Fakher Mergasori Kurdish High School

♦️ خشتەی تاقیکردنەوەکانی کۆتایی ساڵ (وەرزی یەکەم + وەرزی دووەم) - خولی دووەم، بۆ قوتابیانی قۆناغەکانی ١٠ و ١١ی زانستی (ساڵی خوێندنی ٢٠٢٥-٢٠٢٦).

​هیوای سەرکەوتن و باڵادەستی بۆ سەرجەم قوتابییە ئازیزەکانمان دەخوازین لە تاقیکردنەوەکانیاندا

#​دەستەی کارگێڕیی ئامادەیی

🏛️ ئامادەیی فاخر مێرگەسۆری باشووری ناحکومی

​📢 ئاگادارییەک لە کارگێڕیی قوتابخانەوە؛ دەرگای ناوتۆمارکردن کرایەوە!

​دایبابانی بەڕێز، قوتابیانی ئازیز...

❁​ بۆ ئەوانەی بەدوای ژینگەیەکی پەروەردەیی پێشەنگ و ئاستێکی زانستیی باڵادا دەگەڕێن، ئامادەییەکەمان دەرگای ناوتۆمارکردن و وەرگرتنی بۆ ساڵی نوێی خوێندنی (٢٠٢٦-٢٠٢٧) واڵا دەکات.

❁​ ئێمە لێرەین بۆ ئەوەی بە نوێترین شێوازی زانستی و لەژێر سەرپەرشتی لێهاتووترین ستافی کۆڵنەدەر، ڕێگەی سەرکەوتن و گەیشتن بە نمرە باڵاکان بۆ قوتابیانمان ڕۆشن بکەین.

​🎓 قۆناغەکانی وەرگرتن:

◉​قۆناغی ئامادەیی: پۆلەکانی (١٠، ١١، و ١٢)ی زانستی

◉​سیستەمی خوێندن: سیستەمی کوردی (خوێندنی بەیانیان)

کاتەکانی سەردانیکردن:
​دایبابان و قوتابیانی خۆشەویست دەتوانن بۆ مەبەستی ناوتۆمارکردن و پڕکردنەوەی فۆرمی وەرگرتن، سەردانی باڵەخانەی ئامادەییەکەمان بکەن:

◉​ڕۆژانی: یەکشەممە تا پێنجشەممە

◉​کاتژمێر: ٩:٠٠ی بەیانی تا ١:٣٠ی نیوەڕۆ

◉​ ناونیشان: هەولێر - شەقامی ١٠٠ مەتری - پشت نەخۆشخانەی (شار)ی تایبەت

​📞 بۆ پەیوەندی و زانیاری زیاتر:
​لەکاتی هەبوونی هەر پرسیاڕ و سەرنجێک، دەتوانن لە کاتەکانی دەوامدا پەیوەندی بەم ژمارانەی خوارەوە بکەن:

​📱 0750 2491818
​📱 0750 1409119

​✨ ئامادەیی فاخر مێرگەسۆری، هەنگاوی یەکەم و بنچینەیی بەرەو داهاتوویەکی گەش و پڕشنگدار

پەیامی بەڕێوەبەری ئامادەیی بەبۆنەی جەژنی قوربانی پیرۆزەوە

​بەڕێزان... مامۆستایانی دڵسۆز، قوتابییانی خۆشەویست و بەخێوکەرانی بەڕێز

​✷ بەبۆنەی هاتنەوەی جەژنی قوربانی پیرۆزەوە، گەرمترین پیرۆزبایی خۆمان ئاڕاستەی ئێوەی کۆڵەکەی پرۆسەی پەروەردە دەکەین. جەژن تەنها بۆنەیەک نییە بۆ پشوو، بەڵکو دەرفەتێکی زێڕینە بۆ قووڵکردنەوەی بەها بەرزەکانی لێبووردەیی، قوربانیدان و هاوسۆزی.

✷ مامۆستایانی هێژا ئێوە نموونەی باڵای قوربانیدانن لەپێناو ڕۆشنکردنەوەی ڕێگای نەوەکانمان، جەژنتان پیرۆز بێت و ماندووبوونی بەردەوامتان بەرز دەنرخێنین. قوتابییە ئازیزەکانمان هیوادارین ئەم جەژنە ببێتە مایەی وزەیەکی نوێ و ئارامیی دەروونی بۆتان، تا بەردەوام بن لەسەر ڕێگای زانست و سەرکەوتن. بەخێوکارانی بەڕێز سوپاسی هاوکاریتان دەکەین کە هەمیشە پاڵپشتێکی بەهێزی سێگۆشەی پەروەردەیین؛ جەژنی ئێوەش پیرۆز و پڕ لە بەختەوەری بێت.

​✷ لە خودای مەزن داواکارین ئەم جەژنە ببێتە مایەی خێر، بەرەکەت، ئاشتی و تەندروستی بۆ هەموو لایەک، و ماڵەکانتان هەمیشە ئاوەدان بێت بە خۆشی و کامەرانی.

​جەژنتان پیرۆز بێت و هەمیشە لە خۆشیدا بن.

​ڕوپاک عزالدین عمر
بەرێوەبەری ئامادەیی

ڕاگەیاندنی ئەنجامی تاقیکردنەوەکانی کۆتایی وەرزی دووەم

❁ ​کۆتاییهاتنی ساڵێکی خوێندن، سەرەتای چنینی بەرهەمی ماندووبوونە. بە خۆشحاڵییەوە ئەمڕۆ دووشەممە، ڕێکەوتی ٢٥ی ٥ی ٢٠٢٦، بە ئامادەبوونی ستافی دەستەی کارگێڕی و مامۆستایانی بەڕێز، ئەنجامی تاقیکردنەوەکانی کۆتایی وەرزی دووەمی قوتابیانی قۆناغی ١٠ و ١١ی زانستی ڕاگەیەندرا، کە تێیدا لەبەرانبەر کۆشش و سەرکەوتنیاندا، خەڵات و سوپاسنامە پێشکەش بە قوتابییانی یەکەم تا دەیەم لەسەر ئاستی قۆناغەکان کرا. پیرۆزبایی تایبەت لە قوتابییە یەکەمەکانمان دەکەین و هیوای لوتکەی بەردەوامیان بۆ دەخوازین.

❁​ هەروەها پیرۆزبایی گەرم لە سەرجەم ئەو قوتابییانە دەکەین کە سەرکەوتنیان بەدەستهێناوە، بە پێویستی دەزانین لە دڵەوە سوپاس و پێزانینی خۆمان ئاراستەی سێ کۆڵەکەی سەرەکیی ئەم سەرکەوتنە بکەین:

◂​ مامۆستایانی دڵسۆز: سوپاس بۆ شەونخونی، لێهاتوویی و ئەو وزە بێپایانەی بەخشتان بە پێگەیاندنی نەوەکانمان. ئێوە هەمیشە چرای ڕووناککەرەوەی ڕێگای زانستن.

◂​ بەخێوکارانی بەڕێز: سوپاس بۆ پاڵپشتیی بەردەوام، دابینکردنی ژینگەیەکی لەبار و هاوکاریی بێوچانتان لەگەڵ قوتابخانەدا. سەرکەوتنی منداڵەکانتان بەرهەمی دڵسۆزیی ئێوەیە.

◂​ قوتابیانی ئازیز: ماندووبوون و کۆششەکانتان جێگای شانازییە. زانست تەنها نمرە نییە، بەڵکو گەشتێکی بەردەوامە بۆ گەشەکردنی هزری ئێوە.
​
​لە کۆتاییدا، هیوای سەرکەوتنی بەردەوام بۆ هەمووان دەخوازین لە قۆناغەکانی داهاتووی ژیانیاندا.

سوپاس و پێزانین بۆ بەرپرسی شۆفێران و تەواوی ستافی گواستنەوەی قوتابییان

♦ئەمرۆ یەکشەممە رێکەوتی ٢٤ی ئایاری ٢٠٢٦ بە بۆنەی کۆتایی هاتنی ساڵی خوێندن، لە لایەن بەرێز م.سروشت جوهر فتاح​ سوپاس و پێزانین ئاراستەی بەرپرسی بەڕێزی شۆفێران و تەواوی هاوکارە ماندوونەناسەکانی (شۆفێران) کرا.​کە ئەمساڵ بەهۆی دڵسۆزی، رێکخراوەیی پرۆسەی هاتووچۆی قوتابییان بە شێوازێکی زۆر سەرکەوتوو و ئارام بەڕێوەچوو. ئێوە تەنها ئەرکی گواستنەوەتان لەسەر شان نەبوو، بەڵکو وەک خەمخۆرێکی ڕاستەقینە پارێزەری سەلامەتی و کاتی قوتابییەکانمان بوون.

♦​دەستخۆشی تایبەت لە بەرپرسی شۆفێران دەکەین کە بە بەڕێوەبردنێکی لێهاتووانە و سەرپەرشتییەکی ورد، توانی هاوئاهەنگییەکی نموونەیی لە نێوان تەواوی هێڵەکانی گواستنەوەدا دروست بکات و کێشەکان بەو پەڕی لێهاتووییەوە چارەسەر بکات.

♦​هیوای تەندروستی باش، تەمەندرێژی و سەرکەوتنی بەردەوام بۆ یەک بە یەکتان دەخوازین. ماندووبوونی ئێوە جێگەی شانازی و پێزانینی هەمیشەیی ئێمەیە.

دەستخۆشی و پێزانین بۆ لێژنەی ئەزموونەکان و وردبینی

✷ ​کۆتاییهاتنی پڕۆسەی تاقیکردنەوەکان تەنها وێستگەیەک نییە بۆ پشوودان، بەڵکو دەرفەتێکە بۆ بەرزڕاگرتنی ماندووبوونی ئەو کەسانەی لە پشت پەردەوە، شەو و ڕۆژیان خستە سەر یەک بۆ سەرکەوتنی ئەم پڕۆسەیە،لە مەراسیمێکی شایستەدا ئەمرۆ یەکشەممە،رێکەوتی ٢٤ــی ٥ــی ٢٠٢٦ لە لایەن بەرێز م.سروشت جوهر فتاح​ گەرمترین سوپاس و پێزانین ئاڕاستەی سەرۆک و سەرجەم ئەندامانی (لێژنەی ئەزموونەکان) و (لێژنەی وردبینی) کرا.

✷​ ئەم لێژنە بەڕێزانە بەوپەڕی دڵسۆزی، ئەمانەتدارای، وردەکارییەوە ئەرکە قورسەکانیان ڕاپەڕاند، لە ئامادەکردنی هۆڵەکان، ڕێکخستنی تاقیکردنەوەکان، تا دەگاتە وردبینی توندوتۆڵ لە نمرەکان و دەرچوونی ئەنجامەکان بە بێگەردی و بەبێ هیچ کەم و کورتییەک. ماندووبوونی ئێوە بەردی بناغەی سەرکەوتنی قوتابییەکانمان و پاراستنی مافی هەموان بوو.

لە کۆتایی دا ​دەستی ماندووتان دەگوشین و هەمیشە جێگەی شانازی قوتابخانەکەمانن. هیوای تەندروستی و سەرکەوتنی بەردەوامتان بۆ دەخوازین لە کاروانی پەروەردە و فێرکردندا.

پەیامی کۆتاییهاتن بە وێستگەیەکی دیکەی زانست و سەرکەوتن!

◂ ​بە بۆنەی کۆتاییهاتنی سەرکەوتووانەی ساڵی خوێندنی (٢٠٢٥-٢٠٢٦) و بەڕێوەچوونی دواقۆناغی تاقیکردنەوەکان، گەرمترین پیرۆزبایی ئاراستەی سەرجەم مامۆستایانی بەڕێز و قوتابیانی خۆشەویست دەکەین . کۆتاییهاتنی ئەم وەرزە، تەنیا کۆتاییهاتنی کات نییە، بەڵکو بەرهەمی قۆناغێکی پڕ لە کۆشش، داهێنان و کۆڵنەدانە لە پێناو ڕووناککردنەوەی ئاسۆی نیشتمان.

◂ ​بۆ مامۆستایانی بەڕێز و خەمخۆر..
ئێوە دەستپێکی هەموو سەرکەوتنێک و کۆڵەکەی سەرەکیی گەشەی کۆمەڵگەن. لە ڕێگەی ئەم پەیامەوە، بەرزترین پێزانین و دەستخۆشیی خۆمان ئاراستەی ئێوەی بەڕێز دەکەین، کە بە پشوودرێژی و دڵسۆزییەکی بێوچانەوە، ئەرکی پیرۆزی پەروەردە و فێرکردنتان گەیاندە کەناری ئارامی. ئێوە نە تەنیا زانستان بەخشییەوە، بەڵکو ڕەوشت و هۆشیاریتان لە ناخی نەوەکاندا چاند. پێگەیاندنی ئەم نەوەیە، قەرزاری شەونخوونی و کۆششی بێپایانی ئێوەیە.

◂ ​بۆ قوتابیانی ئازیز و ئومێدی داهاتوو..
قۆناغی تاقیکردنەوەکان وێستگەیەکی سەخت بوو، بەڵام بڕوا بەخۆبوون و ویستی پۆڵایینی ئێوە، سەرجەم ئاستەنگەکانی ڕەواندەوە. ئێمە شانازی بەو وزە و هێزەوە دەکەین کە لەم پێناوەدا نیشانتان دا. هیوادارین دەرئەنجامەکان، ئاوێنەی ڕاستەقینەی ماندووبوونتان بن و دڵخۆشی و شانازی بۆ خۆتان، خێزانەکانتان و ئێمەش بەدی بهێنن.

◂ ​ئێستا، کاتی وەرگرتنی پشوویەکی شایستەیە بۆ نوێکردنەوەی وزە و خۆئامادەکردن بۆ گەشتە زانستییەکانی داهاتوو. با هەمیشە لە یادمان بێت کە کۆتاییهاتنی هەر قۆناغێک، سەرەتایەکە بۆ ئاسۆیەکی فراوانتر و لوتکەیەکی بەرزتر لە کاروانی فێربووندا کە هیچ سنوورێک ناناسێت.

​دووبارە پیرۆزباییمان بۆ گشت لایەک، بەهیوای پشوویەکی ئارام و سەرکەوتنی بەردەوام و گەشاوە بۆ هەمووان لە سەرجەم کایەکانی ژیاندا.

#​ئامادەیی شەهید فاخر مێرگەسۆری ناحکومی

ئــــــــاگــــاداری 🔔

​◄ قوتابیانی ئازیزی پۆلی دوازدەی زانستی ئامادەییەکەمان (ئاسایی و یەک بابەتی و دوو بابەتی و چاکردنی تێکرا) ئاگاداردەکەینەوە، کە بەیانی پێنجشەممە، ڕێکەوتی ٢١ـی ٥ـی ٢٠٢٦، لە کاتژمێر ٢:٣٠ـی نیوەڕۆ تاکو ٥:٠٠ـی ئێوارە، دەتوانن سەردانی کارگێری قوتابخانە بکەن بە مەبەستی وەرگرتنەوەی «پێناس»ی ئەزموونی (ناسنامەی وەزاری) بۆ بەشداریکردن لە تاقیکردنەوە گشتییەکان .

​⚠️ تێبینی:
◂ مەرجە قوتابی یان لێپرسراوی قوتابی ئامادە بێت بۆ وەرگرتنەوەی پێناسی ئەزموونی.

دەستەی کارگێری ئامادەیی