Mariwan Hamawand Basic School قوتابخانەی مەریوان هەمەوەندی بنەرەتی

18/08/2026

ئاگاداری بۆ دایک و باوکان
تکایە لەکاتی کڕینی جل وبەرگی قوتابی
بۆ پۆلەکانی 1 تا 6
پێویستە ڕەنگی جلی سەرەوەیان مـــارۆنی بێ
نابێ سوور بێ بەپێی بڕیاری وەزارەت لە کوالێتەکانی جل و بەرگ ڕەنگی مارۆنی دیارکراوە
لە وێنەکەی خوارەوە دیاری کراوە

25/07/2026

ئاگاداری …
گواستنەوەی قوتابیان ئەنجام ئەدرێت بۆ سەرجەم پۆلەکان بۆ ئەو قوتابیانەی کە ماڵیان باری کردووە یان بە پێچەوانەوە .
وە قوتابیانی دەرچووی پۆلی شەشەم گواستنەوەیان بۆ ئەنجام ئەدەین ، کوڕان بۆ قوتابخانەی ئامانج
کچان بۆ قوتابخانەی ئاوێزە
جگە لەو دوو قوتابخانەیە پێویستە نوسراوی لاری نەبوونمان بۆ بهێنن تا گواستنەوەکەیان بۆ ئەنجام بدەین .
تێبینی /رۆژانی یەکشەمە و چوارشەمە کارگێری قوتابخانە دەوام ئەکەین.

15/07/2026

10/07/2026

ئاگاداری ….بۆ بەرێزان بەخێوکاری قوتابیانی سنوری قوتابخانەکەمان لە ڕۆژی یەکشەمە ٢٠٢٦/٧/١٢ دەست دەکەین بە ناونووسینی قوتابی پۆلی یەکەم
پێویستیەکانی وەرگرتنی قوتابی پۆلی یەکەم
١-کارتی نیشتیمانی ئەسڵی قوتابی
٢-ئیستینساخی کارتی نیشتیمانی[منداڵ و باوک و دایک ]و [کارتی زانیاری] لەسەر یەک لاپەڕە .
٣-دوو ژمارە موبایل لەکاردابێت‌
٤-سێ (٣)وێنەی تازەی منداڵ .
5/ ئیستینساخی بڕوانامەی باخچە ئەگەر مناڵەکەلە باخچەبووە

تێبینی / تەنها لەدایکبوانی ساڵی 2020 وەردەگیرێت.
هەموو رۆژانی یەکشەم و چوارشەم لە قوتابخانە ئەبین بۆ راپەڕاندنی کارە کارگێرییەکانی قوتابخانە.
لەگەڵ رێزدا….

27/06/2026

ئاگاداری قوتابیانی پۆلەکانی ٤+٥+٦ قوتابخانەکەمان دەکەینەوە ئەوانەی مابونەوە بۆ خولی دووەم
رێکەوتی ٢٨/ ٦ /٢٠٢٦ رۆژی یەکشەمە سەردانی قوتابخانەبکەن
کاتژمێر ١٠ ی بەیانی بۆ وەرگرتنی ئەنجامی تاقیکردنەوەکانی
خولی دووەم (کارت )

15/06/2026

سەری ساڵی کۆچی لەهەموو موسڵمانان پیرۆزبێت و بێتە ساڵێکی پڕخێرو خۆشی بو هەموو موسڵمانانی جیهان انشاللە.

07/06/2026

«خشتەی تاقیکردنەوەی خولی دووەم»
لە رێکەوتی ٢٠٢٦/٦/١٥ رۆژی دووشەمە
تاقیکردنەوەکان رۆژانە لە کاتژمێر ٨:٣٠ دەستپێدەکات.
بەهیوای سەرکەوتن ….

27/05/2026

بەناوی خوای بەخشندەی میهرەبان

​مامۆستایانی بەڕێز و ماندوونەناس، دایک و باوک و کەس وکاری بەڕێزی قوتابیان؛
​بە بۆنەی هاتنەوەی جەژنی قوربانی پیرۆزەوە، گەرمترین پیرۆزباییتان ئاراستە دەکەین. هیوادارین ئەم جەژنە ببێتە مایەی خۆشی، ئارامی، و بەدیهاتنی هیواکانتان.
​بۆ ئێوەی مامۆستایانی هێژا، کە بە دڵسۆزییەوە پەیامی پیرۆزی پەروەردە و فێرکردن هەڵدەگرن، هیوای سەرکەوتن و تەندروستییەکی باشتان بۆ دەخوازین سوپاس بۆ ماندووبوون و ئەو ڕێچکە جوانەی بۆ ڕۆشنبیریی نەوەکانمان دایدەنێن.

​بۆ ئێوەی دایک و باوک و کەس وکاری قوتابیان، هیوای جەژنێکی پڕ لە ئاسوودەیی و سەرفرازیتان بۆ دەخوازین ئێوە پاڵپشتی سەرەکین بۆ گەشەکردنی تواناکانی قوتابیان، هیوادارم ئەم جەژنە لەگەڵ منداڵە ئازیزەکانتان بە خۆشی بەسەر ببەن.
​جەژنتان پیرۆز بێت و هەموو ڕۆژێکتان جەژن و شادی بێت.
​ مامۆستایانی قوتابخانەی (مەریوان هەمەوەندی) بنەڕەتی

22/05/2026

ئاگاداری بۆ ئەو قوتابیانەی کە کارتیان وەرنەگرتووە
رۆژی یەکشەمە ٢٠٢٦/٥/٢٤ کاتژمێر (٩)ی سەرلەبەیانی سەردانی قوتابخانە بکەن بۆ وەرگرتنەوەی کارتەکانیان.
لەگەڵ رێزدا….

22/05/2026

ئەلبوومی دووەم/ وێنەی قوتابیە ئازیزەکانمان یاخوا پیرۆزتان بێت نمرە و کارتی دەرچوونتان