قوتابخانەى ئاریا qutabxanay arya

17/08/2026

♥️🌺 سوپاس پێزانین 🌺♥️
بە ناوی دەستەی کارگێڕی و سەرجەم مامۆستایان و قوتابیانەوە ، سوپاس و پێزانین ئاڕاستەی بەخێوکارێکی بەڕێز دەکەین ، کە حەزی نەکرد ناوی بڵاو بکرێتەوە ، لە پای کڕینی سپلێتێکی عمودی بۆ هۆڵی قوتابخانەکەمان ، خوای گەورە ڕزقی زیاد بکات و تەمەن درێژ و لەش ساغ بێت .
کارگێڕی قوتابخانەی ئاریا
٢٠٢٦/٨/١٧

03/08/2026

🌺🌺 سوپاس و پێزانین 🌺🌺
بەناوی دەستەی کارگێڕی و سەرجەم مامۆستایان و قوتابیانی قوتابخانەکەمان ، سوپاس و پێزانینی زۆرمان ئاڕاستەی بەڕێز ( سەرباز عمر قەرەنگوێی ) ، باوکی هەردوو قوتابی ( نازیار و نسێ ) دەکەین ، لە پای کڕینی سپلێتێکی عمودی بۆ هۆڵی قوتابخانەکەمان ، خوای گەورە بەرەکەت بخاتە ماڵ و تەمەنی و ببێتە خێرێکی نەبڕاوە بۆ خۆی و ماڵ و مناڵی.
کارگێری قوتابخانەی ئاریا
٢٠٢٦/٨/٣

27/07/2026

🌺🌺 لۆگۆی تازەی قوتابخانەکەمان 🌺🌺

زۆر سوپاس بۆ :
مامۆستا فرمان حسێن ، باوکی قوتابی ( ڤاریا فرمان ) ئەرکی زۆری کێشا لە دیزاین کردنی لۆگۆ تازەکەمان ، خوای گەورە تەمەن درێژی بکات و هەمیشە دەست ڕەنگین بێت.

21/07/2026

🌺🌺 گواستنەوەی قوتابیانی پۆلی شەشەم 🌺🌺
ئاگاداری بەخێوکارانی قوتابیانی دەرچووی پۆلی شەشەمی قوتابخانەکەمان دەکەین ، ڕۆژانی یەک شەممە و چوار شەممە سەردانی ئەو قوتابخانەیە بکەن کە قوتابیەکەیانی بۆ دەگوازنەوە بۆ پۆلی حەوتەم ، نوسراوی لاری نەبوونمان بۆ بێنن ، بۆ ئەوەی قوتابیەکەیان بۆ بگوازینەوە.
لەگەڵ ڕێزدا....

16/07/2026

چەند ڕونکردنەوەیەکی پێویست سەبارەت بە جل و بەرگی قوتابیان بۆ ساڵی تازەی خوێندن ٢٠٢٦-٢٠٢٧
١/بە بڕیاری وەزارەتی پەروەردە ، جل و بەرگی قوتابیانی قۆناغی بنەڕەتی ( ١ بۆ ٦ ) ، بەو شێوەیەیە کە لە وێنەکەدا دیارە:
بۆ کوڕ / تیشێرتی مارۆنی و پانتۆڵی نیلی .
بۆ کچ / تیشێرتی مارۆنی و تەنورە یان پانتۆڵی نیلی .
٢ / پێویستە لانی کەم لەسەر تیشێرتەکە لۆگۆی وەزارەتی پەروەردەی حکومەتی هەرێمی کوردستانی لەسەر بێت.
٣ / بەخێوکاری بەڕێز. .. تکایە پەلە مەکە لە کڕینی جل و بەرگ بۆ منداڵەکەت تا نزیکی دەوام ، چونکە بۆ ئەمساڵ کۆمەڵێک بازرگان و کۆمپانیا جلی قوتابیان ئامادە دەکەن بەپێی ئەو پێوەرانەی وەزارەتی پەروەردە دیاری کردووە ، بۆیە جۆرێک لە کێبڕکێ دروست دەبێت لە نێوان بازرگانان لەڕووی کوالێتی و نرخەوە ، ئەو کات جلێکی کوالێتی باش دەست دەکەوێت بە نرخێکی هەرزان تر.

10/07/2026

06/07/2026

🌺🌺 بۆ سەرجەم قوتابیانی خۆشەویستی قوتابخانەکەمان 🌺🌺
هەر قوتابیەک لە پۆلەکانی ( ٤ و ٥ و ٦ ) ئارەزوومەندە بەشداری بکات لە خولی هونەری ، سەردانی قوتابخانەی سەرچەمی بنەڕەتی بکات بۆ ناونوسین و زانیاری لەسەر خولەکە.

30/06/2026

🌺🌺 ئەنجامی خولی دووەم 🌺🌺
ئاگاداری قوتابیانی ماوەی خولی دووەم دەکەینەوە ، لە ئێستاوە دەتوانن لە ڕێگای ئەپلیکەیشنی ( ئی - هەڵسەنگاندن ) ئەنجامی خولی دووەم وەربگرنەوە .
هەر قوتابیەک کێشەی هەبوو ، لە ڕێگەی ئەپلیکەیشنەکەوە نەیتوانی ئەنجام وەربگرێتەوە ، ڕۆژی پێنج شەممە ، ڕێکەوتی ( ٢٠٢٦/٧/٢) کاتژمێر ٩ بۆ ١١ سەردانی قوتابخانە بکات بۆ وەرگرتنی ئەنجامەکەی.