30/04/2015
ئه‌گـــه‌ر خه‌رمـــانى عـومــرم ئێسته‌كانه پاكــى با بيبا
به مه‌رگــى تــۆ مــچوڕكيشـم بــه دڵـــدا نايــه، با بيبا
هــونه‌ر گـه‌ر خۆى په‌رێشانــى نه‌بــايه لـه‌م وڵاتــه‌يـدا
به‌شى من بۆ ده‌بــوو چـاره ڕه‌شـى و خانه‌خه‌رابى با
له كوێ حاڵى من و تۆ وا ده‌بوو ئه‌ى خۆپه‌رست ئێستا
ئه‌گه‌ر دنيا ئوســوول و قاعيده و نه‌زم و حيسابــى بـــا؟
بــه جامێ باده تێر نابم، ئه‌گــه‌ر مه‌يلت هه‌يه ســاقى!
گــلێنه‌ى خــۆم ده‌نێرمه خــزمه‌تت، بــۆم تێكه تا بيبـــا
وه‌به‌رمن نايه‌ڵێ لێره‌ش مه‌ى و ساقى، جه‌نابى شێخ
ده‌نا لـه‌ولا شــه‌راب و حــۆرى با هــه‌ر بــۆ جه‌نــابى بـا
هه‌موو عه‌مرى ئه‌به‌د تێيدا نيه خۆشى ده‌مێك مه‌ستى
خــدر ئــاوى حــه‌ياتى بــۆ چ بـــوو؟ فێــــرى شه‌رابى بــا
"مامۆستا هێمــــن"
