرەکی بۆ فێربوون و گەشەپێدان.

بە بەکارهێنانی کۆمپیوتەر، قوتابیان دەتوانن:
📚 زانیاری زیاتر وەربگرن لەسەر هەموو بابەتەکان
🌐 پەیوەندی بکەن بە جیهانی دەرەوە و فێری زمانی نوێ بن
🧠 تواناکانی بیرکردنەوە و چارەسەرکردنی کێشە بەرز بکەن
🎯 خۆیان ئامادە بکەن بۆ داهاتووی کار و ژیانی پیشەیی

بەڵام، گرنگە کە بە شێوەیەکی دروست و بەرپرسانە بەکاری بهێندرێت، چونکە کاتی زۆر لەسەر کۆمپیوتەر دەتوانێت کاریگەریی نەخوازراوی هەبێت.

لە کۆتایی دا، کۆمپیوتەر ئامرازێکی بەهێزە، ئەگەر بە شێوەیەکی باش بەکاربهێندرێت، دەتوانێت داهاتووی قوتابیان ڕووناکتر بکا ..

#ڕاگەیاندنی قوتابخانە ..🌻