21/09/2026
داهاتوویەکی گەش و هەلی کاری مسۆگەر لە کۆلێژی زانستە ئەندازیارییە کشتوکاڵییەکان!
دەرچووی پۆلی ١٢ی زانستی؟ دەتەوێت دوای دەرچوون بە ئاسانی هەلی کارت دەستکەوێت؟ کۆلێژی زانستە ئەندازیارییە کشتوکاڵییەکان دەرگای فراوانت بۆ دەكاتەوە لە هەردوو کەرتی گشتی و تایبەتدا، بەتایبەت بە بوونی (یاسای ژمارە ٢٠ی ساڵی ٢٠٢١) بۆ سەرپەرشتیکردنی پڕۆژە کشتوکاڵییەکان کە هەزاران هەلی کاری بۆ دەرچووان ڕەخساندووە.
ئەم کۆلێژە بە بەشە جۆراوجۆرەکانییەوە (بەرهەمهێنان و دروستی ئاژەڵ، زانست و تەکنەلۆجیای خۆراک، پاراستنی ڕووەک، بەروبوومی کێڵگەیی ڕووەکە پزیشکیەکان، بەڕێوەبردنی خاک و ئاو، ڕەزگەری و ئەندازەی پارکەکان، دارستان، تەندروستی و بەرهەمهێنانی ماسی ، گەشتوکاڵ) کادیرێکی پێشکەوتوو پێدەگەیەنێت. لێرەدا دەرفەتە کارە سەرەکییەکانت دەبینی:
-کەرتی گشتی و حکومی: دامەزران یان کاری ڕێنماییکار و توێژەر لە وەزارەتی کشتوکاڵ، سەرپەرشتیکردنی پرۆژەکان بەپێی یاسای نوێی حکومەت، و پشکنینی کوالیتی خۆراک و ئاو لە دەروازە سنوورییەکان.
-کەرتی تایبەت و کۆمپانیاکان:کارکردن لە کۆمپانیاکانی خۆراک (Quality Control)، کۆمپانیاکانی دەرمان و پەینی کشتوکاڵی، بەڕێوەبردنی خانووی پلاستیکی و سیستەمی ئاودێری مۆدێرن، کێڵگەکانی پەلەوەر و ئاژەڵداری و ماسی، و نەخشەسازی باخ و نەمامگەکان.
-ڕێکخراوە نێودەوڵەتییەکان: بەشداریکردن لە پڕۆژەکانی ڕێکخراوەکانی وەک FAO و UNICEF بۆ ئاسایشی خۆراک و پەرەپێدانی گوندنشینان.
-پڕۆژەی تایبەت و پێشەنگکاری (Entrepreneurship): دەرفەتی زێڕین بۆ ئەوەی ببیتە خاوەنکار و پڕۆژەی تایبەتی خۆت دابمەزرێنیت، وەک:
-پڕۆژەکانی بەرهەمهێنانی پەلەوەر و گۆشتی سوور, ماسی.
-خانووی پلاستیکی زیرەک و چاندنی ئۆرگانیک.
-نەمامگەی بازرگانی و دیزاینی باخچە.
-کارگەکانی پیشەسازی خۆراک و بەرهەمهێنانی شیرەمەنی.
-بەخێوکردنی هەنگ .
-ڕاوێژکاری کشتوکاڵی ئۆنلاین بۆ خاوەن باخ و جوتیاران.
کۆلێژی زانستە ئەندازیارییە کشتوکاڵییەکان تەنها بڕوانامە نییە، بەڵکو کلیلی داهاتوویەکی ئابووری سەربەخۆیە.
ئامارو داتاکان پێمان دەڵێن زۆربەی دەرچووانی کۆلێژی زانستە ئەندازیارییە کشتوکاڵیەن وە کو ئەندازیاری کشتوکاڵی لە کۆمپانیا گەورەکانی بورای کشتوکاڵ بە مووچەی زۆر باش کار دەکەن یاخود خاوەنی کۆمپانیاو پڕۆژەی کشتوکاڵی تایبەت بەخۆیانن.
کۆلێژی زانستە ئەندازیارییە کشتوکاڵییەکان هەڵبژێرە و بناغەی داهاتوویەکت دابمەزرێنە!
