اجكم يحب جكومه

مساء الخير منو كاعد يرفع ايده

گلولها
العافتني وحدي بطرگ دمعاتي ومشت
خل تطمئن
ما راح أموت إمعلم أنه إعله الهجر
مثل الفجر
من ينهجر
يطلع هدوئه شگد حلو
ماي انه حته الشمس لو حرگتني أصعد ليفوگ
ماطيح أبد وأفرض طحت
هو التمر من يطيح
يكره مزاحم العثوگ
من كثر ماطيب طعم لمن أحب
كلي أنوكل
ما أنهمل
بالعافيه المني أكل هو أنه صالح للعشگ
ممدود للحبني وفه
الحمد لله بالعشگ
من أنعشگ مو عالضوگ !!
....

بعدهن ظالات اجروحك اعزاز
وبعدني لهسه لجلك محتفظ بيهن
الخطيه بركبتك لو الهن اشتاكيت
ظل انته بمكانك واني اوديهن
زغيرات وعفتهن بظهر نيشان
خطيه وكلت بعدك راح اربيهن
كبرن وستحن من عرفن شسويت
غير انته الجبتهن وانت راعيهن
كل وحده باسم حتى اكدر التمييز
واصيحلهن يجن حافظ اساميهن
شغفرلك ولك ماظل عذر وانطيك
اذا ربك غفرلك كوم صليهن
لو بيهن وفه ما تفتحلهن باب
بس كلهن غدر كل خير مابيهن

كتلي رايح
وانا جنت بعازتك
جرحي واكف
مارضه أعله حجايتك
جانت الخطوه أبوداعك
شوغة الطايح حملها
وادعتك خربت ضحكتي
أمي من تسئل شكلها
عاتبتها وعاتبتني امرايتك
كتلي رايح
وانا جنت بعازت
وداعتك كلش عزيزه وداعتك

حبيبي شلون احب اغيرك واعوفك
واذا حبيت غيرك يعني اني مجنون
لان انت الية عيوني الاثنين
هم شفت واحد يمشي مغمض العيون
رادوني ابتعد عنك وانسى الراح
شتظن انت حبيبي فراكك يهون
بطرانة هاي الناس تحجي بلاشعور
هو الي يحبك هم يكدر يخون
محبتك تبقى وسط الروح تذكار
وماابيعن محبتك يولفي شما يكولون
يظل حبك عايش بكلبي ومايموت
واذا مات حبك يعني مات الكون