Kurdistan Universities Portal پۆرتاڵی زانکۆکانی کوردستان

#بەپەلە؛ 🚨
زانکۆیەک زەنگی خوێندنی لەناو زانکۆکان لێدایەوە و دەڵێت وەرنەوە دەوام

ئەو بڕيارەی سەرۆکايەتی زانكۆ نۆلج نارەزایی لای قوتابيان درووست كردووە و دەلين بايكۆت دەکەين زانكۆ تەنها بۆ ئەوەيەتی قست بدين و تاوەکو حكومەت بڕياری نەدەدات ناچينه زانكۆ

مەرج و رێنمایەکانی پرۆسەی پێشکەشکردن بۆ سکۆلارشیپی حکومەتی عێراق (HCED) بۆ ماستەر و دکتۆرا و ڕاهێنانی پزیشکی
وەزارەتی خوێندنی باڵای حکومەتی عێراق و هەرێم مەرج و رێنمایەکانی پرۆسەی پێشکەشکردن بۆ سکۆلارشیپی حکومەتی عێراق (HCED) بۆ ماستەر و دکتۆرا و ڕاهێنانی پزیشکی بڵاودەکاتەوە
ژمارەی سکۆلارشیپ بریتی دەبێت لە (٥)پێنج هەزار زەمالەی خوێندنی ماستەرو دكتۆرا و ڕاهێنانی پزیشکی لە زانکۆکانی دەرەوەی وڵات
‎تەقدیمات لە بەرواری (٢٠٢٥/٢/١ تاوەکو ٢٠٢٥/٣/١ )بۆ ماوەیەک مانگ بۆ سکۆلەرشیپ دەبیت
دانیشیوانی عێراق و هەرێمی کوردستان مافی تەقدیم کردنیان هەیە
به دواداچون بۆ سکۆلەرشیپ له ڕێگه ی ئیمه یڵی لیژنهکەوە دەبێت: [email protected]
بۆ زانیاری زیاتر سەردانی ئەم لینكە بكەن:
https://hced.ur.gov.iq/terms-and-conditions
ڕێنمایی و مەرجەکان بۆ پێشکەشکردنی داواکاری بۆ پرۆگرامی سکۆلەرشیپی خوێندنی باڵا لەعێراق بۆ ساڵی ٢٠٢٥ و زانیاری زیاتر دەتوانن لەم (PDF) یانەی خوارەوە بخوێنەوە

وەزارەتى خوێندنى باڵاو توێژینەوەى زانستى بەهاوکاری وەزارەتی تەندروستی/ بەڕێوەبەرایەتی گشتی تەندروستی هەڵەبجە، ستافی مامۆستایان بۆ کۆلێجی پزیشکی زانکۆی هەڵەبجە دابین دەکات، بەمەش هەنگاوەکانی جێبەجێکردنی کردنەوەی کۆلێجەکە لە ڕووی دابینکردنی توانا مرۆییەکان دێتەدی.

سێ خوێندکاری کورد لە پێشبڕکێیەکی تەکنۆلۆجیدا بۆ ئاستی جیهان سەرکەوتن
لە وڵاتی سعودیە پێشبڕکێی (ICT) لە ڕۆژهەڵاتی ناوەڕاست و ئاسیای ناوەڕاست بە هاوبەشی لەگەڵ پەیمانگای یونسکۆ بۆ تەکنەلۆجیای زانیاری لە پەروەردە (IITE) بەڕێوەچوو، تێیدا سێ خوێندکاری کورد لە زانکۆکانی کوردستان سەرکەوتن بەدەستدەهێنن.
هەریەک لە ڕەسوڵ لەتیف عەبدولڕەحمان، خوێندکاری بەشی زانستی کۆمپیوتەری کۆلێجی زانست لە زانکۆی گەرمیان، شکۆ مغديد ابراهيم لە زانکۆی کۆیە - بەشی ئەندازیاری پرۆگرامسازی، ڕەوەز منصور لە زانکۆی گەشەپێدانی مرۆیی بەشی تەکنەلۆژیای زانیاری، هەروەها سەرپەرشتیارەکەیان؛ م. لادێ سەردار عبدالرحمن لە زانکۆی کۆیە مامۆستا لە ئەندازیاری پرۆگرامسازی کۆیە، بەهاوبەشی لەگەڵ زیاتر لە (٣٠٠) هەزار فێرخواز لە (١٩) وڵاتی تایبەت بە ناوچەی ڕۆژهەڵاتی ناوەڕاست و وڵاتانی ئاسیای ناوەڕاست، لە شاری ڕیازی پایتەختی سعودیە بەشدارن لە مەراسیمی دابەشکردنی خەڵات بەسەر سەرکەوتوواندا.

ئاگادری دەرچووانی زانکۆکەمان دەکەین کەوا لەبەر چەند هۆیەکی تەکنیکی ئاهەنگی دەرچووانی زانکۆی هەولێری پزیشکی، بەیانی پێنج شەممە رێکەوتی ١٩-١٢-٢٠٢٤ دواخرا بۆ کاتێکی تر
بەرێوەبەری ڕاگەیاندنی زانکۆی هەولێری پزیشکی

ئاگاداریـەک لە وەزارەتى خوێنـدنى بـاڵا و تـوێژینەوەى زانسـتی ...
بەڕێوەبەرایەتى یەکسانکردنى بڕوانامەکان لە وەزارەتى خوێندنى باڵا و توێژینەوەى زانستى ئاگاداری ئەو هاوڵاتیانە دەکاتەوە کە مامەڵەى یەکسانکردنى بڕوانامەو پێدانەوەى بڕیارى یەکسانکردنى بڕوانامەیان هەیە، بەهۆى داخستنى ژمێریارى دارایی کۆتایی ساڵ و ڕاگرتنى وەرگرتنى رسوماتى خزمەتگوزارییە حکومییەکان، لە ڕۆژى یەکشممە ڕێکەوتى (2024/12/22) تاوکو رۆژى یەکشەممە ڕێکەوتى (2025/1/5) مامەڵەى یەکسانکردنى بروانامەو پێدانەوەى بڕیارى یەکسانکردنى بڕوانامە دەوەستێت، لەو کاتەدا تەنها نوسراوى سمینار و وەڵامدانەوەى نوسراوى دامودەزگاکانى دیکە ڕای دەکرێت.

بەرز راگرتنی رۆژی ئالا لە زانکۆی نێودەولەتی بەریتانی

وەزارەتی خوێندنی باڵا و توێژینەوەی زانستی بۆ سەرجەم زانکۆ حکومییەکان: هەر بەشێک لە قۆناغی یەکەم لە (١٠) قوتابی/خوێندکاری کەمتربێت، نابێت دەوام لەوبەشە دەست پێبکات
وەزارەتی خوێندنی باڵا و توێژینەوەی زانستی بە گشتاندنی ژمارە (٢٥٨١١) لەبەرواری (٢٠٢٤/١٢/١٥) کە ئاراستەی سەرجەم زانکۆ حکومییەکانی کردووە سەبارەت بە رێژەی قوتابی/خوێندکار لە بەشەکانی قۆناغی یەکەم بۆ خوێندنی (دبلۆم و بەکالۆریۆس) دەڵێت : هەر بەشێک لە قۆناغی یەکەم لە (١٠) قوتابی/خوێندکاری کەمتربێت نابێت (تازە وەرگیراوەکان لەگەڵ ئەوانەی بەهەر هۆکارێک لە قۆناغی یەکەم ماونەوە)دەوام لەوبەشە دەست پێبکات
واتا بۆ ئەمساڵی خوێندن لە هەر زانکۆیەکی حکومی لە خوێندنی ئێواران و بەیانیان بۆ (دبلۆم و بەکالۆریۆس) هەر بەشێک لە قۆناغی یەکەم لە (١٠) قوتابی/خوێندکاری کەمتربێت نابێت دەوام لەوبەشە دەست پێبکات و (٢ ) رێگە چارەسەری خستۆتە روو:-
یەکەم/پێویستە ساڵی خوێندنیان دوابخرێت واتا ئەمساڵ نابیت لەو بەشە خوێندن دەست پێبکات
دووەم/زانکۆکان ناوی قوتابی/خوێندکارەکان بەرزبکەنەوە بۆ وەزارەتی خوێندنی باڵا و توێژینەوەی زانستی بەمەبەستی بەش گۆرین بەپێی کەمترین کۆنمرەی وەرگیراو
دوای رەزامەندی بەڕێز د.ئارام محمد وەزیری خوێندنی باڵا و توێژینەوەی زانستی رێژەکە لە (١٥) خوێندکار کەم کرایەوە بۆ (١٠) قوتابی/خوێندکار چونکە بەپێی گشتاندنەکانی پێشوو تری وەزارەتی خوێندنی باڵا کە لەنو نوسراوەکە ئاماژەیان پێدراوە بۆ هەر بەشێک مەرج بوو لە (١٥) قوتابی /خوێندکار کەمتر نەبێت بەڵام دوای رەزامەندی بەڕێز د.ئارام محمد وەزیری خوێندنی باڵا و توێژینەوەی زانستی رێژەکە لە (١٥) قوتابی/خوێندکار کەم کرایەوە بۆ (١٠) قوتابی/خوێندکار.

بەهۆى پشوەکانى سەرى ساڵ، وەزیرى خوێندنى باڵا بڕیارێکى گرنگ بۆ خوێندکاران/ قوتابیانى دەرەوەى وڵات دەردەکات
بەهۆى نزیکبونەوەى پشوەکانى سەرى ساڵى نوێ و لەبەر چاوگرتنى بارودۆخى ئەو خوێندکار/ قوتابیانەى لە دەرەوەى وڵات دەخوێنن، د. ئارام محمد قادر وەزیرى خوێندنى باڵا و توێژینەوەى زانستى بڕیاریدا بە؛ ڕێگەپێدان بە قوتابى/ خوێندکارانى دەرەوەی وڵات بەمەبەستى گەڕانەوە بۆ هەرێمی کوردستان لە ڕێکەوتى (2024/12/20) تاکو (2025/1/5) بۆ ماوەی شانزە رۆژ، ئەو ماوەیەى لە شارەکانى هەرێمى کوردستان بەسەرى دەبەن بە ماوەی مانەوە بۆیان هەژمار دەکرێت

ئەمڕۆ ڕێکەوتی ١٧ی١٢ی٢٠٢٤ ڕۆژی سێ شەممە بە ئامادەبوونی سەرۆکی دەستەی ئەمینداران و سەرۆکایەتی زانکۆی لۆبنانی فەرەنسی و ڕاگر و سەرۆک بەشەکان و مامۆستایان و فەرمانبەران و قوتابیانی زانکۆ، و بەڕێز (بڵند اسماعیل) بەرپرسی لقی دووی پارتی دیموکراتی کوردستان و شاندی یاوەری و بەڕێز (کەنعان خەیلانی) لەمەراسیمێکی شایستەدا ڕۆژی ئاڵای کوردستان بەرزڕاگیراو تێیدا چەندین چالاکی جۆراو جۆر پێشکەش کران.

وەزارەتى خوێندنى باڵا؛ ئەنجامى وەرگرتنى خوێندکاران و قوتابیان لە زانکۆ و پەیمانگە تایبەتەکان ڕاگەیەنرا
وەزارەتى خوێندنى باڵاو توێژینەوەى زانستى ئەنجامى وەرگرتنى دەرچوانى دوانزەى ئامادەیى لە زانکۆ و پەیمانگە تایبەتەکانى هەرێمی کوردستان بۆ ساڵی خوێندنی (2024- 2025) رادەگەیەنێت و لە ئێستاوە پێشکەشکاران دەتوانن لەڕێگەى لینکى (mhe-privatestudy.com) ئەنجامەکانیان وەربگرنەوە.
ڕاگەیاندنى ئەنجامى وەرگرتنى قوتابیان/ خوێندکاران لە زانکۆ و پەیمانگە تایبەتەکانى هەرێمی کوردستان هاوکاتە لەگەڵ بڕیارى وەزارەتى خوێندنى باڵا وتوێژینەوەى زانستى تایبەت بە کەمکردنەوەى کرێى خوێندن لە زانکۆ و پەیمانگە تایبەتەکانى هەرێمی کوردستان کە ساڵانە بەڕێژەى (10 بۆ 20%) کەمدەکرێتەوە، ئەمەش لەپێناو لەبەر چاوگرتنى بارى دارایى هاوڵاتیانى هەرێمى کوردستان.
پێشکەشکارانى زانکۆ و پەیمانگە تایبەتەکان لە هەرێمى کوردستان لە ئێستاوە دەتوانن لەڕێگەى لینکى (mhe-privatestudy.com) ئەنجامى وەرگرتنیان لە زانکۆ و پەیمانگەکان بە کۆدى تاقیکردنەوەکانیان وەربگرنەوە، هەروەها پێویستە وەرگیراوان لەماوەى سێ ڕۆژدا پەیوەندى بە شوێنى وەرگرتنیان بکەن، ئەگینا بە پێچەوانەوە مافى وەرگرتنیان لەو بەشە نامێنێت.