Sheikh Razay Talabany Scientific High School

02/10/2026

ئاگاداری خوێندکارانی دەرچوی پۆلی ١٢ ی خوێندنگەکەمان دەکەینەوە کەوا ڕۆژی یەک شەم سەردانی خوێندنگەکەمان بکەن بەمەبەستی وەرگرتنی وەرەقەی پشکنینی تەندروستی
تێبینی ڕۆژی یەک شەم دەواممان کاتژمێر ١٢:٣٠ دەست پێدەکات

27/09/2026

18/09/2026

🌱 کردنەوەی دەرگای قوتابخانە، تەنها کردنەوەی دەرگای بینایەک نییە؛ بەڵکو کردنەوەی دەرگایەکە بۆ ژیان و هیوا.

کاتێک کچێک پرچی خۆی بە کەزییە دەکات،
کوڕێک خشتەی وانەکانی خۆی ڕێک دەخات،
و منداڵێک جانتاکەی دەخاتە سەر شانی…

ئەو جانتایە تەنها جانتای کتێب و دەفتەر نییە؛
جانتای ئەمەل و ئاوات و خەونەکانی داهاتوویە. 🎒✨

کەزییەکە پێمان دەڵێت هێشتا حەبلی هیوا ماوە،
و خشتەی وانەکانیش نیشانەی هیوایەکە بۆ ڕێکخستنەوەی ژیان و دروستکردنی داهاتوویەکی باشتر.

لە سۆنگەی بەرپرسیارێتیمان وەک مامۆستایان و دەستەی کارگێڕی و هەموو کارمەندانی قوتابخانە، بە دڵێکی پڕ لە خۆشحاڵی و هیواوە ،
پیرۆزبایی دەکەین لە کردنەوەی دەرگای خوێندنگەکەمان بۆ قوتابیانی خۆشەویستمان و دایکان و باوکانیان. 🌷

بە ئومێدەوە لە خوێندکارەکانمان دەڕوانین بۆ داهاتوویەک کە تێیدا، هەر یەکێک لە قوتابییەکانمان بتوانێت خەونەکانی بگۆڕێت بۆ ڕاستی و هیواکانیان بێننە دی.

📚 ساڵێکی نوێی خوێندن، دەستپێکی نوێی هیواکانە.

بەخێربێن بۆ ساڵێکی پڕ لە زانست، سەرکەوتن و خۆشی. 🌱🤍

16/09/2026

بەناوی دەستەی کارگێڕی خوێندنگەکەمانەوە پیرۆزبایی خۆمان ئاراستەی مامۆستایان و خوێندکارانی خوێندنگەکەمان دەکەین بەبۆنەی دەسپێکی ساڵی نوێی خوێندن (٢٠٢٦ - ٢٠٢٧) .
ئاگاداری مامۆستایان و خوێندکاران دەکەینەوە دەوامی خوێندنگەکەمان بەم شێوەی لای خوارەوەیە :
رۆژانی یەکشەممان و دووشەممان نیوەڕوانین
واتە کاتژمێر( ٣٠ : ١٢ ) .
رۆژانی سێ شەممان وچوارشەممان و پێنج شەممان بەیانیانین
واتە کاتژمێر ( ٠٠ : ٨ ) .
تێبینی : رۆژی یەکشەممە یەکەم رۆژی دەسپێکی دەوامە .

15/09/2026

ئاگاداری سەرجەم خوێندکارانی دەرچووی پۆلی دوانزەیەمی خوێندنگەکەمان دەکەینەوە سبەی
( رۆژی چوارشەممە )
رێکەوتی ( ١٦ / ٩ / ٢٠٢٦)
کاتژمێر ( دە ) ی سەرلەبەیانی
سەردانمان بکەن بەمەبەستی وەرگرتنەوەی ( یوزەرو پاسۆردی زانکۆلاین ) .

05/09/2026

پەیامی پیرۆزبایی فەرمی 🎓✨
ساتێکی پڕ لە شانازی، نایابی و سەرکەوتن!
بەناوی ستافی کارگێڕی و مامۆستایانی خوێندنگەی ئامادەیی شێخ ڕەزای تاڵەبانی زانستییەوە، گەرمترین پیرۆزبایی و دەستخۆشی ئاراستەی خوێندکارە ئازیز و بە تواناکانمان دەکەین بەبۆنەی بەدەستهێنانی نمرەی بەرز و ناوازە لە تاقیکردنەوەکانی کۆتایی ساڵی خوێندنی ( ٢٠٢٥ - ٢٠٢٦ ).
هەوڵ و تێکۆشانی بێوچانتان، لەگەڵ ڕێنمایی و دڵسۆزیی مامۆستایانتان، ئەمڕۆ بەم ئامانجە مەزنە گەیشتن و ناوی ئێوەی وەک خۆرێک لە لووتکەی سەربەرزیدا درەوشاندەوە. ئێوە مایەی شانازیی خوێندنگە و خێزانە بەڕێزەکانتانن.
دەستکەوتی بەرزی ئەمڕۆتان تەنها سەرەتایەکی پیرۆزە بۆ داهاتوویەکی ڕوون و درەوشاوە. هیوای سەرکەوتنی بەردەوام و گەیشتن بە باڵاترین پلەکانی زانست و زانیاریتان بۆ دەخوازین.
هەمیشە پێشەنگ و سەرفراز بن! 🌟💐

27/08/2026

🏆 ئامادەیی شێخ ڕەزای تاڵەبانی - زانستی بووە پاڵەوانی خولی فوتساڵی پەروەردەی چەمچەماڵ 🏆کە بۆسەرجەم مامۆستایانی قوتابخانەوخوێندنگەکانی سنوری پەروەردە سازکرابوو،
بەخۆشحاڵییەوە ڕادەگەیێنین کە تیپی فوتساڵی ئامادەیی شێخ ڕەزای تاڵەبانی زانستی توانی سەرکەوتنێکی گەورە تۆمار بکات و پلەی یەکەم لەسەر ئاستی قوتابخانە و خوێندنگەکانی سنوری بەڕێوەبەرێتی پەروەردەی چەمچەماڵ بەدەستبهێنێت.
ئەم سەرکەوتنە بەرهەمی ماندووبوونی مامۆستا ئازیزەکانمان و ڕاهێنەران و پاڵپشتی بەردەوامی ستافی کارگێڕی و مامۆستایانی خوێندنگەکەمانە. دەستخۆشی لە سەرجەم یاریزانان دەکەین بۆ پێشکەشکردنی ئاستێکی بەرز و ڕوحی وەرزشییانە لە تەواوی یارییەکاندا.
ھەروەھا سوپاس و پێزانینمان بۆ بەڕێوەبەرێتی پەروەردەی چەمچەماڵ و یەکەی چالاکی وەرزشی بۆ ڕێکخستن و سەرپەرشتیکردنی سەرکەوتووانەی ئەم خولە.
پیرۆزبایی لە سەرجەم مامۆستایان، قوتابییان دەکەین، بە هیوای سەرکەوتنی بەردەوام لە سەرجەم بوارەکانی [ زانستی و پەروەردەو هونەری ...هتد ]
ئامادەیی شێخ ڕەزای تاڵەبانی

19/08/2026

خوێندکارانی پۆلی ١٢ ی خوێندنگەکەمان ئاگاداری ئەم گۆڕانکارییەبن لە کاتی ئەنجامدانی تاقیکردنەوەکانی خولی دووەم

04/08/2026

ناو و شوێنی بەشداربوانی خوێندکارانی ئازیزی پۆلی دوانزەیەمی خوێندنگەکەمان بۆ بەشداریکردنیان لەتاقیکردنەوەی وزاری خوولی دووەم بەپێی شوێنی تاقیکردنەوەیان بۆساڵی خوێندنی ٢٠٢٥ ـ ٢٠٢٦بەهیوای نمرەی دڵخوازی خۆیان .

29/07/2026

ڕوونکردنەوەیەک لە دەستەی کارگێڕی و مامۆستایان و فەرمانبەرانی ئامادەیی شێخ ڕەزای تاڵەبانی - زانستییەوە

بابەت: ڕوونکردنەوە
بەڕێز: وەزیری پەروەردە
بەڕێزان: بەڕێوەبەرایەتی پەروەردەی سلێمانی
بەڕێزان: بەڕێوەبەرێتی پەروەردەی چەمچەماڵ
بەڕێزان: میدیاکار و کەناڵەکانی ڕاگەیاندن
بەرێزان: خوێندکاران و کەسوکارانی خۆشەویست

سڵاوتان لێبێت..

چەند ڕۆژێکە هەواڵێک بڵاوبووەتەوە، بە تایبەت لەکەناڵی ئاڤا و بەدیاریکراوی لەبەرنامەی (کاتژمێر حەوت)دا، کە باسی کەیسێکی گزی و فەزاحەت دەکات، لە یەکێک لە هۆڵەکانی تاقیکردنەوەی پۆلی ١٢ی ئامادەیی له سنورەکەدا، کە گوایە گزی (قۆپی) بەکۆمەڵ کرابێت، و لەگەڵیدا ناوی ئامادەیی شێخ رەزای تاڵەبانی زانستی باسکراوە، ئێمە لە ئامادەیی شێخ ڕەزای تاڵەبانی بە مافی خۆمانی دەزانین بۆ هەموان و ڕای گشتیی ڕابگەیەنین کە خودی ئامادەییەکەمان و مامۆستایان و خوێندکارانی ئێمە دوور و نزیک پەیوەندییان بەم دەنگۆیانەوە نییە، هەمیشە تێکۆشاوین بۆ پاراستنی سومعەی پەروەردەیی و زانستی خۆمان، بۆیە لێرەدا چەند خاڵێک ئاماژە پێدەدەین وەکو ڕوونکردنەوەی پێویست:
١. داوا لە کەناڵی ئاڤا و بەڕێوبەرانی بەرنامەی کاتژمێر حەوت دەکەین، هەر لە هەمان بەرنامە ڕاستی و دروستی ئەو هەواڵە ڕاست بکەنەوە، چونکە هەواڵەکە وا ڕۆیشتووە کە خوێندکاران و مامۆستایانی ئێمە لەم بابەتە دەستیان هەبووبێت. چونکە ئەو ناوبردنە جۆرێکە لە ناحەقی دەرحەق بە پەیامی باڵای پەروەردەیی ئامادەییەکەمان ، چونکە مامۆستایان و خوێندکارانی ئێمەدوورونزیک پەیوەندی بەو رووداو و دەنگۆ و گومانانەوە نییە ، چونکە هەم ئەو مامۆستا و سەرپەرشتیارو خوێندکارانەی کە لە بینای ئامادەیی شێخ رەزای تاڵەبانی ئامادە بوونەوتاقیکردنەوەیان کردووە مامۆستا و سەرپەرشتیارو خوێندکارانی ئامادەییەکانی کە بوونە ، وەک لە پەیامەکەیاندا ئاماژەیان بە خوێندکارانی ئێوارانی دەرەکی و باسی بابەتی مێژوو کراوە ، کە بابەتێکە لە بابەتە سەرەکییەکانی بەشی وێژەیی

٢. ئامادەیی شێخ ڕەزای زانستی، یەکێکە لە ناوەندە زانستییە پێشەنگەکانی سنوورەکە، و مایەی شانازییە لە کەرتی گشتییدا خزمەت بە ڕۆڵەکانی نیشتمان دەکات و هەزاران توانای زانستخوازی پێشکەش بە کۆمەڵگە کردووە.

٣. هەموومان مکوڕبین لە داکۆکی لە مافی گشتیی و پاراستنی شاڕێی یاسایی و زانستخوازی و پەروەردەی باڵا، لە هەرکوێیەک ناحەقییەک دژ بە بەرژەوەندی گشتیی کرا، دەبێت پشتیوان بین، تا پەیامی پەروەردەیی و زانستخوازی نەبێتە قوربانی..

لەگەڵ ڕێزدا..

دەستەی کارگێڕی ئامادەیی شێخ ڕەزای زانستی.