01/05/2025
پەیامی مەکتەبی ڕێکخراوەکانی کۆمەڵگەی مەدەنی بۆ ڕۆژی کرێکاران..
٥/١ ڕۆژی جیهانی کرێکاران پیرۆزبێت به بۆنهی ڕۆژی جیهانی كرێكارانهوه، گهرمترین پیرۆزبایی له سهرجهم كرێكارانی موسڵمانان دهكهم لەهەرکوێیەکی ئەم جیهانەدابن، بەتایبەت ئەوکرێکارانەی کە بە ڕەنج و ماندووبوونیان لەپێناو پەیداکردنی پارویەکی حەڵاڵ بۆ ماڵ و منداڵیان تێدەکۆشن و بە عارەقەی نێوچاوانیان بژێوی ژیان پەیدادەکەن و ئاوەدانی دەخەنە وڵاتەوە لەهەموو کایەکانی ژیانیشدا ڕۆڵی گەورە دەگێڕن، وە کرێکاران ڕۆڵی بەرچاویان هەیە لەبەرەوپێشبردنی وڵات و ئاوەدانی و کۆمەڵگە هەرلەپاککەرەوەیەک بگرە تا دروستکردنی باڵەخانەو بازاڕو مۆڵ و ڕێگاوبانەکان و بەرهەم و ڕەنجی جوتیاران و بەری ڕەنجی کارگەو پیشەسازییەکان تا دەگاتە شوێنە گەشتیارییەکان هەمووئەوانە نەقشی دەستی كرێكاران و ڕهنجی بێوچان و تێكۆشەرانەو دڵسۆزانەی کرێکارانە، کرێکاران داینەمۆی بوژاندنهوهو ئاوهدانكردنهوهی وڵاتهكهمانە بۆیە مایهی شانازی ئێمەو هەر خاوەن کارێکی ویژدان زیندووە، له ڕۆژی جیهانی کرێکاراندا پشتیوانی تهواوی خۆمان بۆ داواو مافهڕهواكانی كرێكاران دووپاتدەکەینەوە، کە هەمیشە پارێزەری داواو داخوازییە ڕەواکانیان دەبین لهپێناو فەراهەمکردنی ژیان و گوزهرانێكی شایستهتر بۆیان، ئەوەی جێی نیگەرانییە زۆربهداخهوه کەئەمساڵ لەکاتێکدا یادی ئەمڕۆژە دەکرێتەوە دەبینین کە ژیانی مامۆستایان و فەرمانبەران و موچەخۆران و کرێکاران بەگشتی لەدۆخێکی سەختی ئابوریدا ژیان دەگوزەرێنن وەک هەموولایەک دەزانین تاکوئێستا چەندین موچەیان بەناوی پاشەکەوت و ناوی ترەوە فەوتاوەو کاتی وەرگرتنی کرێی کارەکانیان و ماف و موچەکانیان دیارنیە، جیالەوەش گەنجانێکی زۆر بێکارو وەڵام ماون و داهاتوویان نادیارەو هیچ ئاسۆیەک بۆدامەزراندن و ڕەخساندنی هەلی کار بۆدەرچووانی زانکۆ و پەیمانگاکان ڕون نیە، بۆیە دەبینن ناهەقی و ناعەدالەتیەکی زۆر دەرهەق بەمافی کرێکارو هاوڵاتیان و چین وتوێژەکانی تری کۆمەڵگە دەکرێت، هەموو ئەمانە پەیوەندی بە سیستمی جیهانیەوە هەیە کە سیستمێکی سەرمایەداری و بورجوازی ستەمکاریی بەرژەوەندیخوازییەوە هەیە کە بێویژدانانە کارلەسەرکۆیلەکردن و چەوساندنەوەی چینی کرێکاران دەکرێت لەمەڕ ئەو نادادییە پێویستە جیهان بەگشتی و هەموو چین وتوێژەکانی تر پێکەوە دژی ئەوسیستمە ستەمکارییە بووەستنەوەو هەوڵی بەرقەراری ڕەفاهیەت و ئارامی و چەسپاندنی عەدالەت بەیەکسانی بۆ هاوڵاتیان دابین بکرێت، چوونکە
كاركردن لەئیسلامدا پێگهیهكی بهرزی هەیەو ههربهكاركردن ژیان ئەڕوات و وڵاتیش ئاوهدان دهكرێتهوه، سەرئەنجام بژێوی وهەبوونی بهختهوهری جێگیردهبێت، وە خوای گهوره ڕۆژی بۆکارکردن و پەیداکردنی بژێوی داناوەو شەویش بۆ خەو و پشـودان ئەوەتا خوای گەورە بە نەصی ئایەت دەفەرموومێت : [وَجَعَلْنَا النَّهَارَ مَعَاشًا] (النبأ: 11).
كاركردن جگە لەدهستخستنی دراو یاخود دابینکردنی بژێوی هاوکات بهدهستهێنانی ئارامی و ئاسایشی كۆمهڵاییهتیە بۆ پاراستنی بەهاو قیەمیە ئەخلاقیەکان، چوونکە ژیان پێویستی بهوهیه كه مرۆڤەکان كاربکەن بۆ ئەوەی نەبن بەبار بهسهر كهسی تردا، پێغهمبهری نازداریشمان دهفهرمووێت: (ما أكل أحد طعاما قط خیرا من أن یأكل من عمل یده) (رواه البخاری)، واتا باشترین خواردن مرۆڤ بیخوات كهبهدهستی خۆی نرخهكهی پهیدا كردبێت،
ئیسلام كاری حهڵاڵی پیرۆزكردووه له ههر شوێنێك بێت، له كارگه یاخود له بازاڕ یان هەرجێگەیەکی تری وەک نهخۆشخانهو فهرمانگهو پیشەسازیی و کێڵگەکان، ئەگەرچی
كاركردنیش كۆمهڵێك رهوشت و ئادابی ئاکاری گرنگی ههیه لهوانه شارهزابوون له كارهكهی خۆیی و دهست پاكی و ئەمانەت پارێزیی و خیانهت نهکردن لەکاروپیشەو دوورکەتنەوە لە غهل و غهش و خهڵهفاندن.
22/04/2025
16/04/2025
24/03/2025
21/03/2025
19/03/2025