کۆلێژی پەروەردەی بنەڕەتی/زانکۆی سەلاحەددین

ڕێزلێنان لە ماندووبوونی لیژنەی تاقیکردنەوەکانی ئێواران؛ سازدانی ئێوارەخوانێک لەلایەن لیژنەی قوتابیان و لاوانەوە

لە درێژەی کار و چالاکییەکانیاندا، لیژنەی قوتابیان و لاوانی کۆلێژەکەمان (خوێندنی ئێواران)، بە سەرپەرشتی بەڕێز مامۆستا "ئالان محمد"، ئێوارەخوانێکی ڕێزلێنانیان بۆ لیژنەی تاقیکردنەوەکانی ئەمساڵی خوێندن ئێواران ساز کرد.

ئەم ئێوارەخوانە بە ئامادەبوونی بەڕێزان "پ.ی.د. مزگین عبدالرحمن چالی"، ڕاگری کۆلێژ، و مامۆستا *"هۆشمەند کاڕەش"، یاریدەدەری ڕاگری کۆلێژ، بەڕێوەچوو.

لەمەراسیمەکەدا، "پ.ی.د. مزگین عبدالرحمن چالی" ڕاگری کۆلێژ، لە گوتەیەکدا پێزانینی خۆی ئاراستەی لیژنەی تاقیکردنەوەکانی ئێواران کرد کە زۆر سەرکەوتووانە کارەکانیان ئەنجامدا و سوپاسی لێژنەی قوتابیان و لاوانی ئێوارانی کۆلێژی کرد بۆ کار و چالاکییە مەیدانییەکانی ڕابردوویان. ئاماژەی بەوە کرد کە ئەم لیژنەیە هەمیشە وەک پردێکی پەیوەندیی توندوتۆڵ لەنێوان قوتابیان، سەرۆکایەتی بەشەکان و ڕاگرایەتیدا کاریان کردووە، و هیوای سەرکەوتنی بەردەوامی بۆ خواستن.
دواتر "د. ئەردەلان لطیف" سەرۆکی لیژنەی تاقیکردنەوەکان، سوپاس و دەستخۆشی لە لیژنەی قوتابیان کرد بۆ ڕێکخستنی ئەم ئێوارە خوانە. هەروەها سوپاسی سەرجەم ئەندامانی لیژنەی تاقیکردنەوەکانی کرد توانیویانە پرۆسەی تاقیکردنەوەکان بە سەرکەوتوویی و بەبێ کۆسپ کۆتایی پێ بهێنن.

پاشان "د. شاڵاو سەردار" بەرپرسی لیژنەی ڕۆشنبیری کۆلێژ - خوێندنی ئێواران، بەناوی ئەندامانی لێژنەوە سوپاسی سەرۆک و جێگری لێژنەی تاقیکردنەوەکان و م.غازی و م.ئارامی کرد کە زۆر دڵسۆزانە و بەنەرم و نیانی ژینگەیەکی جوانیان بۆ لێژنەکە فەراهەم کرد و ستایشی ڕۆڵی گرنگی لیژنەی قوتابیانی کرد و ڕایگەیاند کە هەمیشە بوونەتە پشتیوانێکی بەهێز و پردێکی پتەو لەنێوان پێکهاتە جیاوازەکانی کۆلێژ و قوتابیاندا.
دواتریش " م. نیزام حسن" جێگری سەرۆکی لیژنەی تاقیکردنەوەکان، سوپاس و پێزانینی خۆی ئاراستەی ئەندامانی لیژنەی تاقیکردنەوەکان و سەرجەم ئەو مامۆستا و کارمەندانە کرد کە بەشداربوون لە سەرکەوتنی ئەم پرۆسە گرنگەدا.

لە کۆتایی ئێوارەخوانەکەدا، "م.ئالان محمد"، بەرپرسی لیژنەی قوتابیان و لاوان، گوتەی دەستخۆشی پێشکەش کرد. ئەو وێڕای وەسفکردنی بەڕێز ڕاگری کۆلێژ وەک مام و برا گەورەیەکی هەمیشەیی، سوپاسی پاڵپشتییە بەردەوامەکانی ڕاگرایەتی، سەرۆک بەشەکان و یاریدەدەری ڕاگر، مامۆستا (هۆشمەند کاڕەش) کرد.

لە کۆتاییدا، لەلایەن لیژنەی قوتابیان و لاوانەوە، سوپاس و پێزانین بەخشرایە سەرۆک، جێگر و سەرجەم ئەندامانی لیژنەی تاقیکردنەوەکان، بەهیوای ئەوەی هەمیشە لە لووتکەی زانست و خزمەتدا بن.

بەناوی ڕاگرایەتی کۆلێژی پەروەردەی بنەڕەتی، گەرمترین پیرۆزبایی و ڕێز و سوپاس، ئاراستەی ئەو پۆلە مامۆستایانەی کۆلێژمان دەکەین کە زۆرترین توێژینەوە و ئاماژەدان(citation) بۆ توێژینەوەکانیان هەیە، ئێوە جێگەی فەخر و شانازی کۆلێژن و کۆلێژی پەروەردەی بنەڕەت بە هۆی ئەم مامۆستا بەڕێزانەوە هەمێشە سەربەرزە و لە پێشبڕکێی زانستیدا سوارچاکی کۆلێژی ئێمەن، هیوادارین هەمیشە پێشەنگ بن و هیوای دەستکەوتی زانستی زیاتریان بۆ دەخوازین..
١-پ.د. هیمداد عبدالقهار محم
٢-پ.د. ئازاد ابراهیم امین
٣-پ.ی.د. ئازاد عزیز سلێمان
٤-پ.ی.د. تحسین حسین رسول
٥-پ.ی.د.هاژە صالح حسن
٦-د. ولا غازی محمود
٧-د یوسف فخرالدین حسین
٨-م چنار کمال طیب

" لەکۆلێژی پەروەردەی بنەڕەتی ڕۆژی جیهانیی ژینگەپارێزان بەرز ڕاگیرا ."

ئەمڕۆ سێشەممە ٢٣ی حوزەیرانی ٢٠٢٦، بە چاودێری بەڕێز ڕاگری کۆلێژ (پ.ی.د. مزگین عبدالرحمن چالی) و بە ئامادەبوونی (م. هۆشمەند جوهر) یاریدەدەری ڕاگر،
ڕێزدار (محمد اکرەم) بەرپرسی لێژنەی قوتابیانی کۆلێژ ، بەشێک لە سەرۆک بەشەکان، مامۆستایان و قوتابیان، ڕاگڕایەتی کۆلێژ بە هاوکاری لێژنەی یەکێتی قوتابیان، لە بەرزراگرتنی ڕۆژی ژینگەپارێزی مەراسیمێکیان ڕێکخست.

لەم مەراسیمەدا بەڕێز (پ.د. حمید عبداللەسالح) سەرۆکی بەشی زانستە کۆمەڵایەتییەکان، وتارێکی زانستیی پێشکەش کرد. تێیدا تیشکی خستە سەر ڕەهەندە ژینگەییەکان، گرنگیی پاراستنی هاوسەنگیی سروشت، و گەشەپێدانی بەردەوام. ئەم وتارەش وەک بنەمایەکی ئەکادیمی بوو بۆ بەهێزکردنی هۆشیاریی ژینگەیی لە ناوەندەکەدا.

هەرلەمەراسیمەکەدا وەک وەفاداری، نزیکەی (١٠٠) ژینگەپارێزی کۆلێژ و چەند دەزگایەکی میری خەڵات کران و ماندووبوونیان بەرز نرخێندرا.

هەرەوەها نیوەڕۆخوانێکی تایبەت بۆ سەرجەم ژینگەپارێزە بەڕێزەکان ڕێکخرا.

بەناوی خوای گەورە و میهرەبان
بەڕیزان سەرۆک و جێگر و ئەندامانی لێژنەی تاقیکردنەوەکانی بەیانیان و ئێواران......
بە بۆنەی کۆتایی هاتنی پڕۆسەی تاقیکردنەوەکان، سوپاسی بێ پایانمان هەیە، بۆ ئەو ماندووبوونەی کە لە ماوەی تاقیکردنەوەکانی خولی یەکەم و دووەمی وەرزی پاییزە و بەهارە کێشاوتانە. بەندە و ئەنجومەنی کۆلێژ ئەم دڵسۆزییەتان بەرز دەنرخێنین ئێمە هیچ کات ئەو ماندووبوونە و هەول و زەحمەتانەی کە لە ماوەی ڕابردوو کێشاوتانە لەبیرناکەین. هەوڵەماندوونەناسەکانتان، هیممەتی بەرزتان، لە رەهەندە جیاوازەکانی وەک دانانی خشتەی چاودێری، داخلکردنی ناو لە سێ سیستەمی جیاواز، ڕێکخستنی بۆرد، کۆنتڕۆڵ و وردبینی نمرە و کۆششەکان، هەڵسوکەوت کردن لەگەل قوتابی و ڕازیکردنی دڵی مامۆستایان بۆ چاودێری و چارەسەرکردنی دەیان کێشەی تر کە ڕۆژانە بەرۆکی ئێوەی دەگرت لە یادناکەین.
ئێمە زۆر خۆشحال بووین کە دەماندیت هەموووتان وەک یەک خێزان و یەک تیم کارەکانتان ڕادەپەڕاند، لە خەم و شادی، خۆشی و ناخۆشی، هەبوون و نەبوون، هاوڕێ و هاوکار و یاوەری یەکتر بوون. جدییەت و صمیمی ئێوە کاریگەری خۆی بە سەر ئێمە و گشت مامۆستایان بەجێ هێشتووە، بە شێوەیەک کە وەکو نمونە و سیمبۆلێک دەبی هەمیشەباس بکرێت و ببێتە جێی شانازی لە کارەکانماندا. هیوادارین لە داهاتووشدا بە هەمان نەفەس و مۆڕال لە ‌حضوری پڕ بەها و شکۆی خۆتان بێ بەشمان نەکەن.
دووبارە ڕێز و خۆشەویستیم بۆ هەمووتان، هەر سەرکەوتوو بن و نمونەتان زۆر بێت. ڕاگرایەتی کۆلێژی پەروەردەی بنەڕەت ٢٣/٦/٢٠٢٦

#پرسەنامە
بەناوی راگرایەتی کۆلێژی پەروەردەی بنەڕەتی،
پرسەو سەرەخۆشی خۆمان ئاراستەی مامۆستا( پ.د. نریمان خۆشناو) دەکەین بە هۆی کۆچی دوایی باوکی بەرێزیان، داواکارین لە خوای گەورە کۆچکردوو بە بەھەشتی خۆی شاد بکات و سەبوری کەس و کاریان بدات.
انا للە وانا الیە راجعون....
ئەمڕۆ پرسەکەیە لە مزگەوتی محمد مصطفي لە گەرەگی ڕاستی.

بەناوی ڕاگرایەتی کۆلێژی پەروەردەی بنەڕەتی، پیرۆزبایی لە "پشتیوان محمود ئیسماعیل " قوتابی ماستەر لە پسپۆڕی (ئەدەب - زمانی کوردی) دەکەین، بەمەبەستی تاوتوێکردنی ماستەرنامەکەی بە سەرکەوتووانە...

لەکۆتاییدا ماستەر نامەکە لەلایەن لێژنەی تاوتوێکردنەوە پەسەندکرا.

هیواداریین هەمیشە سەرکەوتووبیت.

ئاگاداری بۆ قوتابیانی قۆناغەکانی: یـەکەم، دووەم، سێیـەم - خوێندنی بەیانیان.

ئێستا دەتوانن لەڕێگەی ئەم لینکەوە:

https://bologna.result.su.edu.krd

ئەنجامی تاقیکردنەوەکانی خوولی دووەم، وەرزی بەهارە 2025-2026 وەربگرنەوە، بە بەکارهێنانی وشەی تێپەڕ و کۆدی پێشووتری خۆتان. هەروەها ڕۆژی یەکشەممە دەتوانن لە بەش کارت وەرگرنەوە.

⚠️قوتابیانی قۆناغی چوارەم، دەتوانن ڕۆژی یەکشەممە سەردانی کۆلێژ بکەن بۆ وەرگرتنەوەی ئەنجامەکانیان لە بەشەکانیان.

فۆڕمی گازاندە لە تۆمار دانراوە هەر قوتابێک گازاندەی هەبێ دەتوانێ وەریبگرێ.

زانکۆی سەلاحەدین | وەرگرتنەوەی نمرە

ئاگاداری بۆ قوتابیانی قۆناغەکانی:
یـەکەم، دووەم، سێیـەم - خوێندنی ئێواران.

ئێستا دەتوانن لەڕێگەی ئەم لینکەوە:
https://bologna.result.su.edu.krd

ئەنجامی تاقیکردنەوەکانی خولی دووەم، وەرزی بەهــارە 2025-2026 وەربگرنەوە، بە بەکارهێنانی وشەی تێپەڕ و کۆدی پێشووتری خۆتان.

قوتابیانی قۆناغی چوارەم، دەتوانن یەکشەم لە بەشەکان کارت وەربگرنەوە.

ڕۆژی یەکشەم 21.06.2026 فۆڕمی گازاندە لە تۆمار دانراوە هەر قوتابێک گازاندەی هەبێ دەتوانێ وەریبگرێ.

ئاگاداری بۆ قوتابیانی قۆناغەکانی: یـەکەم، دووەم، سێیـەم - خوێندنی بەیانیان.

ئێستا دەتوانن لەڕێگەی ئەم لینکەوە:

https://bologna.result.su.edu.krd

ئەنجامی تاقیکردنەوەکانی خوولی دووەم، وەرزی پاییزە 2025-2026 وەربگرنەوە، بە بەکارهێنانی وشەی تێپەڕ و کۆدی پێشووتری خۆتان. هەروەها ڕۆژی یەکشەممە دەتوانن لە بەش کارت وەرگرنەوە.

⚠️قوتابیانی قۆناغی چوارەم، دەتوانن ڕۆژی یەکشەممە سەردانی کۆلێژ بکەن بۆ وەرگرتنەوەی ئەنجامەکانیان لە بەشەکانیان.

فۆڕمی گازاندە لە تۆمار دانراوە هەر قوتابێک گازاندەی هەبێ دەتوانێ وەریبگرێ.