کایند ئەکادیمی kind Academy

چۆن جەژنانە بکەین بە وانەیەکی پەروەردەیی؟ 💰👶
جەژنانە تەنها بڕە پارەیەک نییە بۆ منداڵ، بەڵکو دەرفەتێکە بۆ فێربوون:
• فێری بەخشینی بکەن: با بەشێکی بچووکی جەژنانەکەی بدات بە هەژارێک، تا هەست بە میهرەبانی بکات.
• پلاندانان بۆ خەرجکردن: ڕێگەی بدەن خۆی بڕیار بدات چی پێ دەکڕێت، بەڵام ڕێنمایی بکەن کە هەمووی لە یەک کاتدا خەرج نەکات.
• جیاوازی نێوان ویست و پێویستی: فێری بکەن کە هەموو یارییەکی ناو بازاڕ بۆ کڕین نابێت!

بۆنەی هاتنی جەژنی ڕەمەزانی پیرۆزەوە، گەرمترین پیرۆزبایی ئاراستەی هەموو منداڵە نازدارەکان و خێزانە بەڕێزەکانیان دەکەین. ئاواتەخوازین ماڵەکانتان هەمیشە پڕ بێت لە دەنگی پێکەنین و خۆشی منداڵەکانتان.

#جەژنتان پیرۆز

بۆ ئەوەی منداڵان فێری بەخشین بکرێن پێویستە دایک و باوکان هانیان بدەن ببن بە پاڵەوانی منداڵانی تر لە ڕێگەی

١_ بەخشینی ئەو جل و بەرگانەی کە ئیدی بچووک بۆتەوە وە ئەو یاریانەی کە کەمتر ئارەزوویان دەکەن

٢-باسکردنی زیادبوونی هەموو ئەو پێداویستیانەی کە دەیبەخشێت ئەمەش لە ڕێگەی کڕینی یاری نوێ کاتێک منداڵەکەت یاریە زیادەکانی دەدا بە منداڵانی تر

٣_ پێدانی بڕە پارەیەک تا بەدەستەکانی خۆی لەناو سندوقی خێرخوازی مزگەوت و شوێنە گشتیەکان دابنێ

٤_ وەلەهەمووشی گرنتر بینینی دایک و باوکە کاتێک لەبەرچاوی خۆیان کارە خێرەکە ئەنجام دەدەن چونکە منداڵان سەرەتا لە ڕێگەی لاساییکردنەوە فێردەبن

هەموو ئەمانە دەبنە هۆکار بۆ ئاشناکردنی منداڵان بە کاری بەخشین و خێرخوازی

شارا عبدالله
مامۆستالەکایند ئەکادیمی

بەبۆنەی ٨ی مارس، ڕۆژی جیهانیی ئافرەتان،جوانترین چەپکە گوڵی ڕێز و وەفا پێشکەش بە دایکان و مامۆستایانی کایند ئەکادیمی دەکەین. ئێوە شایەنی باشترینەکانن.
پیرۆز بێت ئەم ڕۆژە لە هەموو خانمانی نیشتمان. 🌸

بۆ ئەوەی پشوویەکی بەسوودمان هەبێ لەگەڵ منداڵەکان پێویستە:
پاراستنی ڕۆتینی ڕۆژانە

منداڵ لە ڕێگەی ڕۆتینەوە هەست بە ئارامی دەکات. هەرچەندە پشووە، بەڵام هەوڵبدرێت کاتی خەوتن و هەستان و نانخواردنیان زۆر تێکنەچێت. ئەمە یارمەتییان دەدات کاتێک پشوو تەواو دەبێت، بە ئاسانی بگەڕێنەوە ناو کەشی ئەکادیمیا

بەشداریکردن لە ئامادەکارییەکانی ڕەمەزان

منداڵ لەم تەمەنەدا حەز دەکات هەست بکات کەسێکی گرنگە. دایکان دەتوانن:
لە دانانی سفرەی بەربانگ هاوکارییان لێوەربگرن
لە کاتی دروستکردنی شیرینی یان هەویرکاریدا، ڕێگەیان پێ بدەن یارمەتیتان بدەن (ئەمە ماسولکە وردەکانی دەستیان بەهێز دەکات).

سندوقی "کارە باشەکان

ڕەمەزان دەرفەتێکی زێڕینە بۆ فێربوونی بەخشندەیی. دەکرێت سندوقێکی بچووک دروست بکەن، هەموو ڕۆژێک کارێکی باشی تێدا بنووسن (بۆ نموونە: ئەمڕۆ یارمەتی دایکم دا)

کاتی دیاریکراو بۆ شاشە

کاتێکی دیارکراویان هەبێ بۆ سەیرکردنی ئەو ئەفلام کارتۆنانەی ئێوە پێتان باشە وە ، بەهۆی ئەوەی دایکان لە ڕەمەزاندا سەرقاڵن، منداڵەکان زیاتر مۆبایل بەکاردەهێنن باشترە ئەم جێگرەوانەیان بۆ دابین بکەن

وێنەکێشان و ڕەنگکردن
یاریکردن بە هەویر
دروستکردنی فانۆسی ڕەمەزان بە کاغەزی ڕەنگاوڕەنگ

فێربوون لە ڕێگەی یارییەوە (بۆ ئەوەی ئەو شتانەی فێری بوین بیرنەچێتەوە)

پێویست ناکات وەک قوتابخانە وانە بخوێنن، بەڵکو دەتوانن:
لە کاتی نانخواردن پێکەوە ژمارەکان بژمێرن (چەندپەرداخ لێرەیە؟).
ناوی میوە و سەوزەکان بڵێن.
ناونانی ڕەنگەکان لە ناو ماڵدا.

خوێندنەوەی چیرۆک پێش خەوت

لە جیاتی ئەوەی منداڵەکە بە دیار شاشەکانەوە بخەوێت، دایکان با ١٠ بۆ ١٥ خولەک چیرۆکیان بۆ بخوێننەوە. ئەمە نەک هەر زمانیان دەوڵەمەند دەکات، بەڵکو پەیوەندی سۆزداری نێوان دایک و منداڵەکە زۆر بەهێز دەکات.

فاطیمە حەبیب
مامۆستا لە کایند ئەکادیمی

پێنج خاڵ بۆ پاراستنی ئارامی خێزان لەکاتی جەنگ و پشوودا

١- ڕۆتینی ماڵەوە با وەک خۆی بمێنێت بەتایبەت کاتی خەو
٢- وێنەی پرێنتکراو دابینبکە بۆ ڕەنگکردن بۆ ئەوەی منداڵ پێیەوە سەرقاڵ بێت
٣- با منداڵەکەت لە کارەکانی ماڵەوە یارمەتیت بدات بە پێی توانای
٤- چیڕۆکی ئارامبەخش دابین بکە بەیەکەوە بیخوێننەوە و سەیری وێنەکانی بکەن
٥- هەوڵ بدە یارمەتی بدەی ئەو بابەتانەی فێری بوە لە باخچە و قوتابخانە لە ڕێگای فڵاش کارد و ۆرک شیت و چاڵکی یەوە تا لەبیریان نەکات

سارا صدیق
مامۆستا لەکایند ئەکادیمی

#پشو