Hawler Medical University

19/08/2026

قوتابیانی کۆلێژی دەرمانسازی - زانکۆی هەولێری پزیشکی بە مەبەستی راهێنان سەردانی ووڵاتی بەریتانیا دەکەن .
ـــــــــــــــــــــــــــــــ

دوابەدوای سەردانەکەی بەرێز “ پرۆفیسۆر دکتۆر علی عبدالرزاق الدباغ “ سەرۆکی زانکۆی هەولێری پزیشکی و شاندی یاوەری بۆ ولاتی بریتانیا و واژوو کردنی یاداشتنامەیەکی لێکتێگەیشتن و هەماهەنگی نێوان زانکۆی هەولێری پزیشکی و زانکۆی Strathclyde ی بەریتانی، بریارە لەسەر راسپاردەی بەرێزیان لە ئایندەیەکی نزیکدا گروپێک لە قوتابیانی کۆلێژی دەرمانسازی - زانکۆی هەولێری پزیشکی سەردانی ووڵاتی بەریتانیا دەکەن بە مەبەستی بەشداری کردنیان لە ڕاهێنانی کلینیکی لەسەر دوایین پێشکەوتنەکانی بواری دەرمانسازی.

ڕاگەیاندنی زانکۆی هەولێری پزیشکی

17/08/2026

مامۆستایان و فەرمانبەرانی زانکۆی هەولێری پزیشکی توانیان پلەی یەکەم و دووەم خولی تۆپی سەرمێزی بەدەست بێنن .
ــــــــــــــــــــ

بە ئامادەبوونی بەرێز “ پرۆفیسۆر دکتۆر علی عبدالرزاق الدباغ “سەرۆکی زانکۆی هەولێری پزیشکی و بەرێز دکتۆر “ ئامانج برادۆستی “ بەرپرسی لێژنەی ناوچەی ئاسۆ بەرێزان یاریدەدەرانی سەرۆکی زانکۆ هەولێری پزیشکی یاری کۆتایی خولی تێنسی سەرمێز بۆ هەردوو ئاستی ئافرەتان و پیاوانی تایبەت بە مامۆستایان و فەرمانبەران لەسەر ئاستی زانکۆکان بەرێوەچوو . تێیدا تیپی زانکۆی هەولێری پزیشکی لەسەر ئاستی پیاوان کە پێک هاتبوو لە بەرێزان “ دکتۆر هونەر کمال “ توانی پلەی یەکەمی بەدەستی بێنێت و بەريز “ هۆشیار حیدر “ پلەی دووم بەدەست بێنی .
شایەنی باسە لە کەشێکی وەرزشی و پڕ لە جۆش و خرۆشدا، خەڵاتی ڕێزلێنان بە سەر یاریزانە سەرکەوتووەکان دابەشکرا. ئەم چالاکییە وەرزشییە بەشێک بوو لە زنجیرەی چالاکیەکانی لێژنەی ناوچەی ئاسۆ - زانکۆ بوو

ڕاگەیاندنی زانکۆی هەولێری پزیشکی

11/08/2026

پەیامی هاوخەمی و پرسەی سەرۆکی زانکۆی هەولێری پزیشکی بۆ بەرێز پرۆفیسۆری یاریدەدەر دکتۆر “ هێمن محسن سلیمان “ یاریدەدری ڕاگر لە کۆلێژی پزیشکی ددان .
…………………………………….

﷽

قَالَ الله تَعَالی
( كُلُّ نَفْسٍ ذَآئِقَةُ الْمَوْتِ وإنَّما تُوَفَونَ أجورَكم يومَ القيامة) ..

بەرێز پرۆفیسۆری یاریدەدەر دکتۆر “ هێمن محسن سلیمان “ یاریدەدری ڕاگری کۆلێژی پزیشکی ددان لە ناخی دڵمانەوە ھەواڵی کۆچی دوایی باوکی بەرێزتان خەمبار و دڵ تەنگی کردوین .

بۆیە بەم بۆنەوە خەمناکەوە پرسە و سەرەخۆشی خۆمان ئاراستەی بەرێزتان دەکەین و لە یەزدانی مەزن داواکارین خوا لێخۆشبوو بە بەھەشتی بەرین شاد بکات و سەبر و ئارامیش بە ئێوە و خانەوادەکەتان ببەخشێت.

انا لله وانا الیه راجعون . . .

پرۆفیسۆر دکتۆر علی عبدالرزاق الدباغ
سەرۆکی زانکۆی هەولێری پزیشکی
١١ـی ئاب ٢٠٢٦

09/08/2026

زەمالاتی خوێندن (ماستەر) لە وولاتی بەریتانیا

مامۆستا و فەرمانبەران و هاولاتیانی هەرێمی کوردستان ئاگادار دەکەین کە زەمالەی Chevening بۆ ساڵی خوێندنی 2027–2028 کراوەتەوە. ئەم بەرنامەیە لەلایەن حکومەتی شانشینی یەکگرتوو (بەریتانیا)، لە ڕێگەی وەزارەتی کاروباری دەرەوە، هاوبەشێتی و پەرەپێدانی نێودەوڵەتی (FCDO)، پشتیوانی دارایی دەکرێت.

بۆ زیاتر زانیارى سەردانى لینکى ئاگاداریەکانى ماڵپەڕى زانکۆ بکە.....

Applications for 2027-2028 Chevening Scholarships are now open!

09/08/2026

بەخشش و زەمالەی توێژینەوە لە وولاتی بەریتانیا بۆ سالی ٢٠٢٦

وەزارەتی خوێندنی باڵا و توێژینەوەی زانستی بە خۆشحاڵییەوە ڕایدەگەیەنێت کە دەرگای وەرگرتنی داواکاری بۆ بەرنامەی (British Institute for the Study of Iraq – BISI) بۆ سالی (٢٠٢٦) کراوەتەوە، بە مەبەستی پشتگیری سەردانی تایبەت بە توێژینەوە و راهێنان بۆ وولاتی بەریتانیا و بە هێزکردنی هاوکاری ئەکادیمی و توێژینەوە لە نێوان دام و دەزگاکانی عێراق و وولاتی بەریتانیا، توێژەر و ئەو بەرێزانەی کە لە بواری شوێنەواری کەلتوری و کۆمەلگەی مەدەنی کاردەکەن دەتوانن سود لەم بەرنامەیە ببینن.

بۆ زیاتر زانیارى سەردانى لینکى ئاگاداریەکانى ماڵپەڕى زانکۆ بکە.....

The Visiting Scholarships Scheme aims to enhance the capacity of Iraqi scholars to engage in the sustainable development of cultural heritage.

07/08/2026

پەیامی هاوخەمی و پرسه سەرۆکی زانکۆی هەولێری پزیشکی بۆ بەرێز دکتۆر “ مظفر عبدالرحمن بارزاني “ مامۆستا لە کۆلێژی پزیشکی گشتی .
…………………………………….

﷽

قَالَ الله تَعَالی
( كُلُّ نَفْسٍ ذَآئِقَةُ الْمَوْتِ وإنَّما تُوَفَونَ أجورَكم يومَ القيامة) ..

بەرێز دكتۆر “ مظفر عبدالرحمن بارزاني “ لە ناخی دڵمانەوە ھەواڵی کۆچی دوایی دایکی بەرێزتان خەمبار و دڵ تەنگی کردوین .

بۆیە بەم بۆنەوە خەمناکەوە پرسە و سەرەخۆشی خۆمان ئاراستەی بەرێزتان دەکەین و لە یەزدانی مەزن داواکارین خوا لێخۆشبوو بە بەھەشتی بەرین شاد بکات و سەبر و ئارامیش بە ئێوە و خانەوادەکەتان ببەخشێت.

انا لله وانا الیه راجعون . . .

پرۆفیسۆر دکتۆر علی عبدالرزاق الدباغ
سەرۆکی زانکۆی هەولێری پزیشکی
٧ـی ئاب ٢٠٢٦

05/08/2026

پەیامی پیرۆزبایی ئەنجومەنی زانکۆی هەولێری پزیشکی بۆ بەڕێز پرۆفیسۆر دکتۆر بدرخان سعید بە بۆنەی دەست بەکاربوونی وەک ڕاگری کۆلێژی پزیشکی گشتی - زانکۆی هەولێری پزیشکی .

ــــــــــــــــــــــــــــــــــــــ

ئەنجوومەنی زانکۆی هەولێری پزیشکی ، بە دڵخۆشییەوە ، گەرمترین پیرۆزبایی خۆی ئاراستەی بەڕێز “ پرۆفیسۆر دکتۆر بدرخان سعید ”دەکات بە بۆنەی دەستبەکاربوونی بەرێزیان وەک ڕاگری کۆلێژی پزیشکی گشتی - زانکۆی هەولێری پزیشکی

هیوادارین ئەم متمانەیە سەرەتای قۆناغێکی نوێی سەرکەوتن و پێشکەوتن بێت بە هۆی شارەزایی، ئەزموون و هەوڵە بێوچانتان، کۆلێژەکە زیاتر پەرەبسێنێت و ئاستی زانستی و ئەکادیمی خۆی بەرزتر بکات .

سەرفرازیی هەمیشەیی بۆ بەڕێزتان لە بەجێهێنانی ئەو ئەرکە نیشتمانی و ئەکادیمییەی لە ئەستۆتانە.

لەگەڵ ڕێز و پێزانینی بەرز ،

ئەنجوومەنی زانکۆ هەولێری پزیشکی
٥ـــی ئابی ٢٠٢٦

https://hmu.edu.krd/component/content/article/81-hawler-medical-university/blog/hmu/news/2392-dr-badrkhan-saeed-appointmented-as-dean-of-college-of-medicine?Itemid=437

04/08/2026

سەرۆکی زانکۆ زانکۆی هەولێری پزیشکی سەردانی وەزارەتی تەندروستی حکومەتی هەرێمی کوردستانی کرد .
ــــــــــــــــــــــــــــــــــــــــ

ئەمرۆ سێ شەممە رێکەوتی ٤ــی ئابی ٢٠٢٦ شاندێکی زانکۆی هەولێری پزیشکی بە سەرۆکایەتی رێزدار پرۆفیسۆر ” دکتۆر علی عبدالرزاق الدباغ “ سەرۆکی زانکۆی هەولێری پزیشکی به‌یاوه‌ری به‌ڕێزان ئەندامانی ئەنجومەنی زانکۆ سه‌ردانی وەزارەتی تەندروستی حکومەتی هەرێمی کوردستانیان کرد و لە لایەن بەرێز “ دکتۆر سامان حوسێن بەرزنجی “ وەزیری تەندروستی پێشووازیان لێکرا .
له‌ دیداره‌كه‌دا کە بەشێک لە ئەندامانی ئەنجومەنی وەزارەتی تەندروستی ئامادەبوون تیشك خرایە‌ سه‌ر گرنگی په‌رپێدانی په‌یوه‌ندی نێوان زانكۆی هه‌ولێری پزیشكی و وەزارەتی تەندروستی بە تایبەت کە زانكۆی هەولێری پزیشکی تاکە زانکۆی پسپۆری پزیشكیە له‌ هەرێمی كوردستان و سەرچاوەکی گرنگە له‌ سه‌ر پێگەیاندنی کادری پزیشکی و تەندروستی دروست بە شێوەیەکی زانستی بۆ ژێرخانی ته‌ندروستی لە كوردستان و چەندین تەوەری کاروباری ڕۆژانەی هاوبەش لە نەخۆشخانە و دامودەزگاکانی تەندروستی و ڕەوشی تەندروستی و پڕۆسەی خوێندنی پزیشکی و خوێندنی پسپۆڕیەکان و دابینکردنی پێداویستیەکانی خوێندنی باڵا لەبواری پزیشکی و چارەسەرکردنی کێشەوگرفتەکان و پتەوکردنی ئاستی زانستی و پزیشکی لەپێناو باشترکردنی خزمەتگوزاری تەندروستی هاوڵاتیان تاوتوێکرا.
لە کۆتایی سەردانەکە سه‌رۆكی زانكۆ خۆشحالی خۆی دەربری بەم هاوئاهەنگیە قه‌لغانی سه‌رۆكایه‌تی زانكۆی هه‌ولێری پزیشكی پێشكه‌شی به‌ڕێز وەزیری تەندروستی كرد.

ڕاگەیاندنی زانکۆی هەولێری پزیشکی

https://hmu.edu.krd/component/content/article/81-hawler-medical-university/blog/hmu/news/2391-president-of-hawler-medical-university-visited-the-ministry-of-health-of-the-kurdistan-regional-government?Itemid=437

31/07/2026

پەیامی سەرۆکایەتی زانکۆی هەولێری پزیشکی بە بۆنەی ٤٣مين ساڵیادی ئەنفالی بارزانیەکان .

ــــــــــــــــــــــــــــــــــــــــــ

بە ناوی خوای گەورە و میهربان

بە ناوی خۆم و سەرجەم ئەندامانی ئەنجومەنی زانکۆی هەولێری پزیشکی، بە هەڵوێستێکی پڕ لە خەم و ڕێز ، یادی هەزاران شەهیدی ئەنفالی بارزانیەکان و گشت شەهید و ئەنفالکراوەکانی کوردستان لە گەرمیان و بادینان و بالیسان و شێخ وەسانان و کوردی فەیلی و شنگال دەکەینەوە ، بەرزو پیرۆز رایدەگرین .

ئەم تاوانەی نەژادکوژی ڕژێمی پێشووی عێراقدا کە بەهۆی ناسنامەی نەتەوەییانەوە لە ساڵی ١٩٨٣دا دژی زیاتر لە ٨٠٠٠ کەسی بێتاوانی بارزانی و گەلی کورد ئەنجامی دا هەمیشە لە بیر و هۆشی گەلی کوردستاندا دەمێنێتەوە و وەک پەیامێک بۆ پاراستنی مافی مرۆڤ و ڕووبەڕووبوونەوەی هەر جۆرە ستەم و زوڵمێک دەدرەوشێتەوە .

بۆی لەم ڕۆژە پڕ خەمەدا ، سەری رێز و نەوازش دادەنوێنین بۆ گیانی پاکی شەهیدان و خێزانە بەڕێزەکانیان ، و هیوادارین ئەم یادە و قوربانییەکانیان هەمیشە ببێتە هۆی یەکگرتوویی ، ئاشتی و دادپەروەری .

سڵاو لە گیانی پاکی شەهیدان و ئەنفالکراوانی کوردستان

پرۆفیسۆر دکتۆر علی عبدالرزاق الدەباغ
سەرۆکی زانکۆی هەولێری پزیشکی
٣١ـی تەموزی ٢٠٢٦

28/07/2026

سەرۆکی زانکۆی هەولێری پزیشکی پێشوازی لە سکرتێری یەکێتی قوتابییان و لاوانی دیموکراتی کوردستان کرد.
ـــــــــــــــــــــــــــــــــــــــــ

ئەمرۆ سێ شەممە ڕێککەوتی ٢٨ـی تەمووزی ٢٠٢٦ رێزدار “ پرۆفیسۆر دکتۆر على عبدالرزاق الدباغ ” سەرۆکی زانکۆی هەولێری پزیشکی بە یاوەری بەرێزان یاریدەدرانی سەرۆکی زانکۆ و بەرێز ئەمینداری ئەنجومەنی زانکۆ پێشوازیان لە بەرێز “ شڤان محموود” سکرتێری یەکێتی قوتابییان و لاوانی دیموکراتی کوردستان و شاندی یاوەری کرد.

لە دیدارێکدا سەرۆکی زانکۆی خۆشحاڵی بۆ ئەم سەردانە دەربڕی و بە گرنگیەوە باس لە هەماهەنگی و پەیوەندی نێوان زانکۆ و سکرتاریەتی قوتابیان کرد بە مەبەستی زیاتر خزمەتکردنی قوتابییان .

ڕاگەیاندنی زانکۆی هەولێری پزیشکی

https://hmu.edu.krd/component/content/article/81-hawler-medical-university/blog/hmu/news/2380-president-of-hawler-medical-university-received-the-secretary-of-the-kurdistan-democratic-students-and-youth-union?Itemid=437