Choman technical institute پەیمانگای تەكنیكی چۆمان

02/08/2026

رۆژی یەکشەممە رێکەوتی ٢-٨-٢٠٢٦ پ.ی.د عماد عزیز راگری پەیمانگەی تەکنیکی چۆمان پێشوازی لە ئاری زبێر بەرپرسی لقی چۆمانی یەكێتی قوتابیان و لاوانی دیموكراتی كوردستان و كارگێڕانی لق کرد . لە دیدارەکەدا باس لە پەرەپێدانی پەیوەندی و هەماهەنگی نێوان هەردوولا کرا بە ئامانجی زیاتر خزمەتکردنی قوتابیان .

17/07/2026

An article from Erbil Polytechnic University.

17/07/2026

An article from Erbil Polytechnic University.

16/07/2026

پرۆسەى گواستنەوەو دابەزینى قوتابیان لە نێوان زانکۆکان بە ئەلیکترۆنى دەستیپێکرد

وەزارەتى خوێندنى باڵاو توێژینەوەى زانستى ڕایگەیاند؛ پرۆسەى گواستنەوە و دابەزینى قوتابیان بۆ ساڵى نوێى خوێنـدنى (2026-2027) بەشێوەى ئەلیکترۆنى لە ڕێکەوتى (2026/7/15) تاکو (2026/8/15) بەردەوام دەبێت. مەرجە فەرمانى دەرچونى زانکۆیی تایبەت بە گواستنەوە یان دابەزین لە (2026/8/31) تێپەڕنەکات.

بەمەبەستى بەرچاوڕونى بۆ ئەو قوتابیانەى دەیانەوێت پرۆسەى گواستنەوەو دابەزاندن ئەنجامبدەن، پێویستە دەقى ڕێنماییەکان بە وردى بخوێننەوە، هەروەها دەتوانن پرسیارەکانیان ئاراستەى تۆمارى هەریەک لە زانکۆ و پەیمانگەکان بکات و وەڵام دەدرێتەوە.

تێبینى:

1/ ئەگەر قوتابی(یوزەرنەیم و پاسۆردى) نەبوو یاخود لە یادى کردبێت، بۆ چونە ناو سیستمى گواستنەوەو دابەزین، ئەوا بە ژمارەى تاقیکردنەوەى پۆلى دوانزەى ئامادەیی دەبات لە تۆمارى زانکۆکەى پرۆسەکە ئەنجامدەدات.

2/ بۆ ئەنجامدانى پرۆسەى گواستنەوەو دابەزین پێویست ناکات هیچ قوتابییەک سەردانى وەزارەت بکات، چونکە پرۆسەکە بە ئەلیکترۆنى ئەنجام دەدرێت.

3/ پێویستە لەو ماوەى دیارى کراوە قوتابیان مامەڵەکانیان تەواو بکەن، چونکە لە دەرەوەى ئەم ماوەیە مامەڵەکەى جێبەجێ ناکرێت.

- بۆ ئەنجامدانى پرۆسەى گواستنەوەو دابەزین کلیک لەسەر ئەم لینکەى خوارەوە بکەن:
https://regayzanko.com/

بۆ خوێندنەوەى ڕێنمایی و مەرج و پێوەرەکانى گواستنەوەو دابەزین کلیک لەسەر ئەم لینکەى خوارەوە بکەن:

https://drive.google.co

15/07/2026

به‌ناوی راگرایه‌تی په‌یمانگەی ته‌کنیکی چۆمان پرسه‌ و سه‌ره‌خۆشی خۆمان ئاراسته‌ی “محمد عزيز” فەرمانبەر لە پەیمانگەکەمان دەکەین به‌هۆی کۆچی دوایی خوشکی به‌رێزیان ، به‌هیواین دوایین خه‌م و ناخۆشیان بێت خودای گەورە بە بەهەشتی شاد بکات .

12/07/2026

رۆژی یەکشەممە رێکەوتی ١٢-٧-٢٠٢٦ ، پ.ی.د عماد عزیز راگری پەیمانگەی تەکنیکی چۆمان بە ئامادەبوونی یاریدەدەری ڕاگر و سەرۆک بەشەکان و بەرپرسی دڵنیایی جۆریی پەیمانگە، پێشوازی کرد لە لیژنەی تایبەتی سەرۆکایەتی زانکۆی پۆلیتەکنیکی هەولێر کە پێکهاتبوون لە “ پ.د. خلیل حسن ، م. کەمال محمد “ کە بۆ پڕۆسەی پێداچوونەوە و هەڵسەنگاندنی ورد بۆ هەگبەی زانستیی مامۆستایانی پەیمانگەکەمان و بە مەبەستی سەرپەرشتیکردن و چاودێریکردنی چۆنیەتی جێبەجێکردنی پێوەرە زانستییەکان سەردانی پەیمانگەی تەکنیکی چۆمانیان کردبوو .
پڕۆسەی هەڵسەنگاندنەکە بۆ ساڵی خوێندنی ٢٠٢٥-٢٠٢٦ بە سەرکەوتوویی کۆتایی هات و بە وردی بەڕێوەچوو ، ئامانج لێی بەرزکردنەوەی ئاستی زانستی و دڵنیابوونەوەیە لە جێبەجێکردنی پێوەرەکانی دڵنیایی جۆری لە پەیمانگەکەمان، بۆ دڵنیابوونەوە لە بەرز ڕاگرتنی ئاستی زانستی و جێبەجێکردنی ڕێنماییەکانی دڵنیایی جۆری، بە شێوازێک کە خزمەت بە گەشەپێدانی پرۆسەی خوێندن و توێژینەوەی زانستی لە دامەزراوەکەدا بکات.

12/07/2026

02/07/2026

زانکۆی پۆلیتەکنیکی هەولێر کردنەوەی خ*لی چڕ و کورت خایەنی ڕاهێنانی پێداگۆجی ڕادەگەیەنێت

سەنتەری ڕاهێنانی پێداگۆجی و پەرەپێدانی ئەکادیمی زانکۆی پۆلیتەکنیکی هەولێر، خ*لی چڕ و کورت خایەنی ڕاهێنانی پێداگۆجی ڕادەگەیەنێت. بۆ ئەم مەبەستە، ئاگاداری هەڵگرانی بڕوانامەی ماستەر و دکتۆرای خاوەن نازناوە زانستییەکانی (مامۆستای یاریدەدەر، مامۆستا، پرۆفیسۆری یاریدەدەر، پرۆفیسۆر) دەکاتەوە کەوا خوازیاری بەشداری کردنن فۆڕمی بەشداری کردن پڕ بکەنەوە کە لە خوارەوە ئاماژەی پێدراوە.

مەرجەکانی پێشکەشکردن:

١- پێشکەشکار هەڵگری بڕوانامەی ماستەر یان دکتۆرای ئەکادیمی بێت.

٢- پێشکەشکار پێشووتر خ*لی (ڕێگاکانی وانە ووتنەوەی) تەواو کردبێت و خاوەنی یەکێک لە نازناوە زانستییە هەمیشەییەکانی (مامۆستای یاریدەدەر، مامۆستا، پرۆفیسۆری یاریدەدەر، پرۆفیسۆر) بێت.

٣- پێشکەشکار میلاکی زانکۆی پۆلیتەکنیکی هەولێر یان یەکێک لە دامەزراوەکانی سەر بە وەزارەتی خوێندنی باڵا و توێژینەوەی زانستی بێت.

ماف و ئیمتیازەکانی بەشداریکردن لە خ*لەکە:

بەپێی فەرمانی وەزاری ژمارە (١٥٦٢٠) لە ڕێکەوتی (٢٤/٨/٢٠٢٥)
بەشداربووانی خ*لەکە ئەو ماف و ئیمتیازانەی خوارەوەیان پێدەدرێت:

١- پێدانی بڕوانامەی بەشداریکردن لە خ*ل.
٢- پێدانی سوپاس و پێزانین بە واژووی وەزیری خوێندنی باڵا و توێژینەوەی زانستی.
٣- لێخۆشبوون لە پرۆسەی دڵنیایی جۆری بۆ ماوەی (١) یەک ساڵی ئەکادیمی.

زانیارییەکانی پەیوەست بە خ*لەکە:

١- ماوەی خ*لەکە (٦) شەش هەفتەیە، هەفتەی (٣) سێ ڕۆژ، هەر ڕۆژێک (٤) چوار کاتژمێر بەشێوەی تیۆری (contact hours-face to face class) دەبێت.
٢- خ*لەکە لە کاتی بەیانیان بەڕێوەدەچێت و لە ڕێکەوتی (١٦/٨/٢٠٢٦) دەست پێدەکات.
٣- ئامادەبوونی بەشداربووان لە خ*لەکە تۆمار دەکرێت، و هەر بەشداربوویەک ڕێژەی زیاتر لە (١٠%) لە کۆی خ*لەکە ئامادە نەبێت، بڕوانامەی پێنابەخشرێت.
٤- ژمارەی کورسییەکانی بەشداریکردن سنووردارە و پێشینە بۆ میلاکی سەر بە زانکۆی پۆلیتەکنیکی هەولێرە.
٥- کرێی بەشداریکردن لە خ*ل (٥٠.٠٠٠) پەنجا هەزار دیناری عێراقیە.

هەنگاوەکانی پێشکەشکردن:

١- بۆ پێشکەشکردن پێویست ناکات خوازیار سەردانی سەنتەری ڕاهێنانی پێداگۆجی بکات، بەڵکو داواکاری پێشکەشکردن لە ڕێگەی پڕکردنەوەی ئەم لینکەی خوارەوە دەبێت:
https://forms.gle/qwMCPVHNiGRLAKZDA

٢- ماوەی پێشکەشکردن لە ڕێکەوتی ١/٧/٢٠٢٦ تاکو ١٥/٧/٢٠٢٦ دەبێت.
٣- ئەو پێشکەشکارانەی پەڕاوەکانیان ڕاست و دروستە، دوای کۆتاییهاتنی وادەی پێشکەشکردن لەلایەن سەنتەری ڕاهێنانی پێداگۆجی پەیوەندییان پێوە دەکرێت بۆ بڕینی پسوولە.

17/06/2026

ئەنجامی تاقیکردنەوەکانی کۆتایی سمستەری دووەم و چوارەم - هەوڵی دووەم راگەیێندرا
‎ئاگاداری قوتابیانی پەیمانگەکەمان لە دەوامی بەیانیان و ئێواران دەکەینەوە کە ئێستا دەتوانن ئەنجامی تاقیکردنەوەکانی کۆتایی
سمستەری دووەم و چوارەم - هەوڵی دووەم وەربگرنەوە.

* هەر قوتابیەک گازاندە(پەڵپ) ی هەیە دەتوانێت ڕۆژانی “شەممە و یەکشەممە “ سەردانی هۆبەی دارایی پەیمانگە بکات بە مەبەستی پر کردنەوەی فۆرمی گازاندە .

‎قوتابیان لە ئەکاونتی خۆیان لە سیستەمی بۆلۆنا دەتوانن لە رێگەی ئەم لینکە ئەنجامەکانیان ببینن :

31/05/2026

خشتەی تاقیکردنەوەکانی کۆتایی سمستەری دووەم و چوارەم - هەوڵی دووەم - بەیانیان و ئێواران