01/03/2025
بصف الأول الابتدائي كانت معلمتي اسمها ست سعاد وكانت بنفس الوقت رسامة فكلما احد ياخذ درجة كاملة بالاملاء ترسمله رسمة صغيرة وبالسادس ابتدائي ام العربي ست ليلى كانت كل شهر تخليلي ٩٩ واكولها ست ليش متخليلي ١٠٠ فكانت تقول بالبكلوريا راح تجيبيها وفعلا جبتها. أما بالسادس الإعدادي ست ولاء علمتني انه مادة الفيزيا حلوة ومو معقدة ومايحتاج تقرا اسئلة اثرائية حتى تجيب بيها درجة عالية وخلصت الثانوية وجبت معدل ٨٧%. وبالكلية استاذتي الكندية والهندية الاصل ست ميزان خلتني احب شي اسمه ادب انكليزي بكورس واحد رغم ماكان اختصاصي. واخرهم كان الدكتور المشرف على رسالتي بالماجستير كان يتابع ويايا كل كلمة كتبتها بالرسالة وغيرهم هواية اذا اذكرهم واذكر مواقفهم القائمة تطول كل واحد منهم ترك بصمة بحياتي وتعليمي سواء كانت ايجابية او سلبية فشكرا لهم من القلب.
وأخيرا اذكر نفسي وزملائي انت لست مجرد معلم او استاذ ... انت صانع ذكريات.
تحياتي
زينه الجبوري
