04/04/2023
عرف ولف؟
Share
صفحه غير مهتمه بشيء سوى مايعجبني اشاركه معكم
04/04/2023
24/11/2021
اولاً نلتمس العذر من اهل المصائب وممن فقدوا عزيزاً او محب ...
يتشرف الوالد خلف ابراهيم نوفان (ابو عروبة) بدعوتكم لحضور حفل زفاف آخر العنگود (نهاد) المرفقة صورته طياً في قضاء الشرقاط (قاعة الموال) يوم الاربعاء ١ / ١٢ / ٢٠٢١...
ملاحظة ...
حبشكلات مانريد انشوفهن ...
اولاً . السلاح ممنوع لا للرمي ولا للكشخة مو تجيني شاحذ مسدس من صديقك وگوة منطيكياه لان ماعنده ثقة بيك ويخاف لايروح مسدسه وتجي اتفيك بيه فوگاي هذا عرس مو زور گنعوص ...
ثانياً . العرگ ممنوع لان مشروب الشرگاط كله مغشوش ومانريد العرس ايخرب ...
ثالثاً . السرعه المفرطه مالها داعي اني دعيتكم على عرس مو على سباق الفورميلا 1 ...
رابعاً . القاعة بيها بابين . باب للنسوان وباب للزلم مو تسوي روحك ما تندل باب الزلم هذن التايرات كلهن اني مدرجهن ...
وهذهو
27/05/2021
البارحة جنت كاعد بكافيه
واجه طفل صغير ديبيع ورد احمر
فأجه عليه
ردت انطي فلوس بدون ما اشتري لان ما احب الورد
انطيته الف
كلي شكراً عمو اني دا ابيع على باب الله ما اريد اخذ بدون مقابل
حاولت وياه ما قبل
بعدين كلتله تمام انطيني ورده وهاك 5
كلي الوردة بـ 4 كلتله ميخالف الباقي الك
ونص ساعة اني احجي وياه حتى ياخذ الالف بس ما قبل! ورفض انه ياخذها
طفل مثله يخليني اتعاطف وي امثاله واميز بين الطفل اللي يريد يكسب قوت يومه بالحلال
ويفضلها على الجداوة!
26/05/2021
هواي يعتقدون انه حياة الريف احسن واقل تكلفة
تزرع بنفسك وتهتم بدخلك
وتربي حيوانات تستفاد منها
وهيج انت موفر لنفسك الاكل والشرب
واكو من يعتقد انه حياة المدينة افضل واكثر حداثة رغم العيش بيها ممكن يكون غالي
حبينا نسوي استفتاء وياكم ونشوف ارائكم
انتو شنو تشوفون
منو افضل، حياة المدينة لو الريف وليش؟
25/05/2021
أغلب البنات ببعض المناطق
بمنطقتهم يلبسون حجاب
ومجرد ميطلعون منها ينزعو
واغلب تبريراتهم ناتجة دليل على خوفهم من المجتمع وكلام الناس اللي يخليهم عايشين بشخصيتين!
الخلل بالمجتمع؟
لو بمنو بالضبط؟
23/05/2021
دائماً من يصير موقف معين او سالفة ويعطس واحد
امي من يمها تگلي هاي بشهادة
ومن كل عقلها تعتبر العطسة شهادة على الكلام
واذا صارت طلعة وعطس احد عطسة وحده تفركش الطلعة لأن تعتبره فال مو زين ههههه
وهذا شي يعتبر عادة قديمة عند أغلب الاهل ومؤمنين بي كلش!
انتو هم تؤمنون بهالشي؟
21/05/2021
التشبع
ليش صارت اغلب العادات والتقاليد اللي تكون مؤذية للفرد شي عادي وطبيعي؟
هل يا ترى تشبعنا بيها؟
يعني مثلاً من تسأل شخص عن طفولتة والعنف اللي تعرضلة
راح يحجيلك الموضوع كأنه قصة عادية وعادي
ووصلنا لنقطة نبرر العنف انه طريقة ناجحة بالتربية!
شنو السبب اللي يخلينا نفكر هيج؟
21/05/2021
كوجا مرحبا
هوايه من عدنا سامع هالجملة
بكعدات الأهل والأصدقاء
وبالمقاهي
منو يعرف معناها وأصلها؟
اذا متعرف سوي منشن لشخص عندة معرفة كافية يجاوبك
21/05/2021
اكو بنية راسلتنا
تكول جنت بخط بنات واني من نوع الي اذا تعجبني شغلة على احد اكول حلوة عليك
علمود اشوفة يبتسم
فصعدت بنية وجانت عدساتهة كلش حلوة فكلتلهة ومشى الموضوع طبيعي
بعدين ورة كم يوم جتي عينهة مورمة وجان
تكعد ترزلني
ان اني حسدتهة لهذا صار ورمت عينهة
كلش قهرتني وماعرفت شحجي نزلت والدمعة بعيني
بعدين اكتشفت ان الصوج منهة لان نامت بالعدسات..
ترى مو كل شي يصير وياكم لان فلان باوع عليكم او حجة
صح الحسد موجود بس احيانا عدم اهتمامنا بنفسنا او غراضنا هو السبب
شتكولون انتو!؟🤔
Want your school to be the top-listed School/college in Baghdad?
Click here to claim your Sponsored Listing.
Click here to claim your Sponsored Listing.
Location
Category
Website
Address
شارع ابو نوأس
Baghdad