Technical College Of Duhok

12/10/2026

برێڤەچوونا پڕۆسەیا خۆ تومارکرنا قوتابيێن تازە هاتینە وەرگرتن ل کولیژا تەکنیکی دهوك یا بەردەوامە،
دهیتە زانین کۆ کولیژا تەکنیکی دهوك سەر ب زانکۆیا پولیتەکنیکی یا دهوك ڤەیە و ژ چار(4) پشکێن زانستی و پزیشکی پێك دهێت

✍️ راگەهاندنا کۆلیژا تەکنیکی دهوك

08/10/2026

پێدڤیێن تۆمارکرنێ (المستمسكات)

​باوره‌رناما شه‌شێ ئاماده‌یی (مصدیق کری ژ لایێ په ڕوه‌رده‌یی ڤه).

​کۆپیه‌ك ڕه‌نگاوڕه‌نگ ژ کارتا نیشتمانی (البطاقة الوطنية).

​کۆپیه‌ك ڕه‌نگاوڕه‌نگ ژ کارتا زانیاری (بطاقة معلومات).

​کۆپیه‌ك ڕه‌نگاوڕه‌نگ ژ کارتا ئاهێن خوارنێ (بطاقة التموينية).

​(8) وێنه‌یێن كه‌سی یێن ڕه‌نگاوڕه‌نگ.

​ژمارا موبایلا یا تایبه‌ت (075******) و ئیمه‌یله‌كێ (email) ڤه‌كری هه‌بێت.

​دانا گوژمێ (50,000) دیناران (بۆ قوتابییێن زانكۆلاین).

​دانا قستێ (ئێكێ) بۆ خوێندنا (پارالیل) وەکو دیار د لیستێ دا بۆ زانین پشکاAI دێ 500,000 هزار بن.

​هه‌بوونا كۆدێ UPN یێ قوتابی یان ژی كۆدێ سه‌ر مۆڵه‌تا شۆفێریێ يا نوى.

​🏫 بۆ قوتابییێن به‌شێ ناڤخۆیی (أقسام الداخلية)

​قوتابییێن زانكۆلاین: 50 هزار دینار وه‌كو تأمينات.

​قوتابییێن پارالیل: 50 هزار دینار وه‌كو تأمينات، دگه‌ل 165,000 هزار دینار بۆ گرتنا به‌شێ ناوخۆیی.

​📌 تێبینییا گرنگ

​خۆ تۆمارکرن ل روژا ئێک شەمبی 11/10/2026 تا پێنج شەمبی 15/10/2026 دێ ل هۆلا باله‌خانه‌یا کۆلیژێ بیت، ژ ده‌مژمێر 9ی سپێدێ تا 1ی نیڤرۆ.

01/10/2026

﷽
(وَبَشِّرِ الصَّابِرِينَ ۝ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ ۝ أُوْلَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُوْلَئِكَ هُمُ الْمُهْتَدُونَ)

دڵگران و غەمبار بوین ب بیهستنا نووچەیێ گیان ژ دەستدانا خودێ ژێ رازی (حسن قادر شعبان) بابێ فەرمانبەرا کولیژێ ل پشکا (IT)(جوان حسن )
ل رێکەفتی1/10/2026 چوویە بەر دلۆڤانیا خودایێ مەزن.

إنا لله وإنا إليه راجعون

راگری يا کوليژا تەکنيکی دهوك

28/09/2026

27/09/2026

جڤاتا کۆليژا تەکنيکی دهۆک کومبوونا خۆ يا ئاسايی ساز کر و چەندين تەوەرێن گرنگ گەنگەشە کرن

​ل نڤيسينگەها راگرایا کۆليژا تەکنيکی دهۆک، جڤاتا کۆليژێ ب سەرۆکاتيا پ.هـ. د. ضياء مص مصطفى، راگرێ کۆليژێ، و ب ئامادەبوونا پ.هـ. د. هەڤال طارق، هاريكارێ راگری، دگەل سەرجەم سەرۆک پشکێن زانستی کۆمبوونەکا بەرفرەھ ساز کر.

​ل دەستپێکا کۆمبوونێ، راگرێ کۆليژێ دەستخۆشی ل سەرجەم مامۆستا و ستافێ ئه‌كاديمي كر بۆ بزاڤ و ماندیبوونا وان يێن بەردەوام د بڕێڤەبرنا پڕۆسەيا خاندنێ دا ب سەرکەفتيانە.

​پاشان د کۆمبوونێ دا تیشک ل سەر چەندين تەوەرێن ستراتيجی و کارگێڕی هاتە کرن، ژ وان ژی:

​رێکخستنا هۆل و لابۆران: دانانا پلانا دابەشکرنا هۆلێن خوێندنێ و لابۆرێن زانستی بۆ هەمی پشکان ب ئاوايەکێ بڕێک‌وپێک.

​گەشتێن زانستی: بەحسکرنا ئامادەکارييان بۆ سازکرنا گەشتێن زانستی و مەيدانی بۆ قوتابيێن هەمی پشکان.

​بلندکرنا ئاستێ زانستی: بەحث ل سەر پێگەهاندنا قوتابيان و بلندرکرنا ئاستێ وان ئه‌كاديمي و پراکتيکی هاتە کرن.

​وەرگرتنا قوتابيێن نوو: پێکهێنانا ليژنەکا تايبەت و بڕێک‌وپێک ل هۆبا تۆمارا کۆليژێ، ب مەبەستا پێشوازیکرن و بڕێڤەبرنا کارۆبارێن وەرگرتنا قوتابيێن نوو.

​دھێتە زانين کو کۆليژا تەکنيکی دهۆک ژ چار پشکێن زانستی يێن سەرەکی پێک دھیت چوارچۆڤێ زانکۆيا پوليتەکنيکی دهۆک دا، ئەو ژی: (تەکنەلۆجيا زانياری، تەکنەلۆجيا چێکرنا ددانا، بەرهەمهێنان و تەکنەلۆجيا خوراکی، و پشکا ژيرەکيا دەستکرد).

​راگەهاندنا کۆليژا تەکنيکی دهۆک

✍️ بەهزاد مەجيد

25/09/2026

دەستکەفتەکێ مەزن

زانکۆیا پۆلیتەکنیک دهۆک د ڕێزبەندیا جیهانی یا (UI GreenMetric) دا پلەیێن پێشەنگ ب دەستڤە ئینان

​د دەستکەفتەکێ گرنگ و بێوێنە دا، زانکۆیا پۆلیتەکنیکی دهۆک (DPU) شیا پلەیێن بەرز د ڕێزبەندیا زانکۆیێن بەردەوام یا (UI GreenMetric) بۆ سالا 2026 دا ب دەستڤە بینت.

​لدویف ئەنجامێن ڕێزبەندیێ، زانکۆیا پۆلیتەکنیک دهۆک شیایە ئەڤان پلەیان مسۆگەر بکەت:
​ڕێزا سێیێ (🥉): ل سەر ئاستێ زانکۆیێن حکومی ل هەرێما کوردستانێ.
​ڕێزا ئێکێ (🥇): ل سەر ئاستێ زانکۆیێن پارێزگەها دهۆکێ.

​ئەنجامێن ڤێ ڕێزبەندیێ دوهی ئێڤاری ب فەرمی هاتنە ڕاگەهاندن، د ڕێورەسمێن تایبەت دا کو ل زانکۆیا دەولەتێ یا نەفت و پیشەسازی یا ئازەربایجانێ (ASOIU) Azerbaijan State Oil and Industry University ل باژێرێ باکۆ هاتبوونە ڕێکخستن.

​گرنگیا ڤی دەستکەفتی د وێ چەندێ دایە کو سالا 2026 ئێکەم سالە زانکۆیا پۆلیتەکنیکی دهۆک پشکداریێ د ڕێزبەندیا (GreenMetric) دا دکەت. ئەڤ پێشکەفتنە ڕەنگڤەدانا بزاڤێن جڤاکێ زانکۆیێ یە بۆ بەرەڤ بەردەوامیێ، پاراستنا ژینگەهێ و دروستکرنا کەمپوسەکێ کەسک و ساخلەم.

​د ڤێ دەربارێ دا، پ. د. ئاری عادل سەرۆکا زانکۆیا پۆلیتەکنیک دهۆک، د پەیامەکێ دا سوپاسیا هاریکارێن سەرۆکا زانکۆیێ، ئەندامێن جڤاتا زانکۆیێ و هەمی وان ستاف و فەرمانبەران کر یێن کو ڕۆل هەبووی د ئامادەکرن، هەماهەنگی و پێشکێشکرنا داتایێن ڕێزبەندیێ دا، و گەرمترین پیرۆزباهی ئاراستەی هەمی لایەکی کرن ب هەلکەفتا ڤی دەستکەفتی.

25/09/2026

زانکۆیا پۆلیتەکنیکی یا دهۆک کۆنفرانسێ زانستی یێ نێڤدەوڵەتی ب سەرکەفتیانە ب دوماهی ئینا

دهۆک | راگەهاندنا زانکۆیێ

لژێر چاڤدێریا "پ. د. ئاری عادل" سەرۆکا زانکۆیا پۆلیتەکنیک دهۆک و ب ئامادەبوونا "پ. هـ. د. ضياء مستەفا " راگرێ کولیژا تەکنیکی دهۆک و هژمارەکا ماموستا و ڤەکولەران و پێخەمەت درێژەپێدانا چالاکیێن زانستی، ڕۆژا پێنجشەمبی رێکەفتی 24ی 9/ 2026ێ، کارێن ڕۆژا دووێ یێن ئێکەمین کۆنفرانسێ نێڤدەولەتی یێ ئینفورماتیک، ئەندازیاری و زانستێن تەندروستیێن کرداری (ICIEAHS 2026) ل هۆلا ئازادی یا کولیژ و پەیمانگەها تەکنیکی دهۆک ب ڕێکا ئامادەبوون و ئۆنلاین هاتە برێڤەبرن.

ل دەستپێکا روژا دووێ ​ئاخڤتەکەرێ سەرەکی "د. هێمن عەلی قادر" ژ نەخۆشخانەیا زانکۆیا ئۆسلۆ ب ڕێکا ئۆنلاین سێمینارەکا زانستی ل سەر بابەتێ "ژیرییا دەستکرد بۆ دەستنیشانکرن و دیتنا پاشەرۆژا نەخۆشیێن تەندروستی" پێشکێش کر و ژلایەکێ دیڤە ڕوونشتنێن تەکنیکی یێن زانستی بچەندین سمیناران هاتنە سازکرن کو تایبەت بوون دبوارێن ژیرییا دەستکرد، فێربوونا کوور، شیكارکرنا داتایان، پەیوەندی و کۆمپیو تەکنۆلۆجی یا کەسک، و ئەندازیاری و ئێنەرجیێ دا، و هەر ئێک ژ مامۆستایێن پسپۆڕ (پ.د. ئامیرە بێبۆ سلو، د. دیار میکائیل ئەحمەد، پ.د. وەفاء مصطفى عبداللە، و پ.د. ئەنەس عەبد مەتی) سەرپەرشتیا ئەڤ ڕوونشتنان دکر کو ژمارەکا زۆرا ڤەکۆلینان ل سەر دەستنیشانکرنا نەخۆشیێن چاندنێ و تەندروستی، ئاسایشا تەکنۆلۆجی، و ئێنەرجیا پاقژ هاتنە شروڤەکرن و گەنگەشە لسەر هاتە کرن.

دتەوەرەکێ دی یێ روژا دووێ دا و لژێر دروشمێ "پڕکرنا کەلەپۆڕا داتایان و هەڤکاریا ئەکادیمی و دامەزراوەیی ل هەرێما کوردستانێ" پەنەلەکێ زانستی ژلایێ ڕێڤەبەرێ پەنەلی "د. ئەحمەد سەیف اللە سامی" و هەر ئێک ژ مێهڤانێن پەنەلی یێن پێکا هاتی ژ "د. زۆزان عەبدولڕەحمان فارس " پزیشکا پسپۆڕ، " م. جەمال ئیسلام عومەر" سپۆڕێ پەیوەندیان، و "م. لاوەند کەمال عوسمان" پسپۆڕێ ئەندازیاریێ، هاتە برێڤەبرن

ل دوماهیی یا بڕگەیێن کونفرانسی خەلاتێن ڕێزلێنانێ، و باوەرنامێن ڕێزلێنانێ ب سەر ڤەکۆلەر، سەرپەرشتیار و و لیژنێن ئامادەکاریێن کۆنفرانسی دا هاتنە دابەشکرن و ب شێوەیەکێ فەرمی رێورەسمێن بدوماهیک ئینانا کارێن کۆنفرانسێ زانستی یێ ICIEAHS 2026 هاتنە ڕاگەهاندن.

#نڤیسین

#وێنە/ #بهزاد،

25/09/2026

چەند وێنە یێن روژا ( دووێ) ژ ئێکەمین کونفرانسێ نێڤدەولەتی یێ ئینفورماتیک، ئەندازیاری و زانستێن تەندروستیێن کرداری ( ICIEAHS2026) ھاتە برێڤەبرن.

راگەھاندنا کولیژا تەکنیکی دھوک
📸 بەھزاد مەجید

24/09/2026

چەند وێنە ژ روژا ئێکێ ژ ئێکەمین کونفرانسێ نێڤدەولەتی یێ ئینفورماتیک، ئەندازیاری و زانستێن تەندروستیێن کرداری ( ICIEAHS2026) ھاتە برێڤەبرن.

راگەھاندنا کولیژا تەکنیکی دھوک
📸 بەھزاد مەجید

23/09/2026