Ban High school ئامادەیی بانی ناحکومی

English\ كوردی

"Towards the Summit; (Ban) Preparatory School Charts the Roadmap for Grade 12"

🔹To develop the latest scientific and psychological plan for the new academic year, Mr. (Goran Redha Hussein), Director of the (Ban) Educational Compound, met with the high school teaching staff.

🔹In the meeting, focus was placed on thorough preparation for Grade 12 students, aiming to provide an ideal environment that is worthy of our students' dreams and high grades.

🔹We are ready to make "Ban" the center for top achievers and a leader in education again this year.

"بەرەو لوتکە؛ ئامادەیی «بـــان» نەخشەڕێگای پۆلی (١٢) دادەڕێژێت"

🔹بەمەبەستی داڕشتنی نوێترین پلانی زانستی و دەروونی بۆ ساڵی نوێی خوێندن، بەڕێز (م.
گۆران ڕەزا حسێن) بەڕێوەبەری کۆمەڵگەی پەروەردەیی «بـــان»، لەگەڵ ستافی مامۆستایانی
ئامادەیی کۆبووەوە.

🔹لە کۆبوونەوەکەدا تیشک خرایە سەر ئامادەکارییەکی تۆکمە بۆ قوتابییانی پۆلی (١٢) بەئامانجی ڕەخساندنی ژینگەیەکی نموونەیی کە شایستەی خەون و نمرە بەرزەکانی
قوتابییانمان بێت.

🔹ئێمە ئامادەین تا ئەمساڵیش «بـــان» بکەینەوە بە مەڵبەندی یەکەمەکان و پێشەنگی
پەروەردە.


‎

پەیامی بەڕێوەبەری ئامادەیی «بــان» بۆ قوتابییانی پۆلی (١٢)ـی زانستی

قوتابییانی ئازیزی پۆلی (١٢) ئێوە لە بەردەم قۆناغێکی چارەنووسسازدان. بۆ بەدەستهێنانی باشترین ئەنجام، ئەم ڕێنماییانە بە وردی جێبەجێ بکەن:

🔹ئامادەکاریی پێش تاقیکردنەوە:

- خەو و خۆراک: شەوانە ٧-٨ کاتژمێر بخەون بۆ ئەوەی مێشکتان زانیارییەکان ڕێکبخاتەوە. ژەمی تەندروست و سووک بخۆن بۆ پاراستنی وزەی جەستە.
- ئامادەکردنی پێداویستی: شەوی پێش تاقیکردنەوە (ناسنامە، قەڵەم، ژمێرەر...) ئامادە بکەن تا بەیانییەکەی دووچاری دڵەڕاوکێ نەبن.
- دوورکەوتنەوە لە پەستان: لە دوا ساتەکاندا خوێندنەوە زۆر مەکەن؛ مێشکتان ماندوو مەکەن و تەنها پشوو بدەن.

🔹لەناو هۆڵی تاقیکردنەوە:

- کاتی گەیشتن: زوو بگەنە هۆڵ بۆ ئەوەی بە ئارامی جێگیر بن.
- تەکنیکی وەڵامدانەوە: پرسیارەکان بە وردی بخوێننەوە، لە ئاسانەکان دەست پێ بکەن و کاتەکانتان بە ژیرانە دابەش بکەن.
- پێداچوونەوە: پێش ڕادەستکردنی پەڕەکان، دڵنیا ببنەوە کە هیچ پرسیارێکتان بێ وەڵام جێنەهێشتووە.

🔹تەندروستی دەروونی:

- کۆنتڕۆڵی دڵەڕاوکێ: بە هەناسەدانی قووڵ و بیرکردنەوەی ئەرێنی ئارامی بۆ خۆتان بگێڕنەوە.
- متمانە بەخۆبوون: باوەڕتان بە ماندووبوونی خۆتان هەبێت و خۆتان بە کەس بەراورد مەکەن.
- دوورکەوتنەوە لە ژاوەژاو: پێش و دوای تاقیکردنەوە، گفتوگۆ لەسەر پرسیارەکان لەگەڵ هاوڕێکانتان مەکەن بۆ ئەوەی تەرکیزتان تێکنەچێت.

لە کۆتاییدا، تاقیکردنەوە تەنها وێستگەیەکە لە ژیان؛ باشترین هەوڵی خۆتان بدەن و متمانتان بە داهاتوو هەبێت.

بە هیوای سەرکەوتن بۆ هەمووان

(م.نرمین احمد مصطفی)
بەڕێوەبەری ئامادەیی «بــان»


‎

English\ كوردی

"We do not forget Grade 12 students even during the summer vacation"

🔹 The director and principal of Ban Private Compound a special meeting with 11th-grade science students (who are advancing to the 12th grade).

🔹 In this meeting, they focused in detail on how to prepare for the new academic year. The main goal of the meeting was to familiarize students with how to create a summer plan and schedule so that they can make the best use of their time and enter the 12th grade with full preparation.

🔹 During the meeting, the director of the Compound also provided several instructions and encouragement to the students, with the aim of boosting their morale and maintaining their high standards.

"لە پشووی هاوینیشدا قوتابییانی پۆلی (١٢) لەبیر ناکەین"

🔹بەڕێوەبەر و سەرپەرشتیاری گشتی کۆمەڵگەی «بـــان»ـی ناحکومی، کۆبوونەوەیەکی تایبەتی لەگەڵ قوتابییانی پۆلی ١١ی زانستی (کە بەرەو پۆلی ١٢ هەنگاو دەنێن) ئەنجامدا.

🔹لەم کۆبوونەوەیەدا، بە وردی تیشک خرایە سەر چۆنیەتی خۆئامادەکردن بۆ ساڵی نوێی خوێندن. ئامانجی سەرەکی دیدارەکە، ئاشناکردنی قوتابییان بوو بە چۆنیەتی دانانی (پلان و بەرنامەی هاوینە) بۆ ئەوەی بتوانن بە باشترین شێوە سوود لە کاتەکانیان وەربگرن و بە ئامادەکارییەکی تەواوەوە بچنە نێو پۆلی دوازدەهەم.

🔹هەر لە دیدارەکەدا، بەڕێوەبەری کۆمەڵگە چەندین ڕێنمایی و هاندانی پێشکەش بە قوتابییان کرد، بە مەبەستی بەرزکردنەوەی ورەیان و بەردەوامبوونیان لەسەر ئاستە بەرزەکەیان.


‎

بەناوی خوای گەورە و میهرەبان

بەبۆنەی جەژنی قوربانی پیرۆزەوە کە جەژنی قوربانی پڕ شکۆیە،گەرمترین پیرۆزبایی ئاراستەی سەرجەم مامۆستایان و فەرمانبەرانی دڵسۆز، قوتابییە بەتوانا و داهاتووسازەکانمان، و خانەوادە بەڕێزەکانیان، هەروەها گشت موسڵمانانی جیهان دەکەم، جەژنی قوربان، تەنها پشوویەک نییە، بەڵکو هێمایەکە بۆ قوربانیدان لە پێناو بەها باڵاکان، بۆ نوێکردنەوەی پەیمان لەسەر یەکڕیزی و هاوکاری، با ئەم جەژنە ببێتە سەرەتایەکی نوێ بۆ هەنگاونانی گەورەتر و بەدەستهێنانی دەستکەوتی زیاتر لە بوارەکانی زانست و ژیاندا.داواکارم لە خوای گەورە کە ئەم جەژنە بکاتە مایەی خێر و خۆشی و ئارامی بۆ هەمووان، دووبارە جەژنتان پیرۆز بێت و هەمیشە لە پێشەنگی سەرکەوتنەکاندا بن.لەگەڵ ڕێزی بێ پایانمان.

بەڕێوەبەری ئامادەیی
نرمین احمد مصطفی
بەرواری٢٠٢٥/٥/٢٦


‎

English\ كوردی

🔹 Today, Wednesday, May 13, 2026, the supervisor and superintendent, Mr. (Khalid Rahim), visited our High school.

🔹 He closely followed the process of the final exams for the second semester and inspected the examination halls.

🔹 In addition to expressing gratitude and appreciation for the efforts of the school administrative staff and the examination committee regarding the level of preparations, he ultimately provided several instructions and recommendations for the further improvement of the school.

🔹 ئەمڕۆ چوارشەممە، ڕێككەوتی ١٣ـی ٥ـی ٢٠٢٦ سەرپەرشتیار و هاوڕێی ڕەخنەگر بەڕێز «م. خالید رەحیم» سەردانی ئامادەییەکەمانی كرد.

🔹لە نزیکەوە بەدواداچوونیان بۆ پڕۆسەی تاقیکردنەوەکانی کۆتایی وەرزی دووەم ئەنجامدا و هۆڵەکانی تاقیکردنەوەیان بەسەرکردەوە.

🔹وێڕایی دەستخۆشی و نرخاندنی هەوڵەکانی ستافی کارگێڕی قوتابخانە و لێژنەی تاقیکردنەوەکان ئاست و ئامادەسازییەکانی قوتابخانە بۆ تاقیکردنەوەکان، لەکۆتاییدا لە پێناو بەرەو پێشچوونی زیاتری قوتابخانە، چەند ڕێنمایی و ڕاسپاردەیەکیان پێشکەشکرد.


‎

"لە پشتەوەی هەر سەرکەوتنێک، تیمێکی دڵسۆز و کارامە وەستاوە"

بەڕێز بەڕێوەبەری ئامادەیی «بــان»ـی ناحکومی، وەک وەفایەک بۆ هەوڵە بێوچانەکانیان، ڕێزلێنانی بەخشییە یاریدەدەرانی قوتابخانەکەمان. هیوای سەرکەوتنی بەردەوامیان بۆ دەخوازین، هەمیشە لە پێشەنگی بمێننەوە.


‎

English\ كوردی

"The Shining Stars of February at (Ban) High School"

As part of (Ban) High School's strategic projects to encourage and further develop student potential, exemplary students from all grade levels were selected as "Stars of the Month." They were honored with certificates of appreciation and various unique gifts.

"ئەستێرە درەوشاوەکانی مانگی (٢)ـی ئامادەیی «بــان»"

لە درێژەی پڕۆژە ستراتیژییەکانی ئامادەیی «بـــان» بۆ هاندان و گەشەپێدانی زیاتری توانای قوتابییان، قوتابییە نموونەیییەکانی سەرجەم قۆناغەکانی خوێندن وەک (ئەستێرەی مانگ) هەڵبژێردران، بە بڕواننامەی ڕێزلێنان و دیاری ناوازە و جۆراوجۆر خەڵات کران.


‎

English\ كوردی

"Education is the lamp on the path of science"

🔹At (Ban) High School, we always strive for students to be both pioneers in science and exemplary models in education.

🔹We held an educational and knowledge-sharing seminar for our students under the title (High Morals).

"پەروەردە، چرای ڕێگەی زانستە"

🔹لە ئامادەیی «بــان» هەمیشە هەوڵدەدەین قوتابییان هەم لە زانستدا پێشەنگ بن و هەم لە پەروەردەدا نموونەی باڵا بن.

🔹کۆڕێکی زانیاری و پەروەردەییمان بۆ قوتابییانمان ئەنجامدا لەژێر ناونیشانی (ڕەوشتی بەرز).


‎

English\ كوردی

On Tuesday, April 14, 2026, Mr. (Khalid Ibrahim), supervisor and critical friend of (Ban) High School, visited us. He followed up on all school procedures from various perspectives and dimensions. In addition to expressing his appreciation for the efforts of our institution, he provided several instructions and recommendations at the end to further the progress of our school.

ڕۆژی سێشەممە، ڕێككەوتی ١٤ـی ٤ـی ٢٠٢٦ بەڕێز م.(خالید ابراهیم) سەرپەرشتیار و هاوڕێی ڕەخنەگری ئامادەیی «بــان» سەردانی كردین، لە نزیکەوە و لە گۆشە و ڕەهەندی جیا جیاوە بە دواداچوونیان بۆ تەواوی ڕێکارەکانی قوتابخانە کرد. وێڕایی دەستخۆشی و نرخاندنی هەوڵەکانی دامەزراوەکەمان، لە کۆتاییدا لە پێناو بەرەوپێشچوونی زیاتری ئامادەییەکەمان، چەند ڕێنمایی و ڕاسپاردەیەکیان پێشکەش کردین.


‎