پەیمانگەی زانستی سەردەمی ناحکومی

💥مژدەیەکی گەورە بۆ قوتابیانی خۆشەویست دەرچووانی پۆلی (9)ی بنەڕەتی و پۆلەکانی ( 10 ، 11 و قوتابیانی دەرنەچووی پۆلی 12 ) داهاتووی خۆت لەگەڵ ژیریی دەستکرد (AI) دیاری بکە!
سەردەمی نوێ، تەکنەلۆژیای نوێ و دەرفەتی بێپایان!
🔹پەیمانگەی (زانستی سەردەم)ی ناحکومی
وەک هەمیشە لە پێشەنگدایە و بۆ ساڵی خوێندن (2026-2027 )مژدەی کردنەوەی پێشکەوتووترین بەش ڕادەگەیەنێت ، بەشی ژیریی دەستکرد (AI).

ئێستا کاتی ئەوە هاتووە بزانیت جیهان بەرەو کوێ هەنگاو دەنێت، تۆش ببیتە بەشێک لەم گۆڕانکارییە گەورەیە.
✅ بۆچی بەشی ژیریی دەستکرد (AI) لە پەیمانگەی زانستی سەردەم؟
✅ بڕوانامەی باوەڕپێکراو:
قوتابی لەم بەشەدا دەبێتە خاوەنی بڕوانامەیەکی فەرمی و باوەڕپێکراو لەلایەن وەزارەتی پەروەردە.

✅کلیلی بازاڕی کار:
لە ئێستادا و لە داهاتووشدا، پسپۆڕان و شارەزایانی بواری (AI) یەکەمین و باشترین دەرفەتی کاریان لە ناوخۆ و جیهاندا بۆ دەڕەخسێت.

✅ژینگەیەکی فێربوونی پێشکەوتوو:
بەکارهێنانی نوێترین پرۆگرامی خوێندن و تاقیگەی پێشکەوتوو کە هاوتایە لەگەڵ پێشکەوتنە خێراکانی تەکنەلۆژیا.
🔸داهاتووی خۆت گەشاوە بکە!
ئەگەر دەتەوێت ببیتە داهێنەر، گەشەپێدەر، یان سەرکردەیەکی تەکنەلۆژی لە سبەینێدا، ئەمە باشترین و گونجاوترین دەرفەتە بۆ تۆ.

✅ڕوو لەم بەشە نوێیە بکە و هەنگاوی یەکەم بەرەو داهاتوویەکی پرشنگدار بنیادبنێ .

🔸پەیمانگەی زانستی سەردەم ، ناوەندێکی ئەکادیمی ئەزمووندار لە بواری پەروەردە و زانست .

پەیمانگەی زانستی سەردەمی ناحکومی
هەولێر / بەرامبەر وەزارەتی خوێندنی باڵا
📱07501037878

(هەنگاوێك بەرەو جیهانی زانستی سەردەم )
دووەمین ڤیستیڤاڵی پەیمانگە ، نمایشی درەوشانەوەی بەهرە و داهێنان

دووەمین ڤیستیڤاڵی ساڵانەی پەیمانگەی ( زانستی سەردەم)ی ناحکومی بە سەرکەوتوویی بەڕێوەچوو.

ڤیستیڤاڵەکە وەک پانتاییەک بوو بۆ تێکەڵکردنی زانست، هونەر، و کولتوور، کە چەندین بڕگەی هەمەچەشنی لەخۆ گرتبوو:

🔹بەشی زانست و تەکنەلۆجیا: نمایشکردنی پڕۆژەی سۆفتوێر و داهێنانی فیزیایی لەلایەن قوتابییانی بەهرەمەندەوە.

🔹بەشی هونەر: پێشانگای کاری دەستی و تابلۆی شێوەکاریی دەستڕەنگینی قوتابییان.

🔹بەشی ڕۆشنبیری: نمایشکردنی کتێب و بەرهەمی فیکری.

🔹بەشی کولتوور: خستنەڕووی خواردنی ڕەسەنی کوردەواری و میوانداریکردن لەژێر ڕەشماڵ و ماڵی کوردیدا، کە ئاوێتەیەک بوو لە بۆنی ڕەسەنایەتی و تام و چێژی کوردەواری.

ئەم ڤیستیڤاڵە بەرهەمی ماندووبوونی قوتابییە داهێنەرەکانمان و پشتیوانیی مامۆستا دڵسۆزەکانیان بوو. ئێمە باوەڕمان وایە کە قوتابیانی ئەمڕۆ، داهێنەرانی سبەینێن.

🔸پەیمانگەی زانستی سەردەم ، ناوەندێكی ئەكادیمی ئەزمووندار لە بواری پەروەردە و زانست .

پەیمانگەی زانستی سەردەمی ناحکومی
هەولێڕ / بەرامبەر وەزارەتی خوێندنی باڵا
07501037878

🔹کۆتاییهاتنی ساڵێکی دیکەی خوێندن و چاندنی تۆوی سەرکەوتنی نوێ لە هەموو لایەک پیرۆز بێت!

ئەمڕۆ ئەنجامی کۆششی تاقیکردنەوەکانی کۆتایی ساڵی خوێندنی (2025 - 2026) ڕاگەیەندرا و قوتابییە ئازیزەکانمان بە سەرکەوتوویی ئەم قۆناغەیان بڕی.
وێڕای پیرۆزبایی گەرممان لە سەرجەم قوتابیانی خۆشەویستی پەیمانگەکەمان، هیوای پشوویەکی خۆش و ئارام بۆ هەموو لایەک دەخوازین. ئومێدەوارین داهاتووتان هەمیشە گەشاوەتر، پڕشنگدارتر و سەرکەوتووتر بێت لە تەک تەواوکردنی قۆناغەکانی داهاتوودا.

🔸کۆبوونەوەی دەستەی کارگێڕی و مامۆستایان

لە لایەکی دیکەوە و بە مەبەستی هەڵسەنگاندنی کۆتایی ساڵ، دەستەی کارگێڕی پەیمانگە لەگەڵ ستافی ماندوونەناسی مامۆستایان کۆبووەوە.
لەو کۆبوونەوەیەدا، بەڕێز بەڕێوەبەری پەیمانگە بەناوی تەواوی کارگێڕییەوە، سوپاس و پێزانینی ئاراستەی مامۆستایانی بەڕێز کرد و دەستخۆشی لێکردن بۆ ئەو هێز و دڵسۆزییەی نیشانیاندا لە گەیاندنی پڕۆسەی خوێندنی ئەمساڵ بە وێستگەی کۆتایی و لوتکەی
سەرکەوتن.

🔹پەیمانگەی زانستی سەردەم ، ناوەندێكی ئەكادیمی ئەزمووندار لەبواری پەروەردە و زانست .

پەیمانگەی زانستی سەردەمی ناحکومی
هەولێر / بەرامبەر وەزارەتی خوێندنی باڵا
07501037878

گەشتی بەهارەی پەیمانگە ..

لە چوارچێوەی چالاکییە بەردەوامەکانماندا بۆ گرنگیدان بە لایەنی دەروونی و کۆمەڵایەتیی قوتابییان، پەیمانگەی (زانستی سەردەم)ی ناحکومی گەشتێکی بەهارەی بۆ قوتابییە خۆشەویستەکانمان ڕێکخست بۆ ناو سروشتی جوانی کوردستان.

ئەم گەشتانە دەرفەتێکن بۆ بەهێزکردنی پەیوەندیی هاوڕێیەتی و نوێکردنەوەی وزەکان. دەستخۆشی لە هەموو لایەک دەکەین بۆ دروستکردنی ئەم ڕۆژە جوانە.

🔹پەیمانگەی زانستی سەردەم ناوەندێكی ئەكادیمی ئەزمووندار لە بواری پەروەردە و زانست .

پەیمانگەی زانستی سەردەمی ناحکومی
هەولێر / بەرامبەر وەزارەتی خوێندنی باڵا
07501037878

هەندێک سات هەن کە وشەکان ناتوانن وەسفیان بکەن.
ئەمڕۆ، دوا زەنگی پۆل بۆ قوتابییە خۆشەویستەکانی قۆناغی پێنجەم لێدرا. بەڵام جوانترین وانەی ئەمڕۆ، وانەیەک بوو کە لە دەرەوەی کتێبەکان وترايەوە؛ وانەی وەفا و خۆشەویستی.

قوتابیانی قۆناغی پێنجەمی بەشەكانی ( كۆمپیوتەر و ژمێریاری ) دەوامی بەیانیان ، بە باوەشێکی گەرم و چاوێکی پڕ لە فرمێسکی خۆشی ، ماڵئاواییان لە مامۆستا ماندوونەناسەکانیان کرد.
ئەمە تەنها ماڵئاواییەک نەبوو، بەڵکو سوپاسنامەیەک بوو بۆ ئەو هەموو زانست و خۆشەویستییەی کە لەم چەند ساڵەدا پێیان بەخشرا.

ڕێگەتان ڕووناك و داهاتووتان گەش بێت، دەرگای پەیمانگە هەمیشە وەک ماڵی خۆتان بە ڕووتاندا کراوە دەبێت.

🔹پەیمانگەی زانستی سەردەم ، ناوەندێكی ئەكادیمی ئەزمووندار لە بواری پەروەردە و زانست .

پەیمانگەی زانستی سەردەمی ناحکومی
هەولێڕ / بەرامبەر وەزارەتی خوێندنی باڵا
07501037878