ئامادەیی خانزادی کچان

22/08/2026

🌹(‌‌​مەشخەڵێک لە ئاگردانی مەعریفەدا)🌹
​لە نێو هەناوی پڕ لە سەفای شاری سلێمانی و لە هەینییەکی ڕووناکی ڕۆژی (٢١ی ئابی ٢٠٢٦)دا، هەنگاوەکانی عیشق بۆ زانست، مامۆستا (سۆما حەمە صدیق)ی ئەندامی چالاکی لیژنەی کتێبخانەی ئاڕاستەی یەکەمین پێشانگای کتێبی کوردی لە فاملی مۆڵ کرد.
​ئەم سەردانە تەنیا پیاسەیەک نەبوو لە نێوان ڕەفەی کتێبەکاندا، بەڵکو گەڕانێک بوو بە دوای گەوهەرەکانی زانست و ئەدەبدا بۆ ئەوەی ببنە دیارییەکی گرانبەها بۆ کتێبخانەی ئامادەیی خانزادی کچان. مامۆستا سۆما بە دڵسۆزییەوە ژمارەیەک سەرچاوەی جۆراوجۆر و بەپێزی کوردی هەڵبژارد، تاوەکو ڕووحێکی نوێ بکات بە بەری ڕەفەکانی کتێبخانەی خوێندنگەکەماندا و سەرچاوەی ئیلهام و زانیاری ڕووناکتر بۆ خوێندکارانمان دابین بکات.
​خزمەتکردن بەم جۆرە، برەودانە بە هزری نەوەی داهاتوو و دەوڵەمەندکردنی ڕۆحی فێربوونە. دەستخۆشی لە هەوڵ و ماندووبوونی مامۆستا سۆما دەکەین؛ نمونه‌ی ئه‌م مامۆستا دڵسۆزانه‌مان زۆر بێت و هەمیشە تەمەندرێژ و بەردەوام بێت لە کاروانی پیرۆزی زانست و بەخشین.

19/08/2026

18/08/2026

"‌درەختی زانست بەجامی شانازی ئاو دەدەین" ڕۆژی دووشەممە ١٧ی ئابی ٢٠٢٦ لەشاری ڕۆشنایی و زانست، لەنێو دڵی سولەیمانی ، بڵێسەی هێزو توانای خۆپێشخستنی پۆلێک مامۆستای نیشتیمان، ورشەدار و درەوشاوەیە ، ئەمڕۆکە لەپای ماندووبوون و بەشداربوونی سیانزدە ئەستێرەی گەش لەپڕۆسەی هەگبە ی زانستخواز ی بەردەوام توانیان ڕێز و سوپاسی جەنابی وەزیر بەدەست بهێنن، وێڕای ئاڵەنگاری و قەیرانەکان نەیان وت : ناتوانین ..نایکەین . .پێمان ناکرێ ..، بەڵکو پێکڕا دەست لەنێو دەست بوونە سەرمەشقی کاروانەکە و بەدەم گوڵەوەچنی کارامەییەکانیان بە نەخشەڕێی سەرکەوتن سەلماندیان کە ڕێگەی فێربوون و بەخشین بێ کۆتایە، بۆ بەردەوامی ڕوو لە ئاسۆ چەشنی شوعلەو پەروانەبوون ، هەر بۆیە یەک لەمامۆستایانمان توانی بە بەدەستهێنانی نازناوی( مامۆستای پێشەنگ)پلەپەندی دە یەکەمەکەی هەرێم و هاوکات ڕیزبەندی یەکەم لەجامی سەرکەوتنی ئامادەییەکانی سلێمانی بەدەست بهێنێ ، بەهەوڵی گشت لەسەروویانەوە (م.پەیمان مەجید )ی بەرپرس و ڕێکخەر توانیمان ناو ناوبانگی ئامادەییەکەمان بخەینە لوتکەی شانازی ، ئەم دەسکەوت و سەرمایە زانستییە لە سەرجەم پەروەردەکاران وخەمخۆرای ڕێی زانست پیرۆزبێ ، بڵندتر لە هەمیشە دەڵێین :خانزاد لە ئاڕاستەکردنی خانی زاد و نیشتمانی خانەکانی دواڕۆژدا خاوەن شوناس و پێگەیە ، ئەو مامۆستایانەی کەساوێر (وهم) یان کردە واقیع، بەڕێزان:(م.سۆما حەمە صدیق ، م.نیاز ئەبوبەکر ، م.شۆخان عمر، م.سعاد صاڵح، م.شانۆ صڵاح، م. دڵپاک ئەحمەد، م. شۆخان ڤادر ،م. ڕاز حەمە ڕشید ، م.پەرێز حسن، م. دیدار هیوا، م. هێڤان فایەق، م. ادریس فارس، م. جمال عەلی) بوون ‌👏👏👏💐💐💐💐 👍👍💪💪

17/08/2026

بەشداری کردنی یاریدەدەری خوێندنگاکەمان(م.دڵپاک احمد عبداللە) لە خولی ( ملتقی اربیل الدولی)بە سەرکەوتوی ، خولەکە لەلایەن ئەم ڕێکخراوە نێودەوڵەتیە بەڕێوە چوو، FIKO lnternational Kvinnorganistion for frihetach trygghe ، وە هەروەها ڕێکخراوی Branch of Kurdistan Region . شایەنی باسە خولەکە سێ ڕۆژی خایاند لە 13 ی مانگ تا 15 \8 خایاند، بابەتی حولەکە سەبارەت بە{ سەرکردە وشێوازی گارگیڕی) (شیوازە دروستەکانی ئەتەکێت) ، خولەکە لە لایەن د چعفر بریفکانی و د. خالد منضر بەڕێوەچوو. شایەنی باسە لەهەموو پارچەکانی عێراڤەوە بەشداریان کردبو ،بەندە تاکەبەشدار بوی شاری سلێمانی خۆشەویست بوم.شایەنی باسەبەشدار بوان ئەندام پەرلەمان و پڕۆفیسۆر و دکتۆر و؟سەرۆکی ڕێکخراوە ناوخۆێ و؟نێو دەوڵەتی بەشداربون . وە ئەم چالاکیە لە گۆڤاری نێو دەوڵەتی ئەکادیمی عەرەب بڵاوکرایەوە، لە کۆتایدا بڕوانامەیان پێ بەخشرا هەمیشە سەرکەوتوبێت ست دڵپاکی ئازیز🌸💜🙏🏻

13/08/2026

🌹 ئەلبوومی چالاکییەکانی مانگی(ئاب) ی مامۆستایانی ئامادەییەکەمان 🌹 "لە نێوان ئاگایی دەستکرد و قوڵایی دەرووندا ! سەفەرێک بۆ داهاتووی فێربوون" فێربوون تەنها وەرگرتنی زانیاری نیە ، بەڵکو گەشتێکی بەردەوامە بۆ نێو کەلەپووری هۆش وئاسۆی نوێ ، لە ماوەی دوو ڕۆژی پڕ لە زانست و ئیلهام و ئەزموونی پراکتیکی لە ناوپۆلدا هەرسێ مامۆستا ی چالاکی خوێندنگەکەمان:(‌‌‌سۆما حەمە صدیق )و( جمال علی)و( شۆخان عمر) لەکاتژمێر (٢بۆ٤) ی پاشنیوەڕۆ (ڕۆژی ٣شەممە ١١ ی ئاب و ٤شەممە ١٢ی ئاب ) ٢٠٢٦ پێکەو ە هەنگاویان نا بەرە و کایەیەکی نوێ لەجیهانی پەروەردە و بەشداربوون لەخولێکدا بە ناونیشانی:(ژیری دەستکرد {AI }و دەروونناسی تاریک لە فێربووندا ) ڕۆژی یەکەم:(بەکرداری تێگەیشتن لە جەوهەری ژیری دەستکردو ناسین و کار پێ کردنی چوار لە ئامڕازەکان و چۆنیەتی ئاڕاستەکردن و سوود لێوەرگرتن لەوانەکاندا ، لەگەڵ زانینی مەترسیەکانی بۆ مامۆستا، و پاشان درووستکردنی دەفتەری پلان و قیدیۆ و وێنە و ئەنیمەیشن )ڕۆژی دووەم:(بابەتی دەروونناسی تاریک و تەکنیکە دەروونییەکان و چۆنییەتی تێکەڵکردنی بە وانەکانی ڕۆژانەیان لە پێناو درووستکردنی چێژ و زیادکردنی هۆڕمۆنی دۆپامین و شێواز کارکردنی مێشک ...) هەموو ئەمانە بە سەرپەرشتی (م.ئالان قەرەداغی)ئەنجامدرا کە بەڕێزیان ڕاوێژکارن لەبواری فێربوونی هاوچەرخدا و خاوەنی چەندین نامیلەکە و توێژینەوەن لە بابەتی (دەروونناسی ، پاراسایکۆڵۆژی ، گەشەپێدان ، ai)گرنگە ئەوە بزانین کە پەروەردەی هاوچەرخ پێویستی بە تێکەڵکردنی تەکنەلۆژیای زیرەەک و تێگەیشتنی قوڵی دەروونی هەیە، بۆیە ئامادەباشی دەکەین بۆ داهاتوویەکی جیاواز لەفێربووندا.، هیوای بەردەوامی و سەڕفرازیان دەخوازێن ‌💐💐💐💪👏👏👏

12/08/2026

🌹 ئەلبوومی چالاکییەکانی مانگی(ئاب) ی مامۆستایانی ئامادەییەکەمان 🌹 کاژێر( ٥ ) ی پاش نیوەڕۆی ڕۆژی سێ شەممە (١١ ئابی ٢٠٢٦) بەندە (م.سۆما حەمە صدیق)وەک نمایندەی ئامادەییەکەمان بەشداربووم لە دیدارێکی تایبەت و نایابــی ( ڕێکخراو ی پەروەردە ی سەردەم) کە بۆ ئەکادیمست و مامۆستای زانکۆی ئەمستردام بەڕێز:(د.مەریوان وریا قانع) بە ناونیشانی(قسەکردن لە سەر ئەزموونی سیستەمی خوێندن و پەروەردە لە هۆڵندا)ڕێکخرابوو، ئامادەبوونی ژمارەیەکی یژاردە لە سەرپەرشتیاران و پەروەردەکاران و نووسەران و خەمخۆرانی کایەی پیشەیی و بەئامانجی تێگەیشتنیش لە ئەزموونی جیهانی و فەراهەم کردنی دید و ئاسۆیەکی نوێ بۆ پەروەردەی هەرێمەکەمان و بەتایبەت تریش چڕ و پڕی شەن و کەو ی تەوەری گفتووگۆ و باسەکان ئێوارەکەمانێ قەشەنگترکرد ، هەر لەکۆڕەکەدا تیشکی ورد و زانستی خرایە سەر سیستەمی پەروەردەی هۆڵەندا، کەوەک یەکێک لە سەر کەوتووترین مۆدێلە جیهانییەکان دەناسرێت ، ئەوەی جێی سەرنج ڕاکشانی گشت بوو چۆنیەتی درووستکردنی هاوسەنگی بوو لەنێوان "بەرزکردنەوەی کواڵیتی خوێندن" و "گشتگیری و ڕەخساندنی دەرفەت بۆ هەموو خوێندکارێک" هەربۆیە بەشداریکردنمان لەم جۆرە دیدارانە بەبێ هۆکار نیە و باوەڕی تەواومان وایە دواڕۆژی وڵاتەکەمان لە پۆلەکانی خوێندنەوە دەست پێدەکات، ئێمە لێرەین تا بەستەرێک بین لە نێوان ئەزموونە پێشکەوتووەکانی جیهان و ژینگەی پەروەردەیی لەمەڕ کلتوری خۆمان ، دواجار تەنها مەبەستمان وەرگرتنی زانیاری نیە ، هێندەی گواستنەوەی ئەم بیرۆکە نوێیانەیە بۆ نێو کەش و هەوا و ژینگەی خوێندنی خوێندنگەکەمان تا بتوانین بە دەستی پڕەوە ئاستی مەعریفی و گەشەی تواناکانی خوێندکاران و هاوپیشە بەڕزەکانمان بەرینە قۆناغێکی بەرزتر، سوپاسی بێ پایانمان بۆ ڕێکخراوی ناوبراو کە پاڵپشت بوون لەڕەخساندنی ئەم دەرفەتە زێڕینە ، گرنگە دووپاتی خاڵێک بکەینەوە "گەشە پێدانی بەردەوامی تواناکانی مامۆستایان و درووستکردنی زەمینەیەکی هاوچەرخ بۆ خوێندکاران کلیلی سەرەکییە بۆ درووستکردنی گۆڕانکاری ڕیشەیی لەگۆمەڵگەدا" پێشەنگ بوون ئامانجمانە، وزانست ڕێگامانە .. لەگەڵ ڕێز ی (م. سۆما)

11/08/2026

🌹 ئەلبوومی چالاکییەکانی مانگی(ئاب) ی مامۆستایانی ئامادەییەکەمان 🌹 پاش نیوەڕۆی ڕۆژی دوو شەممە (١٠ی ئابی ٢٠٢٦) بە سەرپەرشتی (دەزگای ڕوانگە ) و بە ئامادەبوونی پارێزگاری سلێمانی و ژمارەیەکی بەرچاو لە پەروەردەکاران و سەرپەرشتیاران و نووسەران و بیر مەندان و ئەدەب دۆستان و نوێنەری ڕێکخراوە جوداکان ڕێوڕەسمی ناساندنی پەرتووکی ( ڕەخنەی ڕۆشنبێری) بۆ (د.ئەحمەد ئەسوەد) بەڕێوە چوو ، کە بەڕێزیان لەتەمەنی نووسێندا خاوەنی (٤٢) پەڕتووکی چاپکراون بە هەر دوو زمانی (کوردی و عەرەبی) ،، ئەم بەرهەمەشی ڕوانین و دیدێکی نوێیە لە هەمبەر واڵاکردنی دونیای فکر و فەهمکردنی ئەو دیوە شاراوە و تەلیسماوییانەی کە لەنێو دەقە ئەدەبی و بەرهەمە هونەرییەکان دێنە گۆڕێ، بە خوشحاڵییەوە هەر دوو مامۆستای کارا و ئەندامی ماندوو نەناس لە ( لیژنەی پەرە پێدان) بەڕێزان : (شۆخان عمر حسێن) پسپۆڕی ( هونەر ) و(سۆما حەمە صدیق)پسپۆڕی(زمان و ئەدەب کوردی) بەشداربووی مەراسیمەکە بوون ،کە لە ( هۆڵی سالم) ی هۆتێل (ڕەمادا) بەڕێوەچوو ، نوێنەرایەتیان هەم جێگەی بەهەند بینی و ستایشە و هەم خزمەتکردنە بە پسپۆرییەکە شیان، بەردەوامی و پێشەنگیتان دەخوازین‌‌.👏👏💐💐

10/08/2026

ئاگاداری خوێندکاران وبەخێوکەرانی ئازیز دەکەینەوە تاوەکۆتاقیکردنەوە گشتیەکانی قۆناغی ١٢کۆتایی پێ دێت دەوامی فەرمی خوێندنگاکەمان لەڕۆژانی دووشەممە وچوارشەممە دەبێت لەگەڵ ڕێزماندا

09/08/2026

🌹ئەلبوومی چالاکییەکانی مانگی(ئاب)ی مامۆستایانی ئامادەییەکەمان🌹 ڕۆژی شەممە(٢٠٢٦/٨/٨) هەر دوو مامۆستای ئامادەییەکەمان (سۆما حەمەصدیق) و(شۆخان عمر حسێن)بەشداربوون.لە بەشی یەکەمی ۆرکشۆپێکی تایبەت لەژێر ناوی(چۆن بەرهەمهێنانت چەند هێندە زیاد دەکەیت و ژیانت ئاسودەتر دەبێت)کەبەشێوەی (تیۆری و پراکتیکی )بە بەکارهێنانی ئامڕازەکانی( ژیری دەستکرد )بۆ هێژا(د. نورەدین ناسح) لەلایەن دەزگای ڕۆشنبیری جمال عیرفانەوە ڕێکخرابوو، ئەرکی بەڕێوبردنەکەشی لەئەستۆی بەڕێز(د.اسماعیل محمد) ەوە بوو .

09/08/2026

🌹ئەلبوومی چالاکییەکانی مانگی(ئاب)ی مامۆستایانی ئامادەییەکەمان🌹 ڕۆژی ٤شەممە(٢٠٢٦/٨/٥) مامۆستا (سۆما حەمەصدیق) وەک میوان بەشداربوو لە سێمینارێکی زانستی بەناونیشانی(بەبێدەنگی بەرەولوتکە) کە لەلایەن زۆر بەڕێز مامۆستا ی بەتوانا (حیکمەت معروف) ەوە پێشکەشکرا لەباخچەی ڕێکخراوی (CDO) جێی ئاماژەیە ئەم چالاکیە بەهاوبەشی( ڕێکخراوی ئاماژە ) بۆ گەشەپێدانی مرۆیی و بە هەماهەنگی (ڕێکخراوی لیانا) بۆ هزری مرۆڤ دۆستی و بەپاڵپشتی ڕێکخراوی (گەشەپێدانی مەدەنی) لەژێر درووشمی(هەنگاو بەرەو ئایندە) ساز کرابوو ، هاوکات دەستپێکی مەراسیمەکەش ڕێز لەماندووبوونی شەش خاتوونی لاوی خوێندکاری نابیست نرا ، بە پێشکەشکردنی خەلات و بڕوانامەی ستایش کە وێڕای سەختی و بەربەستەکان زۆر سەرکەوتووانە توانیویانە بەرووبوومی تەمەنی خوێندن بە بەدەست هێنانی بڕوانامەی( دبلۆم ) لە (زانستی کۆمپیوتەر) دا بچننەوە.