Salahaddin University-Erbil

سەرۆکی زانکۆی سەلاحەدین پرسەنامەیەک ئاڕاستەی " هندرێن طاهر حاجی " دەکات

بەناوی خودای بەخشندەی میھرەبان

بەڕێز “ هندرێن طاهر حاجی ” بەڕێوەبەری کارگێڕی لە سەرۆکایەتی زانکۆ بەداخەوە هەواڵی کۆچی دوایی " دایکی " بەڕێزتانم پێگەیشت.

بەم بۆنە خەمناکەوە پرسە و سەرەخۆشی خۆمانت ئاڕاستە دەکەین و هیوادارین بە بەهەشتی بەرین شاد بێت.

پرسە لە مزگەوتی محمد مستەفا لە گەڕەکی عەدالە دەبێت.

پ.د.کامران یونس محمدامین
سەرۆکی زانکۆی سەلاحەدین - هەولێر.

Kurdistan Region and Ali Al-Zaidi’s Fourteen-point agenda

By Dr Hiwa M. Khalil

On 7/5/2026, Ali al-Zaidi presented his fourteen-topic agenda to the Speaker of Parliament. The nomination of Ali al-Zaidi itself was a sign of disagreement between the parties within the framework of Shiite coordination. Therefore, within a week, Ali al-Zaidi created a fourteen-topic agenda that not only did not take into account the concerns of the Kurds and Sunnis, but also did not even contact the parties to the Coordination Framework. The agenda appears to have been developed in a hurry and does not consider the features of Iraq’s social and political structures. Instead of a federal agenda, this one appears to be written for a centralized state.

https://kurdishglobe.krd/kurdistan-region-and-ali-al-zaidis-fourteen-point-agenda/?fbclid=IwY2xjawR86YJleHRuA2FlbQIxMQBzcnRjBmFwcF9pZA80MDk5NjI2MjMwODU2MDkAAR6vJTmOQwoeZX8ouTZtkjQg7a6QLBHS1o_FyEm8n7jazyLC0dWFbROrF4O75Q_aem_3ucPDJsdUP4jsRf28NWOQQ

سەرۆکی زانکۆی سەلاحەدین پێشوازی لە جێگری باڵیۆزی تایلەند لە ئوردن کرد

ئەمڕۆ ڕێککەوتی ٢١ـی ٥ـی ٢٠٢٦ “ پ.د.کامەران یونس محمدامین” سەرۆکی زانکۆی سەلاحەدین بە ئامادەبوونی “ پ.د.شەریف مولود” یاریدەدەری سەرۆکی زانکۆ بۆ کاروباری زانستی و خوێندنی باڵا و “ پ.ی.د.سامان حسێن “ ڕاگری کۆلێژی زمان پێشوازی لە “ ئەدیساک جانتاتوم “ جێگری باڵیۆزی تایلەند لە ئوردن و شاندێکی یاوەری کرد.

لەسەرەتای دانیشتنەکە سەرۆکی زانکۆی سەلاحەدین خۆشحاڵی خۆی دەربڕی کە ناوبراو یەکەم جارە سەردانی زانکۆی سەلاحەدین بکات، بۆ ئەم مەبەستە سەرۆکی زانکۆی سەلاحەدین باسی لە مێژووی زانکۆ و کۆلێژ و بەشەکان کرد.

لە بەشێکی تری دیدارەکە سەرۆکی زانکۆی سەلاحەدین باسی لە هەماهەنگی نێوان زانکۆی سەلاحەدین و زانکۆکانی تایلەند کرد و خۆشحاڵی خۆی دەربڕی بە واژۆکردنی یاداشتنامەی لێکتێگەیشتن و کار و هەماهەنگی پێکەوەیی لە بواری زانستی و پڕۆگرامی ئاڵوگۆڕکردنی قوتابییان و مامۆستایان.

لەلایەکی تر جێگری باڵێۆزی تایلەند لە ئوردن باسی لە گرنگی ئەم کۆبوونەوەیە کرد و ئاماژەی بەوەکرد کار بۆ پەرەپێدانی پەیوەندییە زانستییەکانی هەردولا دەکەین.

لە کۆتاییدا سەرۆکی زانکۆی سەلاحەدین لۆگۆ و دیاری پێشکەشکرد.

زانکۆی سەلاحەدین پڕۆژەیەکی بەرفراوان لەژێر ناونیشانی سەوزترکردنی زانکۆ ڕادەگەیەنێت.

ئەمڕۆ ڕێککەوتی ٢٠ـی ٥ـی ٢٠٢٦ بەئامادەبوونی “ پ.د.کامەران یونس محمدامین” سەرۆکی زانکۆی سەلاحەدین و یاریدەدەرانی سەرۆکی زانکۆ و بەڕێوەبەرەکان قۆناغێکی تری پڕۆژەی چاندنی سێ هەزار دار و نەمامی جۆراوجۆر ڕاگەیەندرا.

هەڵمەتەکە لەسەر ڕاسپاردەی پ. د. کامەران یونس، سەرۆکی زانکۆی سەڵاحەددین بە مەبەستی سەوزترکردنی زانکۆکەمان ڕاگەیێنرا.

ئەم پڕۆژەیە سەرجەم کۆلێژ، بەش و بەڕێوەبەرایەتییەکانی زانکۆی سەڵاحەددین دەگرێتەوە و سێ هەزار نەمام لەخۆدەگرێت.

سەرۆکی زانکۆی سەلاحەدین سوپاس و پێزانینی ئاڕاستەی د. ئەرشەد شوانی مامۆستای کۆلێژی ئاداب کرد.

ئەمڕۆ ڕێککەوتی ٢٠ـی ٥ـی ٢٠٢٦ “ پ.د.کامەران یونس محمدامین” سەرۆکی زانکۆی سەلاحەدین بە ئامادەبوونی ژمارەیەک بەڕێوەبەر پێشوازی لە “ د.ئەرشەد خەلیل شوانی “ مامۆستا لە بەشی ڕاگەیاندنی کۆلێژی ئاداب کرد.

جێگای باسە سەرۆکی زانکۆی سەلاحەدین سوپاس و پێزانینی ئاڕاستەکرد لە بەرانبەر خزمەتکردنی بەردەوامی زانکۆ و هاوکارییەکانی بۆ پێدانی دەرفەتی کار و دامەزراندن بە ژمارەیەک دەرچووی زانکۆ.

سەرۆکی زانکۆی سەلاحەدین سەردانی وەزارەتی کارەبای حکومەتی هەرێمی کوردستانی کرد.

https://su.edu.krd/ku/news/saeroeky-zankoey-saelahaedyn-saerdany-waezaraety-karaebay-hkwmaety-haerymy-kwrdstany-krd

سەرۆکی زانکۆی سەلاحەدین پرسەنامەیەک ئاڕاستەی " م.پەیوەست کاوە" دەکات

بەناوی خودای بەخشندەی میھرەبان

بەڕێز “ م.پەیوەست کاوە ” مامۆستا لە کۆلێژی زانست بەداخەوە هەواڵی کۆچی دوایی " باوکی " بەڕێزتانم پێگەیشت.

بەم بۆنە خەمناکەوە پرسە و سەرەخۆشی خۆمانت ئاڕاستە دەکەین و هیوادارین بە بەهەشتی بەرین شاد بێت.

پرسە لە مزگەوتی ماجدی دەبێت.

پ.د.کامران یونس محمدامین
سەرۆکی زانکۆی سەلاحەدین - هەولێر.

زانکۆی سەلاحەدین پڕۆژەیەکی بەرفراوان لەژێر ناونیشانی سەوزترکردنی زانکۆ ڕادەگەیەنێت.

https://su.edu.krd/node/5910

زانکۆی سەڵاحەددین بە دار و گوڵی دەگمەن زیاتر سەوز دەکرێت زانکۆی سەڵاحەددین پڕۆژەیەکی بەرفراوان لەژێر ناونیشانی سەوزترکردنی زانکۆ ڕادەگەیەنێت، کە تێیدا سێ هەزار دار و نەمامی جۆراوجۆر لە تەواوی کۆلێژ و بەڕێوەبەرایەتییەک....

ژمارەی ١ ـی گۆڤاری مامۆستا بڵاوبۆوە

بەرگی ١
ژمارە ١
ئەیلولی ٢٠٢٥

١٢ توێژینەوەی زانستی
٣ زمانی جیاواز (کوردی،عەرەبی،ئینگلیزی)
توێژەری جیاجیا

ژمارەی یەكی "گۆڤاری مامۆستا بۆ زانستە پێداگۆجییەکان و پەروەردەی مامۆستایان" دەخەینە بەر دیدەی خوێنەران و پسپۆڕان. ئەم گۆڤارە وەک سەکۆیەکی زانستیی نوێ بۆ پەرەپێدانی دیالۆگی بونیادنەر لە بوارەکانی زانستە پێداگۆجییەکان و میتۆدی وانەگوتنەوە، پرۆسەی فێربوون و پەروەردەی مامۆستایان کار دەکات. لە سۆنگەی باوەڕمان بە ڕۆڵی بنەڕەتیی پەروەردە لە داڕشتنی ناسنامەی کۆمەڵگە و ئایندەسازییدا ، بە پێویستمان زانی ئەم ژینگە مەعریفییە فەراهەم بکەین؛ تاوەکو توێژەران و پەروەردەکاران بتوانن دەرئەنجامی توێژینەوە و ئەزموونە پراکتیکییەکانیان تێدا ئاڵوگۆڕ بکەن و لەگەڵ ئارەزامەندانای ئەم کەرتە بەشی بکەن.

خاڵی جیاکەرەوەی ئەم ژمارەیەی گۆڤارەکە لە فرەچەشنیی ئەو دیدگا و پاشخانە ئەکادیمییانەدا خۆی دەبینێتەوە کە لە توێژینەوەکاندا ڕەنگیان داوەتەوە. بەشداربووانی نوێنەرایەتی ناوەندە زانستی و دامەزراوە پەروەردەییەکانی پارێزگاکانی بەغدا، هەولێر، دهۆک و زاخۆ دەکەن؛ ئەمەش دەرفەتێکی ڕەخساندووە بۆ شیکردنەوەیەکی فرەڕەهەند بۆ ئاستەنگ و دەرفەتە هاوچەرخەکانی کایەی پەروەردە. ئەم هەمەجۆرییە دامەزراوەیی و جوگرافییە، تێگەیشتنێکی قووڵتر و گشتگیرترمان سەبارەت بە کارایی ستراتیژە پەروەردەییەکان لە ژینگە و بەستێنە جیاوازەکاندا پێدەبەخشێت.
لێکۆڵینەوەکانی ئەم ژمارەیە پرسیاری ڕاستەقینه‌ دەوروژێنن، کە بۆ پەروەردەکاران گرنگن وەکو: چۆن دەتوانین بەرنامەکانی شیاندنی مامۆستایان باشتر بکەین؟ کامە شێوازی وانەگوتنەوە کاریگەری پتر هەیە و بەڕاستی جیاوازی بۆ قوتابییان دروستدەکەن ؟ چۆن کەلێنی نێوان تیۆری پەروەردەیی و پراکتیزەی ناو پۆلەکان پڕدەکەینەوە؟ نووسەرانمان تەنیا کێشەکان دەستنیشان ناکەن ــ چارەسەری کاریگەر و ڕێگه‌ی نوێ پێشکەشدەکەن، کە پەروەردەکارانی دیکە دەتوانن بەکاریان بهێنن و لەگه‌ڵ بارودۆخی خۆیان بیانگونجێنن.
یەکێک لە بنەما چەسپاوەکانی ئەم گۆڤارە ئەوەیە، کە مەعریفە و داهێنانە پەروەردەییەکان لە سنوورە جوگرافییەکاندا کورت نابنەوە. کاتێک پەروەردەکاران لە هەرێمە جیاوازەکانەوە ئەزموون و دەستکەوتە زانستییەکانیان ئاڵوگۆڕ دەکەن، ژینگەیەکی دەوڵەمەند بۆ گەشەپێدانی گشتگیر دەڕەخسێنن. لەم چوارچێوەیەدا "گۆڤاری مامۆستا" وەک سەکۆیەک بۆ بەرجەستەکردنی ئەم هەماهەنگییە پیشەییە کار دەکات؛ ئامانجمان ڕەخساندنی دەرفەتێکە بۆ هاوبەشیکردنی ئەزموونە سەرکەوتووەکان و شیکردنەوەی ئاستەنگەکان، تاوەکو لە ڕێگەی فێربوونی بەکۆمەڵەوە ئاستی پڕۆسەی پەروەردە بەرز بکەینەوە.

دەرچوونی ئەم ژمارەیە بەرهەمی هەوڵە بێوچان و ماندووبوونی زانستیی توێژەران، هەڵسەنگێنەران، دەستەی نووسەران و ستافی کارگێڕیی گۆڤارەکەیە، کە بە شارەزایی و لێهاتوویی خۆیان ئەم پڕۆژە ئەکادیمییەیان گەیاندە قۆناغی بڵاوکردنەوە. ئامانجی ئێمە تەنها خستنەڕووی توێژینەوە نییە، بەڵکو دەخوازین ئەم گۆڤارە ببێتە سەرەتایەک بۆ گفتوگۆیەکی زانستیی بەرهەمدار. داواکارین لە توێژەران لەسەر بنەمای ئەم دیدگایانە تێڕوانینی نوێ بونیاد بنێن و لە پەروەردەکارانیش دەخوازین ئەم پێشنیازانە لە پۆلەکاندا جێبەجێ بکەن؛ هاوکات هیوادارین سیاسەتداڕێژەرانی کایەی پەروەردە ئەم نوێکارییانە وەک بنەمایەک بۆ داڕشتنی بڕیار و پشتیوانیکردنی چاکسازیی پەروەردەیی بەکاربهێنن.
بەخێرهاتنی خوێنەرانی بەڕێز دەکەین بۆ "گۆڤاری مامۆستا بۆ زانستە پێداگۆجییەکان و پەروەردەی مامۆستایان".

هیوادارین بابەت و توێژینەوەكانی ئەم ژمارەیە، کە تایبەتن بە زانستە پێداگۆجییەکان و پەرەپێدانی توانستەکانی مامۆستایان، ببنە هەوێنێک بۆ خولقاندنی گفتوگۆی زانستی لەنێوان پسپۆڕان و مامۆستایاندا. هیوای ئەوە دەخوازین ئەم ژمارەیە ببێتە سەرچاوەیەک بۆ پێشکەشکردنی دیدگای نوێ و دیالۆگی زانستیی هاوچەرخ، کە بە شێوەیەکی کردەیی پەرە بە کوالێتیی فێربوون لە پۆلەکاندا بدات و ڕەنگدانەوەی ئەرێنی و کاریگەریی بەرچاوی لەسەر پڕۆسەی پەروەردە لەسەر ئاستی ناوخۆیی و نێودەوڵەتیدا هەبێت.

سەرنووسەر
گۆڤاری مامۆستا بۆ زانستە پێداگۆجییەکان و پەروەردەی مامۆستایان

سەرنج:

لە نزیکترین کاتدا ژمارە ٢ بەردەست دەبێ!

 https://zancojournal.su.edu.krd/index.php/MAMOSTAJ/issue/view/145

سەرۆکی زانکۆی سەلاحەدین پرسەنامەیەک ئاڕاستەی " ڕەسول بەختیار" دەکات

بەناوی خودای بەخشندەی میھرەبان

بەڕێز “ ڕەسول بەختیار ” سەرنووسەری زانکۆ پرێس بەداخەوە هەواڵی کۆچی دوایی " مامی " بەڕێزتانم پێگەیشت.

بەم بۆنە خەمناکەوە پرسە و سەرەخۆشی خۆمانت ئاڕاستە دەکەین و هیوادارین بە بەهەشتی بەرین شاد بێت.

پ.د.کامران یونس محمدامین
سەرۆکی زانکۆی سەلاحەدین - هەولێر.