https://www.facebook.com/673539492735355/

Faculty of Agricultural Sciences in Sulaimani, Bakrajo (2026)

18/11/2018

ڕوانینگەی ئاسمانی هەولێر
‎گەورەترین ڕوانینگە و دەزگای ئاسمانی لە ڕۆژهەڵاتی ناوەڕاست و ١٣هەمین ڕوانینگەی جیهان بووە لە سەردەمی درووست کردنیدا
‎ساڵی ١٩٧٣ ئەحمەد حەسەن ئەلبەکر فرمانی درووستکردنی ئەو ڕوانینگەیەی لەسەر چیای کۆڕەک دا لە پارێزگای هەولێر ، ئەو ڕوانینگەیە ڕوانیگەیەکی ئاسمانیه کە لە سێ تێلێسکۆپ پێکهاتبوو
‎١- تێلیسكۆپی بینانیی بە تیرەی ٥.٣ مەتری
‎٢- تێلیسكۆپی بینانیی بە تیرەی ١.٢٥ مەتری
‎٣- تێلیسكۆپی ڕادیۆی شەپۆلی میلیمەتری
‎زانایان و شارەزایانی ئەستێرە ناسی ئەم شوێنەیان بە باشترین شوێن زانی كە لێی بونیادبنرێت چونكە لە ئاستی دەریاوە ٢١٢٧م بەرزە و لە ساڵێكدا ٢٥٢ شەوی كەش ساف و خاوێنە بۆ بینین و ڕوانینە ئاسمان
‎لە سەرەتای هەشتاکان نزیکەی ٤٠٠ کەس بە نوێنەری Baresel، Epple، Krupp، Liebher و Zeis بۆ دروست کردنی سێ تێلێسکۆپەکە کاریان کردووە
‎لە کۆتای ١٩٨٣ هەرچەندە ناوچەکە نزیک لە ناوچەی شەری بوو بەلام ئەوان تێلێسکۆپە بچووکەکەیان تاقی کردەوە
‎بە هۆی شەڕەوە ئەو پرۆژەی ڕوانینگەیە هەرگیز تەواو نەبوو، وڵاتی ئێران لە شەڕی هەشت ساڵەی ئێران و ئێراق دا و هەروەها ئەمێریکاش لە شەرێ کەنداو دا بە مووشەک ئەو ڕوانینگەیان پێکاو تێکیان دا
‎سەرەڕای تەواو نەبوونی ١٧٠ ملیۆن دۆڵاری تێدا خەرجكرا
‎پاش ساڵی ٢٠٠٣ دكتۆر (عبد العظيم السبتي) كە زانایەكی فیزیا و گەردونزانی عێراقیە لە ئەمێریكایە هەوڵی زیندووكردنەوەی ئەم ڕووانینگەیەیدا لەگەڵ پسپۆڕانی گەردونزانی لە كوردستان بەڵام بەداخەوە بێسود بوو لەبری ئەوە چیاكە پڕكرا لە تاوەری كۆمپانیای گەیاندن و ڤێلای سەرمایەداران

15/09/2018

سڵاو بۆ دەرچووانی پۆلی ١٢ !!!!
‎فاكەڵتی زانستە كشتوكاڵییەكان لە شەش بەش پێكهاتووە
‎بەشی زانستی خۆراك
‎بەشی زانستی ئاژەڵ
‎بەشی باخداری
‎بەشی زانستی بەروبوومی كێڵگە
‎بەشی زانستی خاك و ئاو
‎بەشی كشتوكاڵكاری و پەرەپێدانی گوندنشین

‎خوێندن لەم بەشانەدا چوار ساڵە و سیستمی كۆرسە كە هەر ساڵێك دوو كۆرس دەخوێندرێت وانەكان زۆربەی بە زمانی ئینگلیزیە بەڵام بۆ تێگەشتنی خوێندكار بە كوردی دەووترێتەوە
‎وانەكان پراكتیكی و تیۆرین هەریەكەیان نمرەی جیاوازی هەیە بەڵام بەهۆی گەندەڵی حكومەت و خەمساردی ستافە خاوەن بڕیارەكەی فاكڵتیەكەوە وانە پراكتیكیەكانیش زۆربەیان بە تیۆری ئەخوێندرێن بەهۆی دابین نەكردنی كەرەستەی پێویست بۆ وانەكان

‎پاش تێپەڕینی چوار ساڵ ئەگەر بێ هیچ كێشەیەك و بە پلەیەكی باش دەربچیت ئەبیت بە خاوەن بڕوانامەی زانكۆ لە زانستە كشتوكاڵییەكان
Bachelor's degree in Agricultural science
‎ وە ئەم بڕوانامەیەی بەڕێزت كە پێوەی ماندووبویت و پارە و تەمەن و ووزەی گەنجێتی خۆت پێوە سەرفكردووە لە هیچ دەزگا و ڕێكخراو و كۆمپانیا و فەرمانگەیەك كاری پێ ناكرێت و خواست لەسەر ئەم خاوەن بڕوانامانە نییە لە هیچ شوێنێك
‎ بە قسەی باق و بریقی كەس تێمەكەوە ئەو توانا و پارە و تەمەنەی خۆت لەم فاكڵتیەدا بەفیڕۆمەدە
‎هەموو ساڵێك هەر بەشێك ئەگەر ٦٠ خوێندكاری وەرگرتبێت لە كۆتایدا لە چوار كەس زیاتر تێنەپەڕیوە ئەوەی سوودمەند بووبێت لە بڕوانامەكەی كە ئەوانیش زیاتر سێ یەكەمەكەی سەر ئاستی بەشەكەیە وە ئەو خوێندكارانەی تریش كە تەواوی ئەكەن ئەگەر كچ بێت یان ئەوەتا ئەبێت بچێتە ماڵەوە و چاوەڕێی شوو بكات یان ئەبێ بچێت لە مۆڵێك شوێنێك ئیشێك بكات دوور لە شارەزاییەكەی
‎ئەگەر كوڕیش بێت بە هەمان شێوە ڕێك بۆ ماڵەوە ئیتر ئەگەر پێشتر ئیشێك شتێكی هەبێت كردبێتی بە ناچاری ئەبێ بگەڕێتەوە بۆ ئەو ئیشە یان ئیشێكیتر پەیدا بكات بە هەمان شێوە دوور لە شارەزای بڕوانامەكەی
‎نموونەی ئەو خوێندكارانەی كە پار دەرچوون ئەمانەیە
‎یەكەم و دووەم و سێیەم لەماڵەوەن و چاوەڕوانی دامەزراندنن
‎جگە لەوە كچەكانیتر هەمووی لە ماڵەوەن چاوەڕێی هاوسەرگیری و دایكایەتین
‎كوڕەكانیش ئەوانەی ئەیانناسم ئێستا ئەم ئیشانە ئەكەن ( چەندانەیەكیان چوون بۆ هەندەران چەندانەیەكیان بێ ئیش و لەسەر حسابی ماڵەوە لەكافتریا كەوتوون چەندانەیەكیان بوون بە پێشمەرگە ئەویش بە واستە دانەیەكیان لە هۆتێل ئیش ئەكات دانەیەكیان جگەرە و توتنی نێرگەلە ئەفرۆشێت دوانی تریان مەندوبی ئەكەن دانەیەكیان لە دووكانی شیرینی ئیش ئەكات وەلحاصڵ شەهادەكەیان هیچ نرخێكی نییە و. ئەو. ئیشانەی ئەیكەن هیچی لە سایەیە شەهادەكەیانەوە نییە

‎جا بۆیە توش خۆت مەفەوتێنە لەبەر كەمی نمرە و خۆشی ژیانی زانكۆ بێیتە ئەم بەشانە لەبریئەوە بڕۆ ئیش بكە ئەو چوار ساڵە لە هەر بوارێكدا سەرف بكەیت ئەبیت بەخاوەنی شتێك بەڵام لێرە نابی بە خاوەنی هیچ و ڕەنگە ئەو شتانەش لەدەست بدەیت كە ئێستا هەتە یان كە پێویستە لە ماوەی ئەو چوار ساڵەدا بەدەستی بێنیت

‎لە هەمووشی ناخۆشتر بوونی چەندین مامۆستا و دكتۆرە لەو فاكەڵتییە كە ئەڵێی كاتێك بڕوانامەی وەرگرتووە لە بەرامبەردا بڕوانامەی ڕەوشتی خۆی داناوە و ناشرینی كردار و ڕەوشتیان ناوبانگی فاكەڵتیەكەشی ناشرین كردووە و مامۆستا باش و دڵسۆز و بەڕەوشتەكانیشی شاردۆتەوە و هیچ كاتێكیش كەس نییە سزایان بات و لێپێچینەوەیان لەگەڵ بكات

‎جا تكام وایە بە ڕیكلامی پەیج و خوێندكارە دەگمەنە سەركەوتووەكان تێ نەكەون ئەم فاكەڵتییە لە قەیراندایە و مامۆستاكان خۆیان ئەڵێن پێویستە دابخرێت و چیتر خوێندكار وەرنەگیرێت
‎ساڵی پار تەنیا دوو یەش خوێندكاری بۆ هات ئینشائەڵاهــ ئەمساڵ ئەوەش نایەت بۆئەوەی چیتر منداڵی فەقیر نەفەوتێت بەم زانكۆیە

31/05/2018

مرۆڤێك ماندوو بووە ! بە خاوێنكردنەوەی شەقام كە نیوەی (سروشت) پیسی دەكات و نیوەكەیتری (ئاژەڵ ئاساكان) پیسی دەكەن .

چیتر (ئاژەڵ ئاسا) مەبە ، با مرۆڤەكان ماندوو نەكەیت !
ئەگەر خۆت بە مرۆڤ ئەزانیت 😊

28/05/2018

كاتێك ئەوروپاییەكان دابەزینە سەر خاكی ئەمێریكای باكوور لەگەڵ خۆیاندا مانگا و ئەسپ و بەرازیان گواستەوە بۆ ئەوێ هەروەها لە گەڕانەوەدا لەگەڵ خۆیان قەل و گەنمەشامی و توتن و پەتاتە و كولەكە و پاقلەمەنیان هێنایەوە بۆ كیشوەری ئەوروپا

16/05/2018

كرمی فەریكە نۆك چییە و چۆن لەناویدا دروست ئەبێت
مەترسی چییە ؟
لە كۆمێنت پیتی A بووسە بە نامە پێت دەگات

15/05/2018

كشتوكاڵ لە كوردستاندا

بەرهەمهێنانی خەیار و تەماتە لە خانووی پلاستیكیدا

جووتیارێك ساڵانە ٦٠٠ تۆن تەماتە بەرهەم دەهێنێت

14/05/2018

گیاندارانی تازەلەدایكبوو

09/04/2018

١٤ ملیۆن دار زەیتونی عه‌فرین مه‌ترسى له‌ناوچوونیان له‌سه‌ره‌

به‌هۆى داگیرکارییه‌کانى ده‌وڵه‌تى تورکه‌وه‌، دار زه‌یتونه‌کانى عه‌فرین له‌ژێر مه‌ترسیدان، کە ژمارەیان ١٤ ملیۆن دارە.

ده‌وڵه‌تى تورک و چه‌ته‌کانى به‌ داگیرکردنى عه‌فرین، نه‌ک ته‌نها بوونه‌ مه‌ترسییه‌کى گه‌وره‌ له‌سه‌ر ژیانى هاوڵاتیان، به‌ڵکو بوونه‌ته‌ مه‌ترسى له‌سه‌ر ژینگه‌ و کشتوکاڵ و دار زه‌یتونه‌کانیش.

کانتۆنى عه‌فرین که‌ به‌ دارى زه‌یتون به‌ناوبانگه‌، به‌پێى ئاماره‌کانى ده‌سته‌ى چاندنى به‌ڕێوه‌به‌رایه‌تى خۆسه‌ر له‌ کانتۆنى عه‌فرین، ژماره‌ى دار زه‌یتونه‌کانى عه‌فرین ١٤ ملیۆن داره‌، زۆربه‌ى هاوڵاتیانى ناوچه‌که‌ بژێوى ژیانیان له‌سه‌ر دار زه‌یتونه‌کان بوو.

به‌هۆى هێرشى ده‌وڵه‌تى و تورک و چه‌ته‌کانه‌وه‌، هاوڵاتیانى عه‌فرین توشى ئاواره‌یى و ده‌ربه‌ده‌ریی بوون، هاوڵاتیان وار و ماڵ و موڵکى خۆیان جێهێشت، ئه‌وه‌ش کاریگه‌رى خراپى له‌سه‌ر زه‌یتونه‌کان کردوه‌، چونکه‌ جوتیاران دورن له‌ زه‌یتونه‌کانه‌وه‌.

ئیتر که‌س نێوان داره‌کان ناکێڵێت، ده‌رمان بۆ له‌ناوبردنى نه‌خۆشییه‌کان ناڕژێنرێت، داره‌کان ئاو نادرێن، هه‌روه‌ها زۆر کارى دیکه‌ که‌ بۆ به‌رده‌وامیى زه‌یتونه‌کان پێویسته‌، ئێستا ناکرێت.

ئه‌و جوتیارانه‌شى له‌ عه‌فرین ماون بارودۆخیان له‌وانه‌ باشتر نییه‌، که‌ کۆچیان کردوه‌، چونکه‌ سوپاى تورک و چه‌ته‌کان ڕێگه‌یان ناده‌ن له‌ ماڵ بێنه‌ ده‌ره‌وه‌، هه‌روه‌ها تراکتۆر و ئامێره‌کانى چاندن و کشتوکاڵیان تاڵانکراوه‌ و لێیان دزراوه‌.

عه‌فرین که‌ به‌ چاندن و کشتوکاڵ به‌ناوبانگ بوو، ئێستا هه‌موو شتێک له‌لایه‌ن سوپاى تورک و چه‌ته‌کانه‌وه‌ ده‌دزرێت و تاڵان ده‌کرێت.

ساڵانى دیکه‌ له‌م کاته‌دا هاوڵاتیان ڕوویان له‌ زه‌وییه‌ کشتوکاڵییه‌کانى خۆیان ده‌کرد، له‌نێوان دار زه‌یتونه‌کاندا جوتیان ده‌کرد، ئه‌وه‌ش پێویستییه‌ک بوو بۆ دار زه‌یتونه‌کان، هه‌روه‌ها به‌ ده‌رمان ئه‌و نه‌خۆشیانه‌یان له‌ناو ده‌برد که‌ توشى داره‌کان ده‌هات، له‌گه‌ڵ چه‌ندین کارى دیکه‌.

سه‌لاح ئیبۆ، سه‌رۆکى ده‌سته‌ى چاندن له‌ هه‌رێمى عه‌فرین، باسى مه‌ترسییه‌کانى سه‌ر دار زه‌یتونه‌کانى عه‌فرینى کرد و وتى: جوتیاران ئێستا ناتوانن بچنه‌ ناو باخه‌کانى خۆیان، ناتوانن باخچه‌کانیان ده‌رمان بکه‌ن، ئه‌وان ناتوانن خزمه‌تى داره‌کان بکه‌ن، ئه‌وه‌ش کاریگه‌رى خراپ له‌سه‌ر به‌رهه‌مى زه‌یتون ده‌کات.

باسى له‌وه‌ش کرد: پێویسته‌ ڕێکخراوه‌ نێوده‌وڵه‌تییه‌کان ئه‌وانه‌ى به‌رگرى له‌ چاندن و ژینگه‌ ده‌که‌ن، له‌سه‌ر ئه‌و ڕه‌وشه‌ هه‌ڵوێستیان هه‌بێت، بۆ ئه‌وه‌ى جوتیاران بگه‌ڕێنه‌وه‌ باخ و زه‌وییه‌کان خۆیان.

Faculty of Agricultural Sciences in Sulaimani

18/11/2018

15/09/2018

31/05/2018

28/05/2018

16/05/2018

15/05/2018

14/05/2018

09/04/2018

Address

Website

Alerts

Shortcuts

Share

Category

Listing takedown request