پەیمانگەى دادوەرى هەرێمى کوردستان - عێراق

06/10/2026

لە درێژەی کار و چالاکیەکانی پەیمانگەی دادوەری هەرێمی کوردستان ئەمرۆ ڕێکەوتی 2026/10/6 قوتابیانی قۆناغی پێنجەمی کۆلێژی یاسا لە زانکۆی تیشکی نێودەوڵەتی بەسەرپەرشتی مامۆستای بەڕێز دکتۆر (کاسترۆ سالم اکرم ) سەردانی پەیمانگەی دادوەریان کرد لە لایەن بەڕێز بەڕێوەبەری گشتی پەیمانگەی دادوەری ( دادوەر/د.عوسمان یاسین علی) پێشوازیان لێکرا دواتر بەڕێزیان وانەیەکی پێشکەش کرد سەبارەت بە سیستەمی دادوەری و پێکهاتەکانی لە هەرێمی کوردستان ، هەروەها باسی کار و چالاکیەکانی پەیمانگەی دادوەری بۆ کردن . گفتوگۆ و پرسیار لەلایەن قوتابیان کرا بۆ زیاتر زانیاری ئاشنابوون بە پەیمانگەی دادوەری.

29/09/2026

وانەیەکی ئۆنلاین بە ناونیشانی (پێداویستی و ڕەواڵەتەکانی چۆنیەتی نووسراو کردن)
لە درێژەی کاروچاڵاکیەکانی پەیمانگەی دادوەری هەرێمی کوردستان لە پێشکەش کردنی وانە لە خولی پەرەپێدانی یاسای لە ڕۆژی دووشەمە لە ڕێکەوتی 28/9/2026 لە ڕێگای ئۆنڵاین وانەیەک بەناو نیشانی ( پێداویستی و ڕەواڵەتەکانی چۆنیەتی نووسراو کردن) لە لایەن بەڕێز دادوەر (حسێن محێدین تەهماس ) پێشکەش بە بەشداربوان کرا ، کە نزیکەی (30) بەشدار بوو لە فەرمانبەرانی یاسایی سەربە وەزارەتی خوێندنی باڵا لە سەرجەم شارو شارۆچکەکان هەرێمی کوردستان بەشدار بوون .

29/09/2026

22/09/2026

گۆڤاری یاسا و رامیاری -کۆلیژی یاسای زانکۆی سەلاحەدین:
بەرگی 24، ژمارە 43، (2026)

13/09/2026

دور المحاكم العليا في تحقيق الأمن القضائي -دراسة تحليلية مقارنة -

https://jjls.hji.edu.om/index.php/jjls/article/view/368

07/09/2026

پەیمانگەی دادوەری بەشدارى لە وۆرک شۆپی دادپەروەری ژینگەیی و بەرەنگاربونەوەی گەندەڵی کرد
لە ڕۆژانی 2 و 3 / 9 / 2026 پڕۆگرامی نەتەوەیەکگرتووەکان بۆ پەرەپێدانی عێراق (UNDP) بە ئامادەبوونی شارەزای نێودەوڵەتی دکتۆر هشام نصر وۆرک شۆپێکی لە شاری سلێمانی بەناونیشانی (دادپەروەریی ژینگەیی و بەرەنگاربونەوەی گەندەڵی ) ئەنجام دا بۆ نزیکەی (40) بەشداربوو لە بەڕیزان دادوەران و ئەندامانی داواکاری گشتی وە فەرمانبەرانى دام و دەزگاکانى ژینگەی و دەستەی دەست پاکی و پۆلیسی دارستان لەو پارێزگایەدا . لە وۆرک شۆپەکەدا بەڕێز دادوەر دکتۆر عثمان یاسین علی بەڕێوەبەری گشتی پەیمانگەی دادوەری سەرەڕای بەشداریکردن لە تەوەری گفتوگۆکاندا بابەتێکی لە سەر (ڕۆڵی قەزا لە پاراستنی ژینگە دا )پێشکەش بە بەشداربووان کرد .شایەنی باسە وۆرک شۆپەکە بۆ ماوەی دوو ڕۆژ بوو ئەم بەڕێزانە بابەتیان پێشکەشکرد:١- د.هشام نصر (پەیوەندی نێوان تاوانی ژینگەیی، گەندەڵی، و مافەکانی مرۆڤ . یاسای نێودەوڵەتی و ڕێککەوتننامە ژینگەییەکان.٢-د.ئومێد مەحەمەد ئەسوەد شەنگالی (دادپەروەریی ژینگەیی، ڕەهەندەکان و چەمک). ٣- مامۆستا نەوزاد حەمەد (ڕۆلی ئابووری بازنەیی لە سنووردانان بۆ گەندەڵی ژینگەیی) ٤- د.مەهدی حەمزه حەمەد (چوارچێوەی یاسایی بۆ پاراستنی ژینگە لە هەرێم و ئاڵەنگارییە بەردەستەکان). ٥- لێکۆلەرەوەی دادوەری یادگار جلال ئەحمەد ( رۆڵی دادوەریی سزایی لە هەرێمی کوردستانی عێراق لە پاراستنی ژینگەدا)٦- عەقید هۆشیار ئەحمەد حەمید ( ڕۆڵی سەپاندنی یاسا و پۆلیسی ژینگە لە پاراستنی ژینگە و ئاڵەنگارییە کردارییەکان) .
لە کۆتایی وۆرک شۆپەکەدا وەک ڕێزلێنانێک لە پێشکەشکارانی وانەکانی وۆرک شۆپەکە بەڕێز بەڕێوەبەری گشتی پەیمانگەی دادوەری دانەیەک لە چاپی دووەمی کتێبی ( ڕێبەری یاسا ژینگەییەکانی لە هەرێمی کوردستان – عێراق-یاساکان -کە لەلایەن پەیمانگەی دادوەری و دەستەی پاراستن وچاککردنی ژینگەی هەرێمی کوردستان ئامادە و چاپکرایە) پێشکەش بە پێشکەشکارانی بابەتەکانی وۆرک شۆپەکە کرد.

06/09/2026

بەردەوامی خولی پەرەپێدان لە پەیمانگەی دادوەریدا
لە درێژەی کاروچاڵاکییەکانی پەیمانگەی دادوەری هەرێمی کوردستان لە خولی پەرەپێدانی یاساییدا، لە ڕۆژانی 28/8/2026 و 5/9/2026 لەڕێگەی ئۆنڵاینەوە وانەکانی قەزای کارگێڕی لە لایەن بەڕێز دادوەر دکتۆر عثمان یاسین على بەڕێوەبەری گشتی پەیمانگەی دادوەری پێشکەش بە بەشداربووانکرا ، کە نزیکەی (25) بەشداربوو لە بەڕێزان فەرمانبەرانی یاسای سەربە وەزارەتی خوێندنی باڵا لەسەرجەم شارەکانی هەرێمی کوردستان بەشداربوون.