قوتابخانه ى ئالياواى خواروى بنه ره تى

📢 ئاگادارییەکی گرنگ له کارگێڕی قوتابخانەوە
​سەبارەت بە دابەشکردنی کارتی کۆتایی ساڵ:
​کارگێڕی قوتابخانە سەرجەم قوتابیانی خۆشەویستی پۆلەکانى (چوارەم تا هەشتەم) ئاگادار دەکاتەوە، کە ڕۆژی یەکشەممە بەرواری ٢٠٢٦/٥/٢٤ کاتژمێر ٨:٠٠ی بەیانی سەردانی قوتابخانە بکەن.
​🎯 مەبەستی سەردانەکە:
​وەرگرتنەوەی کارتی کۆتایی ساڵ (نمرەکان).
​⚠️ ئاگادارییەکی زۆر گرنگ:
​تکایە هەر قوتابییەک کتێبی قوتابخانەی لای ماوە، لەگەڵ خۆی بیهێنێتەوە و ڕادەستی قوتابخانەی بکاتەوە.
​📌 تێبینی: تکایە لە کاتی خۆیدا ئامادە بن و پابەندی ڕێنماییەکان بن.
بەهیوای سەرکەوتنی بەردەوام بۆ سەرجەم قوتابییە ئازیزەکانمان.

کۆتایی ساڵێکی پڕ لە زانست و سەرکەوتنتان پیرۆز بێت..
​🤲🏻 سوپاس و ستایش بۆ پەروەردگارمان، کە تەمەنی پێبەخشین و یارمەتیدەرمان بوو بۆ گەیشتن بە کۆتایی ساڵێکی تری خوێندن بە سەرکەوتوویی و بەدیهێنانی ئامانجەکانمان.
لێرەوە بە پێویستی دەزانین بە ناوی کارگێڕی قوتابخانەکەمانەوە، ڕێز و سوپاسی خۆمان ئاڕاستەی ئەم بەڕێزانە بکەین:
​🌟 مامۆستایانی دڵسۆز و فەرمانبەرە ماندوونەناسەکانمان: ئێوە چرای ڕووناککەرەوەی ڕێگەی زانست بوون. بە پشوودرێژی و دڵسۆزیتان نەوەیەکتان پێگەیاند کە پاشەڕۆژی ئەم وڵاتەن. دڵسۆزانە و خەمخۆرانە نەک تەنها ئەرکی خۆتان، بگرە زیاتر لە ئەرکی سەرشانتان جێبەجێ کرد.
سوپاس بۆ شەونخونیتان، بۆ ماندووبوونی ئەمساڵتان، هەر لە یەکەم ڕۆژی وانەوتنەوەتان تا دروستکردنی گرووپەکانی خوێندنی ئۆنلاین و تا کۆتا قۆناغی کارەکانی لیژنەکان (تاقیکردنەوە، وردبینی، چاودێری و پشکنین)، ئێوە پایەی سەرەکیی سەرخستنی ئەم پڕۆسەیە بوون.
​👨‍👩‍👧‍👦 دایبابانی دڵسۆز و بەڕێز: سوپاس بۆ متمانە بەردەوامەکەتان، بۆ پاڵپشتی و ئەو هەماهەنگییە بەهادارەی لەگەڵ قوتابخانە هەتانە. ئێوە هاوبەشی ڕاستەقینەی سەرکەوتنی منداڵەکانتان و دەستکەوتەکانی قوتابخانەکەمانن.
​🎓 قوتابییە خۆشەویست و ئازیزەکانمان: کچ و کوڕە چاوگەشەکانمان، هیوای داهاتوویەکی گەش و پڕ لە لوتکەی سەرکەوتنتان بۆ دەخوازین. ئێوە هەمیشە جێگەی شانازیی ئێمە و نیشتمانەکەتانن.
​🤝 هاوکار و دۆستانی قوتابخانە: سوپاسی بێپایان بۆ تەواوی ئەو بەڕێزانەی بە هەر شێوازێک یارمەتیدەر، پاڵپشت و هاوکاری قوتابخانەکەمان بوون لەمساڵدا، ئێوە نموونەی باڵای دڵسۆزین.
​لە کۆتاییدا، هیوای جەژن و پشوویەکی خۆش، ئارام و پڕ لە تەندروستی بۆ هەموو لایەک دەخوازین.هەمیشەسەرکەوتوو بن. ​کارگێڕی قوتابخانەی ئالیاوای خواروو هیوای سەرکەوتن بۆ هەموو لایەکتان دەخوازم

پێدانەوەی ئەنجامی کۆتایی ساڵی خوێندی ۲٠۲٥ـ۲٠۲٦ بە قوتابیانی بازنەی یەکی قوتابخانەکەمان
، بەهیوای سەرکەتن و ئاییندەکەی گەش بۆ سەرجەم قوتابیان دەست خۆشیبۆ تەواوی ستافی کارگێڕی قوتابخانەو مامۆستایان و دایبابی قوتابیان❤️

بەڕێوەجوونی پرۆسەی تاقیکردنەوەکان رۆژی دووشەممە بەهیوای سەرکەوتن ودلخۆشی بۆقوتابیانمان سوپاس بۆمامۆستایانی ماندوونەناس🌹🌹

ئاگاداری .

(۲۰۲٦/٥/٤)سەیرانێکی خۆش و پشوویەکی پێویست بۆ گوڵەکانی پۆلەکەمان. هیوای سەرکەوتنی هەمیشەییتان بۆ دەخوازم.دەستخۆشی بۆ هەموو ئەو مامۆستا و هاوکارانەی هاوکار بوون لە ڕێکخستنی ئەم سەیرانە جوانە بۆ خوێندکارەکانمان."

خشتەی تاقیکردنەوەکانی کۆتایی وەرزی دووەم - خولی یەکەم

خشتەی هەڵسەنگاندنی چوارەمی وەرزی دووەم /خولی یەکەم

تەرخانکردنی کاتێکی خۆش بۆ خوێندکاران /وانەی هونەر.

سڵاوتان لێبێت خوێندکارانی خۆشەویست
خشتەی تاقیکردنەوەکانی کۆتایی وەرزی دووەم -خولی یەکەم
ساڵی خوێندنی٢٠٢٥ -٢٠٢٦

وانەی هونەر🌷🌹