وتەی جوان

26/04/2026

لە کڵێسادا بەدوایدا دەگەڕام بەڵام نەمدۆزییەوە....

لوکاس گەنجێکی خەڵکی ئەڵمانیایە، دەڵێت من بە تەواوەتی دڵنیا بوومەوە کە ئیسلام ئایینی ڕاستەقینەیە.
کاتێک لەگەڵ قەشەدا خەریکی گفتوگۆیەک بووم، بۆم دەرکەوت کە ئەو خۆی قەناعەتی بەو بڕوایە نییە کە ئایینی مەسیحی ڕاستییە و لەکاتێکدا سێ خوا دەپەرستن.
دەڵێت: "لەکاتی سوجدەبردندا، هەستم بە ئارامی و بەختەوەری دەکرد. شتێک کە لە کڵێسادا بەدوایدا دەگەڕام بەڵام نەمتوانی بیدۆزمەوە."
مرۆڤ لە کاتی خوێندنەوەی قورئاندا هەست بە دڵنیاییەکی ڕەها دەکات.
مەسیحییەکان زۆربەی جارەکان تەنها وەک بابەتی چوونە کڵێسا لە ڕۆژانی یەکشەممەدا سەیری ئایینی مەسیحی دەکەن، دوای ئەوە مرۆڤ هەموو شتێک لەبارەی ئایینەکەوە لەبیر دەکات؛ لە کاتێکدا ئیسلام شێوازێکی ژیانی تەواوەتییە کە یاوەری مرۆڤە لە هەموو لایەنەکانی بوونی خۆیدا- تەنانەت لە شێوازی خەوتن و خواردنیشیدا.

30/03/2026

🎉 I earned the emerging talent badge this week, recognizing me for creating engaging content that sparks an interest among my fans!

27/03/2026

13/03/2026

💎 بەهادارترین سەرمایە لە سەردەمی فیتنەدا

عَنْ أَبِى سَعِيدٍ الْخُدْرِيِّ (ڕەزای خوای لێبێت) دەفەرموێت: پێغەمبەری خوا ﷺ فەرموویەتی:

«یُوشِکُ أَنْ یَکُونَ خَیْرَ مَالِ الْمُسْلِمِ غَنَمٌ یَتْبَعُ بِهَا شَعَفَ الْجِبَالِ وَمَوَاقِعَ الْقَطْرِ ، یَفِرُّ بِدِینِهِ مِنَ الْفِتَن» (رواه البخاري)

واتای فەرموودەکە:
«خەریکە باشترین سامانی مسوڵمان چەند سەر مەرێك بێت، بیبات بۆ لووتکەی چیاکان و شوێنی باران، تا بە ئایینەکەیەوە لە فیتنەکان ڕابکات.»

🛡️ چۆن ئایینەکەت دەپارێزیت؟
ئەم فەرموودەیە ئاماژە بە سەردەمێک دەکات کە تاقیکردنەوە و فیتنەکان ئەوەندە زۆر و تێکەڵ دەبن، مرۆڤی بڕوادار دەترسێت کاریگەرییان لەسەر بیروباوەڕ و ڕەوشتی هەبێت.

گرنگترین وانەکانی ئەم فەرموودەیە:

👤 گۆشەگیریی ئەرێنی (العزلة): کاتێک کۆمەڵگە نوقمی ئاژاوەیەک دەبێت کە چارەسەر ناکرێت، هەندێک جار دوورکەوتنەوە دەبێتە پێویستییەک بۆ پاراستنی ئیمان.

🌿 ژیانی سادە: ئاماژەدان بە "چەند سەر مەڕێک" فێرمان دەکات کە سادەیی و دوورکەوتنەوە لە کێبڕکێی دونیا، مرۆڤ لە جەنجاڵی دەروونی ڕزگار دەکات.

🏔️ پەنابردن بۆ سروشت: "لووتکەی چیاکان" هێمایە بۆ پاکی و دوورکەوتنەوە لەو ژاوەژاوە فیکری و کۆمەڵایەتییەی کە لە ناو شارەکاندا ئیمانی مرۆڤ لاواز دەکەن.

⚖️ پێشخستنی باوەڕ: گەورەترین پەیام ئەوەیە کە ئایین بەهادارترین سامانی تۆیە. ئەگەر پێویست بوو هەموو ئاسوودەییەکەت بەجێبهێڵیت بۆ پاراستنی ئیمانت، سڵ مەکەرەوە.

✅ کورتەیەک بۆ ژیانمان:
لە جیهانێکدا کە پڕ بووە لە فیتنەی مۆدێرن و ئاژاوەی فیکری، دەبێت هەمیشە وریای ژینگەکەت بیت. ئەگەر دەوروبەرەکەت بووە هۆی سستبوونی ئیمانت، بە دوای ژینگەیەکی پاکدا بگەڕێ، چونکە هیچ شتێک هێندەی ناسینی خودا و پاراستنی ئیمان شایەنی قوربانیدان نییە.

06/10/2025

وتم: بۆ نوێژ ناکەی؟
وتی: دوعــام بۆ بکە خوا هیدایەتم بدات.
منیش وتم: دەی مەچۆ بۆ ئیش.
وتی: بۆچی؟
وتم: دوعات بۆ دەکەم خوا ڕزقت بدات!.

کاتێک کە بوویتە کۆیلەی نەفست و شوێن پێی شەیتانت هەڵگرتووە بە ویستی خۆت، بۆ لۆمەی خوا دەکەی کە هیدایەتی نەداویت، مەگەر نازانیت هیدایەت دوای گوێڕایەڵیە (وإن تطيعوه تهتدوا) گوێڕایەڵی بکە ئەوجا چاوەڕێی هیدایەت بکە.

26/03/2025

🔸ناڕەحەتیەکانت تەنها لای خوا باس بکە!

{إِنَّمَا أَشْكُو بَثِّي وَحُزْنِي إِلَى اللَّه} (یوسف ـ‌ ٨٦)
واتە: گلەیی و گازندە و سکاڵام تەنها بۆلای خودا ئەبەم.

گلەیی کردن لای خەڵک بەزەییت بۆ دەهێنێ،
گلەیی کردن لای خودا ڕەحمەتت بۆ دەهێنێ.

کەسی لاواز گلەیی خۆی بۆ کەسێکی لاوازی وەک خۆی نابات.

لاواز هانا بۆ بەهێز دەبات،
کەسیش لە خودا بەهێزتر نیە.
هەژار هانا بۆ دەوڵەمەند دەبات،
کەسیش لە خودا دەڵەمەند تر نیە.

لەبەردەم خودا بەتەواوی لاوازیت دەربخە
بگری ، گلەیی بکە ، بپاڕێوە
بەڵام لای خەڵک سەرت بەرز بکەوە.

23/03/2025

🔸تەنها لای خودا چاوەڕێی پاداشت بکە

{فَسَقَىٰ لَهُمَا ثُمَّ تَوَلَّىٰۤ إِلَى ٱلظِّلِّ} (القصص ـ ۲٤)
پێغەمەر موسا ئاوی بۆ دوو کچەکە هەڵێنجاو دواتر چووە سێبەری دارێک دانیشت.

چاوەڕێی دەست خۆشی مەکە بۆ ئەو چاکەیەی ئەیکەی،
و چاوەڕێی چەپڵە لێدانی خەڵک مەبە،
بەدڵێکی سپییەوە بژی.

ئەوەی پێویستی بە یارمەتی بوو یارمەتی بدە،
ئەوەی پێویستی بە دڵ دانەوە بوو دڵی بدەوە،
کەوتوویەک هەستێنەوە، لاوازێک سەربخە.

وا بکە کاری خێر وەکو هەناسەدان ئاسایی بێت لات،
کاتێک خێرت کرد یەکسەر چاوت لابە
با شکانی ئەو هەژارە نەبینی.

پێغەمبەر موسا چەند مەرد بوو کە یارمەتی دان و ڕۆشت!
خوداش پاداشتی کرد بە شتانێک کە لە وشەی سوپاس جوانتر بوو،
بیرت بێت تۆ مامەڵە لەگەڵ پەروەردگاری میهرەبان ئەکەی.