Educationl Psychology/ دەروونناسی پەروەردەیی

جەژنی ڕەمەزانی پیرۆزتان پیرۆز بێت

"خودا ڕۆژوو تاعاتی مانگی ڕەمەزانی لێ وەرگرتبێتین و نوری جەژن بڕژێنێتە سەر ماڵ و دڵتان. جەژنی ڕەمەزانتان پیرۆز بێت."
​هەموساڵێک بە خۆشی

Educationl Psychology/ دەروونناسی پەروەردەیی

فێربوونی چالاک (Active Learning) :

فێربوونی چالاک شێوازێکی فێرکردنە کە تێیدا خوێندکار بە شێوەیەکی چالاک و بەردەوام بەشدار دەبێت لە پرۆسەی فێربوون، وەک بیرکردنەوە، گفتوگۆکردن، پرسیارکردن و چارەسەرکردنی کێشە؛ نەک تەنها گوێگرتن لە وانەی مامۆستا.
ئەم شێوازە وا دەکات خوێندکار خۆی بەشێک بێت لە دروستکردن و تێگەیشتن لە زانیاری، کە ئەمەش دەبێتە هۆی تێگەیشتنی قووڵتر و فێربوونی کاریگەرتر. لەم شێوازەی فێرکردندا خوێندکار تەنها گوێگر نییە، بەڵکوو بە شێوەیەکی چالاک بەشدار دەبێت لە پرۆسەی فێربووندا؛ وەک گفتوگۆکردن، چارەسەرکردنی کێشە، کارکردنی گرووپی، پرسیارکردن و بیرکردنەوەی ڕەخنەیی.

تایبەتمەندییە سەرەکییەکانی فێربوونی چالاک:

بەشداریکردنی چالاکی خوێندکار – خوێندکار تەنها گوێگر نییە، بەڵکوو بە کردار و گفتوگۆ بەشدار دەبێت.

بیرکردنەوەی ڕەخنەیی – هاندانی خوێندکار بۆ لێکدانەوە، پرسیارکردن و هەڵسەنگاندنی زانیاری.

کارکردنی هاوبەش (گرووپی) – فێربوون لە ڕێگەی هاوکاری و گۆڕینی بیرۆکەکان.

چارەسەرکردنی کێشە – بەکارهێنانی زانیاری بۆ چارەسەرکردنی دۆخی ڕاستەقینە.

پەیوەندیی نێوان تیۆری و پراکتیک – بەستنەوەی زانیاری بە ژیانی ڕۆژانە.

پێداچونەوەی بەردەوام – وەرگرتنی ڕا و ڕێنمایی زانیاری بۆ باشترکردنی فێربوون.

خۆ-فێربوون و بەرپرسیارێتی – خوێندکار بەرپرسیار دەبێت لە فێربوونی خۆی.
ئەمانە بنچینەیەکانی فێربوونی چالاکن کە دەبنە هۆی تێگەیشتنی قووڵتر و ماندوونەبوونی فێربوون.

نموونەی چالاکییەکان:
گفتوگۆی دوو-دوو یان گرووپی
پرۆژە و توێژینەوە
یارییە فێرکارییەکان
پرسیار و وەڵامی ڕاستەوخۆ
چارەسەرکردنی کێشە (Problem-solving)

جیاوازی لەگەڵ فێربوونی ناچالاک:
لە فێربوونی ناچالاکدا، مامۆستا زۆرجار تەنها وانە دەڵێت و خوێندکار گوێ دەگرێت. بەڵام لە فێربوونی چالاکدا خوێندکار خۆی بەشێکە لە دروستکردنی زانیاری.

سوودەکان فێربونی چالاک:
تێگەیشتنی قووڵتر و زیاتر لە وانە
وەرگرتنی زانیاری و مانەوەی لە زاکیرەی درێژخایەنی خوێندکاردا.
بەرزبوونەوەی متمانە بە خۆبون
پەرەپێدانی توانا کۆمەڵایەتییەکان

کاواتە بۆ ئەوەی خوێندکار بەرهەمی باشتری هەبێت، پێویستە بە شێوەی چالاک فێر بکرێت؛ چونکە فێربوونی چالاک وا دەکات خوێندکار بەشدارێکی ڕاستەوخۆ لە پرۆسەی فێربووندا بێت. لەم شێوازەدا خوێندکار تەنها گوێگر نییە، بەڵکوو بە کردار، گفتوگۆ، پرسیارکردن و چارەسەرکردنی کێشە زانیاری دروست دەکات و تێدەگات.
توێژینەوە پێشاندەدات کە بەشداریکردنی چالاک دەبێتە هۆکاری:
تێگەیشتنی قووڵتر،
ماوەیاداشتکردنی درێژخایەن،
پەرەپێدانی بیرکردنەوەی ڕەخنەیی،
و بەرزبوونەوەی متمانە بە خۆ دەبێت.
بۆیە، فێربوونی چالاک دەبێتە هۆی بەرزبوونەوەی ئاستی بەرهەم و سەرکەوتنی خوێندکاران.

ئامادەکردنی:

م.سردار شێخ عادل
ماستەر لە دەرونناسی پەروەردەیی

سەرچاوەکان:

Bonwell, Charles C. & Eison, James A. (1991).
Active Learning: Creating Excitement in the Classroom.

Prince, Michael (2004).
“Does Active Learning Work? A Review of the Research.”
– وتارێکی توێژینەوەیی کە لە گۆڤاری Journal of Engineering Education بڵاوکراوەتەوە و بەڵگەی زانستی دەهێنێت بۆ کاریگەری فێربوونی چالاک.

Freeman, Scott هاوبەشانی (2014).
“Active learning increases student performance in science, engineering, and mathematics.”
– بڵاوکراوەتەوە لە گۆڤاری Proceedings of the National Academy of Sciences (PNAS)؛

Vygotsky, Lev (1978).
Mind in Society.
– تیۆری فێربوونی کۆمەڵایەتی کە بنچینەیەکی گرنگە بۆ فێربوونی چالاک.

Piaget, Jean (1952).
The Origins of Intelligence in Children.
– تیۆری سازاندن (Constructivism) کە پشتگیری لە بەشداریکردنی چالاکی خوێندکار دەکات.

#پەروەردە #دەرونناسی

ناتوانایی فێربوون (LD) چییە؟

ناتوانایی فێربوونی حاڵەتێکی دەمارەیە کە کاریگەری لەسەر توانای مێشک هەیە لەپرۆسەی ناردن و وەرگرتنی زانیاری. منداڵێک کە ناتوانیی فێربوونی هەبێت لەوانەیە کێشەی هەبێت لە خوێندنەوە، نووسین، قسەکردن، گوێگرتن، تێگەیشتن لە چەمکە بیرکارییەکان و تێگەیشتنی گشتی. گرفتی ناتوانایی فێربوونی واتا کۆمەڵێک تێکچوونی پێکەوە گرێدراو لەخۆدەگرێت وەک ناڕێکی لە خوێندنەوە، گوێگرتن ، نوسین، تێنەگەشتن لە بنەماکانی یاساکانی dyslexia, dyspraxia, dyscalculia and dysgraphia . هەر یەکێک لەو گرفتانە هەندێجار لەگەڵ جۆرێکی تردا پێکەوە دێن لە منداڵێکدا.

تێبینی: ناتوانایی فێربوون بەهۆی بونی نەخۆشی جەستەیی یان دەروونی نیە، یان خراپی باری ئابووری خێزان کاریگەری لەسەر ئەم بارودۆخەی منداڵ نیە.
ناتوانیی فێربوونی تایبەت واتە تێکچوون لە یەکێک یان زیاتر لە پرۆسەی دەروونی بنەڕەتی، لەوانە گرفتی تێگەیشتن یان گرفتی قسەکردن یان نووسین، کە ڕەنگە یەکێک لەوانە لەخۆ بگرێت وەکو گرفت لە گوێگرتن، قسەکردن، خوێندنەوە، ئیملاکردن یان ئەنجامدانی حیساباتی بیرکاری.

چی گرفتی فێربون نیە ئەگەر لە منداڵەکانماندا هەبێت؟

هەندێ منداڵ خاون لەفێربون بەڵام توانای فێربون و زاڵبون و بەسەر چالاکی خوێندن و خوێندنگەدا هەیە، وەهەندێ منداڵ حەزی لە هەندێ وانەی تایبەت نیە وەکو (فێربونی زمانی نوێ و یان هەندێ چالاکی وەرزشی یان هەندێ بابەتی خوێندن) ڕەنگە ئارەزوی وەرزش یان چالاکی دەرەوەی هۆڵی خوێندنی نەبێت ، ئەم حاڵەتە بە ئارەزوی منداڵ هەژمار دەکرێت نەک گرفتی فێربون یان ناتوانایی منداڵ لە لەفێربون.

چی هۆکاری دروستبونی ناتوانایی فێربونە؟

زانایان بڕوایان وایە هۆکارێکی دیاریکراو نیە بۆ ناتوانایی فێربون لەکاتێکدا چەندین فاکتەری تایبەت هەن کە ڕەنگە کاریگەری هەبێت لەسەر ناتوانایی فێربون لەوانە:

بۆماوەیی: زانایان باوەڕیان وایە دەکرێت ئەگەر منداڵێک دایک و باوکی گرفتی فێربوونیان هەبوبێت ئەوا منداڵەکەش ئەگەری تووشبوون بە هەمان حاڵەتی هەیە.

نەخۆشی لە کاتی لەدایکبوون و دوای لەدایکبوون: نەخۆشی یان برینداربوونی منداڵ لە کاتی لەدایکبوون یان دوای لەدایکبوون لەوانەیە ببێتە هۆی گرفتی ناتوانایی فێربوون. هۆکارەکانی دیکە ڕەنگە بریتی بن لە خواردنەوەی ماددە هۆشبەرەکان یان کحول لە کاتی دووگیانیدا، زەبر و زەنگی جەستەیی، گەشەکردنی خراپی منداڵدان، کەمی کێشی منداڵ لەکاتی لەدایکبوون و منداڵبوونی پێشوەختە.

سترێس لە کاتی کۆرپەیدا: ڕووداوی خراپ لە دوای لەدایکبوون وەک تایەکی زۆر یان برینداربوونی سەر، یان خراپی کواڵتی خۆراک و ژینگە و زیادبوونی بەرکەوتن بە مادە ژەهراویەکان.

نەخۆشی هاوبەش: ئەو منداڵانەی کە گرفتی فێربوونیان هەیە، زیاتر گرفتیان هەیە لە سەرنجدان و تەرکیزکردن یان ئەنجامدانی ڕەفتاری تێکدەرو توندوتیژی ، لەسەدا ٢٥ی ئەو منداڵانەی کە گرفتی خوێندنەوەیان هەیە تووشی نەخۆشی ADHD دەبن وە مەزەندە دەکرێت لەسەدا ١٥ بۆ ٣٠ی ئەو منداڵانەی کە تووشی ADHD بوون، گرفتی فێربوونیان هەیە.

نیشانەکانی گرفتی فێربون؟

باخچەی ساوایان: لەوانەیە منداڵ لە قۆناغی پێش قوتابخانەدا هەندێک لەم گرفتانەی هەبێت وەکو گەشەکردنی تواناکانی قسەکردن لەکاتێکدا قسەکردن بە شێوەیەکی ئاسایی لە منداڵاندا وردەوردە گەشە دەکات یان
ناسینەوەی وشەی سادە و پیتەکان یان فێربوونی ژمارە.
تەرکیزکردن لەسەر ئەرکەکانی و
پەیڕەوکردنی ڕێنماییەکان لەبەکارهێنانی تواناکانی و جوڵەی ورد بۆ ئەنجامدانی ئەرکەکانی.

گرفتی فێربون لە قۆناغی سەرەتایی

بەستنەوەی پیتەکان و
گرفتی جیاکردنەوەی ئەو وشانەی کە هاوشێوەن لە خوێندنەوەدا ،
گرفتی خوێندنەوەو نووسین بە وردی. بۆ نموونە گرفتی جیاکردنەوەی لای ڕاست لە چەپی وشەکان، تێکەڵکردنیان بۆنمونە نمرەکان ٢٥ لەگەڵ ٥٢ یان گرفتی ناسینەوەی پیتەکانی ئەلفوبێی زمان.
گرفتی بەکارهێنانی هێماکان لە بیرکاریدا بۆ ئەنجامدانی چالاکیەکانی و بیرهاتنەوەی ژمارە.

فێربوونی کارامەیی نوێ؛ لەوانەیە منداڵەکە لە منداڵانی تری هاوتەمەنی خۆی خاوتر بێت.
گرفتی لەبیرکردنی شیعرو
یان تێگەیشتن لە کاتەکانی هەبێت یان گرفتی کۆنترۆڵکردن وەکو نەزانین لە گرتنی قەڵەم، نەتوانین لە خۆگۆڕین و خۆڕێکخستن هەبێت.

چارەسەر:
پەیوەستە بە جۆرو ڕێژەی گرفتەکەوە، ڕەنگە هەندێک لە منداڵان سوود لە چارەسەرکردن وەربگرن. بۆ نموونە چارەسەری قسەکردن دەتوانێت یارمەتی ئەو منداڵانە بدات کە گرفتی زمانیان هەیە. چارەسەری پیشەیی ڕەنگە یارمەتیدەر بێت لە باشترکردنی توانای جووڵەی منداڵێک کە کێشەی نووسینی هەیە.

چارەسەری جێگرەوە: لێکۆڵینەوەکان دەریدەخەن لەڕێگەر بەکارهێنانی هەندێ چالاکی وەکو وەرزشکردن، ڕاهێنانکردنی هونەری دەتوانن سوود بەو منداڵانە بگەیەنێت کە گرفتی فێربوونیان هەیە.

چارەسەری کلینیکی : باشترین چارەسەر ئەوەیە پسپۆری چارەسەرکار شارەزایی لە بواری پەروەردەشدا هەبێت هەتا بتوانێت تاقیکردنەوەی پێوەرەکانی زیرەکی وێکسلەر بۆ منداڵان بەدروستی ئەنجام بات بۆ ئەوەی دیاری بکات کە ئایا کارکردنی هزری منداڵەکە ئاساییە یان نا. ئەمەش یارمەتیدەرە بۆ دیاریکردن و زانینی ئاستی کارکردنی توانای هزری و ئاستی دواکەوتوویی عەقڵی منداڵەکە چونکە هەردوکیان کاریگەرییان لەسەر توانای ئەکادیمی منداڵ هەیە.

پەروەردەکاری تایبەت:
چاودێریکردنی توانای منداڵ هەڵسەنگێندرێت بە ئەنجامدانی تاقیکردنەوە پەروەردەییە ستانداردەکان (تاقیکردنەوەی دەستکەوتی مەودای فراوان، تاقیکردنەوەی توانای تاکەکەسی پیبۆدی، تاقیکردنەوەکانی دەستکەوتی وودکۆک-جۆنسۆن، تاقیکردنەوەی دەستکەوتی شۆنێل، تاقیکردنەوەی بابەتە جیاوازەکان) بۆ هەڵسەنگاندنی توانای منداڵ لە بابەتەجیاوازەکانی خوێندنەوە، نوسین، زمانەوانی، و بیرکاری.
دەستکەوتی توانای منداڵ پێش چونە قۆناغی قوتابخانە بۆ زانینی توانای عەقڵی منداڵ ڕەنگە منداڵەکە کەمئەندامییەکی تایبەتی فێربوونی هەبێت.

پزیشکی منداڵان/ پزیشکی دەماری منداڵان: ئەگەر منداڵ گرفتی فێربوونی هەبێت، پزیشکی منداڵان پێویستە پرسیار لەبارەی ئەدای منداڵەکە بکات لە قوتابخانە و ڕێنمایی دایک و باوک بکات بۆ ئەوەی هەڵسەنگاندنی لایەنی دەروونی-پەروەردەیی منداڵەکەیان ئەنجام بدەن. هەروەها پزیشکی منداڵان دەتوانێت ئامۆژگاری دایک و باوک و مامۆستای پۆل بکات سەبارەت بە سوودی پەروەردەی باش. تۆمارکردنی زانیاری کلینیکی وردو و پشکنینی جەستەیی بۆدیاریکردن و چارەسەرکردنی حاڵەتی وەک غودەی دەرەقی، گرفتە دەماریەکان وەک ئیفلیجی مێشک، نەخۆشی ویڵسن، ADHD. پشکنینی کێشەکانی ڕەفتاری منداڵ لە قوتابخانە و ماڵەوە.

پزیشکی دەروونی منداڵان : پشکنین کردن بۆزانینی ئەوەی کە ئایا منداڵەکە نیشانەکانی ADHD هەیە یان نە ڕەنگە لەگەڵ هەر جۆرە گرفتێکی فێربوندا بونی هەبێت، هەروەها پزیشکی دەروونی پشکنین بۆ نەخۆشیەکانی تر دەکات کە لەوانەیە هۆکاری خراپی ئەدای خوێندن بن.

ڕێنمایکاری پەروەردەیی: یارمەتیدەرە لە تێگەیشتن لە ڕەفتار، پشکنین بۆ هەر گرفتێک، یان بۆ هەر کێشەیەک کە ڕەنگە بەهۆی خراپی ژینگەی ماڵەوە یان قوتابخانەوە دروست بوبێت یان هەر گرفتێکی سۆزداری کە ڕەنگە هۆکاری خراپی ئاستی منداڵەکە بێت لە قوتابخانە.

نوسینی
سردار شێخ عادل بەرزنجی
ڕێنمایکاری پەروەردەیی
ماستەر لە دەرونناسی پەروەردەیی

#پەروەردە #دەرونناسی #گەرمیان

جە‌ژنی ڕەمەزانتان پیرۆزبێت و تاعە‌ت و عیبادە‌تتان قبوڵكراوی لای پە‌روە‌ردگار بێت انشااللە، بەخۆشی و شادی.

جەژنی ڕەمەزان پیرۆز بێت لە هەمووتان
هەموو ڕۆژێکتان هەر جەژن و
هەموو ساتێکتان خۆشی و کامەرانی بێت.
گەردنی هەمو لایەک ئازاد بێت.

#ڕەمەزان

،،
☆ چۆن ڕاهێنان بە منداڵەکەم بکەم بۆ بەڕۆژوبون

١- باسکردنی فەزائیلەکان ڕۆژوو بەوەی هۆکارێکە بۆ چوونە بەهەشت ، ولەبەهەشتدا دەرگایەک هەیە ناوی ڕەیانە ولەو دەرگایەوە ڕۆژووەوانە دەچنە ژوورەوە .
٢- پێشتر ڕاهێنرابێتن لەسەر ڕۆژوو ، وەک ئەوەی لەمانگی شەعباندا چەند ڕۆژێکیان گرتبێت ، بۆ ئەوەی ڕەمەزان لەناکاو و موفاجەئە نەبێت بۆیان .
٣- ڕۆژووی هەندێ لەڕۆژەکە ، و کاتەکەی وردە وردە زیاد بکرێت .
٤- دواخستنی پارشێو بۆ کۆتایی شەو ، ئەوەش هۆکارێکە بۆ ئەوەی بتوانن ڕۆژووەکە بەتەواوی بگرن .
٥- هەڵنان و تەشجیع کردنیان بەوەی ڕۆژانە دیاریەکیان پێ بدرێت ، یاخود حەفتانە .
٦- لەکاتی ڕۆژوو شکاندن و پارشێو کردندا ولەپێش چاوی خێزان وەسف بکرێن ، بێگومان ئەمەش دەبێتە هۆکاری بەرز کردنەوەی مەعنەویاتیان.
٧- دروست کردنی گیانی مونافەسە لەنێوان منداڵاندا ئەمە بۆ کەسێک زیاد لە منداڵێکی هەبێت ، لەگەڵ ئەوەی کەسی دواکەواتو سەرسەزەنشت نەکرێت .
٨- کاتێ یەکێکیان برسی دەبێت بەخەواندن سەرقاڵ بکرێت ، یاخود بەجۆرەها یاری بەسوود سەرقاڵ بکرێن ،هەروەک هاوەڵانی بەڕێز ئەمەیان دەکرد لەگەڵ منداڵەکانیاندا ، وچەندان بەرنامەی تایبەت بەمنداڵان هەیە ، حەتمەن لەمەدا دەبێ ڕەچاوی کەناڵە ئیسلامیەکان بکرێت ئەوانەی کەجێی سیقەن وشتی نەشیاو پیشان نادەن.
٩- باش وایە دوای عەسر باوک دەستی منداڵەکەی بگرێت و بیبا بۆ مزگەوت بۆ ئامادە بوون لەنوێژ و دەرسەکاندا ومانەوە لەمزگەوتدا بۆ قورئان خوێندن ویادی خودا کردن .
١٠- سەردانی شەوانە وڕۆژانە بۆ ئەو ماڵانە ڕێک بخرێت کەمنداڵەکانیان بەڕۆژوو دەبن ، ئەمەش بۆ زیاتر تەشجیع کردنیان لەسەر ڕۆژوو گرتن .
١١- پاداشت دانەوەیان بەڕێک خستنی سەردانی کردنی جێگە گونجاوەکان ئەمەش دوای ڕۆژوو شکاندن ، یاخود ئەو شەربەت و خواردن وشیرینیانەیان بۆ ئامادە بکرێت کەحەزی لێ دەکەن .

#ڕەمەزان

رەمەزانتان پیرۆزبێت...
خوای گەورە بیکاتە مایەی خۆشی و دەروونێکی ئارام بۆ هەمووان...




#دەرووندروستی
#لەپێناوپەروەردەدا






#ڕەمەزان

وه‌زاره‌تی بازرگانی و پیشه‌سازی حكومه‌تی هه‌رێم رایگه‌یاند، سه‌رجه‌م ئه‌و فۆڕم و سیڤیانه‌ی بۆ 49 هه‌لیكار پڕكرابونه‌وه‌، به‌هۆی كێشه‌یه‌كی ته‌كنیكی سڕدراونه‌ته‌وه‌، بۆیه‌ سه‌رله‌نوێ ئه‌وانه‌ی خوازیارن ده‌توانن فۆڕم پڕبكه‌نه‌وه‌ و ماوه‌ی پڕكردنه‌وه‌ی فۆڕمه‌كانیش تاوه‌كو رۆژی 2ی (كانونی دوه‌م/1)ی 2023 درێژكراوه‌ته‌وه‌.

وه‌زاره‌تی بازرگانی و پیشه‌سازی له‌ڕاگه‌یه‌ندراوێكدا بڵاویكرده‌وه‌، "ئاگاداری هاوڵاتیان ده‌كه‌ینه‌وه‌ كه‌ وه‌زاره‌تی بازرگانی و پیشه‌سازی هه‌ڵده‌ستی به‌ دامه‌زراندنی 49 فه‌رمانبه‌ر به‌ شێوه‌ی گرێبه‌ست بۆ ئه‌م پسپۆریانه‌ی كه‌ له‌ خواره‌وه‌ دیاریكراون له‌ فه‌رمانگه‌كان.

به‌هۆی بونی كێشه‌یه‌كی ته‌كنیكی داتای وه‌رگرتنی سیڤییه‌كان سڕايه‌وه‌
ئاماژه‌ی به‌وه‌شكردوه‌، "هاوڵاتیان ئاگادارده‌كه‌ینه‌وه‌، كه‌ ماوه‌یه‌ك له‌مه‌وبه‌ر ده‌رگای دامه‌زراندنمان له‌ وه‌زاره‌تی بازرگانی و پیشه‌سازی، به‌رێوه‌به‌رایه‌تی گشتی تۆماركردنی كۆمپانیاكان بۆ كۆمه‌ڵێك پسپۆری و پێداویستی داواكردبو، به‌هۆی بونی كێشه‌یه‌كی ته‌كنیكی داتای وه‌رگرتنی سیڤییه‌كان سڕايه‌وه‌، دوای چه‌ندین هه‌وڵ بۆ گه‌ڕانه‌وه‌ی داتاكان كه‌چی بێ سود بون، وێڕای داوای لێبوردن له‌ هاوڵاتیان و پێشكه‌شكاران، دوباره‌ ده‌رگای دامه‌زراندن بۆ خوازیاران له‌ رۆژی 13ی (كانونی یه‌كه‌م/12)ی ئه‌مساڵ تاوه‌كو كاتژمێر 11:00ی سه‌ر له‌به‌یانی رۆژی 2ی (كانونی دوه‌م/1)ی 2023 له‌ رێگه‌ی فۆڕمه‌وه‌ له‌ سایت و په‌یجی فه‌رمی وه‌زاره‌ت ده‌كرێته‌وه‌.

شێواز و چۆنیه‌تی پڕكردنه‌وه‌ی فۆڕمی دامه‌زراندن:
یه‌کەم: بۆده‌رچوانی كۆمپیوته‌ر و ئای تی و زمانی ئینگلیزی و ئامار و كارگێری و ژمێریاری و یاسایی كلیك له‌سه‌ر ئه‌م لینكه‌ی خواره‌وه‌ بكه‌ن بۆ پڕكردنه‌وه‌ی فۆرمی ئه‌لكترۆنی وه‌یان لینكه‌كه‌ كۆپی بكه‌ و له‌ گوگڵ دابنێ.
‏https://forms.gle/3vfWGYv4sq7qF9pRA
دوه‌م: بۆ فه‌رمانبه‌ری خزمه‌تگوزاری پاككه‌ره‌وه‌ – به‌رده‌ست – شوفێری تكایه‌ كلیك له‌سه‌ر ئه‌م لینكه‌ی خواره‌وه‌ بكه‌ن بۆ پڕكردنه‌وه‌ی فۆرمی ئه‌لیكترۆنی وه‌یان لینكه‌كه‌ كۆپی بكه‌ و له‌ گوگڵ دابنێ.
‏https://forms.gle/rX2nQmjVuA5gtBH18
سێیه‌م: له‌كاتی هه‌بونی هه‌ر گیروگرفتێك له‌ پڕكردنه‌وه‌ی فۆرمه‌كان له‌ لینكه‌كانی سه‌ره‌وه‌ تكایه‌ په‌یوه‌ندی به‌ ژماره‌ی ته‌له‌فۆنی 07518718121 بكه‌ن له‌ رێگه‌ی راسته‌وخۆ یان وه‌تس ئه‌پ و ڤایبه‌ر وه‌ یان ئیمه‌یلیك بنێرن بۆ [email protected]كێشه‌كه‌ چاره‌سه‌ر ده‌كه‌ین
چواره‌م: ئه‌گه‌ر بڕوانامه‌ له‌ ده‌ره‌وه‌ی هه‌رێمی كوردستان به‌ده‌ست هێنرابێت پێویسته‌ یه‌كسانكردنی بڕوانامه‌ی بۆكرابێت له‌ وه‌زاره‌تی خوێندنی باڵاو توێژینه‌وه‌ی زانستی
پێنجه‌م: هه‌ر هاوڵاتیه‌ك مافی هه‌یه‌ یه‌ك جار فۆرمه‌كانی سه‌ره‌وه‌ پڕبكاته‌وه‌، ئه‌وه‌ی زیاتر له‌یه‌ك فۆرم پڕبكاته‌وه‌ مافی ده‌فه‌وتێ.
شه‌شه‌م: له‌ كاتی ده‌رچونی ناوه‌كان بۆ دامه‌زراندن به‌ پێی خاڵ، لێژنه‌یه‌كی پسپۆر چاوپێكه‌وتن له‌گه‌ڵ داواكار ده‌كات بۆ هه‌ڵسه‌نگاندن و زانینی ئاستی شاره‌زایی و توانای فه‌رمابه‌ر و لێژنه‌ بڕیار له‌سه‌ر دامه‌زراندنی ده‌دات.
حه‌وته‌م: فه‌رمانبه‌ر داده‌مه‌زرێت له‌ یه‌كێك له‌م فه‌رمانگانه‌ی خواره‌وه‌ به‌ پێی شوێنی جوگرافی:
- به‌رێوه‌به‌رایه‌تی گشتی تۆماركردنی كۆمپانیاكان
- به‌رێوه‌به‌رایه‌تی كۆمپانیاكانی هه‌ولێر
- به‌رێوه‌به‌رایه‌تی كۆمپانیاكانی سلێمانی
- به‌رێوه‌به‌رایه‌تی كۆمپانیاكانی دهۆك

فۆرمی دامەزراندن بەشێوەی گرێبەست لە وەزارەتی بازرگانی و پیشەسازی بۆ دەرچوانی زانکۆ و پەیمانگاکان 1-بۆدەرچوانی کۆمپیوتەر و ئای تی و زمانی ئینگلیزی و ئامار و کارگێری و ژمێریاری و یاسایی تکایە ئەم فۆرمەی خوارەوە پڕ بکەنەوە لە ڕێکەوتى 13/12/2022 تاکو کاتژمێر 11ی بەیانی ڕؤ....

اللهم صل على محمد وآل محمد

وەزارەتی پەروەردەوە:

وەزارەتی پەروەردە لەبارەی پەرەپێدانی خزمەتگوزارییە دیجیتاڵیەکان گەنجینەی خێزان ڕادەگەیەنێت بە ناونیشانی ئی-خێزان «E-Xezan»
لە پلاتفۆرمی ئی - خێزان کۆمەڵێک ھۆشیاری گرینگ بەردەستن بۆ ھەموو خێزانێک، ھەریەک لەوانە کۆمەکی خێزانی کوردستانی دەکات بۆ ئەوەی ھاوئاھەنگ لەگەڵ کاروباری قوتابخانەدا ھەنگاو بنێن. بابەتەکانی پەیوەست بە هۆشیاری خێزان لە داهاتوو بەرفرەوانتر دەکرێت و بابەتی دیکەی بۆ بەرهەم دەهێنرێت بە ڕەچاوگرتنی پێویستی خێزان و قوتابخانە.
لە ئیستادا ھۆشیارییەکان بەردەستن بەشێوەی: «ڤیدیۆ / نامیلکە و دەنگەنامیلکە / پۆستەر و دەنگەپۆستەر». لەم بوارانەی خوارەوەدا:

🔹 بەھا رەفتارییەکان.
🔹 بەستێنی ڕێز.
🔸 بەرپرسیاریەتی خێزان لە پرۆسەی پەروەردە و فێربوون.
🔸 چۆن خێزان کۆمەکی منداڵەکەی دەکات لەکاتی وانە خوێندن؟
🔹 چۆنیەتی گەشەپێدانی زمان لای منداڵ، ھاوکاری منداڵ لە خوێندن و نووسین لەئاستی بەرایدا.
🔹 چۆن خێزان خوێندنەوە بکاتە بەشێک لە ویست و خووی قوتابیان؟
🔸 چۆن ژینگەی ئاسوودە بۆ قوتابی فەراھەم دەکەیت؟
🔸 پاراستنی سنووری جەستە.
🔹 خێزان چی بکات بۆ پشووی ھاوینەی منداڵان؟
🔹 گرنگی خۆراک
🔸 چۆن پارێزگاری لە سیستەمی تەندروستی منداڵەکەم بکەم؟ سیستەمی خۆراک بەپێی تەمەن.
🔸کەمسەرەنجی فرەجووڵە ADHD .
🔹 دێسلیکسیا.
🔹 بیرکۆڵی.
🔸 ئۆتیزم.
🔸 سترێس لەکاتی ھەڵسەنگاندن و تاقیکردنەوە.
🔹 مامەڵەکردن لەگەڵ ھەرزەکار.
🔹 خۆئازاردان.
🔸 کێشەی سۆزداری ھەرزەکار
🔸 ھۆشیاری بەکارھێنانی ئامێرە ئەلیکترۆنییەکان.
🔹 بیرکردنەوەی ڕەخنەگرانە.
🔹 بڕیاردان .
🔸 چارەی ناکۆکی.
🔸 پەیوەندسازی وەک کارامەیی ژیان.
🔸 پلاندانان.

🔻بفەرموون دەتوانن لە ڕێگەی ئەم لینکەوە سەردانی پلاتفۆرمی «ئی-خێزان» بکەن:

www.e-xezan.krd