Rozak English Mixed Secondary School 2023/2024

پیرۆز بێت ڕۆژی ئاڵای کوردستان.

ئەمڕۆ، ڕۆژێکی پڕ شکۆ و شانازییە بۆ هەموو گەلەکەمان. ڕۆژی ئاڵا، ڕۆژی نوێبوونەوەی پەیمانە لەگەڵ خاک و نیشتمان. ئەم ئاڵا سێ ڕەنگە، بە خۆری زێڕینی لەناوەڕاستدا، سیمبولی قوربانیدان و خەبات و بەرخودانی میللەتێکە کە هەمیشە ئاواتەخوازی ئازادی و سەربەستی بووە.

با ئەمڕۆ، بە یەک دڵ و یەک دەنگ، ئاڵاکەمان بەرز ڕاگرین و جارێکی دیکە دووپاتی بکەینەوە کە ئێمە خاوەنی مێژوو و کلتوور و نیشتمانێکی گەورەین. ئاڵا سیمبولی ناسنامە و کەرامەتی ئێمەیە.

هەر شاد و سەربەرز بێت گەلەکەمان و ئاڵای کوردستان هەمیشە لە بەرزاییدا بێت.

شوێنی دانیشتنی قوتابیان بە هیوای سەرکەوتن...تکایە کاتژمێر هه شت و ده ده قه لە قوتابخانە بن هەموو رۆژ تا پشکنین دەکرێن ئەوجا دەچنە ژوورەکان ...پشکنینی قوتابیانی کچ لای قادرمەی ژووری ماموستایان دەبێت ..پشکنینی کوڕان لای هۆل دەبێت ...هێنانی هەندەسە یان محفزە قەدغەیه ...هێنانی حاسبە بۆ پۆلەکانی ٧&٨&٩ قەدەغەیە تەنها بۆ قۆناغی ئامادەیی دەبێت ...کاتژمێری زیرەک بە هە موو جۆرەکان قەدەغەیە ....تکایە بە جل و بەرگی قوتابخانە ئامەدەبن بە پێچەوانەوە بێ بەش دەبن لە تاقیکردنەوە

خشتەی تاقیكردنەوەی كۆتایی وەرزی یەكەم
خولی یەكەم بۆ ساڵی خوێندنی (٢٠٢٥-٢٠٢٦)

بەشداریی کردنی قوتابخانەکەمان لە پێشبرکێ دیزاینکردنی ئۆتۆمۆبیل ی ئایندەی کۆمپانیای تۆیۆتای یابانی ....زۆر زۆر سوپاس بۆ کۆمپانیای تۆیۆتا ساس بۆ سازکردنی ئەو پێشبڕکێیە

بەڕێوەچوونی پێشبڕکێیەکی زانستی بۆ پۆلی ١١ی زانستی
بە ئامانجی پتەوکردنی ئاستی زانستیی قوتابیان و وەک ئامادەکارییەک بۆ تاقیکردنەوەکانی کۆتایی وەرز، پێشبڕکێیەکی زانستیی پڕ جۆشوخرۆش لە بابەتەکانی (بیرکاری، عەرەبی، ئینگلیزی) بۆ قوتابیانی پۆلی ١١ی زانستی ڕێکخرا.
ئەم چالاکییە، کە بە دەستپێشخەری و ماندووبوونی مامۆستایانی بەڕێز (م. مؤید، م. فەرەیدون، م. ڕێباز و م. سەڵاحەدین) و بە پشتیوانیی بەڕێوەبەر و ستافی کارگێڕی بەڕێوەچوو، ئامانج لێی شکاندنی ڕۆتینی خوێندن و ڕەخساندنی کەشێکی کێبڕکێی زانستی بوو، تاوەکو ببێتە هاندەرێک بۆ پێداچوونەوەی وردی وانەکان.
لە کۆتایی چالاکییەکەدا، وێڕای دەستخۆشی، وەک ڕێزلێنان بۆ هەوڵ و کۆششیان، خەڵات و دیاری پێشکەش بە قوتابییە بەشداربووەکان کرا.

بەمەبەستی بەشداری کردنی قوتابخانەکەمان لە پێشبرکێ دیزاینکردنی ئۆتۆمۆبیل ی ئایندەی کۆمپانیای تۆیۆتای یابانی کە پێشبرکێ کە بە Toyota dream car ناسراوە تیمی کۆمپانیای تۆیۆتای ساس بە سوپاسەوە قوتابخانەی ئێمەیان هەڵبژارد کە تاکە قوتابخانەی حکوومیە بەشداری ئەو پێشبڕکێیە دەکاتن لەسەر ئاستی هەولێر کە بۆ قوتابیە بەهەرمەندکانی وێنە کێشان بۆ قۆناغەکانی پۆلی ٧&٨&١٠ لەخۆ دەگرێت هیوادارین لەو پێشبڕکێیە قوتابخەنەکەمان سەرکەوتوو بێت ...دووبارە سوپاس بۆ کۆمپانیای تۆیۆتا ساس

ئەو قوتابخانانەی دەبنە بنکەی دەنگدان، ڕۆژی پێنجشەممە ٢٠٢٥/١١/٦ ڕادەستی کۆمیسیۆنی هەڵبژاردنەکان دەکرێن.

لە ڕۆژی پێنجشەممە ٢٠٢٥/١١/٦ تاوەکو سێشەممە ٢٠٢٥/١١/١١، لە سەرجەم ناوەندەکانی خوێندنی حکومی و ناحکومی پشووی فەرمی دەبێت.

ڕۆژی چوارشەممە ٢٠٢٥/١١/١٢ دەوام لە هەموو قوتابخانە و ناوەندەکانی خوێندن دەست پێدەکاتەوە.

ئەو قوتابخانانەی بنکەی دەنگدان بوون، دەتوانن وانەی یەکەمی ئەو ڕۆژە نەکەن بەمەبەستی ئامادەکاری بۆ دەستپێکردنەوەی خوێندن.

بۆ ئاستێکی بەرزتر و داهاتوویەکی گەشتر کۆبوونەوەیەکی دایک و باوکانی قوناغی ئامادەیی لە قوتابخانەکەمان بەڕێوەچوو

بە مەبەستی بەرزکردنەوەی ئاستی زانستی و فێرکاری لە قۆناغی ئامادەیی و داڕشتنی نەخشەڕێگایەکی نوێ بۆ ساڵی خوێندن، کۆبوونەوەیەکی فراوان لەنێوان کارگێڕیی قوتابخانە و ئەنجومەنی دایکان و باوکاندا ساز کرا.
کۆبوونەوەکە بە ئامادەبوونی بەڕێزان: مامۆستا نەورۆز، بەڕێوەبەری قوتابخانە؛ مامۆستا شلێر، یاریدەدەری بەڕێوەبەر؛ مامۆستا موئەیەد و مامۆستا فریدون، ئەندامانی لیژنەی ڕێنمایی، هەروەها دکتۆر کارزان، سەرۆکی ئەنجومەنی دایکان و باوکان بەڕێوەچوو.
تەوەری سەرەکیی دیدارەکە بریتی بوو لە خستنەڕووی بەرنامە و پلانی کاری ساڵی نوێی خوێندن. تیایدا جەخت لەسەر ئەو ئەرک و بەرپرسیارێتییە گرنگانە کرایەوە کە دەکەوێتە ئەستۆی قوتابییە ئازیزەکانمان.
هاوکات، ڕێنمایی پێویست درا سەبارەت بە چۆنیەتیی خۆئامادەکردن بۆ تاقیکردنەوەکان و بنیاتنانی داهاتوویەکی سەرکەوتوو، کە شانازی بێت بۆ خۆیان و قوتابخانەکەشمان.
بەشێکی گرنگی کۆبوونەوەکە تەرخان کرا بۆ وەرگرتنی سەرنج و پێشنیازی دایکان و باوکان و کەسوکاری قوتابیان. ئەمەش بووە هۆی دروستبوونی دیالۆگێکی کراوە و بنیاتنەر، کە تێیدا بیروڕا جیاوازەکان بە ئامانجی خزمەتکردنی پرۆسەی پەروەردە ئاڵوگۆڕ کران.
لە کۆتاییدا، هەردوولا جەختیان لەسەر گرنگیی هەماهەنگی و پەیوەندیی بەردەوام کردەوە. ئامانج لەمەش دابینکردنی ژینگەیەکی فێرکاریی لەبار و پشتگیریکردنی قوتابییانە، تا بتوانن باشترین ئەنجام بەدەست بهێنن و بە هەنگاوی جێگیرەوە بەرەو داهاتوویەکی گەش بڕۆن.

لە هەنگاوێکی جوان و پڕ لە هەستی خەمخۆریدا، قوتابی پۆلی حەوت (محەمەد سەنگەر)، کۆمەڵێک کتێبی بەسوودی بەخشییە کتێبخانەی "ڕۆزاک"ی قوتابخانەکەمان. ئەوەی جێی ستایشە، کاکە محەمەد هەر لە یەکەم ساڵی خوێندنییەوە لە قوتابخانەکەمان، هەستی بەرزی بەرپرسیارێتیی خۆی نیشان دا و بووە هۆی دەوڵەمەندکردنی زیاتری کتێبخانەکەمان. سوپاس و پێزانینی زۆرمان بۆی هەیە.