ق.پەرێزی هاوڕێی بنەڕەتی کچان

*ئـــــــاگــــــاداری* و بەرچاو رۆنی بۆ
قوتابی و دایک و باوکان

ئاگاداری لە قوتابخانەی
«پەرێزی بنەڕەتی» کچانەوە
قوتابییە خۆشەویستەکانمان، باوانی بەڕێز..
ئاگادارتان دەکەینەوە کە بەیانی (دووشەممە) ٢٠٢٦/٥/٢٥
ڕۆژی وەرگرتنەوەی کارتی کۆتایی ساڵە. تکایە هەموو قوتابییان لە کاتی دیاریکراودا ئامادە بن.
⏰ کات: کاتژمێر [١٠:٠٠ ی بەیانی]

بە هیوای سەرکەوتن بۆ هەموو کچە لێهاتوەکانمان.

ڕۆژی زمانی کـوردی 🇹🇯

⭐ لە ڕۆژی زمانی کوردی دا ( ۵٠ ) وشەی باو
بۆ هێناون و لەوێنەیەکدا هه يه
کە ڕۆژانە لەکاتی گفتوگۆ و دەربڕین بەکاریان دێنین و
وشەکان کوردی پەتی نین و هی بێگانەن،

بەهیوای سوود و بەکارهێنانیان🌷

۱۵ی ۵ ــ رۆژی زمانی کـــوردی🌷

⭐ ناساندن، بۆچی ئەم ڕۆژە؟

ــ ئەم ڕۆژە بۆ رێزلێنان لەزمانی دایک و پاراستنی ناسنامەی نەتەوەیی کورد دیاری کراوە.
ــ هۆکاری هەڵبژاردنی ئەم رێکەوتەش دەگەڕێتەوە بۆ
١٥ی ۵ی ١٩٣٢، کاتێک یەکەم ژمارەی گۆڤاری "هاوار" لەلایەن میر جەلادەت بەدرخان لە دیمەشق بە ئەلفوبێی لاتینی کوردی بڵاوکرایەوە، کە وەرچەرخانێکی گەورە بوو لە مێژووی نووسین و ئەدەبیاتی کوردیدا.

ئاگاداری سەرجەم قوتابیانی ( بازنەی یەکەم واتە پۆلی ١و٢و٣ )ی قوتابخانەکەمان دەکەینەوە کە وا سبەی ڕۆژی پێنجشەممە ڕێکەوتی١٤-٥-٢٠٢٦ ئـامادەبن لە قوتابخانە بە مەبەستی وەرگرتنەوەی « ئەنجامەکانی کۆتایی ساڵی خوێندن »

🔶🔶. کاتژمێر ١٠:٠٠ بەیانی

( ( ڕاگەیاندنی قوتابخانەی پەرێزی هاورێ ی بنەڕەتی ) )

١٣ ــی / ٥ـــی / ٢٠٢٦

چەنــــــــد ئامۆژگارییەک بۆ *قــــــوتـــــابــــی*
• پشوو بدەن: دوای تاقیکردنەوە مێشکتان ئازاد بکەن و ڕاستەوخۆ مەچنەوە سەر کتێب.
• پێداچوونەوە مەکەن: دوای تاقیکردنەوە، باسی وەڵامەکان مەکەن بۆ ئەوەی ورەتان دانەبەزێت بۆ سبەی.
• خەو: شەوانە بە باشی بخەون، چونکە مێشکی ماندوو زانیارییەکان بیر دەچێتەوە.
هیوای سەرکەوتن بۆ هەموو قوتابیەکان دەخوازین

خشتەی ئەزموونی کۆتایی (وەرزی دووەم-خوولی یەکەم)
*
*

قوتابییە خۆشەویستەکان..
تاقیکردنەوە وێستگەیەکە بۆ پیشاندانی تواناکانتان. هیوادارم بەوپەڕی متمانەبەخۆبوونەوە ڕووبەڕووی پرسیارەکان ببنەوە. دڵنیام هەر یەکێکتان خاوەن بەهرەیەکی تایبەتە.
بەهیوای نمرەی بەرز بۆ هەمووان!

ڕێنمایی زۆرگرنگ
بۆ کەس وکاری قوتابیان سەبارەت بە تاقیکردنەوەکان



🔶 پێویستە خێزانەکان ئەم ماوەیە و لەکاتی تاقیکردنەوەکان سەردانی کردن زۆر کەم بکەنەوە
یاخود هەر نەیهێڵن.

🔶 پێویستە ئامێرەکانی وەك "مۆبایل ـ پایسکل ـ هەریاریەکی تر" وەربگیرێتەوە لە قوتابی تا دوای تاقیکردنەوە یان سنوورداربکرێت،

🔶 پێویستە خێزانی قوتابی لەبەر بەرژەوەندی قوتابی سەیرکردنی تیڤی کەم بکەنەوە ئەگەر زۆر پێویست نەبێ سەیری نەکەن.

🔶 ڕەخساندنی کەشێکی لەبار و پەروەردەیی لەناو ماڵ
بۆ قوتابی ئەرکی سەرشانی خێزانە، هەرشتێك بێ
کە وابکات ئاسانکاریان بۆبکات لەخوێندن.

🔶 ڕێنمایی و ئامۆژگاری بکە و وتەی بەسوود و گەشبینی پێبلێ وایلێبکە حەز بکا دەربچێ و لەتاقیکردنەوەکان سەرکەوتووبێ.

🔶 تاقیکردنەوەکانی کۆتایی وەرز واتە بەرهەمی وەرزێکی خوێندن، واتە گرنگیەکی زۆری هەیە لە سەرکەوتن و دەرچوونی ڕۆلەکەت لەم ماوەیە کەمە، بۆیە هەول بدەن
و لەگەلی خۆتان ماندوو بکەن.

🔷 تکایە ڕەچاوی ئەم خاڵانەی سەرەوە بکەن بۆ ئەوەی ڕۆڵەکەت بەرزترین نمرە بەدەست بهێنێ و بەسەرکەوتوویی تاقیکردنەوەکانی بکات.

ــ "بێگومان قوتابیان و ڕۆڵەکانمان شایانی باشترینن"

بەهیوای سوود بۆ قوتـابیانی خۆشەویست

-

سلاو دایک و باوکانی بەرێز
سەبارەت بە بازنەی یەکەم هەر سێ رۆژ بەیانیانن و کات ژمێر ٨:٠٠ بەیانی تاقیکردنەوەکان دەکرێت