30/01/2025
🛑خطير جدا
سبايدر مان وصل للطوبجي
الحذر الحذر الحذر
مشكلة والمشكلة حقيقية وكبيرة والشغلة موشقة ولايمكن غض النظر عنها... لأن صارت ثلاث حالات فقط (بالطوبجي) فمابالك كم حالة تصير على مستوى كل المناطق.
طفل يقفز من المرجيحة وييشكك وجه ومن سألوه اهله شلووووون تكمز من المرجيحة؟ يجاوبهم( موسبايدر مان يكمز من عمارة عالية ومايصير بيه شيء) .
وطفل اهله لكفوه خال خاولي على اجتافه يقلد سبايدر مان وهمزين لحكوا عليه راد يكمز من الستارة مال السطح.
وطفل احتركت ايده لان كامش الصوبة ويكللهم مو بأفلام كارتون يكمشون النار 🔥 ماادري عبالي ماتتحرك ايدي...
المسألة وصلت مرحلة لان بعض او اكثر العوائل عبالهم مثل قبل افلام كارتون يعلم الحب والتسامح والشجاعة واحترام المدرسة وكوادرها واحترام العائلة وطاعة الوالدين لكن الحقيقة اغلب بل اكثر من ٩٠% من برامج الاطفال ومن فترة طويلة بدأت تعلم الاطفال سوء الادب وايذاء النفس والاصدقاء والاهل وتعلمهم كيف يكون شخص عدائي بالإضافة الى سلوكيات جنسية والسرقة والانانية والحقد والكراهية وهواي سلبيات.
ولعله صايره حالات هواي لأطفال اذوا نفسهم او اذوا الآخرين ومحد لكالها تفسير .
21/12/2023
21/12/2023
27/02/2021