Highway &. Bridge Engineering\Erbil Technical Engineering College

ئەندازیار ڕازاو دەرچووی کۆلێژەکەمانە و متمانە پێکراوە بۆ ئەوەی دەنگی پێ بدەن..

سڵاو ئەندازیارانی خۆشەویست.
د. ئەندام محسن مصطفی، یەکێکە لە دەرچووانی بەشی تەکنیکی ئەندازیاری شارستانی لە ساڵی ٢٠٠٨ - ٢٠٠٩ واتە خولی سێیەمی دەرچووانی کۆلێژی تەکنیکی ئەندازیاری هەولێر. وە یەکەم دەرچووی کۆلێژەکامانە کە بڕوانامەی ماستەری بە دەست هێناوە لە ساڵی ٢٠١٢.
وە دووەمین دەرچووی کۆلێژەکامانە کە بڕوانامەی دکتۆرای لە بواری ئەندازیاری شارستانی و ژینگە بە دەست هێناوە. وە لە بواری هایدرۆلۆجی شارەکان و لافاو توێژینەوەکانی لەسەر ئاستی کوردستان لە پلەی یەکەم دێن.
لە ئێستادا لە زانکۆی بەریتانی لە هەولێر و لە گەڵ کۆمپانیای ئاوزان کاردەکات.
کاندیدە بۆ کۆنگرەی دووەمی سەندیکای ئەندازیارانی کوردستان لە بەشی ئەندازیاری شارستانی.
داوا دەکەین کە دەنگی پێ بدەن و جێگەی متمانەیە.

سڵاوتان لێ بێت ئەندازیارانی ئەزیز.
کۆتایی ئەم مانگە هەڵبژاردنی سەندیکا بەڕێوە دەچێت و بە دەنگدانەکەت دەتوانی نوێنەری ڕاستەقینە و خەمخۆری خۆت هەڵبژێری.
هەر کەس ئازادە دەنگ بەکێ دەدات، بەڵام ئەندازیار و مامۆستای زانکۆکەمان، بەڕێز (شۆڕش علی محمد) زۆر جیاواز دەبێ بۆ هەموو ئەندازیاران بە گشتی و ئەندازیارانی زانکۆی پۆلیتەکنیک بەتایبەتی.
زۆر پێویستە نوێنەرێکی ڕاستەقینە بە ناوی زانکۆی پۆلیتەکنیک لەم سەندیکایە بوونی هەبێت، هەم بۆ پشتگیری لە ئەندازیارانمان، هەم بۆ داکۆکی کردن لە ناو و ناونیشانی زانکۆکەمان لەسەر ئاستی هەرێم.
هیوادارم گشت لایەک کارتی سەندیکاتان نوێ کردبێتەوە و بێ دوو دڵی دەنگ بدەن بە مامۆستا شۆرش.
دووبارە ڕێز و سڵاو.

ســـلاو و ڕێز ئەندازیارانی زێدە ئازیز..
لای زۆرێک لە ئەندازیاران تاکو ئێستا شێوازی دەنگدان بەتەواوی ڕوون نیە و پرسیاری لەبارەیەوە دەکەن:

هەوڵ دەدەین نموونەیەك لەسەر ئەندازیارێكی شارستانی باس بكەین بۆئەوەی لای هەمووان ڕوون بێت.

لە ڕۆژی دەنگدان هەر ئەندازیارێك سێ لیست وەردەگرێت بەمەبەستی دەنگدان

1️⃣ لیستی یەكەم (ئەندامی كۆنگرە): ئەندازیاری شارستانی یان ڕێگاوبان دەتوانێت دەنگ بدات بە 33 كاندید (ئەو ژمارەیە بەپێی پسپۆرێكی دەگۆڕێت) ، واتە لەو لیستە تەنها پسپۆری شارستانی دەنگ دەدات بە پسپۆڕی شارستانی

2️⃣ لیستی دووەم (هۆبەكانی سەندیكا): واتە ئەندازیار تەنها دەتوانێت دەنگێك بداتە هەمان پسپۆری خۆی واتە ئەندازیاری شارستانی دەنگ دەدات بە ئەندازیاری شارستانی، ئەمە بۆ پسپۆڕیەکانی تریش ڕاستە.

3️⃣ لیستی سێیەم (دەستەی لقی هەولێر): (دەتوانێت 5 دەنگ بدات) لەو لیستە هەموو ئەندازیارێك لەهەر پسپۆریەك بێت دەتوانێ دەنگ بە هەر پسپۆرییەك بدات واتە ئارەزوومەندانەیە دەنگ بەهەر پسپۆرییەك بدات.

بەهیواین توانیبێتمان ڕوونی بکەینەوە..

ئاگاداری گرینگ بۆ ئەندازیاران..

هەروەک لای چینی ئەندازیاران ڕوونە کە بڕیار وایە لە کۆتایی ئەم مانگە کۆنگرەی دووەمی سەندیکای ئەندازیارانی کوردستان ئەنجام بدرێت ، ئەمەش لەکاتێکدایە کە پتر لە چارەگە سەدەیەکە هیچ کۆنگرەیەکی سەندیکای ئەندازیارانی کوردستان ئەنجام نەدراوە کە جێگای داخی چینی ئەندازیارانە ، وەک دەرچووانی کۆلێژی تەکنیکی ئەندازیاری بەگشتی و بەشی ئەندازیاری ڕێگاوبان و شارستانی بەتایبەتی گرینگە پاڵپشتی خوێنی نوێ بکەین بێتە دەستەی نوێی کارگێڕی سەندیکا، جێی خۆیەتی پشگیری و پشتیوانی لە مامۆستای بەشی ڕێگاوبان (شـــۆڕش علی محمد) بکەین، کە کاندیدە بۆ دەستەی کارگێڕی لقی هەولێری سەندیکای ئەندازیارانی کوردستان وەک تاکە دەرچووی زانکۆی پۆلیتەکنیکی هەولێر بۆ ئەوەی نوێنەرایەتی ڕاستەقینەی ئەندازیاران بکات لە لقی هەولێری سەندیکا کە تیایدا پسپۆڕی جگە ئەندازیاری ڕێگاوبان و شارستانی، بەشەکانی دیکەش لەڕۆژی 30-3-2026 دەتوانن دەنگ بدەن
هەروەها ئەندامانی تری کۆنگرە وەک دکتۆر (ئەندام محسن گەردی) کاندیدە بۆ ئەندامی کۆنگرەی پسپۆری ئەندازیاری شارستانی کە تەنها پسپۆڕانی شارستانی و ڕێگاوبان دەتوانن دەنگ بدەن.
ـــــــ
زانیارییەکان لەسەر مامۆستای بەڕێز:
ئەندازیاری ڕاوێژکار
شـــۆڕش علی محمد
کاندید بۆ دەستەی لقی هەولێری سەندیکای ئەندازیارانی کوردستان
ماستەر لە بواری ئەندازیاری گواستەوە و ڕێگاوبان لە زانکۆی نۆتینگهام ـ بەریتانیا 2014
بەکالۆریۆس لە ئەندازیاری شارستانی، زانکۆی پۆلیتەکنیکی هەولێر 2008
بەڕێوەبەری گرێبەستە گشتیەکان لە پارێزگای هەولێر

بەڕێوەبەری پێشووی شارەوانی لە هەولێر
ــــــــ
هیوادارم گشت ئەندازیاران کارتی سەندیکا نوێ بکەنەوە و ڕۆژی ٣٠ مانگ بچن بۆ ئەم دەنگدانە و دەنگ بدەن بە مامۆستا (شۆڕش علی محمد).

دوور لە بابەتی ئەندازیاری..
یا الله ئەوەی دووژمنی کوردە و پلانی ناحەز و نەگریسی بەرامبەر کورد هەیە لەهەر شوێنێکی دونیایە، لەناوی ببەی و پلان و گێچەڵەکانیان بەسەر خۆیاندا بشکێنیەوە.
اللهم آمین... آمین... آمین
. SALH KAMAL

کاتەک شەهادەدارێکی جاهیل بریار لە چارەنوسی خوێندکارێک دەدات

ئەمەی دەیبینن لیستی دەرچووانی بەشێکی ئەندازیاری یەکێک لە زانکۆ حکومییەکانی کوردستانە!

- پلەی یەکەم، کۆنمرەی زۆر باشەیە (80-89).
- پلەی دووەم، کۆنمرەی باشەیە (70-79).
- پلەی سێیەم تا نۆیەم، کۆنمرەیان ناوەندە (60-69).
- پلەی دەیەم تا کۆتایی، کۆنمرەیان پەسەندە (50-59).

ئەگەر دیقەت بدەن پلەی سێیەمیش کۆنمرەی ناوەندی بەرکەوتووە!

ئەمە وەزعی هەموو بەشە ئەندازیارییەکانی زانکۆ حکومییەکانە کە کۆنمرەی دەرچوونیان زۆر کەمە، کە ئەمەش هۆکارەکەی دەگەڕێتەوە بۆ مامۆستایانی بەشە ئەندازیارییەکانی زانکۆ حکومییەکان چونکە پرسیاری تاقیکردنەوەکانیان هێندە قورسە کە خوێندکاران فریایی وەڵام دانەوەی هەمووی ناکەون (هەر لە پرسیاری تاقیکردنەوەی کویزاتاوە تاوەکو میدتێرم و فایناڵیش)، کە تەنها زەرەرمەند لەم نێوەندەشدا خوێندکارانن چونکە دواتر بۆ دامەزراندن و وەرگیران لە خوێندنی ماستەر و وەرگیران لە سکۆلەرشیپە نێودەوڵەتییەکاندا ناتوانن ڕکابەری دەرچووانی زانکۆ ئەهلییەکان بکەن.

چەند ساڵێک پێش ئێستا بەڕێزێک کە دەرچووی یەکێک لە بەشە ئەندازیارییەکانی زانکۆ حکومییەکان بوو، کە پلەی سێیەمی هەبوو لە ڕیزبەندی دەرچووانی بەشەکەی، وە کۆنمرەشی سەروو (80) بوو کاتێک تەقدیمی سکۆلەرشیپێکی نێودەوڵەتی کرد بۆ خوێندنی ماستەر ناوی نەهاتەوە. دەزانن بۆ؟! لەبەرئەوەی دەرچوویەکی یەکێک لە زانکۆ ئەهلییەکان لە ڕکابەری کۆنمرەدا لێی بردەوە (کە کۆنمرەی سەروو 90 بوو) 😃

جا لێرەدا دەمەوێت دەست بخەمە سەر دوو خاڵ:

- ئەگەر دەرچووانی زانکۆ حکومییەکانتان بینی کە کۆنمرەیان کەمبوو ئەوا مانای ئەوە نییە کە تەمەڵەن بەڵکو ئەوە دەلالەت لەوە دەکات سیستەمی خوێندن لەو بەش و زانکۆیە بەدەستی کۆمەڵێک مامۆستاوەیە کە بە ئەقڵێتی ساڵانی نەوەدەکانەوە کار دەکەن، چونکە وا بیر دەکەنەوە کە خوێندکاران نابێت کۆنمرەیان سەروو (70) بێت.

- وە دەبێت دەرچووانی سەرجەم زانکۆ ئەهلییەکان ئەو ڕاستییە بخەنە مێشکیانەوە کە هەرگیز لە ڕووی زانستییەوە ناگەن بە ئاستی دەرچووانی زانکۆ حکومییەکان، ڕەنگە لەڕووی ئاستی زمانی ئینگلیزی و پێشکەشکردنی سیمینار و هەندێک شتی لاوەکی دیکەوە زیرەکتر بن بەڵام هەرگیز لە ڕووی زانستییەوە هێندەی دەرچوویەکی زانکۆ حکومییەکان زیرەک نین!

کورت و پوختی گرنگی شیش لەناو کۆنکریت، ئەمە بۆ دینگە چەند گرنگە بۆ جسر و سقف زۆر گرنگتر، چونکە وەکو هەمومان دەزانین دینگە یاخود (ستون) زیاتر بەرگری لە پەستاوتن (Compression) و هەڵگرتنی لۆدەکان دەکات، بەڵام هەبوونی شیشی پێویست زۆر گرنگە بۆ بومەلەرزە و هێزە لارەکان.
وێنەکەش بە خێری بابی لە AI دروستم کرد و لەسەرم نوسیوە.

یەکێکی تر لە قوتابیە هەرە سەرکەوتووەکانی بەشی ڕێگاوبان، مامۆستا (بڕیار سلێمان حولا) شانازییەکی تری بۆ بەشەکەمان تۆمار کرد.
بەدەست هێنانی بڕوانامەی ماستەر لە بواری (ئەندازیاری بومەلەرزە) بە پلەی #یەکەم و بە ئاستی نایاب لە وڵاتی زانست و زانیاری ئەندازیاری (ئێران).
پیرۆزباییەکی گەرمی لێ دەکەین و هیوای سەرکەوتنی زیاتر و خزمەتی زۆری وڵاتەکەمانی بۆ دەخوازین.
من شایەتی دەدەم کە ئەندازیارمان شایەنی پلە و ئاستی زۆر بەرزترە وجێگەی خۆشحاڵیمانە، دووبارە هیوای سەرکەوتنی زیاتری بۆ دەخوازین.

.Salh_Kamal