27/02/2024
بەناوی خودای گەورە و میهرەبان
ڕاخەری ئەرز و ڕاگری ئاسمان
سەرەتا سوپاس بۆ خودای گەورە لەپای ئەو هەموو فەزڵەی هەیەتی بەسەرمەوە فەزڵێکی تریشی پێ بەخشیم و نازناوی قوتابی نمونەیی ساڵم پێ بەخشرا.
سوپاس بۆ متمانەی ڕاگرایەتی کۆلێژی زانستە ئیسلامیەکان و سەرۆکایەتی بەشی پەروەردەی ئایینی کە بەڕاستی متمانەیەکی گەورەیە و زۆر بەرز دەینرخێنم کەهیوادارم لەئاستی ئەو متمانە مەزنەدابم.
سوپاس بۆ هەموو ئەو مامۆستایانەی لەسەرەتای ژیانمەوە تا ئەو دەقەیەی ئێستا تێیدا دەژین پاڵپشتم بوون و بەقسە گەوهەرەکانیان پەروەردەیان کردین.
سوپاس بۆ هەموو ئەو هاوڕێیانەم کە لەگەڵم بوون و هەڵەکانیان بۆ ڕاست کردومەتەوە و لەبەرەوپێش چونەکانم دەستیان گرتوم و لەخۆشی و ناخۆشی لەگەڵم بوون.
لەکۆتاییدا وەک هەموو جار دەیڵێم و دەیڵێمەوە باشیەکانم لەلایەن خودای گەورە و دەرئەنجامی پەروەردەی جوانی دایک و باوکمە وەهەر هەڵەیەکیش کەدەیکەم لەخراپەی نەفسی خۆمە.
بەندەی خودا (شێروان عمر شێروانی)
26/10/2023
ئەمڕۆ کە کۆتا ڕۆژی ٢٠ ساڵیمە ویستم پێتان بڵێم بەیانی لەگەڵ دەسپێکی تەمەنی ٢١ ساڵی یەکەم سیمیناری گشتی پێشکەش بە ئێوەی ئازیز و خۆشەویست دەکەم و هاتنتان گەورەو خۆشحاڵم دەکات.
ناونیشان: https://maps.google.com/?cid=10205827992744093885&entry=gps
کاتژمێر: ٣:٣٠ ئێوارە
"هەم دەسپێکی ساڵێکی نوێ لەتەمەن هەم گەیشتن بە سەرکەوتنێکی نوێ"
06/10/2023
#مامۆستا
پەروەردەکاری جۆرەها جیلی جیاواز بەپێی سەردەم.
ئەمڕۆ 6/10/2023 کە دەکاتە ڕۆژێك دوای یادی ڕۆژی مامۆستایانی پایە بەرز و خاوەن شکۆی تایبەت.
بەڕاستی دوێنێ ئەوپەڕی بێ دەنگیم نواند لەهەمبەر ئەو ڕۆژە گەورەیە چونکە چاوەڕێ بووم گەورەترین ڕێز لە مامۆستایان بگیرێت لەکاتێکدا کە بەداخەوە نەگیرا، لەڕۆژی 4/10/2023 چەند کەناڵێکی ڕاگەیاندن بینیم ڕۆژی ئاژەڵانیان بڵاو کردەوە کەچی نەمدی لەڕۆژی دوای ئەو یادی مامۆستا پایە بەرزەکان بکەنەوە.
ئاگاداربن میللەتی خەوتوو ئەوانەی ئێوە لەیادتان کردوون ئەو کەسانەن کەوا ئێوەیان گەیاندە ئێستای نوسین و خوێندنەوەتان ئەو کەسانەن کە ئەوپەڕی هەوڵ و ماندووبوونی خۆیان داوە بۆ ئەوەی ئێوە بگەیەنن بە باشترین.
جیاواز لەوە ئەو کەسانەی کە مامۆستای داهاتووشن واتا خوێندکارن لەو بەشانەی کەوا لەداهاتوودا دەبن بە مامۆستا کوا ڕێز و شکۆ بۆخۆتان؟ کوا هەوڵی گەڕاندنەوەی ئەو یادەی کە ئێستا نەماوە؟ ئایە ئێوە خۆتان بەخاوەنی ئەو ڕۆژە زانی یان ئەوەتا هەر پارچە کاغەزێکتان دەوێ کەوا ئیمزای وەزیرێکی لەسەربێت و بڵێت ئەو کەسە فڵانە بەشی تەواو کردووە و بەس؟
لێرەوە بەهەموو ئەو کەسانە دەڵێم ئەگەر لەژیانمدا ڕۆژێک مامۆستام بوون دەستی ماندووبوونی دانە دانەتان ماچ دەکەم و دەیخەمە سەر سەرم لەجێی تاجی پاشایەتی شانازی دونیا و قیامەتی پێ دەکەم هەرکاتێ دەگەمە سەرکەوتنێکم لە ژیان یەکەم یاد بێتە مێشکم یادی ئێوەیە چونکە ئێستا زۆر باش تێ دەگەم مامۆستایەکانم کێ بوون.
