سەنتەرێ ڤەکولینێن جینوسایدێ - Center for Genocide Studies

02/08/2026

د سالڤەگەرا (١٢)ـێ یا جینۆسایدا ئێزدیان دا، هەڤخەمی وهەڤسۆزیا خۆ بۆ قوربانیێن ڤێ کارەساتا دلتەزین دیاردکەین، وڤێ تاوانا دڕندانە شەرمزاردکەین.

ئەڤرۆ دوازدە سال ب سەر ئێک ژ هۆڤانەترین سیاسەتێن دژی مرۆڤایەتیێ دا دەرباز دبن. ل ٣ـی تەباخا ٢٠١٤ـێ، د چەندین هێرشێن هۆڤانە دا بۆ سەر دەڤەرێن شنگالێ و خەلکێ ئێزدی، ب هزاران کەسێن بێگۆنەھـ ژ ژن و زارۆک و زەلامان هاتنە گرتن و کوشتن و ئێخسیرکرن کو هەتا نوکە ژی چارەنڤێسێ پتریا وان دیار نینە.
سەنتەرێ ڤەکۆلینێن جینۆسایدێ ل زانکۆیا دهۆک، وەک ناڤەندەکا زانستی، کارکرن ل سەر دۆکیۆمێنتکرن و ناساندنا ناڤدەولەتی یا کەیسێن جینۆسایدا گەلێ کوردستانێ وەک ئەرکەکێ سەرەکی دبینیت. هەروەسا پشتەڤانییا خۆ یا بەردەوام بۆ مافێن قوربانیان و کەسوکارێن وان دوپات دکەت، و جەختێ ل سەر سزادانا بکەرێن ڤان تاوانان و قەرەبۆکرنا ماددی و مەعنەوی یا زیانڤێکەڤتیان دکەت، پێخەمەت رێگریکرنێ ل دووبارەبوونا هەر کارەساتەکا ب ڤی شێوەی د پاشەڕۆژێ دا.

سەنتەرێ ڤەکۆلینێن جینۆسایدێ
زانکۆیا دهۆک
٣ـی تەباخێ ٢٠٢٦

31/07/2026

ئەڤرۆ ٤٣ سال ب سەر برینا کویرا جینۆسایدا بارزانییان دا دەرباز دبن. ل ٣١ێ تیرمەها ١٩٨٣ـێ، ٨٠٠٠ مرۆڤێن بێ گۆنەهـ بوونە قوربانییێن دڕندەییا رژێما بەعس. سلاڤ ل گیانێ وان یێ پاک بن، بیرەوەرییا وان د دلێ مە دا هەردەم زیندیە.
سەنتەرێ ڤەکۆلینێن جینۆسایدێ
زانکۆیا دهۆک

31/07/2026

ب هەلکەفتا (43)مین سالیادا جینۆسایدا بارزانیان، سەنتەرێ ڤەکۆلینێن جینۆسایدێ ل زانکویا دهۆك سەرەخوشیێن خو ئاراستەی مالباتێن شەهید و قوربانیان و تەڤاهیا خەلکێ کوردستانێ دکەت.

جینوسایدا بارزانیان ل سالا 1983ێ دهێتە هژمارتن ئێك ژ درندانەترین سیاسەتێن رژێما ژناڤچوویا بەعس هەمبەری گەلێ کورد ب گشتی و بارزانیان ب تایبەتی. د ڤێ تاوانا دژی مروڤایەتیێ دا پتر ژ 8000 هزار خەلکێ بێتاوان، تنێ ژبەر ناسناما نەتەوەیی و سیاسی هاتنە جینوسایدکرن و بێسەروشوین کرن.

سەنتەرێ ڤەکولینێن جینۆسایدێ وەك ناڤەندەکا زانستی تەکەزێ لسەر خزمەتکرنا کەسوکارێن قوربانیان دکەت و دیسان جەختێ لسەر وێ چەندێ دکەت کۆ دڤێت مافێ قوربانیان نەهێتە بەرزەکرن و تاوانبار بگەهنە سزایێ خو یێ دادپەروەرانە.

04/07/2026

بەلاڤبوونا ڤەکولینێن پێنجەمین کونفرانسێ زانستیێ ناڤدەولەتیێ جینوسایدا گەلێ کورد کو هاتبوو گێران ل هولا کونفرانسان ل زانکویا دهوک ل ئوکتوبەرا ٢.٢٥

19/05/2026

سەنتەرێ ڤەکۆلینێن جینۆسایدێ سەرەدانەکا زانستی بۆ ”کەلها نزارکێ“ ڕێکخست

ب مەرەما بلندکرنا ئاستێ هۆشیاریێ ل دەف گەنجان و وەک گرنگیدان ب دۆسیەیا ئەنفال و جینۆسایدا گەلێ کوردستانێ، ئەڤرۆ ڕۆژا سێشەمبی، ڕێکەڤتی ١٩ـی گۆلانا ٢٠٢٦ـێ، سەنتەرێ ڤەکۆلینێن جینۆسایدێ ل زانکۆیا دهۆک، ب سەرپەرشتیا د. ئدریس موسی محەمەد ، ڕێڤەبەرێ سەنتەری، سەرەدانەکا مەیدانی و زانستی بۆ هژمارەکا گەنجان بۆ "کەلها نزارکێ" ڕێکخست.

د ڤێ سەرەدانێ دا، زێدەتر تیشک خستە سەر لایەنێن گرنگ یێن ئەنفالا هەشتان (ئەنفالا بادینان) و ئەو ئازار و نەهامەتیێن خەلکێ دەڤەرێ د سەردەمێ ڕژێما بەعس دا ل ڤێ کەلهێ دیتبوون، کو وەک سیمبولەکا بەرخودانێ هاتە گۆتووبێژکرن.

پشتی گەریانەکێ د ناڤا کەلها نزارکێ دا، سەرپەرشت و بەشداربوویان تەکەزی لسەر رولێ “پێکڤەژیانێ، ئێکدوو قەبولکرنێ و رێزگرتنێ“وەك فاکتەرێن گرنگ د رێگریکرن ل دوبارەبوونا کومەلکوژی و هەر تاوانەکا دیتر دا بەرز نرخاند و دوپاتی لسەر هەولێن هەمەلایەنە بۆ بەرقەرارکرنا ئاشتی و ئارامیێ.

بۆ دیتنا دیمەنێن گەشتێ لینکێ ل خوارێ کلیک بکە:

https://photos.app.goo.gl/whCaiZmXen2uaWh8A

ڕاگەهاندنا زانکۆیا دهۆک؛ ١٩ـی گۆلانا ٢٠٢٦
حسێن تتمی
فۆتۆ؛ عەلی بانکی

30/04/2026

16/03/2026

24/02/2026

بەردەوامیدان ب چالاکیێت ساخکرنا بیرەوەریا دەستپێکرنا ئەنفالان، سەنتەرێ ڤەکولینێن جینوسایدێ دگەل کومەکا قوتابیان سەرەدانا کەلها نزارکێ دکەن ل باژێرێ دهوکێ. د سەرەدانێ سمینارەک دهێتە پێشکێشکرن لسەر تاوانێن ئەنفالێ و تورەک دهێتە ئەنجامدان د ناڤا کەلهێ دا.