Regay Zanko

وەزارەتى خوێندنى باڵاو توێژینەوەى زانستى زەمالەی خوێندنى ماستەر لە وڵاتى چین بڵاودەکاتەوە

وەزارەتى خوێندنى باڵا و توێژینەوەى زانستى مامۆستایان و فەرمانبەران و هاوڵاتیانی هەرێمی کوردستان ئاگادار دەکاتەوە کە وڵاتی کۆماری چینی میللی زەمالەی خوێندن پێشکەش بە هەرێمی کوردستان دەکات بەمەبەستی خوێندنی (ماستەر)، هەر کەسێک ئەم مەرجانەی خوارەوەی تێدا بەرجەستە دەبێت و ئارەزوی خوێندنی لە زانکۆکانی وڵاتی کۆماری چینی میللی بە لەبەر چاوگرتنی ئەم تێبینیانەی خوارەوە دەکات، تکایە بۆ وردەکاری زیاتر و پێشکەش کردن سەردانی ئەم لینکەی خوارەوە بکەن.
https://mega.nz/folder/mRlBiSJY

مەرج و داواکاری لایەنى کۆماری چینی میللی:

1. بڕوانامەی دەرچون کە پشت ڕاستکرابێتەوە لەلایەن وەزارەتەکەمان و وەزارەتی دادو فەرمانگەی پەیوەندییەکانی دەرەوەو نوسینگەی پشتراست کردنی بڕوانامەکانی سەر بە وەزارەتی دەرەوەی عێراق لە هەرێمی کوردستان.
2. بڕوانامەی بە نمرە بە هەمان شێوەی خاڵی یەکەم.
3. بڕوانامەی تایبەت بە نەبونی پێشینەی تاوان و ئەستۆپاکی کە لەلایەن وەزارەتی دادو فەرمانگەی پەیوەندییەکانی دەرەوە پشت راستکرابێتەوە.
4. بڕوانامەی تەندروستی کە لەلایەن وەزارەتی تەندروستی و وەزارەتی داد و فەرمانگەی پەیوەندییەکانی دەرەوەو نوسینگەی پشتراستکردنی بروانامەی سەر بەوەزارەتی دەرەوەی عێراق لە هەرێمی کوردستان.
5. تێستی زمانی ئینگلیزیەکانی وەک تۆیفڵ و ئایڵتس یان پشتگیریەک لە زانکۆکەی کە بیسەلمێنێت تەواوی خوێندنی بە زمانی ئینگلیزی بوە.
6. پاسپۆرت کە ماوەی بەسەرچونی لە شەش مانگ کەمتر نەبێت.
7. سی ڤی و پێرسنەڵ ستەیتمێنتی داواکار.
تکایە بۆ هەر پرسیارێک پەیوەندی بەم ژمارە تەلەفۆنە (٠٠٩٦٤٧٥١١٣٧٨٤٢٢) و ئیمێلە ([email protected]) بکەن.

مەرجی ڕێنمایی تایبەت بە وەزارەتی خوێندنی باڵا و توێژینەوەی زانستی:
ماستەر:

• پێشکەشکار دەبێت هاوڵاتی هەرێمی کوردستان بێت.
• پێشکەشکار ئەگەر فەرمانبەر یان مامۆستا بێت لە دامودەزگاکانی هەرێمی کوردستان، ئەوا دەبێت بەلایەنی کەم دوو ساڵ خزمەتی هەبێت لە پاش بە دەستهێنانی دوایین بروانامە.
• پێشکەشکار دەبێت کۆنمرەی بەکالۆریۆسی لە (٦٥ %)کەمتر نەبێت.
• ئاستی توانستی زمانی داواکراو لە بەرنامەیەک بۆ بەرنامەیەک جیاوازە، بۆ پێش پێشکەشکردن، تکایە تەواوی وردەکاریەکانی ئەم بەرنامەیە بخوێننەوە کە داواکاری بۆ پێشکەش دەکەن.
• داواکار دەبێت لە هەمان بواری خۆی داواکاری بۆ بەرنامەی ماستەر پێشکەش بکات. (واتا بەکالۆریۆس و ماستەرەکەی لە هەمان بوار بێت).
• کاندیدی سەرکەوتوو ئەگەر دامەزراو بێت، ئەوا لەلایەن وەزارەتی پەیوەندیدار تەنها مۆڵەتی خوێندندنی پێدەدرێت واتا بە موچەی بنەڕەتی و دەرماڵە جێگیرەکان.
• کاندیدی سەرکەوتو لەلایەن وڵاتی چین پشتگیری دارایی دەکرێت و بۆ وردەکاری زیاتر تکایە سەردانی ماڵپەڕی زەمالەکە بکەن.
• کاندیدی ئەم زەمالەیە مەرجە هیچ پێشینەیەکی تاوانی نەبێت و ئەستۆپاکی لەلایەن لایەنی پەیوەندیدار سەلمێنرابێت.
• پێشکەشکردن راستەوخۆ و تەنها لە ڕێگەی ماڵپەڕی سەرەکی زەمالەکە (چین) دەبێت.

تێبینی: بۆ ئەو بەرێزانەی کە داواکاری پێشکەش دەکەن، دوای پێشکەشکردنی داواکاریەکەیان لە ڕێگەی ئۆنلاین، دەبێت تا سەعات ١١ى پێش نیوەڕۆى رۆژی (١٩/٥/٢٠٢٤)، ئەم زانیاریانەی خوارەوە بۆ ئەم ئیمێلە رەوانە بکەن: ([email protected])

1) ناوی تەواو وەک ئەوەی کە لە پاسپۆرت نوسراوە ...
2) شوێنی کار ...
3) بەرنامەی پێشکەش کراو واتە ماستەر لە بواری ...
4) ئیمێل ...
5) تەلەفۆن (ژمارەی ئەو تەلەفۆنەی کە واتسئاپی لە سەرە) ...

سەنتەری ڕێگای زانکۆ جەژنی ڕەمەزانتان لێ پیرۆز دەکات 🌙

وەزارەتی خوێندنی باڵا بڕیارێک لە بەرژەوەندی دەرچوانی زانکۆ و پەیمانگەکانی هەرێمی کوردستان دەردەکات

لە پێناو رەخساندنی دەرفەت بۆ دەرچوانی زانکۆ و پەیمانگەکانی هەرێمی کوردستان، لە گشتاندنێکدا بە ژمارە (784) لە رێککەوتی (2024/4/7) وەزارەتی خوێندنی باڵا و توێژینەوەی زانستی کە ئیمزای د. ئارام محمد قادر وەزیری خوێندنی باڵا و توێژینەوەی لەسەرە و ئاراستەی گشت زانکۆ حکومیەکانی هەرێمی کوردستان کراوە، هاتووە:

پاڵپشت بە بڕیاری ئەنجوومەنی وەزارەت و بڕیاری ژمارە (86) لە (2016/5/2) بڕیاری دا بە بەخشینی رسوماتی داواکردنی پشتگیری بۆ زانکۆ و پەیمانگە حکومییەکان بەمەبەستی پێشکەشکردن بۆ بون بە چاودێر لە کۆمسیۆنی باڵای سەربەخۆی هەڵبژاردنەکانی عێراق، لە رۆژی دەنگدان بۆ هەڵبژاردنی پەرلەمانی کوردستان.

♦ خشتەی خولی یەکەمی تاقیکردنەوەی نیشتمانی پۆلی (۹)ی بنەڕەتی ساڵی خوێندنی (۲۰۲۳ - ۲۰۲٤).

فەرمانی وەزاری د. ئارام محمد قادر وەزیری خوێندنی باڵاو توێژینەوەی زانستی سەبارەت بە داشکان لە کرێی خوێندنی بەرایی (پارالێل + ئێواران) و خوێندنی باڵا (دبلۆمی باڵا، ماستەر، دکتۆرا) لەسەرجەم زانکۆ و پەیمانگە حکومییەکانی هەرێمی کوردستان.

وەزارەتى خوێندنى باڵاو توێژینەوەى زانستى

کتێبی نوێی ( فەلسەفە) ی پۆلی ١١ ی ئامادەیی وێژەیی ، کە لەئەمساڵی خوێندنی ٢٠٢٣-٢٠٢٤ ، لە ناوەندەکانی خوێندن بەردەست بوو.

کتێبی نوێی ئابوری پۆلی ١٢ ی ئامادەیی ، ساڵی خوێندنی ٢٠٢٤-٢٠٢٥ دەخوێندرێت.

🔴 کتێبی نوێی بابەتی ( ئابوری) بۆ پۆلی ١١ ی ئامادەیی . ساڵی نوێی خوێندنی ٢٠٢٤-٢٠٢٥ لە ناوەندەکانی خوێندن دەخوێندرێت . سوپاس بۆ هەموو ئەو بەڕێزانەی ماندوبوون لە دانان و دیزاینکردنی ئەو کتێبە.

🔴 کتێبی نوێی بابەتی ( ئابوری) بۆ پۆلی ١٠ ی ئامادەیی . ساڵی نوێی خوێندنی ٢٠٢٤-٢٠٢٥ لە ناوەندەکانی خوێندن دەخوێندرێت . سوپاس بۆ هەموو ئەو بەڕێزانەی ماندوبوون لە دانان و دیزاینکردنی ئەو کتێبە.

🔴یەکێک لە گرفتەکانی ناوەندی خوێندنی ناحکومی لە پێشتر ئەوەبوو ، دوور لە پێوەری زانستی قسە لەسەر ئاستی زمانی کوردی لەو ناوەندانەی خوێندنی ناحکومی دەکرا ، بە گوێرەی حاڵەتێک کە کەسێک دەیبینی یان رۆژنامەنوسێک کە پرسیارێکی دەکرد ، بڕیار دەدرا و حوکمی باشی و خراپی ئاستی زمانی کوردی دەخرایە ڕوو. ساڵی خوێندنی پار ، (٢٠٢٢-٢٠٢٣)، وەزارەتی پەروەردە بڕیاریدا بۆ خزمەتی زمانی دایک ( زمانی کوردی) وە بۆ دەرچوون لە حوکم و بڕیار لەسەر بنەمای حاڵەت کە زانستی نییە ، هەڵسەنگاندن بکرێت بۆ قوتابیانی پۆلی پێنجەمی بنەڕەتی لە قوتابخانە ناحکومییەکان ( سیستمی خوێندنی وەزارەت/ سیستمی ئینتەرناشناڵ/بیانی) ، پاشتر ((بەڕێوەبەرایەتی هەڵسەنگاندن )) شیکاری ووردی داتاکانی کرد ، بە کۆی گشتیی وەک تێکڕا ساڵی پار ئاست و نمرەی دەرچوون گەیشتە (٨٧٪) ، بەڕێژەی جیاواز لە نێوان قوتابخانەکان، بە دڵنیایش ئەو قوتابخانانەی کە سیستمی خوێندنی وەزارەت بە زمانی ئینگلیزیی پەیڕەو دەکەن ئاستی توانستی قوتابییەکانیان باشتر بوو بە شێوەیەکی ڕێژەیی لە ئاستی توانستی قوتابیانی قوتابخانە ئینتەرناشناڵەکان لە زمانی کوردیدا، بەڵام ئاستی زمانی کوردی بە تێکڕا لە قوتابخانە ئینتەرناشناڵەکانیش ئومێد بەخشە.
🔵ساڵی پار ، لە مەراسیمێکدا ڕێز و سوپاسمان دایە ئەو قوتابخانانەی ئاستی زمانی کوردی قوتابیانیان نایاب بوو، لە هەمان کاتیشدا قوتابخانە بە قوتابخانە داتا و دەرئەنجامی خۆیانمان دانەوە ، هەروەها قوتابی بە قوتابی ئەنجامەکانمان بۆ شیکارکردن ، کە ئەو قوتابیە لە نوسین لە چ ئاستێکە ، لە ڕستە سازیی لە چ ئاستێکە ، لە تێگەیشتن ، هەروەها لە داڕشتن لە چ ئاستێکە. بۆیە جدیەتێکی زیاتر بە قوتابخانەکانەوە دەبینین لەماوەی ئەم دوو ساڵە کاتێک ئەوان زانیان وەزارەت جدیە و مکوڕە لەسەر ئەنجامدانی ساڵانەی هەڵسەنگاندنی زمانی کوردی ، بۆیە ئیستا ئەوان گرنگی زیاتر دەدەن بە مامۆستایانی زمانی کوردی ، گرنگی زیاتر دەدەن بە بابەتی کوردی ، ئەم بابەتە پاش چەند ساڵێکی دیکە دەرئەنجامەکانی باشتر دەردەکەون .
🔴 لە ساڵی خوێندنی ئەمساڵیشدا سبەی کە ڕۆژی چوارشەممەیە ٣ی ٤ی ٢٠٢٤ ، هەمان هەڵسەنگاندن بۆ ئاستی زمانی کوردی بۆ قوتابیانی پۆلی شەشەمی بنەڕەتی و هەشتەمی بنەڕەتی ئەنجام دەدەین ، داتاکان بەراورد دەکەین بە داتای ساڵی رابردووش ، ئەو قوتابخانەیەی ئاستی وەک پێویست نەبێ کۆمەڵێک رێکاری بۆ دیاری دەکرێت کە پێویستە بیگرێتە بەر، ئەوەش ئاستی توانستی زمانی کوردی قوتابیانی بە تێکرا نایابە بە دڵنیایی سوپاس دەکرێت وکاری هەڵسەنگاندنی وورد وەک ساڵی پار بۆ هەموو قوتابی و هەموو قوتابخانەیەک ئەنجامدەدرێت.
🔴 هەڵسەنگاندنی زمانی کوردی ئەم بەشانە لە خۆ دەگرێت : ( خوێندنەوە و تێگەیشتن / داڕشتن و جواننوسی / ڕێزمان/ ئەدەبی کوردی)
🔴 ئاماری بەشداربووان 🔻 هەموو کەناڵەکانی میدیایی دەتوانن سوودی لێوەربگرن.

ئالان حمەسعید
وەزیری پەروەردە
۲ی٤ی۲۰۲٤