بەڕێوەبەرێتی پەروەردەی رۆژهەڵات

بەڕێوەبەری پەروەردەی ڕۆژهەڵات بەشداری لە مەراسیمێکی خانەنشین بوونی سەرپەرشتیارێکی وەرزشی کرد

ڕۆژی سێشەممە، 19-05-2026، بەڕێز مامۆستا ڕۆزا شێخ ڕەئووف، بەڕێوەبەری پەروەردەی ڕۆژهەڵات، بەیاوەری بەڕێز مامۆستا بەهمەن یاسین، لێپرسراوی کارگێڕیی و خۆیی ناو دیوانی پەروەردەمان، بەشداریانکرد لە مەراسیمێکی شایستەی هۆبەی چالاکی وەرزشی پەروەردەی ڕۆژهەڵات، کە بەبۆنەی خانەنشین بوونی بەڕێز مامۆستا (سۆران عزیز ڕەشید)، سەرپەرشتیاری هۆبەی چالاکی وەرزشی، ڕێکخرابوو.

لە مەراسیمەکەدا، بەڕێز مامۆستا ڕۆزا، چەپکە گوڵ و قەڵغانی ڕێز و وەفای پێشکەش بە مامۆستا سۆران کرد و هیوای تەمەن درێژی و تەندرووست باشی بۆ خواست لەو ژیانەی لەدوای خانەنشینبوونی ماویەتی.

ڕاگەیاندنی پەروەردەی ڕۆژهەڵات

بەردی بناغەی قوتابخانەیەک دانرا

ئەمڕۆ دووشەممە 2026/05/18، بە ئامادەبوونی بەڕێز عەتا محەمەد، بەڕێوەبەری نووسینگەی سلێمانی بەرێز قوباد تالەبانی جێگری سەرۆکی حکومەتی هەرێم و د.هەڤاڵ ئەبوبەکر، پارێزگاری سلێمانی و مامۆستا نەژاد عەبدوڵا، بەڕێوەبەری گشتی پەروەردەی سلێمانی و مامۆستا ڕۆزا شێخ ڕەئووف، بەڕێوەبەری پەروەردەی رۆژهەڵات و مامۆستا ئاراز عبداللە سەرپەرشتیاری یەکەم و ژمارەیەک لە لێپرسراوانی هۆبەکان و سەرپەرشتیاران و مامۆستایان و دانیشتووانی گەڕەکی قڕگەی شاری سلێمانی، بەردی بناغەی خوێندنگەیەکی نۆ پۆلی دانرا، کە لەلایەن بەڕێز (حاجی فەرەیدونی زەڕەنگەر)ەوە دروستدەکرێت.

هەریەک لە بەڕێوەبەری نوسینگەی جێگری سەرۆکی حکومەت و پارێزگاری سلێمانی، وتاری خۆیان پێشکەشکرد، سوپاسی حاجی فەریدونیان کرد و گرنگی دروستکردنی ئەو قوتابخانەیان خستەڕوو.

جێی بایەخە، منداڵانی ئەو گەڕەکە لەناو کابینەدا سەرگەرمی پڕۆسەی خوێندنن و دروستکردنی ئەم قوتابخانە نوێیە نۆ پۆلییە دەبێتە هۆکاری کۆتاییهێنان بەو دۆخە و ئاسودەکردنی دڵنیایی دایکان و باوکان و پڕۆژەیەکی بەسوود و گرنگ دەبێت بۆ سەرجەم منداڵانی ئەو ناوچەیە.

فۆتۆ/ بێستوون
ڕاگەیاندنی پەروەردەی ڕۆژهەڵات

#کەناڵ8 خەڵاتی ڕێزلێنانیان بەخشی بە بەڕێوەبەری پەروەردەی ڕۆژهەڵات

ڕۆژی یەکشەممە، 17-05-2026، شاندێکی کارگێڕی کەناڵ8 کە پێکهاتبوون لە لەنجەخان و کاک کۆسار، سەردانی دیوانی بەڕێوەبەرێتی پەروەردەی ڕۆژهەڵاتیان کرد و لەلایەن بەڕێز مامۆستا ڕۆزا شێخ ڕەئووف، پێشوازیان لێکرا.

مەبەستی سەردانەکەی شاندی کەناڵ8، بۆ پێدانی ڕێزلێنان و چەپکە گوڵی ڕێز و وەفا بوو بە مامۆستا ڕۆزا و بەڕێوەبەرێتی پەروەردەی ڕۆژهەڵات، کە لەکاتی کەمپەینی کەناڵ8 بۆ کوردانی ڕۆژئاوا، ڕۆڵێکی بەرچاو و کاریگەریان هەبوو لە کۆکردنەوەی هاوکارییەکان و پیتاک بۆ هاونیشتمانییانمان لە ڕۆژئاوای کوردستان.

لایخۆیەوە مامۆستا ڕۆزا، بەخۆشحاڵیەوە خەڵاتی ڕێزلێنانەکەی وەرگرت و سووپاسی بەڕێوەبەر و سەرجەم کارمەندانی کەناڵ8ی کرد لە ڕاگەیاندنی ئەو کەمپەینە پیرۆزەی کەناڵ8، کە بەسووپاسەوە جێی خۆی گرت و سووپاسی هەموو ئەو کەس و لایەنانەی دیکەشی کرد کە بەشداربوون لە کەمپەینەکە.

بەڕێوەبەری پەروەردەی ڕۆژهەڵات، جەختیکردەوە لەوەی هەمیشە خودی خۆی و بەڕێوەبەرێتی پەروەردەی ڕۆژهەڵات و سەرجەم ناوەندەکانی خوێندنی سنووری پەروەردەی ڕۆژهەڵات، خزمەتکاری هەر هاونیشتمانییەکی کورد دەبن لەهەرکوێی ئەم جیهانەدا بێت، خزمەتکردنی نیشتمان و خەڵکەکەی بە ئەرک دەزانن، لەکۆتاییدا دووبارە زۆر سووپاسی کەناڵ8ی کرد بۆ ئەو خەڵاتی ڕێزلێنان و بەسەرکردنەوەیە، بەڵێنی دووپاتکردەوە کە هەمیشە هەماهەنگکار دەبن لەگەڵ کەناڵ8ی خۆشەویست بۆ هەر کارێکی مرۆڤانە لە داهاتوودا.

ڕاگەیاندنی پەروەردەی ڕۆژهەڵات

Channel 8 #پەروەردە #سلێمانی

مامۆستا ڕۆزا لەگەڵ شاندێکی بەڕێوەبەرایەتی چاودێری کۆمەڵایەتی سلێمانی کۆبووەوە

ئەمڕۆ یەکشەممە، 17-05-2026، بەڕێز مامۆستا ڕۆزا شێخ ڕەئووف، بەڕێوەبەری پەروەردەی ڕۆژهەڵات، پێشوازیکرد لە شاندێکی بەڕێوەبەرێتی چاودێری کۆمەڵایەتی سلێمانی.

سەردانی شاندی چاودێری کۆمەڵایەتی بەمەبەستی سووپاس و ستایشی مامۆستا ڕۆزا و پەروەردەی ڕۆژهەڵات بوو، لەبەرئەوەی لەڕابردوودا هاوکار و هەماهەنگکار بوون لەگەڵ چاودێری کۆمەڵایەتی، هاوکات شاندەکە جەختیانکردەوە، کە زۆر سووپاسی بەڕێزیان دەکەن و هیوای سەرکەوتنی زیاتری بۆ دەخوازن.

لە کۆتایی سەردانەکەیاندا لەلایەن شاندی چاودێریی کۆمەڵایەتی سلێمانییەوە خەڵاتی ڕێزلێنان بەخشرا بە بەڕێز مامۆستا ڕۆزا، لە بەرامبەردا مامۆستا ڕۆزا سووپاسی کردن و هیوای سەرکەوتنی بۆ خواستن.

فۆتۆ/ بێستوون
ڕاگەیاندنی پەروەردەی ڕۆژهەڵات

بەڕێوەبەری پەروەردەی ڕۆژهەڵات بەبۆنەی ساڵیادی دامەزراندنی یەکێتیی مامۆستایانیی کوردستان پەیامێکی بڵاوکردەوە

بەڕێز مامۆستا ڕۆزا،به‌بۆنه‌ی تێپه‌ڕبوونی (64) ساڵ به‌سه‌ر دامه‌زراندنی یه‌كێتیی مامۆستایانیی كوردستان، پەیامێکی بڵاوکردەوە و ڕایگەیاند، بە‌ گه‌رمی پیرۆزبایی له‌ سكرتاریەت و سەرجەم لقەكان و تەواوی مامۆستایانی كوردستان ده‌كه‌ین و ئه‌م یاده‌ مێژووییه‌ له‌ خه‌باتی پیشه‌یی و دیموكراسی مامۆستایانی كوردستان دا بەرزدەنرخێنین و سه‌ری ڕێز بۆ مامۆستایانی شه‌هیدی ڕێگەی ڕزگاری و زانست داده‌نه‌وێنین.

مامۆستا ڕۆزا، ڕاشیگەیاند، لەم یادە پڕ شکۆیەدا، دەستی وەفا و پێزانین بۆ سەرجەم مامۆستایانی هەرێمی کوردستان بەسنگەوە دەگرین کە وێڕای نەهامەتی و بارودۆخی سەخت و قەیرانە یەک لەدوای یەکەکان بوونە چرای رێگەی زانست و زانیاری و نەیانهێشت ڕۆڵەکانمان لە کاروانی پەروەردە و فێربوون بە جێ بمێنن.

لەکۆتایی پەیامەکەیدا، بەڕێز بەڕێوەبەری پەروەردەی ڕۆژهەڵات، جەختیکردەوە، سه‌ركه‌وێت خه‌باتی یه‌كێتیی مامۆستایان و بێته‌دی ته‌واوی ئاوات و داوا ڕەواکانی مامۆستایانی كوردستان.

ڕۆزا شێخ ڕەئووف
بەڕێوەبەرێتی پەروەردەی رۆژهەڵات

بەڕێوەبەری پەروەردەی ڕۆژهەڵات بەشداری لە دیدارێکی زانستی کۆلێژی پەروەردەی زانکۆی سلێمانی کرد

رۆژی پێنجشەممە ٢٠٢٦/٥/١٤، لە زانکۆی سلێمانی مامۆستا ڕۆزا شێخ ڕەئووف، بەڕێوەبەری پەروەردەی رۆژهەڵات، بەشداریکرد لە یەکەمین دیداری زانست و کۆمەڵگە بە دروشمی لە تیۆرییەوە بۆ چارەسەری کردەیی.

ئامانجی سەرەکی دیدارەکە بریتی بوو لە بەستنەوەی بیرۆکە داهێنەرەکانی خوێندکاران و مامۆستایان بۆ پێشخستن و خزمەتکردنی سێکتەر و بوارە جیاوازەکانی ناو کۆمەڵگە و چارەسەرکردنی کێشە و بەربەستە جۆراوجۆرەکان بە پێشکەوتووترین داهێنان.

لەو دیدارەدا پانێڵێک لە بواری (پەروەردە و تەکنەلۆجیا) لەلایەن مامۆستا جەزا حمەساڵح والی، سەرپەرشتیاری پەروەردەیی پێشکەش کرا کە سێ پڕۆژەی گرنگی تێدا خرایەڕوو، کە لەلایەن کۆمەڵێک لە مامۆستایانی زانکۆی سلمانییەوە ئامادە کرابوو.

لای خۆیەوە مامۆستا ڕۆزا، بەڕێوەبەری پەروەردە دەستخۆشی لە زانکۆی سلێمانی و کۆلێژی پەروەردە کرد بۆ ئەم دیدارە پڕبایەخە و راشیگەیاند "وەک پەروەردەی ڕۆژهەڵات، پشتیوانی هەموو جۆرە چالاکی و پڕۆژەیەکین کە دەبێتە هۆی خزمەتکردن بە سێکتەری پەروەردە و پڕۆسەی پەروەردە و فێرکردن.

راگەیاندنی پەروەردەی ڕۆژهەڵات

بەڕێوەبەری پەروەردەی ڕۆژهەڵات هۆڵی تاقیکردنەوەکانی چەند خوێندنگە و قوتابخانەی بەسەرکردەوە

ئەمڕۆ چوارشەممە، 13-5-2026، بەڕێز مامۆستا ڕۆزا شێخ ڕەئووف، بەڕێوەبەری پەروەردەی ڕۆژهەڵات، بە یاوەری بەڕێزان مامۆستا ئاراز عبداللە، سەرپەرشتیاری یەکەمی پەروەردەی ڕۆژهەڵات و مامۆستا هاوکار کریم، لێپرسراوی هۆبەی ئەزموونەکان لەناو دیوانی پەروەردە، سەردانی هەریەک لە خوێندنگەکانی ئامادەیی (زناری ئینگلیزی، ئامادەیی تیشکی کوڕان، قوتابخانەی سەربەرزی بنەڕەتییان کرد.

مەبەستی بەسەرکردنەوەی ئەو ناوەندانەی خوێندن، بۆ لە نزیکەوە ئاگاداربوون بوو لە چۆنیەتی بەڕێوەچوونی ئیش و کارەکانیان لە چوارەم ڕۆژی تاقیکردنەوەکانی کۆتایی وەرزی دووەمی خوێندنگەکان.

بەڕێز بەڕێوەبەری پەروەردەی ڕۆژهەڵات، سووپاسی ستافی کارگێڕی ئەو ناوەندانەی خوێندنی کرد بۆ ڕەخساندنی کەشی لەبار بۆ خوێندکاران، تاوەکو بەشێوەیەکی درووست و ئارام تاقیکردنەوەکانیان ئەنجام بدەن.

فۆتۆ: بێستون
داڕشتن و بڵاوکردنەوە/ دانیار

#پەروەردە #سلێمانی

بەڕێوەبەری پەروەردەی ڕۆژهەڵات هۆڵی تاقیکردنەوەکانی چەند خوێندنگەیەکی بەسەرکردەوە

ئەمڕۆ سێشەممە، 12-5-2026، بەڕێز مامۆستا ڕۆزا شێخ ڕەئووف، بەڕێوەبەری پەروەردەی ڕۆژهەڵات، بە یاوەری بەڕێزان مامۆستا ئاراز عبداللە، سەرپەرشتیاری یەکەمی پەروەردەی ڕۆژهەڵات و مامۆستا هاوکار کریم، لێپرسراوی هۆبەی ئەزموونەکان لەناو دیوانی پەروەردە، سەردانی هەریەک لە خوێندنگەکانی ئامادەیی (تافانی کچان، ئامادەیی بازرگانی کەریمی عەلەکەی کوڕان، ئامادەیی کوردستانی کچان)یان کرد.

مەبەستی بەسەرکردنەوەی ئەو ناوەندانەی خوێندن، بۆ لە نزیکەوە ئاگاداربوون بوو لە چۆنیەتی بەڕێوەچوونی ئیش و کارەکانیان لە سێیەم ڕۆژی تاقیکردنەوەکانی کۆتایی وەرزی دووەمی خوێندنگەکان.

بەڕێز بەڕێوەبەری پەروەردەی ڕۆژهەڵات، سووپاسی ستافی کارگێڕی خوێندنگەکانی کرد بۆ ڕەخساندنی کەشی لەبار بۆ خوێندکاران، تاوەکو بەشێوەیەکی درووست و ئارام تاقیکردنەوەکانیان ئەنجام بدەن.

فۆتۆ: بێستون
داڕشتن و بڵاوکردنەوە/ دانیار

#پەروەردە #سلێمانی

کۆبوونەوەی بەڕێوەبەری هۆڵەکانی تاقیکردنەوەی نیشتمانی پۆلی 9ـی بنەڕەتی، ئەنجامدرا

ئەمڕۆ دووشەممە، 11-5-2026، بەڕێز مامۆستا ڕۆزا شێخ ڕەئووف، بەڕێوەبەری پەروەردەی ڕۆژهەڵات، لەگەڵ بەڕێزان، مامۆستا ئاراز عبداللە، سەرپەرشتیاریی یەکەمیی پەروەردەی ڕۆژهەڵات و بەڕێز مامۆستا نورالدین محی الدین، سەرپەرشتیاری پەروەردەیی و مامۆستا هاوکار، لێپرسراوی هۆبەی تاقکیردنەوەکانی ناوی دیوانی پەروەردە و مامۆستا بەهمەن یاسین، لێپرسراوی کارگێڕی و خۆیی ناو دیوان، لەگەڵ بەڕێوەبەری هۆڵەکانی تاقیکردنەوەکانی نیشتمانی پۆلی 9ـی بنەڕەتی کۆبوونەوە.

لەکۆبوونەوەکەدا، بەڕێز مامۆستا ڕۆزا، تیشکی خستە سەر ئامادەکارییەکان بۆ ئەنجامدانی تاقیکردنەوەکان و ڕێنمایی دایە بەڕێوەبەرانی بەڕێزی هۆڵەکانی تاقیکردنەوە بەمەبەستی ڕەخساندنی کەشێکی لەبار و ئارام بۆ خوێندکاران.

هاوکات لەلایەن بەڕێزان مامۆستا ئاراز سەرپەرشتیاری یەکەمی پەروەردەی ڕۆژهەڵات و مامۆستا نورالدین، سەرپەرشتیاری پەروەردەیی و مامۆستا هاوکار لێپرسراوی هۆبەی تاقیکردنەوەکانی پەروەردەی ڕۆژهەڵات، بەووردی ڕێنماییەکانی تاقیکردنەوەکانیان بۆ بەڕێوبەران شیکردەوە و باسیان لە گیروگرفتەکانی بەردەم پڕۆسەی تاقیکردنەوەکان کرد و ڕاوبۆچوونیان لەگەڵ بەڕێزانی بەڕێوەبەری هۆڵەکانی تاقیکردنەوەکان گۆڕیەوە.

لە کۆتاییدا، بەڕێزان بەڕێوەبەری پەروەردە و لیژنەی تاقیکردنەوەکانی بەشدار لە کۆبوونەوەکە هیوای بەڕێوەچوونی پڕۆسەیەکی سەرکەوتووی تاقیکردنەوەکانیان خواست بۆ بەڕێوەبەران و خوێندکارانی ئازیز، هەروەها ئامادەیی تەواوی پەروەردە و لایەنە پەیوەندیدارەکانی دیکەی دەرەوەی پەروەردە و ناو دیوان و یەکەی سەرپەشتیارییان دەربڕی بۆ تەواوی بەڕێوەبەر و مامۆستایانی چاودێری هۆڵەکانی تاقیکردنەوە و ڕایانگەیاند لە ڕۆژانی تاقیکردنەوە لە نزیکەوە چاودێری بەڕێوەچوونی پڕۆسەکە دەکەن و دووبارە هیوای سەرکەوتنیان بۆ خواستن.

فۆتۆ/ بێستوون
داڕشتن و بڵاوکردنەوە/ دانیار

#پۆلی9 #پەروەردە #سلێمانی

بەڕێوەبەری پەروەردەی ڕۆژهەڵات هۆڵی تاقیکردنەوەکانی چەند خوێندنگەیەکی بەسەرکردەوە

ئەمڕۆ دووشەممە، 11-5-2026، بەڕێز مامۆستا ڕۆزا شێخ ڕەئووف، بەڕێوەبەری پەروەردەی ڕۆژهەڵات، بە یاوەری بەڕێزان مامۆستا ئاراز عبداللە، سەرپەرشتیاری یەکەمی پەروەردەی ڕۆژهەڵات و مامۆستا هاوکار کریم، لێپرسراوی هۆبەی ئەزموونەکان لەناو دیوانی پەروەردە، سەردانی هەریەک لە خوێندنگەکانی ئامادەیی (ئەزمەڕی کوڕان، تووی مەلیکی کچان، مووکریان کوڕان)یان کرد.

مەبەستی بەسەرکردنەوەی ئەو ناوەندانەی خوێندن، بۆ لە نزیکەوە ئاگاداربوون بوو لە چۆنیەتی بەڕێوەچوونی ئیش و کارەکانیان لە دووەم ڕۆژی تاقیکردنەوەکانی کۆتایی وەرزی دووەمی خوێندنگەکان.

بەڕێز بەڕێوەبەری پەروەردەی ڕۆژهەڵات، سووپاسی ستافی کارگێڕی خوێندنگەکانی کرد بۆ ڕەخساندنی کەشی لەبار بۆ خوێندکاران، تاوەکو بەشێوەیەکی درووست و ئارام تاقیکردنەوەکانیان ئەنجام بدەن.

فۆتۆ: بێستون
داڕشتن و بڵاوکردنەوە/ دانیار

#پەروەردە #سلێمانی

بەسەر کردنەوەی بەشێک لە خوێندنگەکانی پەروەردەی ڕۆژهەڵات

سەرلەبەیانی ئەمڕۆ ١٠ی ٥ی ٢٠٢٦ بەڕێز مامۆستا ڕۆزا شێخ رووف اسماعیل بەڕێوەبەری پەروەردەی ڕۆژهەڵات هاوڕێ لەگەڵ مامۆستا ئاراز عبداللە سەرپەرشتیاری یەکەمی پەروەردەی ڕۆژهەڵات و مامۆستا هاوکار کریم سعید لێپرسراوی هۆبەی ئەزموونەکانی لە بەڕێوەبەرێتی پەروەردەی ڕۆژهەڵات، سەردانی هەریەک لە خوێندنگەکانی ئامادەیی ( صلاح الدینی کوڕان، بێخاڵ ی کچان، ئاگری داغی کوڕان) ی کرد، بەمەبەستی بەسەرکردنەوەیان و لەنزیکەوە ئاگاداربوون لە چۆنیەتی بەڕێوەچوونی ئیش و کارەکانیان لەیەکەم ڕۆژی دەستپێکی تاقیکردنەوەکانی کۆتایی وەرزی دووەمی خوێندنگەکان.

ڕاگەیاندنی پەروەردەی ڕۆژهەڵات
فۆتۆ: بێستون صالح