پەیجی فەرمی کۆلێژی پەرستاری_زانکۆی سلێمانی(کەمپی کۆن). Official page of College of Nursing_University of Sulaimani(Old Campus).
01/06/2026
ئەمڕۆ لە ڕێکەوتی ١/٦/٢٠٢٦ لە کۆلێژی پەرستاری زانکۆی سلێمانی تاقیکردنەوەی کۆتایی وەرزی دووەم دەستی پێکرد بۆ سەرجەم قۆناغەکان.
هۆڵەکانی تاقیکردنەوە سەردانکرا لە لایەن یاریدەدەری ڕاگرەوە و ڕاو بۆچوونی خوێندکاران وەرگیرا سەبارەت بە ڕێ و شوێنی تاقیکردنەوەکان و شێوازی پرسیارەکان..... بە ناوی ڕاگرایەتی کۆلێجەوە هیوای سەرکەوتن بۆ سەرجەم خوێندکاران دەخوازین.
بەبۆنەی جەژنی قوربانی پیرۆزەوە بەناوی ڕاگرایەتی كۆلێژی پەرستاریەوە پیرۆزباییەكی گەرم ئاڕاستەی سەرجەم مامۆستایان و فەرمانبەران و خوێندكارانی ئەزیز دەكەین ،هیوادارین ببێتە مایەی خێروخۆشی بۆ هەمولایەك ،كۆتای خەم ونەهامەتی بێت و وڵاتمان سەقام گیرو خۆش گوزەران بێت، هەمووڕۆژێكتان جەژن و خۆشی بێت....
16/05/2026
وێنەی بەشێکی یەکەمین دیداری زانست و کۆمەڵگە لە زانکۆی سلێمانی بە چاودێری بەرێز د. کۆسار محمد و رێکخستنی د. هەناو حسن، سەرپەرشتیاری چلاکیەکان د.دیلان جمال قادر
بەرێوەچوو
تێیدا باسی چەندین کێشە و گیر و گرفتی کۆمەڵگە کراو رێگاو چارەسەری بۆ خرانە پێش و تێکەڵ بە زانستی خوێندکارەکان و بیر و هزریان کرا …
لەگەڵ ئەمانەشدا بەشێکی گرنگی ئیڤێنتەکە کار و چالاکیەکانی خوێندکاران بوون تێیاندا کۆلێجی پەرستاری بە چەندین چالاکی گرنگ و بڵاوکردنەوەی کتێب ،بڵاوکردنەوەی هۆشیاری ورێنمای تەندروستی بەشدار بوون.
لێرەوە بە ناوی ڕاگرایەتی و مامۆستایانی کۆلێجەوە زۆر سوپاسی سەرجەم خوێندکارانمان دەکەین توانیان بە جوانترین شێوە بە ئەرکێکی خۆبەخشانە توانای پەرستار دەربخەن و تێیدا دەست خۆشی سەرۆکی زانکۆ وەربگرن و جوانترین پشکی ئیڤێنتەکەیان بەربکەوێت.
زۆر سوپاسی بەرێز د. دیلان دەکەین کە بەردەوام لەگەڵمان بووە بۆ پێشکەشکردن و کار ئاسانی کردنی خوێندکاران بۆ ئەنجامدانی چالاکییەکان .
زۆر سوپاست د. چیمەن دەکەین وەک سەرپەرشتیاری هۆشیاری خۆراک هاوکار بوو.
12/05/2026
بەناوی ڕاگرایەتی كۆلێژی پەرستاریەوە پیرۆزباییەكی گەرم ئاڕاستەی سەرجەم مامۆستایان و فەرمانبەران وخوێندكاران و دەرچووە ئازیزەكانمان ئەكەین بەبۆنەی ڕۆژی جیهانی پەرستارانەوە ، دەستی ماندوبونیان ئەگوشین ،دوپاتیەكەینەوە كە هەمیشە هاوكار و پاڵپشتیان دەبین بۆ سەرخستنی پیشە پیرۆزەكەمان و هیوادارین جێدەستمان هەبێت لە بەدیهێنانی كۆمەڵگەیەكی تەندروست
د.لانە عبدالحمید محمد نوری
یاریدەدەری ڕاگر
12/05/2026
ئاگاداری بۆ خوازیارانی توێژینەوەی زانستی…
بۆ یەکەمین جار لە زانکۆی سلێمانی “دیداری زانست و کۆمەڵگە” بەرێوەدەچيت بۆ بەرەوپێشبردنی توانای خوێندکار و بەستنەوەی بیر و هزری خوێندکار بە ژینگەی دەرەوە و کۆمەڵگەکەیەوە و چارەسەری گیر و گرفتەکان بەشێوەیەکی ئەکادیمی و لەژێر تیشکی زانستدا..
ئەم دیدارە بۆ یەکەمین جار لە زانکۆی سلێمانی لە لایەن د. هەناو حسن راگری کۆلێجی پەروەردە رێکخراوەو
بە سەرپەرشتی لیژنەیەک مامۆستای پسپۆری زانستیەکان سەرپەرشتی دەکرێت
و چەند تیمیێک لە مامۆستا و خوێندکارانی زانکۆی سلێمانی بەرێوەئەبرێت ،
هاوکات لەهەمان رۆژدا بە رابەری
د. دیلان جمال تیمێک لە فێرخوازانی کۆلێجی پەرستاری بە خۆشحاڵیەوە بەشێکی گرنگی دیدارەکە ئەبن بە مەبەستی پێدانی رێنمای و بڵاوکردنەوە هۆشیاری تەندروستی و پشکنینی بێبەرامبەر.
لە رۆژی پێنجشەمە ١٤/٥/٢٠٢٦ لە
زانکۆی سلێمانی/کەمپی نوێ(هۆڵی کۆنگرێس) چاوەروانتانین.
06/05/2026
بە ناوی ڕاگرایەتی کۆلێژی پەرستاری زانکۆی سلێمانییەوە سوپاس و پێزانینی خۆمان ئاڕاستەی خوێندکارمان لە قۆناغی یەکەم (ژینە فرهاد صالح) دەکەین لە پای هەستان بە پاککردنەوەی تاقیگەی بنەماکانی پەرستاری....هیوای سەرکەوتنی زیاتری بۆ دەخوازین....
02/05/2026
لە میانەی سەردانی کردنی خوێندنکارانی قۆناغی چوارەمی کۆلێجەکەمان کۆلێجی پەرستاری خوێندکارانی بەشی سایکاتریک بۆ نەخۆشخانەی سۆزی دەروونی خوێنکاران بە چەن دیارییەکی بچوک و بەسەر بردنی کاتێکی خۆش لەگەڵ نەخۆشەکان هەستی مرۆڤ دۆستانە و بەرپرسیاری پەرستاری خۆیان دوپات کردەوە وێڕای سوپاسی گەورەمان بۆ ئیدارەی نەخۆشخانەی سۆزی دەروونی و ڕاگرایەتی کۆلێجی پەرستاری بۆ ڕەخساندنی ئەم دەرفەتە بۆ خوێندکاران لە بەشەکەمان پێمان خۆشە هەست کردنی بەرپرسیارێتی خۆێنکارانیش بەرز بنرخێنین بۆ ئەم کارە مرۆڤ دۆستانەی کە کردیان.