UoS - College of Science - Earth Sciences and Petroleum Department

چاوپێکەوتنی مامۆستای بەشەکەمان د.موشیر لەگەڵ کەناڵی ئاسمانی کوردسات، تایبەت بە بومەلەرزەکانی کەرکوک و چەمچەماڵ..

سەرۆکایەتی بەش هیواخوازە کە کارەساتە سروشتییەکان بەدووربین و هەروەها هیوای تەندروستی و سەرکەوتن بۆ مامۆستای بەڕێز دەخوازێت.

هۆکاری زەمین لەرزەکانی چەمچەماڵ و کەرکوک چین؟ www.kurdsatnews.com

ئەمڕۆ ڕێکەوتی 14/8/2026 لە کاتژمێر 1:28 بەرەبەیان یەکەی تۆماری بومەلەرزەی زانکۆی سلێمانی لە بەشی زانستەکانی زەوی و نەوت تۆماری بومەلەرزەیەکی کرد چەقی بومەلەرزەکە لە باشوری خۆرئاوای شاری سلێمانی بوو. نزیکی 34 کیلۆمەتر دوور بوو لە ناوەندی تۆمارکردنەکە لە کەمپی نوێی زانکۆی سلێمانی. گوڕی بومەلەرزەکە بە پێوەری ڕێختەر 3.9 پلە بوو.

سەرۆکایەتی بەش هیوا خوازە وڵاتمان دووربێت لە بومەلەرزەی بەهێز و وێرانکەر.

خوێنەری وتارێکی مامۆستای بەشەکەمان پڕۆفیسۆر د.ئیبراهیم بن لە بەستەری هاوپێچ سەبارەت بە وێنە نوێیەکانی زەوی.

سەرۆکایەتی بەش هیوای تەندروستییەکی باش بۆ نوسەری بەڕێز دەخوازێت

https://www.awene.com/detail?article=138264

https://www.awene.com/detail?article=139769

نوێترین وێنەی هەسارەی زەوی کولتوور

چاوپێکەوتنی مامۆستای بەشەکەمان د.هەرێم لەگەڵ کەناڵی کوردسات سەبارەت بە بوومەلەرزەکانی ئەم دواییەی کەرکوک.

سەرۆکایەتی بەش هیواخوازە کە کارەساتە سروشتییەکان بەدووربین و هەروەها هیوای تەندروستی و سەرکەوتن بۆ مامۆستای بەڕێز دەخوازێت.

پسپۆڕێکی جیۆفیزیک: بوومەلەرزەکانی کەرکوک جێگەی مەترسیی نین

دکتۆر هەرێم عومەر قادر، پسپۆڕی جیۆفیزیک و مامۆستا لە زانکۆی سلێمانی ڕایدەگەیەنێت، ئەو بوومەلەرزانەی لە چەند ڕۆژی ڕابردوودا لە شاری کەرکوک ڕوویانداوە، جێگەی مەترسی نین و دەرەنجامی چالاکبوونەوەی سروشتیی لێکترازانە کۆنەکانی ژێرزەویی ناوچەکەن.

هۆکاری سەرەکی بوومەلەرزەکان لە چاوپێکەوتنێکی تایبەتدا لەگەڵ سۆشیال میدیای کوردسات، د.هەرێم عومەر رایگەیاند: "هەرچەندە کەرکوک لە ناوچەی پێکدادانی پلەیتەکانەوە تاڕادەیەک دوورە، بەڵام ئەمە بەو مانایە نایەت کە ناوچەیەکی تەواو ئارام بێت.

بوومەلەرزە دەکرێت لە زۆنێکی فراوانتر لە شوێنی پێکدادانەکان ڕووبدات." ئاماژەی بەوەش کرد کە بوومەلەرزەکانی کەرکوک ڕاستەوخۆ پەیوەندییان بە دووبارە چالاکبوونەوەی ئەو لێکترازانانەوە (Faults) هەیە کە لە چینە بەردەکانی ژێرزەوی ناوچەکەدا بوونیان هەیە.

سەبارەت بە دەنگۆی دەرهێنانی نەوت و گاز و کاریگەری چالاکییە مرۆییەکان لەسەر ڕوودانی بوومەلەرزە، ئەو پسپۆڕەی جیۆفیزیک روونیکردەوە کە دەرهێنانی نەوت و گاز یان ناردنەخوارەوەی ئاو بۆ ناو بیرە نەوتییەکان، دەکرێت تەنیا هاندەر بن بۆ بوومەلەرزەی نێوخۆیی زۆر بچووک کە زۆربەی کات هەستیان پێناکرێت. بەڵام جەختی کردەوە کە ئەو بوومەلەرزانەی گوڕیان بەرزە و لەم چەند ڕۆژەدا هەستیان پێکراوە، ڕاستەوخۆ پەیوەندییان بە چالاکبوونی لێکترازانە کۆنەکانەوە هەیە و بۆ سەلماندنی هەر هۆکارێکی تریش پێویستمان بە توێژینەوەی وردی زانستییە.

د. هەرێم وتی: "ناکرێت تەنیا بەهۆی دوو بوومەلەرزەی گوڕ مامناوەندەوە بڵێین نەخشەی مەترسی بوومەلەرزەیی گۆڕاوە. بۆ ئەمە پێویستمان بە زانیاری تۆمارکراوی رابردوو، ئێستا و داهاتووی عێراق و هەرێمی کوردستان هەیە." باسی لەوەش کرد کە دەکرێت ئەم رووداوانە وەک دەرفەتێک بۆ دیاریکردن و چاودێریکردنی وردتری لێکترازانەکانی ژێرزەوی سوودیان لێ ببینرێت.

لە کۆتایی لێدوانەکەیدا، د. هەرێم عومەر قادر دڵنیایی دایە هاوڵاتیان و ئاماژەی بەوە کرد کە بەپێی داتاکانی دامەزراوە جیهانییەکانی وەک (USGS)ی ئەمریکی، هەرێمی کوردستان و کەرکوک بەردەوام بوومەلەرزەیان تێدا تۆمار دەکرێت.

وتیشی: "خۆشبەختانە زۆربەی بوومەلەرزەکان گوڕیان لە خوار 5 پلەی رێختەرەوەیە، بەردەوامبوونی ئەم چالاکییانەش رووداوێکی سروشتییە و هیچ جێگەی نیگەرانی نییە.

هەلی کار

کۆمەڵێک هەلی کار لە دادگای سلێمانییەوە بۆ کۆمڵێک پسپۆڕی. هەندێک لەە پسپۆڕییە داواکراوەکانن لەگەڵ دەرچووانی بەشەکەمان دەگونجێت. هەر بەڕێزێ ئارەزوومەندە دەتوانێت لە بەستەری هاوپێچەوە داواکارییەکە پێشکەش بکات.

ئاگادارییەک لە لیژنەی شارەزایانی دادوەری دادگای سلێمانییەوە...
لیژنەی شارەزایان لەسەرۆکایەتی دادگای تێهەڵچونەوەی ناوچەی سلێمانی ئاگاداری ئەو کەسانە دەکات کە خوازيارن ببنە شارەزای دادوەری و وەرگێڕی یاسایی لەو بوارانەی کە لە لیستی هاوپێچدا هاتووە و تەواوی مەرجەکانیان تێدایە، دەتوانن لە ئەمڕۆوە بە شێوەی ئۆنلاین لە ڕێگەی ئەو لینکەی خوارەوە داواکاری پێشکەش بکەن بۆ ئەو مەبەستە، دواکات بۆ وەرگرتنی داواکاری ڕیکەوتی ٢٠٢٦/٨/١٥دەبێت و پاش ئەو ڕێکەوتە هیچ داوایەک وەرناگیرێت ...

https://sulicourt.krd/kurdish/pages/news/view.php?id=108

ئەمڕۆ سەرۆکی بەش پ.ی.د ‌ئازاد سەنگاوی پێشوازی کرد لە بەڕێزان
عەلی محمد زەهاوی ( سەرۆکی ئەنجومەنی سەندیکاکان و یەکیەتیەکان، بەڕێوەبەری نوسینگەی ڕاوێژکاری لە سەندیکای جیۆلۆجیان/ بنکەی گشتی بەغداد) و ئاراس ستار سعداللە (ئەندامی ئەنجومەنی سەندیکای جیۆلۆجییان بنکەی گشتی بەغداد، بەڕێوەبەری ئاودێری پارێزگای سلێمانی)

، تەوەری گفتوگۆکە باسکردن بوو لە ئامادەکاری بۆ ئیمزاکردنی یاداشتێکی لێک تێگەیشتن لەنێوان بەشی زانستەکانی زەوی و نەوت و سەندیکای جیۆڵۆجی عێڕاق سەبارەت بە هەمەهەنگی زانستی و ئەکادیمی و ڕاوێژکاری. هەروەها پێدانی دەرفەت و گرتنە ئەستۆی خەرجی بەشداریکردنی خوێندکارانی بەشەکەمان لە خولی پەرەپێدانی تواناکانیان لە کۆمپانیای نەوتی باکور (کەرکوک و موصڵ) لە ئایندەیەکی نزیکدا.

زۆر سوپاس بۆ کارئاسانی ڕاگرایەتی کۆلیجی زانست و پاڵپشتی بەردەوامیان.

تۆماری بومەلەرزە

ئەمڕۆ ڕێکەوتی ٢٠٢٦/٧/٢٥ یەکەی تۆماری بومەلەرزەی زانکۆی سلێمانی لە بەشی زانستەکانی زەوی و نەوت تۆماری بومەلەرزەیەکی کرد. بومەلەرزەکە لە کاتژمێر ١٠:٤٠ سەر لە بەیانی ڕویدا، چەقی بومەلەرزەکە لە باشوری خۆرئاوای شاری سلێمانی بوو. نزیکی ٧٦ کیلۆمەتر دوور بوو لە ناوەندی تۆمارکردنەکە لە کەمپی نوێی زانکۆی سلێمانی. گوڕی بومەلەرزەکە بە پێوەری ڕێختەر ٣.٧ پلە بوو.

سەرۆکایەتی بەش هیوا خوازە وڵاتمان دووربێت لە بومەلەرزەی بەهێز و وێرانکەر.

جیۆفارماسی

خوێنەری وتارێکی مامۆستای بەشەکەمان پڕۆفیسۆر د.ئیبراهیم بن لە بەستەری هاوپێچ سەبارەت بە جیۆفورماسی

https://www.awene.com/detail?article=138264

سەرۆکایەتی بەش هیوای تەندروستییەکی باش بۆ نوسەری بەڕێز دەخوازێت

جیۆفارماسی تەندروستی